انتقام للعشق

بارت ٢١

البارت 21

. .........
آدك كل عآيزه بـ گلبي ..
وآرد لـ آهلي مثل كل يوم ،
مآ يدرون عن تعبي !!
وأنآمن واليشيل غطآي ،
يلگآني شِعر شعبي !!
لـ إيمآ صبآح 🖤..
جوري/
عفته وصعدت فووك واني افكر
شلون وافقت وانطيته الموافقة
اني مو حب بشهااب رضيت بيه
ولا بهاي السهولة اوافق عليه ..
بس اجه ابالي كلام زهراء رن بأذني
اريد ابين اله منو الي انسحل على الثاني
اجه هو ورجع اتقدم الي ..
اريد اخذ حقي من اديهم ومنه هو
والله احرك كلبه واذله مثل ماسوه بيه
اقهره مثل ماقهرني اخذله مثل ماخذلني ..
الا اكرهه بحياااته مثل مااسوه بيه
ظليت افكر واصوات تجيني بداخلي
بعقلي وبكلبي ..
عقلي يكلي عفيه عليج احسن شي سويتي
اخذي حقج بأيدج لا تظلين كاعده وساكتة
وكلبي يكلي اكبر غلط الي صااار انتي راح
توكعين من جديد وراح تنكسرين مره ثانية
راح تسببين مشاكل عوفي الانتقام
مرااح يفيدج ...
بس دايماً امشي بعقلي عفته وراه وسكتت
بس ظليت افكر بردت فعل اهلي شيكولون
وشراح يسون شنو ردة فعل شاهر ابوي
وغيرهم هو شهااب شنو ردة فعله من يسمع
بموافقتي ..
بيومه أبد مانمت وعيوني ماغفت
حتى دوام مارحت لأن اعرف راح تصير مشاكل
ومو مال دواام ..
وفعلااا صارت الساعة ب١١ الصبح
اجتني فاتن : ولج كلهم جووه
ويردوج شكوو شصاير ..
كلبي ظل يدك بسرعه كتله:
يعني كلهم كلهم
: ايي ولج شكو شمسويه ليش جدي
يكول صيحوها ..
جريت نفس وكتله : هسه تعرفين
يلاا خل ننزل ..
نزلت وهيا وراية لكيتهم كلهم كاعدين
رحت كعدت يم رسيل وكتله: ها جدي..
جدي باوع علينه ورجع باوع لأبوي:
ابو محمد جوري بنتك انخطبت اجه
شخص وخطبة مني ..
باوع مستغرب : خطبه منو هذا واحنه
نعرفه !؟
هز راسه : اي تعرفه كلش زين..
حجه شاهر : منوو جدي ياهو ومنو عائلتة...
كاال بصوت عالي يسمعووه :
شهااب ابن عمه خطبه من يمي ..
كله صاارت بحالة سكووون كلهم ساكتين
محد يحجي واحد يباوع على الثاني ..
حجه شاهر بهدووء خفت منه :
كلت منوو عيد الاسم يمكن ماسمعت
زين ..
لا سمعتو كلش زين ابن عمكم شهاب خطب
جوري ..
محمد وكف بعصبية : على اي اساس يجي
يخطب وشنو هاي الصلافة يجي ويطلبه منك
وهو كلش زين يعرف احنه ما متقبليه وكارهين
القرب منه ..
جدي :الفات مات كاافي حقد احنه اهل اليوم
ترى الحقد والكراهية تكتل صاحبه انتم اخوان
عوفي سالفة الكره..
كام ليث : انت شكاعد تحجي جدي
صدك عود سالفتك هاااي انت نسيت شسويت
لو هم تريد هم تغصب اختنه عليه لهنا وكافي
وعلي اموته وماخليه ياخذ اختي تريد يكسره
مره ثانية ..
: هو مو بكيفكم اني اتصرف انتم معليكم ..
غيث كال بغضب : لعد بكيفمن جدي
اذا احنه اخوانها وتريدنه ما ندخل لعد منو يدخل
فهمنه ...
أبوي باوعله  : انت شتحجي ابووي تريدني
انطيه اله اسف بويه ترى والله لو مو ابوه اخوي
وعيب منه اروح اهد عليه و اوديه لنجف كبل ...
