منقول ❤❤❤❤
البارت4
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع ....
بقينة احنه نغسل بلمواعين و زهراء تساعدنه بس احس انضاره عليه و تباوعلي بحقد لو ساعه تبتسم بأستهزاء
خلصنه و رحنه احنه البنات نكعد بلحديقة و هيا ويانه طبعا علاقته كلش زينة وي البنات واحجي الصدك هيا حبابه و زينة و ياهن كلهن بس وياي تنكلب حية ...
كاعد يسولفن ويضحكن واني استأذنت منهن اروح اشرب مااي كمت من يمهن و رحت للمطبخ و اني كاره نظرات زهراء عيونه وراي ..
وصدك دخلت للمطبخ و وره دقيقة دخلت هيا وراي ما هتميت اني و سويت نفسي ما شوفه
بس من شفت وكفته كبالي و مكتفة ايديها و تباوعلي و مبتسمة هنا صدك ما تحملت اتقدمت عليه و باعت ..
كتله و اني رافعه حاجبي عليه : خير
أبتسمت أبتسامة تنرفز الواحد كالت : خير بوجهج شبيج
: اني شبيه لو أنتي طول اليوم بس تباوعين عليه
سوت روحهه مستغربة : أني
: لا أمي أي أنتي .. كولي اذا عندج حجي أحجي من الأخير لأن مابيه حيل سوالفج وادري كلش زين عندج حجي
ضحكت و كالت : اوو و تعرفيني كلش زين
غمضت عيني و استغفر الله اطلب الصبر منه صدك تخلي الواحد يعصب : اكلج ولي من يمي اذا عندج شي كولي اما لا والله فا ديري وجهج و روحي يم البنات ..
أبتسمت و كالت : اممم شلونج وي الماضي بعدج تذكرين شهاااب لو لا
باوعتله بصدمه ليش تذكرني كلهم مايجيبون اسمه كبالي حتى لا يقهروني لو يذكروني بلماضي مع انو اني مناسيته بس هيا ليش هيج توصل بيها الحقارة وتذكرني ..
حجيت بهدووء كتله : ليش تسألين
: هيج بس حبيت اطمن عليج3
أبتسمت ؛ الحمدلله تمام و كلشي مابيه و مايهمني لا هو و لا غيره
: ايي واضح
:زهراء خلص الحجي كافي عاد شهاب ماضي وانتهى صفحة و طويتها نسينه و انتي ما تنسين هو لا صار الي و لا صار الج مثل ما اني نسيته انسي انتي هم ..
باوعتلي بغضب ؛ شنسه و لج أنتي السبب انحرمت منه شكم مره بمره اعترفت اله كتله احبك بس هو جان كلبه يمج ما يباوعلي بس كليلي شنو الفرق بينج وبيني ..
بس شوفي ربج معافني مثل مانكسر كلبي انكسر كلبج و عافج مذلوله هذا الي جان على اساس سندج و مايعوفج5
شو تاليته اول شخص كسرج هو وذلج و عافج هو ...
طعني كلامه و جرحني ماريد اسمعه منه لان تحجي وتبتسم بشماته كتله و اني امثل القووة : وشنو الي قاهرج انتي لان مباوع على شكلج لو لان لبسج و مااهتم لتواسيلج ..
اني عكس عنج .. هو الي اجه اتوسل الي و طلب مني ابادله الشعور و احبه هو الي جاني مو اني ..
عفته ومشيت وخليته وراي تغلي من قهره
هو هذا الي يقرهني اقهره وزيادة بعد ..
عفته و اسمه تتوعد الي : بسيطة يا جوري والله الي اقهرج مثل ما قهرتيني ..
ابتسمت و ماهتميت لكلامه خلصت العزيمة و الكل راح على بيوتهم..
صعدت فووك و كبل دخلت للحمام سبحت و بدلت طلعت من الحمام وكفت كبال المرايه ضليت امشط بشعري و اني اتذكر كلام زهراء ..
صح بينت كدامه قووية و ماهتميت بس مانكر كلامه جرحني كلش و ترك ندبة و جرح وي الجروح الي سواهن الي شهااب
كلامه يرن براسي و بأذني ااخ أنت الي جنت تحميني و جنت تسندني و تكلي محد يزعلج و اني موجود ..
