بنات عليكم العباس سو #لايك #متابعة
منقول❤❤❤❤❤
البارت28
.
~~~~~~~~~~~~~~~~~~~~
اعتذر جدا على الاخطاء الاملائية نشرت بدون مااراجعه 🙂🖤..
~~~~~~~~~~~~~~~~~~~~~
رسيل/
انا تعبان مني مو من الوادم
الزم گلبي احِسّن ماادري اشلازم
مثل عود الشخاط احترگ بالبوگات
على ايد المكان البي عُمر نايم
من شفت الشوارع صوّر للميتين
اول مره ارِد للبيت مو سالم
اسبوعين مرن عليه يكول سنتين شفت بيهن التعب
القهر حسيت روحي كاعد تنسلب مني و هيا صحيح
شاهر من حبيته سلب روحي من يمي و جرحني بكلامه جان متقصد او لا ..
الاكل نهائياً كطعته الماي اذا اخليه بحلكي احسه مر
كلشي ما يدخل لبطني النوم عفته بس اسهر شصار بحالي مادري ..
هذا ياحب هيج الي يسوي بينه ويذلنه الي جنه نعيش
اقويااء و مايهمنه اي شي اثاري كلمة من شخص نحبه
تجرحنه ..
صحيح هواي تحجي وتكول شنو تذلين نفسج بس مو بيدي والله شاهر من اول مره شفته دك كلبي اله
وحبي كام يكبر كل يوم و هو كبالي اربع و عشرين ساعة ..
من اشوف اسلوبه وياي و اهتمامه لو من يحجي وياي
ومن اشوف خوفه على اخته حبيته و حبيت شخصيته
و رزانته الي ماشفته عند كل احد ماحس غير بيوم وليلة اني حبيته و متت عليه ..
مرات احس هو يعرف اني احبه بس هو متجاهل هاي
المشاعر و مرات اكول يمكن يحبني من اشوف خوفه عليه لو اهتمامه بيه بس اكول رسيل انتي متوهمه هو عمره مراح يفكر بيج و لا راح يحبج ..
كمت اسهر بليل لصبح ابقه كاعده افكر لو على الموبايل
و الصبح انام حتى بس لا اشوفه و بقيت على هاي الحاله لحد ماشفت شكلي تعب كلش من السهر
اني اذا يومين ما انام اتعب شحال لو اسبوعين
كرهت حياااتي الجديده كلش لان ماجنت متعوده على هيج شي ..
كمت ادووخ و على ساعه اكول راح اوكع من عفتهم
ورحت للمطبخ عود اسوي جاي حسيت بدوخة مو طبيعي ردت اوكع بس حسيت احد لزمني من كتفي
درت وجهي لكيت شاهر واكف يباوعلي و عيونه حمر ..
ابتعدت عنه كال هو بحده: ابقي هيج لحد ما تموتين نفسج انتي ..
ظليت احجي ويااه وهو كام يعصب و يرزل بيه اخر
شي من صياحه التموو اهله كلهم علينه هنااا خجلت
وظليت ابجي من التوتر و الخوف اباوع عليهم كلهم براسهم الف سؤال ...
شاهر خلاني بموقف لا احسد عليه ظل يرزل بيه ويصيح و وجهه احمر ماهتم بلموجودين عود ينصح بيه ...
فجأة و بثانية حسيت الهوى انكطع حسيت نفسي اختنكت كلش و كلبي دكاته مو منتظمه كلش
كمت ماشوف شي كله مغووش احس غشاوه على عيوني وكمت ماركز بلكلام الي يحجونه شوي شوي
كامت تظلم و ماشوف اي شي ...
كعدت بلكاااع و وكعت حسيت راسي وجعني من قوة الوكعه كمت اسمع صياااح بعدين فقدت كلشي ...
شفت نفسي بشارع بنص بين غاابة كله شجر و خضار
امشي و التفت و ابالي سؤال اني وين وشسوي هنا
امشي وخايفة لان وحدي محد يمي ظليت ابجي
واصيح : منوو هنااا ...
ما حسيت غير ايد لزمتني باوعت لكيت شخص
لازمني من ايدي و يمشي وياااي بس ماكدرت اشوف شكله لأن اطول مني بس بوقته حسيت كلبي ارتاااح
و ظليت امشي ويااه بدون خوف ...
