رواية بلا ميعاد / أديم الراشد

رواية بلا ميعاد للكاتبة أديم الراشد الفصل الخامس

💜💜
$$$$$$$$$
*(رواية بلا ميعاد)*
*الفصل الخامس*
&&&&&&&&&&&&
&&&&&&&&

عند سطام اللي رجع وهو يدور بعيونه على دانه
ساره :اذا تدور على دانه احب اقولك انها ما اكلت وبس تبكي
سطام لف بهدوء : ليش؟!
ساره: اللي صار معها مو بسيط يا سطام
سطام وهو يغسل يده : لازم تطلع من اللي هي فيه مو وقت الانهيار
ساره: شفيك تتكلم كذا
سطام اللي كان معصب من كلام صقر اخذ نفس وهو يقول : ساااره صقر ذا ماني مرتاح له
ساره: ليه !
سطام: حاط في راسه انها هي هربت ومصر الا انه يطلع فيها عيب
ساره :والله مدري يا سطام لو ما اعرف دانه شكيت فيها على طول
صد سطام : جدي وينه !
ساره : فالديوانيه مع ابو محمد
سطام : انا بشوف دانه
اتجه للغرفه وهو يدق الباب ولا جاه رد نادى بهدوء : دااانه ردي
دانه اللي في دوامه وهي تحارب ذاكرتها اللي تمنت انها ما رجعت لها شالت هم وهم كبير كيف بتعيش الحين كيف اصلا بترجع سمعت سطام يقول : دانه تعوذي من ابليس اللي صار صار وانتهى وانتي الحين بخير صحصحي يلا وتعالي بكلمك برا
شدت على نفسها وهي تدري مافيه احد بينقذها الا سطام ومافيه الا حلين يا انها تتجاهل ذاكرتها وتعيش او انها تهرب لمكان ثاني لان رجوعها لاهلها في مثل هالوضع مستحيل بس بعد اللي صار امس صار مالها الا انها تهرب بعيد بس خافت ينعاد اللي صار صحاها من تفكيرها سطام اللي رجع يقول : دااانه انتظرك برا ترا لا تخليني انتظر
طلع وهو متجه للورد وجلس بهدوء وهو يسقيه وينتظر دانه اللي ايقنت مافيه حل الا ان سطام يساعدها طلعت بعد ما لبست وهي خايفه وصلت للورد وهي تشوف سطام واقف ويسقي الورد بكل حرص وعنايه حس فيها والتفت وهو مبتسم : ايوه كذا مالها داعي الكآبه
دانه جلست بعيد وهي مو قادره تتحكم في دموعها ارجعت قبل سطام طريقة بكيها : داانه خلاص يا بنت الحلال انتهى خلاص وانا اوعدك ما بيصير لك شي ثاني
دانه بعد هالكلام انهارت استغرب سطام بس ما عرف وش يسوي وقف بعيد وهو يقول : دانه وش فيك تعوذي من ابليس ماصار شي ..
دانه وقفت وهي تقول : ما صار بس بيصير
سطام: لا لا ما راح يصير لو اضطريت اني احط امن في كل مكان لا تخافين بحميكم بكل ما اقدر
دانه رفعت راسها وهي تناظره بإنكسار : تحميني من اهلي !؟
سطام بسرعه: اكيد مس... وشو اهلك ! وش قصدك
دانه بصوت متقطع : سطام ابي اطلب منك توديني لدار الرعايه
جمدت ملامح سطام بصدمه: وشو ! وش تقولين انتي انهبلتي وش دار الرعايه وش ذا الحكي
دانه : امس لما طحت اوجعني راسي حسيت انه بيتفجر لكن فجاءه بديت اتذكر كل شي عني اهلي وبيتنا عيال عمي وابوي والكل لكن تذكرت بعد اني ما عدت انا يا سطام
انهارت وسطام واقف بصدمه ما عمره فكر وش بيصير لو دانه تذكرت اهلها هنا بالضبط وقف كل الدم اللي فيه ولا عاد قدر يفكر ولا عاد يسمع الا بكي دانه
لا شعوريا جلس : ودامك عرفتي اهلك وش لك في دار الرعايه
دانه :انت ما تعرف اهلي كيف يفكرون ما تعرف ابوي وعيال عمي انت ما تقدر تتخيل وش بيسوون فيني اذا حصلوني
سطام : وش بيسوون
دانه : اقل شي يذبحني سعيد
سطام : من هذا سعيد
دانه : سعيد اكبر عيال عمي وهو المفروض اني اتزوجه وطبعا عايلتنا متشددين حتى السوق ما اروح له جوالات بس اتصال للجامعه بس اشياء مستحيل تتخيلها هذا ابوي وسعيد اشد من ابوي
انصدم سطام وهو يناظرها بهدوء وكملت دانه : اذا حصلوني بيحطون كل شي براسك وانت مو ناقص مشاكل كفايه اللي سببته لك من يوم ما جيت
سطام وقف وهو يمسح جبينه : لا لا مستحيل شيلي هالفكره من بالك مستحيل اني اخليك تروحين واذا حصلوك وش بيصير يعني
دانه: سطام بيذبحونك والله
سطام: اذا حصلوك الف حلال يحلها كل شي محلول انتي شيلي هالفكره من بالك واياني واياك تفكرين كذا انتي صرتي وفينا وبحميك قد ما اقدر لكن اتركي هالتفكير وانسي اللي صار وكل شي يتعدل
دانه: شلون بكمل حياتي انت شايف وش صار فينا طول هالفتره وانا بدون اي شي
سطام : بتكملين مثل ما كملت حياتي انا لا تخافين وقومي تعوذي من ابليس وانسي كل شي وتجاهلي ذاكرتك وانا بحلها انتي لا تشيلين هم
دانه وقفت بعد اصرار سطام وهي تمسح دموعها: انا اسفه على كل شي سببته لك
سطام ابتسم وهو يرميها بعلبه بمزح : محد طلب اعتذارك
ابتسمت بحزن وانسحبت ولكن سطام قال : دانه لا تقولين لاحد خليه بينا
دانه: طيب
رجعت لغرفتها وهي ما تدري وش تسوي بس متاكده ان سطام بيكون معها في كل شي .