جدي باوع على شاهر : كلهم حجوو وانطو رايهم
وانته شنو رايك احجي كول شعجب ساكت ..
كال شاهر بعصبية : اني ساكت لحد هسه
لأن اعرف  راي جوري ما موافقة
بهذا الموضوع وهذاك اني اعلمه اتخبل لو شنو
مايريد هذا حيااته يجي يخطبه بعد الي سوواه
صدك عينه صلفه كاعد انصدم بشهااب اكثر
واكثر ..
حجه جدي : ومنو كالك جوري ما موافقة !؟
رفع حاجبة وكلهم التفتو عليه :
شقصدك يعني هااا ..
ذب كلمته : اختكم موافقة ترجع لشهاب
موافقة عليه ..
صاااح محمد : شنووو شتحجي..
كلهم التفتو عليه  فاتن بهدووء : جوري شيحجي جدي..
سكتت ماحجيت شي صارت عيني كبال شاهر
الي يباوعلي بصدمة اجه اقترب عليه وظل واكف
يم راسي كال بهمس : صدك الي يحجي جدي
انتي موافقة على شهااب !؟
ظليت مدنكة راسي ماحجيت شي وافرك
بأيدي بس فزيت من صيااح شاهر عليه
كال بصياااح ونبره كله غضب :
احجييي كولي صدك هذا الحجي ولج ..
باوعتله وعيوني غوركت باوعلي بعصبيه
ماهتم لنظراتي جرني من زندي وكفني
صرت مقابيله كال وهو راص على سنونه:
احجي ليش انخرستي معقولة كلامه طلع
صح كولي انتي  موافقة على شهااب..
كتله بغصة : ايي موافقة ..
هد ايدي باوع بصدمة : ليش جووري
كليلي ليش وافقتي احد جبرج عليه
فهميني ..
حسباله جدي جبرني على هذا الشي
كتله : لا ما مجبورة اني وافقت عليه ..
اجه عليه محمد بعصبية : ولج من كل عقلج تحجين
اكيد انتي اتخبلتي ولج نسيتي شسوه النذل
كسرج هذااا عافج ورااح ماهتم بيج
نسيتي لو لااااا ...
ابوي : جوري بوية شبيج ليش موافقة
صاير بيج شي احجي ترى ما كاعد اعرفج بعد..
بجيت وكتلهم :كتلكم اني موافقة هاهيه
غير القرار الاول والأخير الي اني لا انجبرت ولا شي
اني اريد انسه الي سواااه واريد ابدي صفحة جديدة
حسيت نفسي بعده عندي مشااعر اتجاه شهااب ..حجيت هيج وماحس غير راشدي على خدي
كمت ماسمع غير الوشة وجهي اشتعل نار
من حرورة الضربه باوعت لكيت شااهر
وجهه احمر وعصبي يتنفس بسرعه :
انتي ماعندج كرااامة ماتستحين تحجين هيج
كدامنه مع الاسف والله هاي تاليته جووري
والله ماعرفتج..
سكتت ماحجيت شي اهلي يباوعون بصدمة
شاهر يمد ايده عليه مصدومين بقوو ..
حجه بعصبية : شووفي ولج لا حسبالج
احنه وياج زينين ومانرد اي كلمة الج
حسبالج احنه راح نوافق على سوالفج هااي
ومال تكولين اني هاويته ترى احجيه على غيري
اعرف شنو الي بداخلج تمشين وتنسين هذا الكلام
ماكوو زواج من شهااب فهمتي ..
كتله بغضب :مالكم دخل بيه اني موافقة
باوعت على ابوي كتله : بابا اني موافقة على شهاب
وحرام تكسرون بقسمتي ..
عفتهم ومشيت واسمع شاهر يصيح عليه
صوته رج البيت بلصياااح ..
دخلت لغرفتي وقفلت الباب ماحس غير
الباب يندك بقووة يريد ينكسر خفت كلش
كام يصيح شاااهر : ولج جورري لا تخليني
احلف بلعباااس اموتكم وماتزوجينه
جوري لا تموتيني هاي تاليته اخووج اني هيج
تسوين ويااي ولج وكفت وياااج ضده لان كسرج
تالي انتي تخذليني وتاخذيه ..
