رواية بلا ميعاد / أديم الراشد

رواية بلا ميعاد للكاتبة أديم الراشد الفصل الرابع

💜
#$$$$&&&&&&$%&&
رواية بلا ميعاد
الفصل الرابع
&&&&&&&&&&&&&

صقر : اوووووه جاء صاحب الشهاده حي الله مصعب
مصعب ابتسم بإستغراب : الله يسلمك بس المعذره اتوقع اني ناسيك او ما عرفتك
صقر : لاااا معذور معذور ولو اذا انت ناسي نذكرك يعني مثل ما يقولون ينسى الضارب ماينسى المضروب
مازن بهمس : شكلها و لعت
سطام : الا تكفى خلها تولع خله يبرد قلبي في مصعب وابوه
الجد : صقر يا ولدي اجلس الله يخليك
ابو مازن : اجلسوا وتعوذوا من ابليس
مصعب اختفت ابتسامه اول ما عرف انه صقر  وضحك صقر وهو يقول : ايوه أيوه كذا تجي ملامح الواحد اذا تذكر  الظاهر انك تذكرت
مصعب غمض وهو يرفع يده : وش اقولك يعني
صقر بحركه غير متوقعه ضرب مصعب بوقس على وجهه وصرخ الكل لكن مصعب وقف وهو ماسك خشمه اللي ينزف : صقر ماله داعي ذا الحركات
صقر : ايه صح ماله داعي اني اضربك وانت تدري لا لازم احفر من وراك واغدرك صح ؟!
الجد : صقر خلاص
صقر: وشو اللي خلاص خلاص علي ايش بالضبط ؟! خلاص على 10 سنين ؟! خلاص على امي اللي راحت ؟! خلاص على الظلم ؟خلاص على هالحياه والشكل خلاص على ايش
ابو مازن: يا صقر اذكر الله ابوي مريض
صقر لف له وهو يقول : وانا مرضت سنين
مصعب اللي قال : يكفي تعطوني عنوان بيت ابوي واروح له
صقر: وين رايح تو بدينا
مصعب : صقر ابتعد ماله داعي ذا الحركات عندك مشكله احلها انا وانت بعيد
صقر : لا بدري عليك بعيد بتحلها قدام الكل دامها بدت قدام الكل
مصعب : وش اللي تبيه ؟!
صقر : ابي اطلع بروحك انت وابوك
تدخل ابو مازن وهو يبعد صقر عن مصعب : صقر خلاص يا صقر اللي راح راح
صقر : ما راح شي
انقض على مصعب وهو مو قادر يتنفس من غضبه ومحد قادر يبعده عن مصعب
وبعد عنا قدروا انهم يبعدونهم عن بعض
مصعب : ارتحت الحين خلاص ارتحت هيا حل عن سماي
صقر : لا تتخيل اني ببعد بسهوله
الجد : خلااااااااص انت وهو خلاااااص هالموضوع بيتسكر هنا واللي بيعصاني لا ينساني
صقر : يبه الله يخليك لا تجبر نفسك وتجبرني
سطام اللي تدخل اخيرا : صقر عشان جدي
صقر اللي انسحب بغضب وقرب ابو مازن وهو يعطي مصعب المنديل
سطام اللي قرب وهو يكتب فيه ورقه صغيره : هنا عنوان ابوك
الجد : اجلس تغداء باقي ما ارتحت من سفرك
مصعب اللي حاس بالذنب قرب وهو يبوس راسه ويده : كفايه كذا اليوم ولا تخاف برجع لك
سلم على عمه واتجه لسطام وهو يخبط على كتفه : مشكور على العنوان
سطام قطب بهدوء : ما سوينا شي
مصعب : بتعبك شوي قول لعمتي تنادي زوجتي
سطام : زين
٠
٠
وعند البنات اللي كانوا جالسين كلهم وهم يناظرون جولي بما فيهم دانه اللي لفت لساره : مين ذي ؟
ساره: هاذي زوجة مصعب اخو جوري ولد سند اللي بأمريكا
دانه : متزوج وابوه ما يدري
ساره : ايه
دانه صدت وهي كارهه سند وتشوف عند اللي تتكلم مع جولي
عنود : How long have you been married ?From Musab ?
( كم مضى على زواجك من مصعب ؟! )
جولي : since 4 years
( من 4 سنوات )
عنود :How old is Sanad?
( كم عمر سند )
جولي : Two years
( سنتين )
عنود :are you Muslim ?!
( هل انتي مسلمه ؟! )
جولي :I was a Christian, but Musab persuaded me to enter Islam
( كنت مسيحيه ,ولكن مصعب اقنعني بدخول الاسلام )
عنود رفعت حواجبها بإستغراب ساره: عنود وش فيك وش تقول
عنود : انا ماني مصدقه وش صاير فالدنيا يا مصعب
هديل: وش صار
عنود : دقيقه
رجعت تكلم جولي : How did you get to know Musab?
( كيف عرفتي مصعب ؟! )
جولي ابتسمت بتوتر : He was with me in class, I was impressed by him, but I was so tired that I could recognize him, he was very mysterious
( كان معي فالفصل ، كنت معجبه به ولكن تعبت كثيرا لتعرف عليه ، كان غامض جداً )
وكملت جولي :He was very keen on himself and his religion as a Muslim and a Saudi
( كان حريصاً جداً على نفسه ودينه كمسلم وسعودي )
عنود شرقت : يمه لا مستحيل
رجعت توجه كلامها لجولي : Are you sure that it is Musan???
( هل انتي متاكده انه مصعب؟! )
جولي بأستغراب Yes, I am sure: (نعم متاكده )
عنود : من البقره اللي حجت ؟!
هديل : وش صاااااير .
عنود : إليكم صدمة السنه ؟! مصعب اللي دخلها الاسلام وهي كانت مسيحيه وكان محافظ على دينه جدا
ناديه:مين ذا ؟!
ساره: مصعب ؟
عنود: نعم مصعب !مصعب اللي كان العايله كلها تدري عن صياعته ؟!
جميله: وانك لا تهدي من احببت ولكن الله يهدي من يشاء عيب عليكم
سطام اللي دق الباب : عميمه خلي زوجة مصعب تجي بيمشي
جميله : عنود قولي لها