#قصه_حب_عاثر
للكاتبه حوراء إبراهيم
البارت الرابع
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور
أم أحمد....... اكلك طلعت حوبتك بذيج سجى مريضه ومعلعله محد يعرف شبيها هاي حوبتنه ضحكوا علينه
حيدر........ليش شبيها
أم أحمد..... شمدريني يطبها طوب وعساها بالاكثر
سجى...... مرت الايام مثل البرق واني ابد ماشفته تصلهم اخبارنا واحنه هم أخبارهم تصلنه مرته جابت ولد وعايش حياته ومستقر واني ولا اكوو اي حدث صار بحياتي
تخرجت كليه والحمدلله صارت عندي شهاده وانتظر تعيين
أم مصطفى......ماما سجاوي تعالي
سجى....اي ماما جايه ...نزلت تلگتني نور
نور.....خطابه خطابه جيناكم خطابه هههههههههه
سجى.....وجع منو هنا
نور. .. مااعرف ناس جايين يريدون يشوفوج
سجى..... امم افوت يعني....بعدني احجي بيها وماما صاحت تعالي
فتت عليهم مرة تطلع بعمر امي وياها ابنها گاعد من فتت رفع رأسه باوع عليه ورجع دنگ
السلام عليكم
الكل ..... وعليكم السلام اللهم صل على محمد وال محمد
أم مصطفى....صليتي على نبيج
سجى.....گعدت يمهم وهوة يباوع ويرجع يبعد نضرة عني اني ماانطيت اي ردت فعل بقيت ساكته شويه وگمت
أم فاضل.....احنه جايين نطلب ايد بنتكم سجاوي لابني فاضل هوة شايفها بس احنه نريدها هي هم تشوفه وتقتنع بي حتى نتوكل على الله
أم مصطفى....... نشوف البنيه واخوتها ونرجعلكم خبر بس ما كتيلي شنو يشتغل
أم فاضل..... مدرس رياضيات ومتعين
أم مصطفى .. بيها الخير
أم فاضل..... شنو شروطكم احنه بالخدمه ..بس بيت مانگدر راح تگعد ويانه
أم مصطفى......؟.. احنه نريد رجال مانريد بيوت اهم شي يصونها ويحترمها
أم فاضل ... أن شاء الله بنتكم بالحفظ والصون.... نترخص احنه
أم مصطفى .... الله وياكم
نور ...ها ماما شفهمتي مافهمتي
أم مصطفى....... مدرس رياضيات ومتعين وابن اوادم
سجى.....الولد حلووو لا بأس بي واني ردت شي حتى اطلع من جو الي جنت بي واغير حياتي أهلي سألوا علي وعرفوهم خوش ناس وجوي سألوني اني وافقت ما گلت لا
طلعنه اشترينه حلقات وفستان حتى نسوي حفله مهرر
أم مصطفى....تعالي ماما سجاوي
سجى...اي ماما
أم مصطفى...... الأحد المهر حددوا
سجى.....اني ماعندي شي اهم شي الفستان والحلقه ع ذوقي
أم مصطفى... الله يسعدج ويهنيچ يمه
سجى.....بلشت تحضيرات للحفله ....اجه يوم الأحد ورحت للصالون خليت مكياج بسيط ويا الفستان مالتي طلعت كلش نازكه وحلوة
أم مصطفى... اللهم صل على محمد وال محمد ربي يبعد عنج العين بنيتي
سجى.... بلشت الحفله والناس طابه طالعه وننتظر يجون شويه ووصلوا بدت الهلاهل والجكليت ينثر عليه من كل مكان شويه وهوة اجه گعد يمي
فاضل...... شلونج
سجى.... الحمدلله أنت شلونك
فاضل...زين إذا أنت زينه
أم فاضل...... ياله گوموا البسوا الحلقات
سجى.....گمنه لبسناهم وعلت الهلالهل وگمنه رگصنه شويه وصور واغاني الحفله جانت كولش حلوة
راحت الناس واني تعبت كولش بدلت وغسلت ورحت نمت ورة يومين بلشنه مخابرة بيناتنه واحد يتعرف ع الثاني شنو يحب شنو يكره وهاي سوالف المخطوبين
حددوا يوم نروح نشتري ذهب
رحنه اشترينه واشترينه ملابس هم بلشت بجهاز عرسي
مرت الايام واني ويا يوميه مخابرة وطلعه وسوالف وضحك مرت ع الخطوبه شهر ونص
سجى.....گاعده ادك على فاضل ماكو ميرد كلت مشغول يجوز لو عنده شي عفته بقيت يومين وهوة ماكووو
ورة اليومين العصر دگ عليه
سجى ...وين چنت ادگ عليك ماكوو
فاضل...... سجى اني ما اتراهم وياج ولا انت رجعيلي الذهب والنيشان
سجى.....ليش شنو سمعان غير افتهم
فاضل.....ماكو قسمه بينه وهذا كل الحجي مااريدج ورجعيلي الغراض
سجى ...ماشي ...سديته وبقيت مصدومه شنو الصار وشنو السبب الي خلا يفصخ مااعرف ..رحت لأهلي گلتلهم وبقوا أهلي يصيحون واحد يحجي هيج والثاني مدري شيگول ورة يومين رجعنالهم النيشان وانتهى كلشي بينه
ولحد هاي اللحظه مااعرف شنو السبب الي خلاه يفصخ
يتبع
اعتذر منكم حبايبي صار يومين ممنزله بارت بسبب الضروف وأن شاء الله اعوضكم
القصه قصيرة