: ولج هو صديقي واخوي وكرهته علمودج
كلت خطية اختي تنقهر اذا تشوفني ويااه وعادي
وماتحملت اشوفه كدامي لان اتذكر الصار
تالي انتي تجين و تكليلي مووافقة ..
كتله بجي : فدووة شاهر بس اسمعني..
: يعني انتي موافقة موو..
: اييي..
ضرب البااب بقووة : ولج جوووري شسويت
اني وهيج تسووين ..
سكت وره ثانية حجه بهدووء : ماشي جوري
انتي موافقة مووو سوي الي ترديه بس انسي
عندج اخوو اسمه شااهر اعتبريه مااات مالي دخل
بعد بيج ..
حجه كلام قووي جرحني كلش كال بقهر :
هلمرة لو يعوفج بليلة عرسج مو بخطوبتج
هم مالي دخل بيج ومعليه لان ماعندي اخت اني
واهتم الها انتي خذلتيني مره شي اكيد تخذليني
مره ثانية...
: ادري انتي الج حسبة ابالج وتردين تسوين شي
بس من هسه اكلج عوفي حقدج ترى مراح يأذي
غيرج انتي راح تتأذين ..
حسيت حركاته ابتعد عني ومشه
كعدت بلكااع ابجي وخايفة من كلامه
شاهر يعرفني اكثر من نفسي وعرف بشنو افكر
بس ماكدر ارجع عن قراري اريد اخذ حقي
بأيدي اريد اشووفه من ينكسر ...
ظليت اليوم كله اني حابسة نفسي
ومحد صعد عليه ولا كال تعالي اكلي
يمكن كلهم زعلانين مني ومايحجون وياي..
ثااني يوم كعدت وبدلت لبست عباتي
نزلت جووه اريد احد ياخذني ماكو
لكيت رسيل كاعده سئلته كال :
كلهم طلعو عدهم شغل بس ليث باقي..
عرفته شاهر مايريد يوصلني
طبعا رسيل اجلت دراسته لسنة الجاية
لان فاتته هوااي اشياء ..
رحت دكيت الباب على ليث صاح:
منوو..
كتله : اني ليث فدوه وصلني راح اتأخر..
: مااشي ..
عفته هستوني اريد انزل واشوف شاهر
طلع من غرفته باوعتله هو ماهتم عافني ومشه
مو على اساس طالع ..
خنكتني العبرة كلشي ولا شاهر يزعل مني
اكره هيج يعاملوني ويتجاهلوني ..
طلع ليث باوعلي كتله:صباح الخير..
كال بهدوء : صباح النور يلا امشي..
عافني ومشه طلعت اني ويااه وصعدت بصفه
حركنه وطول الطريق ساكتين محد يحجي شي
كتله بضوجة: ليث ليش هيج متجاهليني
لا تكرهوني فدووه ..
بجيت وهو كال بهدوء: جوري احنه مانكرهج
انتي اختنه وحيدتنة نريد الخير الج بس انتي
شسويتي راح اتجيبين التعب الج ..
: شاهر عصبي صار عليه واليوم شافني
وعافني محاجاني ..
:حقه هو اكثر شخص جان وياج وتعرفين
صداقتة وي شهااب علمودج هيج سووه
وانتي وكفتي هسه كدامنه وكلتي اني موافقة
عليه ..
كمل كلامه : ترى كلنه شايلين عليج امي وابوي
واخواني حتى اني ضدج و لو مو خطية وانتي
طب ودراسة اخر مرحلة جان لا اخذتج و لا احجي
وياااج ..
:يلا انزلي وصلنة ..
نزلت منه واني كلبي مقهوور على اخواني
اول مره هيج يحجوون وياي ويتصرفون وياي
ما متعودة عل جفااهم هيج ...
......
شهاب/
كتله بصدمة : غساان أنت صدك تحجي
يعني جووري وافقت بهاي السهولة ..
ابتسم الي وكال :ايي وافقت وكلنه مصدومين
خبرت اهلي ابوي بقه مصدووم كال شلون قبلت
هيج بسرعة بس عدك امي لعبت لعب ماقبلت  .
