ولـم تـكـن انـت إلا احـاديـث كـاذبـة فـسـلاماََ عـلـى قـلـبِِ احـبـك بـصـدق😔💔
ريحانه
دفعني على الحايط حسيت ظهري
انكسم نصين من كوة الركعه هي
ثواني وسحب اقسام سلاحه ووجهه
صوبي من غير ماعرف شنهو صار
وشنهو ذنبي
غمضت عيني وتشاهدت حسيت
گربت نهايتي متصورت بيوم رح
اموت على ايد خوية وبلا مااعرف
شنهو السبب
سمعت صوت الچيلة طلعت
ابن عمي وهو يعارك
كرار فتحت عيوني لمن سمعت
الكلام اللي بده يطلع منه.....لكككك
انةةةة مااعرف اربييي انااااا
تاليها الناس تحچي علي وتگول
اخيتك بين رجلين الزلم تفتر
فتحت عيوني وعاينتله بصدمه
جسمي كله صار يرجف من
الحچي الگاله ضليت مصدومه
وماگدرت حتى ابررله ماحسيت
الا ضربة اجت ع ظهري شلت كل
جسمي ماگدرت اكتم صرخت
بكل حيلي واني احس بشعور
الخذلان والضرب من كل جهات
خليت ايدي على وجهي ردت
احمي ماگدرت ماحسيت الا
انلزمت من ايدي حيل وانسحلت
حسيت جلدي انسلخ صرت اضرب
بشكل عشوائي ردت بس يوخر
عني ماكو دفعني للمخزن
عمي قفل الباب وصار يضرب
كل قوته حتى صوتي راح
اريد اصرخ بس احس بلاعيمي
تجرحت ماعندي قدرة اقاوم
ولا اگدر حتى اتنفس گلبي
دگاته بدت تنخفض كل شي
بلحظتها اجه گدام عيني
وفهمت السالفة ، هذاك الولد
رضوان هو عافني اي عافني
وامه امه هي اللي تهمتني
بشرفي حتى تبرء ابنها من
السالفة لان اللي يرفض هدية
بالسلف معناها هان ابو وعگاله
غمضت عيوني ، تشاهدت بداخلي
حسيت روحي انتهيت هاهيه
كل شي انتهى ومضى حسيت
بعد ماعيش انا الچنت اتباهه
بيهم حتى بعوزتي باعوني
وشروا حچي الناس
دفرني دفرة حسيت كلياتي
وگفن عاينت ع الگاع احس
بمي بس للاسف مو مي تارس
جسمي الغرگان جسمي بي
هو دمي
غمضت عيوني بوجع اتذكر
حجايه سمعتها بيوم كل
من يبني بيته بهوه لا يعاتب
من يهدمه المطر ، وانه بنيت
بيتي واحلامي بشخص ماموجود
بنيتها بشخص باعني واتفق
حتى يبري نفسه جدام الناس
ماگولن كرهته بس جرح بالروح
مايرضى اجيبن سيرته هذا انه
وهذا گلبي مشى عليه وانداس
وتحول رماد
سمعت صوت امي تحاجيني
....ريحانه يمه گعدي گومي
وياي اخذج يمه
فتحت عيوني عاينت الها
اضحك بثوبي الابيض وشعري
النازل ع طولي وابوي اللي
واگف بسدها مبتسم تگربت
عليها صرت ابجي فجأة
اجتني تركض رادت تلزمني
بس لزمها ابوي عاينتله الدمع
يجري من عينها.....بنيتي حمد
بنيتي اذوها وضلموها
أنت تقرأ
ذنوب كاذبة
Romanceماهو ذنبي ان كان كذبةً؟! ☆ذنبك يا آدم كذباتك الجميلة! ☆ذنبك افنيتني في الحياة وانت لا تعلم! ☆زجت بي الحياة الى سرداب الذكريات ! اذا متى ستعودين الي؟! متى ساحصل على هديتي التي اضعتها منذ سنوات لاجل حلمي؟! ☆اعد نفسك الى ذكرياتنا وذنوبنا الكاذبة عندها...