سمعت صوت قريب على الهمس يصيح بأسمي:
رسيل كعدي ..
فتحت عيني بثقل ماشوف شي رجعت غمضتهن
وفتحت عيني شوي كامت توضح عندي الصورة
باوعت لكيت جوري واكفة يم راسي باوعت على البقية
موجود عمي و محمد و ليث و شاهر ..
صارت عيني كبال عينه باوعلي بقلق و خوف
درت وجهي عنه و اني اتذكر كلامه و صياحه عليه
كدام اهله شكد كرهت نفسي ..
اجه عمي باسني من راسي : الحمدلله على سلامتج بوية ..
كلت بتعب : الله يسلمك عمي ..
كال : ليش هيج خوفتينه عليج و طيحتي كلوبنه ..
: ليش شكو شصار وليش اني هنا !؟
: هبووط قوي صار عندج لان ما تاكلين و حتى اليوم تبقين هناا ...
: ليش ابقه مابيه شي اني هسه ..
كال محمد :شنو مابيج شي ماتشوفين وجهج اصفر مثل الكركم همزين ما متي ..
ابتسمت و كال ليث : ابقي هنا اليوم احسلج حتى نطمن عليج اكثر ..
جوري اجت حضنتني : ولج هسه يلا حسيت بمعزتج
من طحتي و كلبي طاح وياااج ..
انفتح الباب و دخل غيث شافني و ابتسم : الحمدلله على السلامه رسوله عيني شكد طلعتي عزيزه علينه ..
كمل كلامه : من طحتي كمنه ما نندل دربنه و خايفين
تاليته جيتنه لهنا علمود والله ما تاكلين شكد عيب من كال الدكتور ليش ما تاكل غصيت بهدومي هسه يكول حارمينه من الاكل ..
ابتسمت على كلامه و البقيه يضحكون ماعدا شاهر
واكف كبالي و مكتف اديه ما نزل عينه من يمي
انتبهت عليه اني و نزلت راسي ماريد اشوفه ..
اتأخر الوقت كال أبوي : ابقوو هنا يم بت عمكم
جوري و احد من الولد ..
كال شاهر : بوية جوري عده امتحانات باجر خل تروح
و اني و ليث نبقه هنااا ..
ردت احجي و اكله روح ماريد ابقه يمك انيبس ماحجيت اي شي احس نفسي خرسه
انتبهت على جوري تباوع لشاهر و ما متقبله كلامه
بس هو خزره و هيا سكتت ..
مشووو كلهم وبقه بس شاهر و ليث
كال ليث : يلا احنه نطلع بره نكعد و انتي اخذي راحتج نامي او تمددي ..
طلعوو همه بدون حجي سدوو الباب وراهم و اني ذبيت الحجاب لكيتهن خالات الشال على راسي
اتمددت و اني اذكر الحلم منو هذا الي لزم ايدي
واخذني وياااه !؟
غمضت عيني و اني افكر بكلام شاهر حسيته هسه
يحجي وياي دموعي كامت تنزل فتحت عيني
عدلت كعدت و ظليت ابجي بهدووء
حجيت بخنكه : ربي لا تعلقني بشخص مامكتوب
الي يصير فدووه و لا توديني لطريق نهايته مسدودة حتى لو حلو..
دنكت راسي و احسه راح ينفجر من الوجع تمددت
وظليت صافنه على الحايط غمضت عيني اريد انام
ماكدر لان تعودت على السهر ..
صارت الساعه ب ١٢:٤٣ بليل هستوني ردت أغمض عيوني بس سمعت دكت باب خفيفه ..
كمت وعدلت كعدتي لبست شالي صحت : تفضل
انفتح الباب و دخل شاهر و سد الباب وراه ..
استغربت شجاابه وشيريد مني بعد كل الي سوااه
جر هو كرسي جان موجود يم الباب خلاه كبالي قريب
وكعد ..
ظل يباوعلي و هو ساكت اني ماتحملت درت وجهي عنه ماريد اباوعله كال بهدوء : لا ديرين وجهج رسيل ..
كتله بخنكة : شتريد شاهر و شتسوي بهذا الوقت هنا ..
كال بنفس نبرته الهادئة : باوعي عليه ..