: معليه بأمي هيا من زمان ماتريده
اهم شي جوري وافقت ماريد شي ثاني ..
: بس تدري شهااب ما مرتاح اني شعجب هيج وافقت
اهله امبين عليهم الرفض لان سمعت من فاتن
كلبو الامة بلصياح وظلو يقنعون بيها ترفض
بس هيا ابد مو وياهم كالت حياتي هاي واني
الي اقرر يعني وكفت ضد اهله بس حتى توافق عليك..
: يعني ماتشوفه بيها انه السالفة
وخاصة بعد سوايتك اي بنية كرامته ماتسمح
لاحد ترجعله بهاي السهولة ..
هزيت راسي واني مبتسم :اعرف
اله غاية ..
هز راسه وعافني ومشه وبقيت اني وحدي
افكر اعرف جوري ما مسامحتني لحد هسه
تريد يمكن وره الزواج تنتقم مني بس ميخالفاني قابل اهم شي تصير الي ملكي حلالي
امن ماتروح لا لزيااد و لا لغيره ..
شتريد تسوي خل تسووي بس ماتروح لغيري
جوري هااي حيااتي غلطت هواي وياها
واريدها تسامحني حتى اريد اكلله على كلشي
سويته وليش عفته اتمنى تتفهم موقفي
وتساامحني ..
نزلت جووه ولكيت امي وجمارة كاعدين
باوعتلي أمي بخزرة : تعال شهاب ..
اجت جمارة بفرح : صدك خطبت جوري
وهيا موافقة عليك ..
ابتسمت : ايي ..
: والله فرحت من كل كلبي الله يتمم
عليكم..
صاحت أمي بعصبية : جمااارة انكلعي فوك
احسلج ..
اشرت براسي لجمارة تروح هزت راسه
ومشت ..
كعدت كتله : هاا يمه خير ..
: شنوو الي سمعته صدك راح تخطب هاي
جوري بت عمك ..
:اي يمه وشبيه تدرين من زمان اني اريده
بس  صار وعفته ..
صاحت عليه: ولك تريد تخبلني انته
شنوو ماعندك عقل وتاخذه وعلي العب لعب
اذا تروح لبت عمك جا بت خالتك زهراء شبيه
من زمان اني اريده الك بتي واني ربيته
تروح لجوري ليش وهيا ماعده كرامه
تروحلك ..
كلت بحده: يمه زهراء اختي اعتبره ومن زمان
حجيتلج وكتلج غير جووري ماتزوج ..
حجت بعصبية :مو هل تزوجت غيرها وخلفت
منه لا تسوي روحك العاشك الولهان وانت عفته
بنص الدرب انت تريد تجلطني بس فهمني ..
وكفت وكلت بصيااح : كاافي لخاطر الله
زواج من غير جوري انسي فهمتووو اني احب جوري
لحد هاي الساعة وبعمري مانسيته و لا حبيت غيره
جوري اريده تصير الي مو لغيري ..
طلعت من يمهم واني شااب ناار اغلي
صعدت بلسيارة وظليت افتر صار الوقت متأخر
رجعت للبيت الاضوية طافية اكيد نايمين ..
صعدت لغرفتي لكيت علاوي نايم
رحت بدلت واتمددت بصفه بسته من راسه
هو حس عليه ابتسم : بابا ..
ابتسمت اله وبسته : هلا يروح بابا ارجع نام
حبيبي ..
هو حضني وناام ابتسمت اله وكلت :
الف رحمة على روحك علي انت و زوجتك
وهم اشكرك لان امنت ابنك يمي هو الوحيد
الي مفرحني بهااي الدنيا ..
سحبت موبايلي وشفت رقم جوري
ماخذه من جماره بدون ماتدري
راسلته وكتله :اذا ممكن اشوفج باجر العصر
بنفس المكان ..
ظليت منتظر ردها بس مااجاوبت
عرفت هيا مراح ترد بس متأكد راح
تجي...
ثااني يوم صار العصر رحت على المكان
كعدت يم الشجرة واني اتذكر كل شي ..
اتذكر كل لحظة كضيناها اني وياها هنا
فرحنه وحزنه من اسولف الها عن ايامي
بلكلية لو هيا من تجيني فرحانة ...