جنت متباهية بيك و كلت هو هذا الي راح يصير ابو بيتي هذا حلمي و راح يتحقق ..
تالي متالي تطلع انت الي تكسرني و تذلني و تخلي الي يسوه و الي مايسوه يحجي عليه ..
لزمتني من أيدي و خليتني أمشي وياك و اني كلي ثقة بيك مراح تعوفني و لا تهد ايدي ..
واخير شي شصار عفتني و تيهت أيدي بنص الطريق خليتني بوجهة المدفع ..
غمضت عيني و نزلت دمعة على خدي مسحته بسرعه و تمنيت انت موجود واحجي هذا كله اريد اكسرك و اقهرك ..
اريد ارد الصاع صاعيين مراح يجبر كسري و يرجع كرامتي و حبي غير ما اشوفك كدامي مكسور و تتوسل بيه حتى اسامحك ..
رحت تمددت على جربايتي و غفيت تعبانه من شغل اليوم بس بعد تفكير و كلامها ابد مناسيته ..
مرت الايام و على حالي من البيت للجامعة وهيج حياتي ماشيته ..
هدووء و روتين نفس كل مره و يوم اجت جمارة للبيت و جان تجي وياها زهراء ..
وهذا الي ماحسبت حسابه تجي و تكسرني زهراء اكثر ما اني مكسورة ..
...
زهراء/
اني زهراء وعايشة يم خالتي ام غسان حبتني و ربتني حالي حال جمارة بنته ..
ومحد قصر وياي حتى عمي ابو غسان ممقصر وياي و يعاملني مثل بناته ..
وشهاب و غسان ماكو مثلهم شريد يجيبولي بس اني من فتحت عيني وكبرت اسمع خالتي تكلي اخذج لشهاب اريدج يمي ما تبعدين عن عيني ..مصدومة من كلمته زوجتة: شتقصدين انتي فهميني
ضحكت بشماتة : هههه افهمي كلش زين شهاب من عافج علمود وحدة سافر علموده و اتزوجها و عده ولد منها
انصدمت من كلامه لا مو معقولة يسويها صح عافني و كسرني بس مايسويها ويتزوج هو كال اني احبج بس ماعرف ليش هيج سووه..
مستحيل يحب وحدة ثانية ويعوفني علمودها ترك اهله وناسه علمودها ااي هاي جذابة و تريد تقهرني ..
كتلة : جذابة انتي شلون ترديني اصدكج و انتي تكرهيني وتردين تجيج فرصة حتى تقهريني ..
ابتسمت: صحيح اجتني الفرصة وراح اقهرج بيه و اذا تردين تصدكين كلامي عندي دليل تردين تشوفين بعينج ..
خفت من ثقته كتله و العبرة خانكتني لا يكون كلامه صحيح : شنو هو اثبتي
جان شي وره ايدها و طلعت صورة : هاج شوفي بنفسج
اخذته و أيدي ترجف باوعت عليه و انصدمت من الي شفته صورة لشهاب وشايل بحضنه طفل ومبتسم شهاب للصورة ..
وهذا شهاب شكله ابد ماتغير ياربي معقولة يسويها مستحيل احس كلبي راح يوكف من مكانة ..
كالت الي صدمني : كلبي الصورة وشوفي شمكتوب و التاريخ
كلبته و جان كاتب بخط ايده واني اعرف خطه كاتب : الشبل من ذاك الاسد شرايك بأبني حلوو وجان يصير عمره سنة ونص..
والتاريخ بعد ما سافر وعافني بسنة .. يعني عافني بخطوبتي وسافر وهناك تزوج
سافر وفرح وتزوج و خلاني وحدي انكسر و انذبح الف مره ..
شلون شهاب سويته شلووون .. رفعت وجهي لكيته واكفه و مبتسمه كالت : راح امشي اني و خلي الصورة الج حتى تصحيج من حلمج ..
عافتني و مشت وخلتني واكفه بمكاني مصدوومة بس الي نقذني انو دمعتي ماوكعت كدامها بس الى متى ابقه هيج صامدة على شويه و تنهار كل حصوني ..