درت وجهي عليه: شنو شرايد ليش اجيت ..
كال: ماكدرت اروح و اعوفج هنا و اني محاجي الكلام ..
كتله بخنكة و عيوني مغوركة : ياا كلام شاهر !؟
شنو نسيت حجي ما حجيته مسااع و تريد هسه تكمل ترى انتي فضحتني يم اهلك و حرجتني كبالهم
ليش هيج سوويت بيه ...
كملت كلامي : اتمنيت صرت خرسه و لا حجيت ويااك هذاك اليوم صااار سم عليه .. وبعدين اني كتلك انسى اي شي حجيته و مالي دخل بعد و احسبني جاهله
بس ليش انت رجعت عليه و كملت كلامك ..
عدل كعدته و قرب نفسه عليه :ماردت هيج يصير بيج بسببي لا اكل تاكلين و متعبه نفسج اريدج تصحين على نفسج ردت بس انصحج رسيل بس ما حسبالي هيج يصير ويااج ..
دمعة نزلت من عيني : ماردت نصيحتك خليه الك
ومنو كلك الي صاار بيه بسببك لان صديتني ..
رفع حاجبه : لعد على شنو !؟
: من قهري لان نزلت من كرامتي حرمت نفسي من الاكل مثل العقووبة لان حسيت نفسي استعجلت
طلع مو حب و لا شي مجرد اعجاب بشخصيتك لا اكثر و نسيت بعدين بس من نظراتك و كلامك وياي خلاني اكره نفسي هوواي ..
: اسف رسيل ..
كتله بخنكة : مايفيد الاسف شاهر لان انت حرجتني يم اهلك و شفت الاهانة منك توقعته من الكل بس منك لا والله ما توقعته بس هاهيه اعتبرته درس و ان شاءالله اتعلم من هذا الدرس ..
: ماكو شي يستاهل اخسر نفسي علموده عندي حياة
لازمه اشووفه محد يستاهل ..
هز راسه و يباوعلي كال بهمس : خير ان شاء الله
بس اتمنى منج تعذريني ..
ما نطيته اي كلام كتله : ممكن تروح هسه اريد انام لان صدك تعباانة يعني اذا متتصير زحمة عليك ..
صفن بوجهي و كال : خير ان شاء الله..
كام من مكانه و عافني وراح سد الباب وراه
و اني تمددت و دفنت راسي بلمخده و ابجي
لحد ماغفيت ...
ثاني يوم واكفه كبال المراية و كاعد ارفع شعري بقراصة من خلصت ظليت اباوع على شكلي
كلت بهدوء :رسيل ارجعي مثل قبل لان محد يستاهل
دموعج و لا حزنج الي مايريدج لا ترديه مو اخر الدنيا هااي شوفي حياتج و نفسج ..
جبت شالي و لفيته و لبست الجبة دك الباب و دخل ليث كال : يلا خل نمشي ..
هزيت راسي و طلعت ماشفت شاهر سئلت ليث : لعد شاهر وين شو ماكو !؟
كال : طلع من الفجر لبغداد عنده شغل ..
هزيت راسي و مشينه صعدت كدام و هو ساق
دخلت للبيت و ظلن يسلمن علينه البنات لكيتهم موجودين ..
اخذتني جوري و صعدتني لغرفتي تمددت على الجرباية
لان احس بدوخة كلش ..
شفت نظرات جوري الي كلهن اسئلة ماحبيت احجي اني بس هيا كالت بهدوء : شعدكم انتي و شاهر شكو بيناتكم ..
:ماكو بيناتنه اي شي ..
: لعد و الي صاررر البارحة لا تحسبين نفسج اني غشيمة و كلشي ماعرف عود طلع حجه شاهر يم اهلي و صدكو بس اني لا ..
باوعتله بأستغراب : حجه يااا حجه !؟
كالت : ييي شاهر قبل لا يطلع ابوي سئله كاله شكوو شصاير وهيج طاحت علينه رسيل ..
حجه شاهر بهدوء : ماكو شي بس رسيل رادت تدرس هاي السنة و تدخل للكلية و كتله مايصير لان راح هواي من الوقت و هيا ضاجت لان شكم مره لحت عليه و اني صحت بوجهه و الابنية اهله مدلليه ما تتحمل صياح كامت تبجي و كاطعه الاكل فا حسيت نفسي مذنب و عود نصحته شو هيا وكعت ..