جانت احلى ايااام بس ماظن راح ترجع
صعب تسامحني جووري ..
سمعت صوته كال : شتريد مني ..
كمت من مكاني ظليت اباوعله
نفسه هااي جوري الي حبيته ماتغيرت شي
بس نظراته غييررر صارت اقووى ..
كتله : ليش وافقتي بهاي السرعة ..
: شنو ماجنت متوقع اوافق عليك ..
: طبعاا ..
: لعد من جنت متأكد اني ارفضك
ليش اتقدمتلي مره ثانية ..
: ردت اجرب حضي واشوف ..
باوعتلي : وجربت حضك !؟
ابتسمت بهدووء : جربت بس انتي الج غاية
بهاي الموافقة تردين فقط تنتقمين ..
رفعت حاجبه الي : وليش ماتكول اني سامحتك ..
: كولي غيرها جوري ادري بيج لحد هسه
تكرهيني وما مسامحتني  بس اني موافق
اي شي تسووي موافق لان حقج ومراح الومج
بس اهم شي تصيرين الي انتي مكتوبة لشهاب..
صفنت ورجعت كالت : متأكد  موافق على الي
راح اسووي ..
هزيت رااسي : اي شي بس اريدج تسامحيني ..
سكتت هيا وكتله : اريد هذا الاسبوع اخطبج ..
كالت بهدوء : لا تستعجل على رزقك
بعد زواج ليث تعال اخطب والله كريم ..
دارت وجهه عني وراحت بدون ماتحجي اي
شي ..
رحت لبيتنه اخذت ابني علاوي
بدلته جمارة واخذته اريد اطلعه يغير جوو
خطية من اجه لحد هسه هو مطالع ..
اخذته لمدينة العاب وهو فرح من شافهن
فرحت لفرحته اني ..
بقينه هناك طولنه صار المغرب
رحنه لمطعم اخذته وخليته يتعشى
واشتريت اله حلويات ولسما همين ..
وصلت للبيت انطيت الحلويات لسما
واخذت علي صعدته فووك بدلته
وخليته على الجرباية يناام ..
دك الباب كلت : تعااي جمارة
طلبت منها تجيب جاااي
بس اتفاجئت من شفت زهراء جايه
وبيده كلااص الجاي كمت من مكاني
ورحتله كتله : زهراء ليش جبتيه انتي
مو كلت لجمارة
: جمارة اخذت سماا تنومه
شنو ما تقبل اجي عليك هنااا .
باوعتله واخذت الكلاص منه :
مشكورة وطبعا ماقبل ابقى غريب
عليج ومايصير تفوتين هنااا اذا اني موجود..
درت وجهي وهيا لزمتني من ايدي
باوعتله وخزرته : ايدج وخريها اخر مره
هيج تسوين فهمتي ويلا طلعي مناا ..
غوركت عيونه وكالت : شهااب ليش هيج تسوي بيه
تدري بيه اني احبك واريدك الي ليش حركت كلبي
ورجعت خطبت جوري فهمني هيا بشنو
احسن مني مو اني احبك واموت عليك ..
انقهرت عليه كتله : اسمعي زهراء اني جوري
احبه من زمان من طفولتي ومن زمان ردته الي ..
وخرت ايده واني خليت الكلاص على الميزباوعتلي بقهر وكالت : حرااام عليك من زمان
كتلك اني احبك اموت عليك بس انت تتجاهلني
تعبتني وانت تصد بيه..
حجت بكره : الله ياخذها لجوري اخذتك مني
ردتك الي مو الها بشنوو احسن مني بس فهمني
حتى اني احبك اكثره منها هيا ماتحبك ..
كتله بعصبية : اذا تسئلين اسئلي كلبي
ليش حبيته هيا بلذاات وكافي روحي منا
لا يجي احد  .
بس صدمني من اقتربت من مني ورادت تحضني
بس بسرعه اني بعدت عنه كتله بعصبية :
شجنتي تردين تسووين ترى انتي هواي
زودتيه ..
بجت وكالت : شهااب أحبك اني ..
ماستحملت اخذته من ايدها وهيا تتوسل بيه
طلعته من الغرفة وهيا تبجي بس مسحت
دموعه و كالت بحقد : والله ماخليكم تتهنون
بحياتكم ماطول حركتوو كلبي ..
