# بما أنكم مبتقرأوش أخر سطر فاتفاعلوا عشان البارت إلِ جاى الأخير و لو مفيش تفاعل مش هينزل #
سما بخوف و صراخ : حور ماتت ... لا .. مش ممكن .
جاسر بغضب : إياكِ تقولي كدة حور عايشة !
سما قعدت جمبها و هى بتعيط و مش عارفة تعمل حاجة ... اللحظة دي الجميع كان عاجز ... بعد فترة جت الإسعاف و راحوا المستشفى .
سما كانت قاعدة تعيط .. عاصم واقف جمب جاسر إلِي شكله منهار جدًا .
حط رأسه بين إيده و هو بيفتكر أية إلِي خلا الوضع بينهم كدة .
☆ فلاش بااااااك ....
من خمس سنين .
حور و هى تلعب الماية بمرح : جاسر .
- لفلها .. فقامت مغرقاة .
جاسر بغضب : أنتِ غبية !
حور بإستغراب : فى أية ؟ مالك ؟؟ حد قالك حاجة .
جاسر بضيق : مفيش حاجة و بعدين أنتِ مش هتبطلي طفولة بقا .... واحدة عندها ٢١ سنة ، عاملة فيها طفلة .
حور : أنتَ شايف أني طفلة .
جاسر : و أنتِ مش شايفة نفسك ولا أية ؟؟
حور : و دا كلام مين ؟؟ الست نور صح ؟
جاسر : أيوة كلامها و أنا شايف أنها عندها حق .... المفروض تعقلي شوية .
حور : و أنا مش هعقل أنا حور و طفلة و هخليني زي ما أنا طفلة ، و قول لأستاذة نور مبروك عليكِ خدتيه و خلاص .
جاسر بغضب : على فكرة أنا مش لعبة ما بينكم .
حور بسخرية : اللعبة بقا ليها نهاية و اتعرفت .. و أعتقد على هواك .
جاسر : يا حور أفهمي .. أنا و أنتِ ولاد عم و متربين سوا يعني أخوات .. عارف أنك بتحبيني بس ممكن تكوني بتوهمي نفسك .. جايز كدة ... أنا بحب نور و بحبها أوي .
حور بقوة مصطنعة : تمام ... و أنا مقولتلكش متحبهاش و فى نفس الوقت أنا ماشية و خليها ليك .
جاسر : استني يا نور .
- حور لفيتله .
حور : حور مش نور ..حاول تفرق .. عشان مفيش بينا وجه شبة .
جاسر : حاضر ... نور جاية دلوقتي عايزك تقعدي معاها لو سمحتي دة آخر طلب .
بصيتله بوجع ... و مش عارفة أتكلم .. حيوان ممكن من حيوانات الله المنتشرة أو فريزر .. ما هى حاجة من الأتنين ملهاش تالت .
حور : حاضر .
- بعد شوية كانت نور وصلت و حور فتحت ليها الباب .
نور : مش هتسلمي يا حور .
حور بدلع : أزيك يا ضلمة .
نور بغضب : اسمي نور على فكرة .
حور : ضلمة أحلى .. أتفضلي يا أختي مش ناقصة .
جاسر بترحاب : ازيك يا نور .
نور : ازيك يا جاسر .
جاسر : بصي بقا .. أنا عايزك تقعدي أنتِ و حور و تتصافوا مع بعض ... بمعنى أني مش عايز أخسرك ، لأنك هتكوني مراتي .. و حور أختي و صحبيتي برضو .
نور : معنديش مشكلة .
حور : ولا أنا ...اقعدوا مع بعض و شوية و هاجي .
- جاسر مشي و هما الأتنين بصوا لبعض و هما مش طايقين بعض .
حور : بصي بقا عشان نخلص مبروك عليكِ و هو ليكِ خلاص .. مش عايزة مشاكل معاكِ و مش عايزة نتكلم أصلا ... و ما شاء الله القلوب عند بعضها .
نور : أعتقد كدة اتفقنا .
- قعدوا شوية ساكتين و بعد كدة جاسر دخل عليهم .
جاسر : ها ...ثبتوا على قرار .
حور : أيوة و خلاص صفينا .... هقوم أنا عشان ورايا حاجات كتير .
- شهرين مع علاقة متأزمة بيني و بينه ... احنا الأتنين بنحاول نبعد عن بعض ... و بعد شهرين يشاء القدر أن ورايا امتحان ..كنت نازلة على السلم و أنا متعصبة و قاعدة أقرأ الملزمة و أدعي على الدكاترة .
حور : الهي تتسخطوا قرود ومترجعوا بني آدمين تاني ... أية يا ربي المادة دي ... دي تجيب الضغط و الله .... دكتور متخلف .
جاسر : ما هو لو ذاكرتي مكنش جالك الضغط .
حور : نينيني .. و أنتَ مالك يجيلي ولا لا .. أنا مش فاضيالك أصلا روح كلم نور .. يا بتاع نور .
- مشيت و أنا مش عايزة أتكلم هو ... رخم جدًا و بصراحة الواحد متضايق ..... بس مهما كان محدش يزعل منه .
جاسر : هتقدم ل نور النهاردة و عاوزك معايا موافقة ؟!