انصدمت من كلامه يمته كدر يطلع الحجي هذا كله
بس ليش انصدم شخص مثل شاهر لكل شغله يطلع سالفه حقهم يصدكون لان صدك مره شافوني اكل لشاهر على الدوام بس مو هيج ..كالت : احجي شكوو بيناتكم ..
: ماشي راح احجيلج كلشي ..
ظليت احجيله و هيا تباوعلي بهدووء من خلصت
اتهندت و كالت بحسرة : اووف من اخواني كاسرين كلوب بنات عمي شجاهم ذوله حرام عليهم و الله ..
ماحجيت اي شي اني مابيه حيل اي كلام لان تعبت
من الحجي و البجي ..
مر اسبووع كامل و شاهر ماموجود شوي ارتاحيت
لان من اشوفه اتعب و اتذكر كلامه وياي محد سئلني
بقو على كلام شاهر ..
عود اكول ارتاح بس جذب من يصير الليل احن و اشتاق لشاهر عود كلت انسااه بس جذب و الله الحب الاول ما ينسي ..
رجع شاهر و اني من شفته لكيته متغير مايكعد بلبيت وبس عصبي مدري شجااه مره شفته كاعد بلمطبخ
كال شاهر و هو يباوعلي : بسببج كله يا رسيل لو ما داخله حياتي جان مصار الي يصير بيه هسه ..
اتنرفزت من كلامه و كتله : شنو شصار ويااك ها !؟
انقهرت بجيت احترك كلبك بس فهمني شصااار ..
كام عليه و كال هو راص على سنونه: منو كلج مصااار بيه ..
بهتت و كتله : شنو شتحجي انت !؟
كال بقهر : لو مداخله على حياتي و لا شفتج جان اني بخير ...
عافني و راح و اني مصدومه من كلامه الليل كله و اني افكر و ابجي وصدك لو مداخله على حياتهم مو احسن الي و اله ..
ثاني يوم انتظرت الصبح يجي اتصلت على خالي كتله يجي احد ياخذني اريد اجي يمهم هو راد يفتهم السالفة بس ما كتله شي غير اني مشتاقلكم ..
حضرت جنطتي و كلت لعمي و هم سئل كتله مشتاقه لخوالي اريد ابقه يمهم ماطول ماعندي شي ..
كال : يعني شكد ..
:مادري والله حسب شهر او اكثر ..
رفع حاجبه ؛ شنو بويه شهر شعندج شنو راح تنسينه
ماكو هيج شي اسبوع و رجعي ..
:لا عمي شنو انساكم انتم اهلي بس همه همين اهلي و عشت يمهم حياتي كلهم و الهم حق عليه و اريد ابقه يمهم لان صدك كلش مشتاقه لجدي و لخوالي ..
:هاهيه بويه الي يجرالج بس ماطولين لان احنه نشتاقلج ..
ابتسمت اله كال غيث : اووف راح نشتاق الج ام السوس بعد وي منو اسولف راح ارجع يكول واحد مطلك ..
ضحكت عليه و ظليت يمهم اسولف تريكت و خلصنه
شفت احمد داز رساله :اجيت عليج و اني بلطريق حضري نفسج ..
كمت و كتلهم : اني راح اجهز نفسي لان راح يجون عليه ..
محد حجه شي بس عمي كال : ليش تعبتيهم خو كولي لولد عمج يوصلوج ..
حجيت بشقة : هذاك اليوم همه ودوني و هسه عليهم خل يتعبون شوي ..
صعدت فووك دخلت غسلت وجهي و ظليت انشف بيه
اباوع على شكلي تعباااان كلش و سواد جوه عيوني
من اتعب بسرعه يبين عليه ..
شفت ايدي خالين بيه كانونه دمعت عيني و اني اتحسف على كلشي لان رجعت اتخربطت لان كمت ماكدر اكل معدتي اتعودت على اكل قليل ...
لبست حجاابي و اخذت جنطتي هستوني فتحت الباب
واشوف شااهر كبالي مصدومه.
كتله بتعب : شكو شاهر ..
كال بغضب: اجه احمد عليج ..
: يي خوش نازله هسه اني ..
