#حب_عاثر
للكاتبه حوراء إبراهيم
البارت الثامن والاخير
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور
لصمتها لصمه بس جنت جارحه بكلامي حسسته بالفرق اللي بينه وبينهم وهذا الشي من حقي لأن جرحوني هواي واذتنه أمه بسحورتها
سجى..... رغم الي سويته ماتركني رجع يدز رسائل
حيدر...... سجى والله احبچ اني وأنت فهمتي الموضوع غلط والي وصلج الفكرة يريد يخرب بينه
سجى.....لا تبرر ....ولزمت انطيته حظر ....بنفس الوقت مرت اخو دزتلي تسجيل صوت الهم شلون ديتفقون عليه وهوة يقنع بأهله ويگللهم من تجي هنا اني اعلمها بس خلي توافق ومرته طلعت تدري بس سوت نفسها ماتعرف
يعني الحمدلله من الله نجاني منهم ومن ذاك اليوم تگطعت علاقتنه بيهم بعد ما تواصلنه بينهم
واني غيرت صفحتي وارقامي وسافرت اغير جو
ومن رجعت من السفر رجعت وحده جديدة ورة فترة تقدملي شخص
أم حسن ...يمه نروح نخطبلك وحده خالتك دلتني بيها
حسن ....اروح اني اشوفها
سجى....جوي عليه خطابه واني گاعده وقلقه كلش اخاف لا يصير بيه مثل ماصار قبل ...
صاحولي ورحت شفت امه وهوة گاعد يمها باوع عليه ورجع باوع الامه وشويه وطلعت مكمل إدارة واقتصاد هوة ومتعين وأهله معروفين يعني ماكو سبب يخليني ارفضه
رجعنالهم خبر بالموافقه وكمنه نطلع اني ويا وجهزنه كلشي لأن مستعجلين أقل الشهرين احنه كلشي مكملين
سجى.... گلبي رجع دك لحسن وهالمرة الدگه غيرر هذا الانسان الي يستحق اعيش ويا وأكمل عمري ويا هالشهرين عشت بيهم احلى ايامي من بعد خذلان
دخل حسن حياتي وصار اجمل شي بيها
حسن........ مابقى شي وتصيرين يمي
سجى...... أن شاء الله ربي يتمم فرحتنه على خيرر
حسن ......وج اشوفج متلهفه اكثرر مني
سجى ...لا والله لتفهم الموضوع غلط بس يعني هيج حبيت اكلك
حسن ... هههههههههه اشاقه وياج يروحلج فدوة حسن
سجى........ اممممم متأكد
حسن ايي ليش عندج شك
سجى لا ............ اسبوع وصار العرس وجابوا فرقه موسيقيه واباوع لحسن شلون طالع بالبدله السوده وشلون فرحان ويرگص
سجى....طلعت من بيت اهلي ورحت لبيتي ولحياتي الجديدة ودعت أهلي وطلعت ويا الشخص الي خلال فترة قصيرة خلاني احبه واتعلق بي
سجى......ورة الزواج بشهرين صرت حامل بس ماگلت لحسن اريد أسويها مفاجأة ورحت اني وأم حسن سوينه تحليل وطلعت حامل
سجى....خاله فدوة لتگولين لحسن اريد اسويله مفاجأة
أم حسن ...وج يمه غير من يفوت اطش الواهليه علي واباركله
سجى ... والله من أكله اخلي ينزل عليج وطشيها ولا تكولين لاحد فدوة خاف يفلت لسانهم ويكلوله وتخرب المفاجأة
أم حسن.... براحتج يمه
سجى......... كاعده بالغرفه وطب هوة كمت تلگيته والفرحه مبينه بوجهي
حسن....شبي الحلوووو اليووم
سجى....امم اريد اكلك شي بس خاف تعصب
حسن....شسويتي من مكسورة
سجى....لا شي بسيط بس توعدني ما تعصب
حسن.....ليش هوة اني اگدر اعصب على هالخلقه
سجى...... حسن اني حامل
حسن.... شنوووو
سجى....مثل ماسمعت اني حامل
حسن ..احلفي
سجى... والله
حسن ...يبووووو
سجى.... شبيك على كيفك يمعود ....... هههههههههه
گام يگمز ومايعرف شنو يسوي اخر شي فتح الباب ونزل طاير يگللهم واسمع الهلاهل جوة
نزلت وراة وكلهم باركولنه .
والحمدلله جبت احلى بنوته بالعالم وسميتها تالين
وهنا حسيت الله عوضني بيهم وملكت الدنيا ومابيها بأحلى ثنين نوروا حياتي وخلولها طعم
هنا تنتهي قصتي وياكم اتمنى تكون عجبتكم
العبرة من القصه
لا تفقد املك بالله ولا من تخسر شي غالي عليك تگول هايهيه انتهت الحياة
لا
الحياة ماتوگف على شخص الحياة مستمرة تأخذ وتنطي وربي هوة الي يجبر ويعوض صبرك بالي هوة يشوف بي خير الك فأحسن ضنك بالله وشوف عجائب قدرته بأرضائك
كل الشكر والتقدير الكم ع الدعم اتمنى القصه عجبتكم واعتذر مااگدر أعمق بأحداث القصه كولش بطله القصه طلبت هذا الشي
تحياتي الكم
كاتبه القصه حوراء إبراهيم