- عارف لما تحس أن قلبك أتوجع كدة و فى شكة فيه .. أهوة دة كان إحساسي ... مش عارفة هو بيعمل كدة لية فيا ؟؟ بس بصيتله بكل قوة .
حور : طيب و أنا أعمل أية ؟؟
جاسر : عايزك تبقى معايا .
حور : حاضر.
جاسر : أحلى بنت عم و أخت فى العالم كله .. أسببك بقا مع الإمتحان و أروح أكلم نور و أجهز كل حاجة .
- إحساس المرة دي زي ما تكون مجروح و حد يرش كحول .. مطهر .. أي حاجة طبيبة بتتوجع أوي ... بتحس أن خلاص قلبك مبقاش ملكك و أن فى نغزة بتزداد جوه قلبك .
- خلصت الإمتحان و طلعت لقيته مستنيني ... ابتسمت له بس بوجع .. كان نفسي أصيح و أقوله كفااية بقا ... كفاية بقا كل دة .... كفاية إلِي بتعمله فقلبي ... كفاية كفاية .
جاسر : حور .
- بصيتله لما انتبهت أنه بيقول اسمي .
حور : نعم !
جاسر : اركبي يلا .
- ركبت معاه فى هدوء و وصلنا لمكان هادى و جميل و شكله شيك .
جاسر : بصي على كل التجهيزات و أية الحلو و أية الوحش .
- بصراحة بصيت ... و ظبطت حاجات كتير .. مش عارفة لية مقولتش لا و مشيت .. ممكن عشان قلبي المهزئ .. فجأة حالة من الهيجان و الناس بتقول يلا اختفوا عشان نتفرج ... ما هو قليل صراحة إلِي بيبقى محظوظ بحاجات زي دي .
- وقفت ورا حاجة و أنا بشوفه و هو بينزل على الأرض و بيطلع خاتم ليها .. دموعي خانتني و مكنتش قادرة أتكلم .. بس استغربت نور متكلمتش ولا أبدت ردة فعل !! عرض عليها مرة تانية و هو مستغرب .
جاسر : نور أنتِ هنا !! بقولك أني بحبك تتجوزيني ؟!
نور : نعم !
جاسر : أفندم !!
نور : أتجوز مين ؟!
جاسر : أنا ؟!
نور بسخرية : بتهزر صح ؟؟ أنا أتجوزك على أية !!
جاسر : اللحظة دي كانت كفيلة تدمرني لما بصيت ليها ... احرجتني و كسرت قلبي .. بس كملت ممكن أكون كنت فاهم غلط .
جاسر : تتجوزيني أنا يا نور ! أنتِ مش بتحبيني ؟!
- لقيتها ضحكت كدة فجأة مش فاهم دي إهانة ولا أية ؟
نور بضحكه سخريه : اتجوز مين ؟ لا بجد أنت اتجننت .. أنتَ أصلا بتشتغل عند بابي و بصراحة أعجبت بيك لكن حواز وكدة نو .... نو ... مش فى مبدئي .
جاسر : ثانية واحدة ... هى قالت أية ؟! مش بتح .. حبني ... صح ؟! أكيد مسمعتش غلط !!
نور : سوري يا جاسر بس خلينا صحاب .
جاسر : مشيت من قدامي و أنا لسه على وضعي الناس مشيت بعد ما شافوا الوضع ممل خلاص .. مفيش حاجة exciting مثيرة يعني ... خلاص العرض خلص .
- بصيتله و أنا بعيط عشان عارفة كسرة القلب دي بتبقى ازاى ؟؟
قربت منه و أنا بنادي اسمه بهدوء و أنا بعيط .
جاسر : أمشي يا حور .
حور : جاسر أنا ....
جاسر بغضب : أنتِ أية ؟! أكيد مبسوطة صح ؟!
حور : أكيد مش مبسوطة و بحاول أني أعون عليك .
جاسر بسخرية : بجد !! أفرح يعني ... روحي يا حور و أعرفي أنا مش من نصيبك و لا هبقى فى يوم من نصيبك بكرهك يا حور ... بكرهك .
حور : مشي و اتبدل الوضع و أنا إلِي بعيط بس المرة دي قررت أني مش هعيط جامد و أني هعتمد على نفسي .
- هو بعد ما اترفض من نور قرر أنه يسافر ... حتى مسلمش عليا و أنا نسيته .. أكيد بكذب لو كنت نسيته و قررت أتخطب ل محمود .. الزوج التقليدي بكل الأوضاع ... و كانت النتيجة متوقعة .
جاسر : لما سمعت أنها هتتجوز قولت أنزل و أشوفها و هى فرحانة ... عرفت متأخر أني بحبها أوي .. و أني مش هقدر أعيش من غيرها ... بس حصل عكس كدة و طلعت أنا العريس .. فوجأت و قولت ندي لنفسنا فرصة تانية بس دة كله حصل ..
☆ باااااااك .....
- فوقت من شرودي لما شوفت الدكتور طالع و ملامح وشه باينة بحزن قربت و أنا خايف .
جاسر : أية يا دكتور ؟! حور كويسة صح .
الدكتور : البقاء لله .
#اتفاعلوا عشان البارت إلِ جاى مليان بالأحداث !! .....
#يتبع .....