ماحس غير جرني من ايدي بقووه و دخلني لغرفتي
سد الباب و ظل يقترب مني ..
خفت من شكله كتله : شبيك شاهر شتسوي ..
كال بحده : شبيج ليش ترحين ..
كتله بغصه : احسن الي و الك خليني اروح لان تعبت كلش ..
: ماكو روحه انتي هنااا مكانج ..
عطت عليه و كتله بقهر :لا هذااا مو مكاني و عمره مراح يكون الي و انت حجيت كلت ياريت ما دخلتي حياتي و هسه راح اطلع منه...
: شتريدني ابقه هنا بعد ما اهنتني و ظليت اتصيح عليه كدامهم اني هنا غريبه اهلي هناك تربيت يمهم
وعشت طفولتي و حياتي كله يمهم خليني اروح ..
كال : ليش ترحين شنو بسببي ..
: ييي بسببك يلا ارتاحيت خليني امشي ترى مليت و طكت روحي ..
كال بغضب : روحي رسيل شتسوين سوي مالي دخل بيج ..
عافني و طبك الباب حيل فزيت اني من صوت الركعه ..
نزلت واخذت جنطتي سلمت عليهم ردت اشيل الجنطة بس هو شاهر اخذه مني و مشه بدون مايباوعلي
طلعت بعد ماكو خلو احمد يطلع رادوه يتغده بس كال طريق طويل هم يلا نوصل ..
شاهر سلم على احمد و خله الجنطة بلسيارة
صعدت اني كدام و ظليت منتظره احمد يصعد
بقيت اباوع على شاهر و عيوني مغوركة و هو من شافني اباوع عليه دار وجهه و مشه دخل للبيت ..
صعد احمد بلسيارة سلم عليه و حرك شوي و كال : ليش هيج صاير وياج رسيل مريضه و وجهج اصفر شكو ..
هو كال شبيج و عيوني ما عولت بقيت ابجي و اشهك بقووة هو وكف السيارة
خلاني ابجي براحتي لحد ماهدئت باوعتله يباوعلي
بهدوء كال : كله بسبب شاهر موو !؟
ضربه اجتني على راسي كتله بصدمه : هااا
ابتسم بهدوء : ترى امبين عيونكم فاضحتكم عيونه مانزلت عنج و انتي هم لاحظتج تباوعين عليه لحد مادخل لا حسبالج اني غشيم و ماعرف ترى امبين عليكم و هم لا تنسين اخيج يحب ويعرف نظرات الحب ..
دنكت راسي ماحجيت شي هو كال :لا تخافين اني مراح احجي لاحد بس هم ديري بالج انتي لان الحب يوجع والله اذا كان اختيارنه خطأ فا انتبهي على نفسجمو حسبالج من عرفت ابقه ساكت ترى اني اول واحد ضدج اذا تسوين خطأ .. فهمتي عليه
هزيت راسي بدون ماحجي اي شي طول الطريق اني ساكته وهو يحجي وياي واني بس اهز راسي عليه
ظليت صافنه على السيارات و الشوراع لحد ما وصلنه...
...........
جوري /
تمر الاياام و هذا شهااب ابد ما عافني و لا امل
يوميه يدز من رقم رسائل لو هداية ..
كاعده بلقسم كاعد اراجع عندي امتحاان وصعب كلش
وامتحانات راح تبدي فا لازم قراية..
شووي و اجت وحده كالت :انتي جوري سلمان
: يي اني تفضلي ..
طلعت بوكس و كالت :هذاا الج شخص كال انطيه اله ..
: ما كلج منوو !؟
هزت راسه بنفي: لا ماحجه ..
اخذته منه : شكراً ..
عافتني وراحت اخذت البوكس على شكل قلب
ابيض بأسود و بيه رسوم على شكل فراشات..
فتحته وجان اشوف ورد مطشر بيه و لكيت بيه
سلسله بيه حرفي و ورده حمره يمه وهم بيه بلبوكس دب صغير ..
شفت ورقة مكتوب بيه : شفت هاي الكلادة وعجبتني عليج اعرف هسه معصبه ويمكن لو تشوفيني تشمريه بوجهي بس حبيته و سامحيني ♡ ...
