فاقت حور و بصتلهم و وقفت فجأة ...
حور : مش هتجوزه لو آخر حد فى العالم كدة مش هتجوزه .
جاسر بسخرية : و أنتِ تطولي يا ماما أصلا .
حور : بقولك أية ؟ أنا مش فيقالك ، و مش ناقصة شغل العيال دة .
منصور بحدة : حور ! احنا هنتفضح أكتر ، مش كفاية الندل محمود ، هيبقى محمود و صوتك .
حور : بص بقا يا بابا ، تجيبلي أي حد أتجوزه إن شالله عم عبده البواب ، لكن جاسر لا ...لا يا بابا .
منصور : و مفكرتيش أية إلِي هيحصلنا ؟ هنتفضح يا بنتي ، أنا مش قادر .
- وقعد على أقرب كرسي و هو بيمسك رأسه بتعب .
منصور بتعب : هيبقى شكلنا مسخرة أدامهم تحت يا بنتي ، هنتفضح يا حور .
- حور قربت منه و نزلت على الأرض و هى بتدمع .
حور بدموع : خلاص يا بابا أنا موافقة ، لا عاش ولا كان إلِي يتكلم عليك وحش ، بس بشرط .
جاسر بسخرية : بتتشرطي من أولها كمان .
حور بنظرات شر : أيوة أتشرط ، الكائن دة يتجوزني سنة ! سنة واحدة و نتطلق و متبقاش فيه فضحية .
جاسر : و الله أنا لو عليا ... شهر و أخلص منك !
حور و هى بتقلده بتريقة : نينيني .. عايز تقولي أن انا إلِي دايبة فى دابديبك !
جاسر بغمزة : بالضبط .
حور ببرود : تبقى بتحلم !
منصور : خلاص يا حور ... خلاص يا جاسر، دلوقتي أنزلوا و بعد كدة نشوف الهبل بتاعكم دة بعدين .
جاسر : ماشي يا عمي .. بس ممكن تخرجوا عايز أكلم حور شوية .
منصور : خد راحتك .
- خرجوا كلهم و أتبقى حور و جاسر .
حور بتنهيدة : راجع لية ؟؟ عايز تبوظلي حياتي كمان مرة ؟!
جاسر بشرود : معدش فى كلام من دة ؟!
حور بسخرية : عندك حق كان فى و خلص .
جاسر بجدية : دلوقتي فى حاجات لازم نتفق عليها عشان نعرف نتعايش مع بعض .
حور بجدية : أكيد !! بس مش دلوقتي عشان الناس مستنين تحت .
جاسر : طيب يلا !
- اليوم الي المفروض يبقى أحلى يوم فى حياتي .... بس للأسف بقا أسوأ يوم فى ثانية ! منها محمود إلِي سابني و طفش و مش كفاية كدة لا ... تكمل ب جاسر ... اة جاسر .. ابن عمي و صديق الطفولة ... رفيق الماضي و الحاضر ، لولا إلِي حصل زمان ما بينا مكنتش علاقتنا بقيت باردة ، الفرح خلص و الناس خلصت و متبقاش غيري و بابا و سما و صاحبه عاصم .
سما حضنتني جامد و هى بتعيط ... البيست يا جماعة البيست !
سما بعياط : هتوحشيني يا حور .
حور بملل : هما قالولك يا بت أني هموت ؟! أنا اتجوزت ؟!
سما بعياط : برضو هتوحشيني .
- عاصم ضرب جاسر و هو بيهمس .
عاصم بهمس : البت دي دلوعة .
- جاسر ضربه فى بطنه و بثبات .
جاسر : اتلم لألمك .
عاصم بألم : و أنتَ مدايق لية ؟!
جاسر : هش .. أنا مش ناقصك .
منصور : طيب يا حور ، أنتِ دلوقتي أمانة مع جاسر لمدة سنة .
جاسر : أكيد يا عمي، حور فى رقابتي .
حور بضيق : عشان أقطعهالك .
جاسر : هضطر أروح دلوقتي أنا و حور .
حور بتأفف : هو وقتك .
جاسر : يلا يا برنسيسة، كفاية تضيع وقت .
______________________
فى بيت جاسر .
جاسر : طيب يا حور ، دلوقتي هنضطر نقعد مع بعض فى شقة واحدة و بيت واحد و عيشة واحدة ، نتعامل مع بعض كويس .
حور : كويس أنك قولت كدة ، أنتَ ليك حياتك و أنا ليا حياتي و محدش لية علاقة بالتاني .
- حور قامت و دخلت أوضتها ، غيرت هدومها و قعدت تعيط شوية ... تعيط لما افتكرته و افتكرت إلِي عمله فيها زمان .
- سمعت صوت خبط على الباب، طلعت و هى بتفتح الباب لقيت بنت قدامها .
حور بإستغراب : مين حضرتك ؟
البنت بإستغراب : أنتِ إلِ مين ؟؟ فين جاسر ، جاسر يا جاسر .
حور : أنتِ دماغك ضاربة ولا أية .
جاسر : مين يا حور ؟؟ لبنى ؟
حور : أنتَ تعرفها ؟
لبنى : أكيد طبعًا مش مراته .
حور بصدمة : مراته ؟؟
#اوبااااا كده ولعت واحلوت اوي 🤣🤣🤣
#يتبع .....
