امير
من سمعت صراخها عقل
ماضل براسي حتى مااعرف
كيف لبست هدومي وطلعت
اشوفها ليش تصارخ طلعت اركض
عاينتلها ماكو شخص صوبها
كل صريخها جان بسبب كوابيسها
تگربت منها امسح ع راسها وهمست
....بنيتي ريحانتي گعدي بوية محد
يمچ بس انه
فتحت عيونها عاينت علي وانه
اعاين بيهن مغورگه الدموع والتعب
باين جانن يوصفن حالها واحسهن
يشكن لي اللي يصير وياها فجأة
وردت تصارخ بس هالمرة تدفع بيه
وتصيح.....انه مااذيتكممم بشييي والله
مااذيتكممم ليششش تكرهوووني
ليششش تضربوووني وانه مالي ذنبب
رديت حضنتها وهي تضرب بيه
وتصارخ بس الحز بگليبي ماحد دگ
الباب ولا سأل عليها من سمعها
تصارخ
ضلت تصرخ لحد ماحسيتها تعبت
وحيلها انهد حضنتني وجانت حيل
تعبانه انسدحت صوبها وضميتها
بين ضلوعي ماردت احد ياذيها
ولايمسها غمضت عيني والتفكير
هد حيلي حسيتها تعاين علي
فكيت عيني
صفنت بعيونها !
حيل حلوات بيهن لمعة سواد
الليل وشعرهاا يشبه عيونها
طولها يفرق عني 20 سم
وباقي تفاصيل وجها تسحر روحي
ضحكت انه وين وهي وين
هي ابتسمت گالت....هيج انه
وجهي مزورك حتى تضحك عليه
جاوبتها بابتسامه.....لا بوية
تذكرت حسبة ببالي !
بعدين صفنت وگلتلها.....انتي
خيرج ؟! ليش هالكثر حلوة
ضحكت وضمت راسها بصدري
والله حتى تسودنت ومافكرت
حرام وضعنا هذا الليل كله مامصدك
هي يمي وحاضنتني ونايمه ولا
عمري تخيلت هي تصير نصيبي
گضت الليل كله تنز وتصارخ وارد
اهديها تالي مرت نص ساعة وهي
لاحس ولا نفس گربت ايدي صوبها
اجيس حرارتها جانت حيل مرتفعه
ماعرفت شسوي جبت ماي وفانيله
كصيتها بايدي
گعدت يمها احاجيها تگوم وحيل
خايف عليها لابيه اطلعها ولا بيه
ابقيها سويتلها كمادات عسى
ان شاء الله تخف ، اسوي وارد
ليوره بس ماكو فايده عاد ماتحملت
شلتها وطلعت اركض
محد صاحي الساعة 3ونص
الفجر تناسيت
وجعي وخذتها لام كاظم اعرف
بس هي تگعد هيج وكت عاينتها
من بعيد جانت تحلب.....
صحت عليها....ام كاظممم
خلت ايدها ع عيونها جانت
الدنيا بعدها الليل صاحت...منهوو
هاذ!
وصلت صوبها وانه الهث....انةة
ام..امير حجية ريحانه حالتها
مو خوش وصابتها صخونه
اشرتلي لبيتها وگالت...روح يمه
انه اغسل ايدي واجي اعاين
شمالها
ركضت داخل وانه ماعرف شسوي
اروح وارد عاينت اكو مهفاية كله
من النخل مصنوعه اخذتها اهفي
عليها سريع....ريحانه بووية هفف
هففف گعدي بوية خيرج بس
گعدي
أنت تقرأ
ذنوب كاذبة
Romanceماهو ذنبي ان كان كذبةً؟! ☆ذنبك يا آدم كذباتك الجميلة! ☆ذنبك افنيتني في الحياة وانت لا تعلم! ☆زجت بي الحياة الى سرداب الذكريات ! اذا متى ستعودين الي؟! متى ساحصل على هديتي التي اضعتها منذ سنوات لاجل حلمي؟! ☆اعد نفسك الى ذكرياتنا وذنوبنا الكاذبة عندها...