سديت الباب بدون ما ارد عليه
رحت تمددت يم ابني واني مقهور منه ومن
تصرفاته هاي زهراء ابد مراح تتغير ...
......
رسيل /
بليل نزلت الجوو برد كلش وبهيج جوو
جنت اني ونرجس نسووي ككو وحليب
شكد احبه طيب ..
نزلت جووه وظليت ادور طلعت الحليب
والككوو وظليت اسووي بقيت كاعد لحد
مايصير ..
ظليت افكر بشاهر من اجيت لحد هسه
اشوفه هادئ وماله دخل بس هاي اليومين
عصبي كلش وما يتحاجه حتى مانشوفه
حتى جوري من يشوفه يعوفه ويمشي
ماله دخل بيها مو مثل قبل وخطية هيا
تظل تبجي لان هيج متجاهلة ما متعودة
هيج يتعامل وياها..
واني حالتي صاير كلش من اشوف شاهر
كلبي يدك بسرعة اظل ارتبك والكلام ماعرف
احجيه حتى من اشوفه ماخلي عيني كباله
كبل اعوفه وامشي ..
صرت اكره هذا الشعور من يجيني
كمت ابتعد من يمه حتى ماشوفه
اظل كله فووك اتهرب منه ماريد اباوعله ..
فزيت واني اشووف الحليب فااار
كمزت من مكاني واني اطفية جبت كلاص الي
وصبيت الي ..
فزيت من سمعت صوته كال :
الظاهر رسيل بس بليل نشوفج
سحير ليل شنوو ..
غمضت عيني اريد اقووي نفسي
توترت كلش وكلبي يدك بسرعه
درت وجهي عليه كتله : هلا  شلونك ..
: الحمدلله انتي شلونج ماشايفيج
نفس البيت و مانشوفج شبيج..
: مابيه شي بس احب ابقى وحدي صايره
الهدووء حلووو..
ظل يعرج اخذ الكرسي وكعد شاف
الكلاص بأيدي وكال : شنو هذا ..
ابتسمت : حليب وككو تريد !؟
سكت وكال : يلا جيبي خل نشوفه طيب لا ...
رحت صبيتله وانطيته شرب هو وكال :
عاشت ايدج طيب ..
:شنو انت ماشاربه
: جانت جوري تسوويه ويكعدون هيا
وغيث وليث ويكولي بس اني ماريد ..
كتله : شاهير ترى خطية جوري احجي وياها
بس تبجي صايره وتنقهر من تشوفك هيج..
حسيته ضااج كال : رسيل سدي السالفة
جوري هيا الي عمت على نفسه وشتريد تسوي
خل تسوي اني مالي دخل بعد بيها وكفت وياها
وصح مايحتاج احجيه لان اختي بس  هيا شنو
بعد الي صاار رجعتله ..
: ترى هو اهان كرامتنه كلنه مو بس جوري
كافي رسيل فدووه ..
رجعت كتله : شاهر صدك باجر اريد اطلع
اذا ماتصير زحمة اريد اشتري فستان لعرس
ابن خالي حساام ..
باوعلي وكال : شنو ترحين..
: اييي اروح طبعاا عكب باجر اريد اروح
واذا ماتكدرون تاخذوني اتصل على احمد يجي
ياخذني ..
طبك حواجبة وكال بحدة : شنو مانكدر ناخذج
انتي صرتي بعد يمنه وكلشي على مسؤوليتنه
اني اذا هيج اخذج ..
اتذكرت كلامه وكتله : ماريد اتعبك وياي
وانت رجلك بعده مطابت خل غيرك ياخذني
غيث او محمد ليث مو انت بعدك تعبان ..
صفن عليه وكال بهدوء: خوش لعد خل احد منهم
ياخذج كليلهم ..
كامن من مكانه ومشه ظل يعرج
مشه وماحجه شي حتى عاف الكلاص ماشرب منه
بس شووي جريت نفس وتالي وياي اني ..
ليش حبيته هو بلذات اني ويااه صعب
نكون سووه هو وين ضابط شكبراه
يحب ويفكر بوحدة طفلة صعبة ..

يتبع ..