عصبت كلش باوعت لكيت شكم طالب موجود بلقسم
يباوعون عليه و يتهامسون عرفتهم يحجون عليه
خلاني علج بحلك الي يسوه و المايسوه هو هذا شغله شهااب ..
عفته بزاوية يم جنطتي و اجه الاستاذ بدينه نمتحن
من خلصت طلعت واخذت الغراض شافه الاستاذ ابتسم و كال : شنو هاي جوري هداية !؟
انحرجت و كلت : ها استاذ هاي هدية لصديقتي بعيد ميلاده اريد اهديه اله ..
ابتسم و كال : كل عام وهيا بخير ..
عفته ورحت شلون ورطة هاي ياربي انتظرت لحد ماخلص الدوام و طلعت شفت سيارته و جمارة اجت تروحله ..
رحت بسرعه و لزمت اديها باوعتلي بهدوء :
شكو جوري ..
كتله بحده : اني اعلمج ماتحجين وياي شسويتلج ولج ..
ابتسمت : والي سويتيه بلخطوبه..
عفته: مع الاسف علمود هذا الشي صح اخوج وتزعلين علموده بس اتذكري هو شسووه بيه لو اني ما مهمه عندج و على اساس اختي ..
رادت تحجي قاطعته : هاااج هذا انطيه لاخوج و كليله خل يبطل هاي التصرفات لا والله يشوف شي مايعجبه كاافي ترى مليت و طكت روحي ..
ذبيت البوكس عليه و عفته ومشيت وكفت على صفحة
باوعت تحجي وياه اخذ البوكس منه و شافني ابتسم
وصعدو ومشووو ..
شوي واجه ليث عليه واخذني و هيج بقت الاياام
مايمل لو هداية لو اعتذاار و او رساله يدز على الموبايل و اني يوميه حاضرته تعبت كلش ...
بيوم من الاياام اتصلت بيه ميامين و و كالت تعاي فدوه خفت من نبرت صوته امبين عليه جانت تبجي
لبست عباتي و اخذني غيث الهم ..
اول ماوصلت اجتني هيا وصعدت فوك حضنتني
و كامت تبجي كالت : ولج ابن عمي علي خطبني ..
كتله : طاحضج البجي طلع كله علمود هذا الشي
ليش هذا البجي كله ..
كالت ابجي : موو اني ماريده ..
:ايي اذا ماترديه كليلهم ما موافقة ..
بجت : اخاف لا ينهي عليه عادي عنده ولد طايش وكال اخذج وتصيرين الي سواه عناد بيه ..
: ولج ابوج يعرف بيه طايش هو خالي مهند يعرف ابنه واحد زايعته الكاع ليش يورط بنت اخوه..
: شعرفني وهذاك اليوم رفضت ابن صديق بابا شلون بيه ..
رفعت حاجبي ؛ ولج شنو بس لا تحبين انتي ..
هياا سكتت ماحجت شي و دنكت راسه
كتله : ولج يعني تحبين ..
مسحت دموعه و كالت :شبيج جوري افهميه انتي
سااكته يعني مستحيه اكلج احب ..
:عزااا العزاج شنو من لسان مو جنتي هستوج تبجين..
: ييي هاهيه خلصن دموعي شعندي تنكر مال ماي ..
كتله بشك ؛ ومنووو الي تحبيه !؟ بس لا فاارس ولج ..
فتحت عيونه : دهر دهرج جوري شعرفج ولج ..
كمت من مكاني : ولج صدك تحجين تحبين فارس..
كفت كبالي كالت : ييس وليش ماحبه سي السيد هذاا رجال والنعم منه جمال و اخلاق وشخصيه بعد شريد..
غميته : اهمداج اي والله مالكيتي غير فارس هذا البارد الي بلسنة حسنة يلا يتبسم ..
ابتسمت هيا : هو هذا الي وكعني بحبه ماشوف ابتسامته الا نادراً ..
: هو ولج يحبج ..
: شعرفني يمكن حتى ما مكلبني فا اريد مساعدتج ..
: يااا اني شكوو ..
: روحي اي شي سوي احجي سمعيه اني اتزوجت وراح اطلك ايي شي فدووه حتى لو تكولين ماتت بس شوفي ردة فعله ..
رجعت كالت :اريده الي لو اعرف اخطفه من اهله
و اتزوجه ميخالف و بعدين يتقبل الوضع...
