امير
فكيت عيني وانه احس
بتعب مو كيف ماجان رجلي
حيل تاذيني وايدي هم بس
مو گد رجلي گمت من مكاني
بالف ياعلي طلعت اعرج
فتحت باب الگبه اللي جانوا
مخليني بيها من تصاوبت
عاينت لرفيجي اسعد وهو
جه صوبي گال....يابوية
عليش تحركت موش زين
عليك
.....اسعد اريد ارد لهلي
گلبي حاسني شي ومامرتاح
رد عليه....لا امير اذا تريد
انه اروح واشوفن بس انت
ارتاح هالچم يوم علما تصير
زين
احساسي اكبر من ان اضل
هان جنت معاند ارجع احس
شي صاير وحيل جايد عاينتله
.....راح اروح انه وانت اخذلي
الاجازة ماگدر اضل اكثر
اسعد....يحسبونك افرار بوية
ع الاقل تعال نروح ناخذلك
الاجازة
تنهدت بصوت عالي ومشيت
وياه اخذت الاجازة وبسرعة
وافقوا لان فعلا حالتي ماجانت
تساعد اكمل رجعت لـ هلي وانه
مشتاگلها حيل عيونها حسها
سوالفها وكل شي بيها وحتى
والدتي متاكد ضال واهسها صوبي
نزلت من السيارة ودعت الولد
وجسمي كله يصيح الغيث بس
انه وين اگدر اذا ماامشي سريع
واطفي نار گليبي بشوفتها
ضحكت من وصلت للباب سحبت
النرماده ودخلت سديت الباب وراي
وانه اسمع صوت بنت تصارخ وتبجي
بس مو اي صوت هاذ صوت بنيتي
ورويحتي من الدنيا الشمس جانت غاربة
والجو حيل جاسي برده
بلا اي سبب اختفى الصوت
گلبي نزني حيييل مو شلون مچان
دخلت داخل وانه عيوني تدورها
بس مو مثل كل مرة حسها موجود
من ارد گلت يجوز لان تاخرت وحسبالهم
انه بيه شي البيت ماينسمع بي بس
صوت جدي وهو يگول.....العار ماله
حل غير الچتل سودنت وجوهنا
احنا آل (......) هيج تسودنا بنت
من يمتى
مشيت اكثر وانه عاگد وجهي
من السمعته من هاي اللي تسوي
هيج عمله اعرف بناتنا وحده وحده
ولا يوم طلعت منهن شينه هذن
ترباتنا وترباتنا متضيع بعار
دخلت الهم للديوانيه صارت عيني
ع والدتي اول ما عاينتني نشغت
.....يممممه وليدييي
تقدمت دنجت عليها بست راسها
.....شلونج يبعد العافيه؟!
مثل كل مرة ارد بيها تصير تبجي
وتبوس بيه وتسأل عن احوالي
سلمت عليهم وگعدت جنت حيل
مستغرب.....وينها ريحانه؟!
صاح جدي....ماعاد ينجاب طارري
هل عار جدامي وبهل بيت كله
ضحكت.....خيرك بوية شمالك هاي
حبيبة گلبك بنيتك
جدي.....ماعندي بنية عار انه ، العار
اغسله بيدي واغسل شرفها
تسندت ع عمي وگمت من صدك
انصدمت....بووويةةةة خيرررك
ع ريحانه بهداااي لاتحجي عليها
أنت تقرأ
ذنوب كاذبة
Romanceماهو ذنبي ان كان كذبةً؟! ☆ذنبك يا آدم كذباتك الجميلة! ☆ذنبك افنيتني في الحياة وانت لا تعلم! ☆زجت بي الحياة الى سرداب الذكريات ! اذا متى ستعودين الي؟! متى ساحصل على هديتي التي اضعتها منذ سنوات لاجل حلمي؟! ☆اعد نفسك الى ذكرياتنا وذنوبنا الكاذبة عندها...