صعدت كبل فووك و توجهت لغرفتي سديته و قفلت الباب عليه و بيدي الصورة لازمته ..
اتذكرت شي ناسيته طلعت من الغرفة ودخلت للغرفة ام الغراض ..
دخلت و رحت لكيت كنتور نخلي بيه ملابس الشتاء لو القديمات ..
فتحته و جان يصير كدامي جيس جبير مال فساتين اخذته و دمعتي بعيني ..
اخذته وطلعت ورحت لغرفتي .. دخلت ورجعت قفلت الغرفة..
خليته بلكاع و كعدت اني هم .. فتحته و جان أشوف الفستان الاحمر كابلي اخذته وخليته كبالي اباوع عليه ..
وصار الماضي كدامي *
فرحانه و اخيراً اليوم راح ينكتب أسمي وي اسم الي احبه و يصير حلالي و الي فقط ..
كعدت من الصبح نشيطة و عندي طاقة مو طبيعية و الفرحه الي عندي ما تنوصف ..
رحت اخذت موبايلي ردت اشوف اكو رسالة منه بس ابد ممراسلني ..
صارله يومين غريب ادزله مسج ميجاوب اكله خل اشوفك يكلي مضل شي للخطوبة و اشوفج احسه مو على بعضه بس كله تناسيته من راح اصير حلاله ..
بعد السنين كله اصير لشهاب والحب الي حبيته و حباني الي الله راح يجمعنه سووه ..
كعدت حضرت نفسي حتى تجيني ام الصالون .. كعد شاهر و اخواني فرحانين لفرحي و خاصة شاهر
كلهم يدرون انو شهاب يحبني و من جنت بعطلة الخامس توقفت اله لان اجه أبن خالي زياد و خطبني
هذا زياد يموت عليه ويحبني خطيه بس اني ماحبه
وكلبه طيب و حنين بس شهاب يكرهه ويغار من عنده ..
فا من سمع زياد يخطبني طلب من ابوي يرفض لان هو يريدني و كاله اني احبه و مااستحي من احجيه احبه
و اريده الي بلحلال بس منتظر تخلص من السادس و تصير الي ..
أبوي فرح كال احسن من غريب و اني شهاب احبه و متربي وي اخوانج ..
فا جان الكل فرحان من الجبير لصغير ماعده امه طبعا ..
اجت ام الصالون طلبت منه تسريحة تكون بسيطة و ماترفعه ..
والمكياج يعني مو صارخ كلش ..
خلصت و لبست الفستان جان طويل و ردانه طوال بس دانتيل شفاف و فتحه من الصدر ..
رحت كعدت على الكوشة و صوت الموسيقى و الهلاهل واني فرحانه و ابتسامتي ما تروح ..
كله كامت تجي النسوان الغربة و اهله اجوي و الهلاهل و الفرح و الركص البنات شبعن ركص ..
و مرت ساعه و كالو شو العريس بعده لحد هسه مجاي .
امه كالت : اتصلت بأخو كال هسه يجي
و هم انتظرنه نص ساعه و بعدين ساعه لحد مصارت ب ٤:٣٠ العصر وهو ماكو ..
امه تروح و ترجع تتصل خايفة على ابنها و امي هم تتصل وماكو ..
شفت زينب مرت من يمي اشرت عليه تجي و اني خايفة : هاا ولج شكو لعد شهاب وينه
باوعتلي بخوف :مادري مالكينه لا بلبيت و لا عند الحلاق مانعرف شكووو ويتصلون بيه بس مغلق جهازه ..
ضليت خايفة عليه و هم خايفة ليش مااجه لحد هسه و ليش ماكو هواي اسئلة ابالي ..
جانت شوي قريبة جماره عليه و اتصلت بأخوها اسمعه تحجي عود بصوت ناصي بس اني اسمعه و الموسيقى طفوها
: شنوو شتكول غسان شنو رايح متأكد ..
شقصده هاي وين رايح خفت كلش ونسوان تباوع عليه متأسفة حالي ..