بقيت وياها للعصر ومشيت قبل لا ارجع لهلي
ردت اروح لبيت عمي ابو فارس اتصلت على زينب كالت يم اهلي رايحه الهم ..
رحنه و كعدنه بالصالة تعمدت كتله ؛اخوج وين !؟
: فوك وهسه ينزل عنده طلعه ..
ضليت اسولف وياها و منتظر سي السيد على كولت ميامين ينزل ..
صدك شوي و اسمعه يخابر وصوته يقترب النه
شفته نزل كلت بصوت عالي شووي : زينب ولج دريتي ..
باوعتلي: شنوو شدري !؟ ..
ابتسمت و اشوفه يجي سويت نفسي ماشفته : ولج غير ميامين انخطبت لأبن خالي ..مانسمع غير ركعة باوعت لكيت فارس واكف كبالنه يباوع علينه وموبايله واكع بلكاع ..
كال بهمس :شنووو ..
زينب : شبيك فارس ..
انتبه على نفسه دنك اخذ موبايله كال : لا ماكو هيج ..
مشه و اني ابتسمت والله وطلعت واكع على طولك يا استاذ فارس معقوله هاي ميامين وكعتك ماصدك
دزيت رساله اله كتبت اله : اطمني ولج ..
دزت رساله: يعني الطير انصااد و طاح بلقفص ..
ضحكت على كلامه كتبت :ييي ولج
دزت هيااا : كللووووش ...
ضحكت باوعت لزينب تباوعلي ورافعه حاجبه : خير شبيج ..
: شتسوين ويامن تحجين
: ويي صديقتي
:اهاا
كمت اني من يمه لان تعبت وهيا كالت بليل وتجي
رحت بلبيت صعدت فوك لغرفتي وشوي موبايلي
رن باوعت لكيت رقم جمارة شكوو اليوم تحاجيني ..
فتحت الخط كلت : هاا شكو اليوم متصله ..
بس الي صدمني هذا مو صوته هذا صوت شهاب
كال بهدووء: ليش تحركين كلبي و ترحين لزيااد ..
:شهااب ليش تتصل من رقم جمارة ..
:لان اعرفج مراح تردين ..
: من تدري ليش تتصل يلا بااي و بعد لا تحاول تحجي وياي فهمت ..
: جوري كافي عاد تعبت والله ..
: لا مو كافي ومحد تعب غيري ترى من هاي ملحتك ..
سديته بوجهه بدون مااسمع اي كلام منه
العصر و طلعت للبستان بس هلمره مو نفس المكان رحت قريب يم بيتنه حتى لا اشوفه ..
بس صار العكس و اشوفه كبالي شعوطت اني كتله بعصبية : وتالي وياااك وين ماروح الكاك كبالي حتى هنا يم بيتنه تجي ..
كال بهدوء :وين ماترحين تلكيني يمج جوري ..
كتله بعصبية : وتالي وياك شهاب شنو نهايته هاي ..
: نهايته لحد ما تسامحيني ..
: عمري مراح اسامحك يا شهاب على السويته بيه و من هسه اكلك لا تظل تحاول ..
شهاب : كتلج اني وراج العمر كله لحد ما تكولين سامحتك من كلبج و نرجع سوه اني احبج جوري مستحيل اتخلى عنج ..
ابتسمت بأستهزاء: والله صدك تحجي وين جان كلامك
قبل خمس سنين من عفتني وتخليت عني ترى هذا الكلام سمعته قبل ...
اقترب : بس هلمره غير اوعدج ماعوفج ..
: لا توعد و لاشي لان نفس كل مره ماتوفي بوعدك ..
بندم واضح : سامحيني ترى تعبت والله ..
: اسفه مراح اسامحك واذا تكلي مريض هذا مو عذر جان حجيت قبل لا تروح جان وكفت وياك بس مو هيج و بعدين تتشافى وتروح تزوج و تجيب طفل وياك هذا يامرض ..
كال بقهر :اذا على ابني علي ترى مجان يصير و اجيبه وياي لو مو ارادت الله ..
:دخيلك ربي لا تحجي اي شي بس انت شفت وحده وحبيته و تزوجت ..