طاحت عيني بعين زهراء الي مبتسمة و مبينه الفرحه بعيونه و ام غسان من جانت خايفة هسه احسه شوو شكله اهون من قبل و مرتاح باله ..كاعده بلكوشه بفستان احمر الون مثل كلبي الي ينزف هسه والعيونه ممتلئه بلدموع
كاعده وسط انظار النسوان الي عيونهن كلها حيره وتسائل وذهول ..
اسمع كلامهن وحده تهمس بأذن الثانيه كل ظنهن اني مراح اسمعهن بس عيونهن ينطقن بكلشي ..
وحده تكل للثانيه: لعد ليش لحد هسه مااجه العريس..
والثانيه تكول :،والله عيبه جبيره بحك الشيخ ..
بنت الشيخ بيوم عقدهه خطيبه عافهه ومشه ولا الزلمة مو غريب ابن عمه يطلع ..
وهاي ترد عليه : الا شاف بيها شي ومااجه
الثالثه: كافي حجي استغفرن ربجن يمكن عنده ظرف او شي واتأخر هسه يجي لا تظلن تذبن حجي مثل السم عيب منهم
كلت بكلبي اي صح هسه يجي يمكن طلع عنده شغل لان اعرفه شهاب مراح يعوفني هو الي جان منتظر هذا اليوم اكثر مني حتى اصير ملكه واله ..
ظليت كاعده وافرك بيدي متوتره وخايفه اباوع على امي تباوعلي بحيره ودمعه نزلت من عينه ..
اشوف بناتنا مخبوصات و اخواته خايفات و امه كاعده و لا عباله اكو شي و محتركة اعصابنه ..
ظليت منتظره وصار العصر و بدت الشمس تغيب و صار الليل وهو لحد هسه ماكوو
النسوان كله كامت تمشي وحده وره الثانيه وهنا بعيونهن الف كلام وسؤال لو الي يتشمتن ..
طلعن كلهن حتى بدون عشه و بقو بس اهلي وكرايبنه ..
ضاغطه على الفستان بثنين ايدي ومدنكه راسي وينك شهاب وين رحت شصاير ..
خفت عليه كلت خاف سوه حادث لا سامح الله..
اجت امي حظنتني واني كمت ابجي و يصبرن بيه بلكلام ..
شوي وسمعت صوت اخوي شاهر يصيح بصوت عالي : تغطوو راح ندخل كلنه حتى جوري غطوها
صدك جابن شال وغطن شعري وجسمي .. والبنات ونسوان لبسن عبيهن
كله دخلت ابوي واخواني وعمامي وولد عمي .. باوعت على وجوهم ماتتفسر الوجوه حمر ومبين عليهم القهر
كمت من مكاني واني خايفه رحت بسرعه على عمي ابو شهاب كتله بخوف : عمي شبيكم وشهاب وينه ليش مااجه صاير بيه شي
دنك راسه مجاوب عليه :ليش ماتحجي عمي
رحت لأبوي : بويه احجي فدوه لا تلعبون بعصابي شهاب بيه شي فدوه احجو
دمعه نزلت من عيون ابوي الي صدمتني وخوفتني اول مره اشوف ابوي يبجي ..
اخذني بسرعه لحضنه واني مصدومه كال بخنكه : انسي بويه شخص اسمه شهاب لان مايستاهل دموعج والله3
مصدومة من كلامه ابتعدت عنه : ليش بوية تحجي هيج شسوه شهاب
حجه محمد و ظل يصيح :العار مسافر و عايفج انهزم بيوم الخطوبة سود وجوهنه كدام الناس
شاهر بعصبية : و الكفل زينب اشوفه اشوفه ما لكاه ادفنه بيدي امووته الجلب
انصدمت من كلامهم : شتحجون انتم اكيد تشاقوون فهمووني شنو سافر
فارس حجه و وجهه احمر : اسف جوري بس شهاب سافر و عافنه كلنه ماندري وين راح بس ترك رساله وحده شفناها بغرفتة ..
اني مسافر لا دورون عليه و ماكول اني وين احسن للكل ابروني الذمة ماعرف يمته ارجع بس اريد جوري تسامحني خاف كسرته ..
مصدوومة من الي اسمعه شهاب عافني وحدي عافني بكسرتي ..
يتبع ..