كلت بقهر : : هياااا لو بيه خير جااان ما تزوجتك ما تعرف انت شسوويت و اذا تعرف بعد اكبر طلعت مثلك وحده ماتعرف الاخلاق ..
حجه بعصبية : احترمي نفسج لهنااا وكافي ...
سكتتت بماا فيه الكفاية بس تحجين على ام ابني لاااا
: ييي حقكك ما تقبل على زوجتك ...
صاح بصوت عالي بغضب :مووو زوجتي هياااا ...
ضحكت : ههههه شنو مو زوجتك انت حتى وي مرتك تبريت ..
: افهمي ولج اني ما متزوج و لا ارتبط و لا راح ارتبط بوحده غيرج ...
كتله : شتحجي شهااب لعد وعلي شنو غير ابنك ..
كال بقهر و بخنكة :علي مو ابني هذا ابن صديقي
وصاني عليه قبل لا يمووت ..
مصدوومه كتله بصياح ؛ شتحجي انت شهااب لعد ليش تكول ابنك اشو يوميه جاي بسالفه انت ...
: خل افهمج ..
سكتت وهو كام يحجي عن عائلة علي و شلون ماتو من اجه لهاي الدنياااا خليت ايدي على شفايفي و ابجي المسكين اتيتم وهو طفل اباوع على شهاب يحجي محروك كلب ..
كال : صديقي و اخوي الي ماجابته اني ماات و هو ما اتهنى بأبنه الي اتمناه سنين يجي ويفرح بيه راح حزام ظهري و سندي بلغربة وعاف ابنه يمي ..
كلت بخنكة : يعني علي مو ابنك ..
كال بقهر : لاااا علي ابني اني الي ربيته وسهرت عليه
وكبرته مسجل بأسمي هو ابني ..
: زين ليش ماحجيت
: خوف عليه ماريد يكولون عليه أنت غريب مو ابنه مانريده ماريد يكبر ويحس بلغربه وماله اهل جبته هنا حتى يحس بنفسه عنده اهل يسند نفسه بيهم..
سكتت بس صفنت بوجهه رغم السواه بس تبقه عنده خصال زينه بس هم ما اتغاضيت عن افعاله
كال بهدوء:اترجاج جوري لا تحجين لأي احد بداعة بغواليج ..
: لا تخاف مراح احجي مو علمودك لا علمود المسكين علي ماريد ينظلم ..
؛ شوفي جوري لا تزل لسانج صدكي لان ينتهى كلشي ..
عفته ومشيت ماحجيت اي شي ويااه بس مصدومه لحد هسه احاول اركز بعد وبعد شضاام يا شهاب
مرضك و ابنك يطلع مو ابنك شنو هاي الدوخة ...
........
جمارة /
حب غيث احسه لعنه رغم سيئاته وماكو اي خصله
زينه عنده بس باقيه احبه ليش ماعرف ..
حاولت انساااه وقبلت على هذا رافد على السواه
غيث شلت بكلبي عليه صح احبه بس مو هيج يصير بيه ...
اجو اهل الولد الزلم حجت بلموضوع و كالو انطونه مهله نشوف راي الابنيه ونرجع خبر ..اني بين الي اريد اوافق حتى انسه غيث و شنو سواه بيه وبين كلبي يكلي انتي تحبين حرام الي تسويه تظلمين الولد وياج يمكن مراح تنسين غيث ..
ثاني يوم كاعدين كلنه العصر ملتمين بلصالة
غسان وزوجته وبنته وشهاب و ابنه وزهراء وامي و ابوي كلنه مجتمعين ونسمع صوت صياح يم بيتنه
وباب بيتنه يندك بقووة يريد ينكسر ..
خفنه امي كالت : يا ستار شكووو ...
اجوو اخواني و اسمع صووت صياااح بره
طلعووو و اني طلعت وكفت يم الباب ..
اسمع صوت غيث يصيح : بنت عمي الي ماتصير لغيري ..
ابوي حجه ؛ ولك غيث شتسووي هنا وشكاعد تحجي ..
: عمي بنتكم جماارة ماتروح لغريب اني ابنه عمه اوله بيه و انهي عليه ...
فتحت عيني بقوووه كله ظلت بتاووعلي
امي : دهررر شيريد هذاااا شنو ينهي ...
يتبع ...
