الحياة حلم

البارت الاول

#الحياة_حلم
#منقوله للكاتبه ايام الخفاجي

تعبانــين چـن ضحكـة شهيــد معلكــه بصـوره ..💔
لـ عريان السيد خلف

حياة: السلام عليكم .. اسمي حياة عمري 15 سنة .. مواصفاتي عادية تمتلكها أي بنية حلوة .. عيوني غريبة الاطوار بالنسبه الي ..

  عيوني ملونة ويتغير لونهم وية ملابسي .. شعري أسود فحم ..

أما بالنسبة الطولي فهذا كارثة 145سم هههه .. أني بنية متدينة  ملتزمة مع الله بحيث  حتى الأغاني ما أسمعها مبتعدة عنها كُلش ..

ما أفوت ولا فرض من الصلآة .. وأذا أفوت احس نفسي مجرمة .. أكثر وقتي هادئة وما أحجي هواي ..

بابا متوفي من حوالي 6-7سنين ,,  دائماً أتذكر  كلام بابا ونصائحة كأنما هسة حجى .. وأني الوحيدة الأهلي ..

أمي من توفى بابا لحد هسة مشوفتني الويل معاملتها مزينة وياي جداً سيئة .. لكن الحمدلله أكو غيري يتمنى عندة بيت عايش بي او يتمنى عندة أُم .. بس امي غير عن كُل الامهات يصبح الصبح بالصياح والفشار الي تعبت أذاني منة ..

سرى أم حياة : كومي لج بنت ال*** .. نايمة الخاتون وأني كاعدة اخدم بيها ..اليوم اللعب النار على ضهرج كووووووومي ..

حياة : كمت مرعوبة وببالي الكابوس المخيف الي شفتة .. اتصرفت طبيعي صحت نعم يووم أجيت .. من كون يميامة تكسر عضامج .. شوكت صرت أمج ..

حياة : الدمعة صارت بطرف عيني .. ليش يارب ليش هيج تتصرف وياي ممسويتلها ششـي.. ومداريتها مثل المي الي بالصينية بعد شكووو .. يا الله  مو المفروض عندي مثل البنات أم تحبني تهتم بية .. رحمتك يا الهي ..

سرى : ولج هاي بعدج واكفة تتصفنين ... اليوم اخلي النار تصلخ جلدج ك**** .. شو تعالي ..

حياة : أجتي سحلتني من شعري .. حسيت فروة رآسي رآح تنشلع بيدها .. رحنا للمخزن .. هذا المخزن عندي هووواي ذكريات بشعة بي ..

"عودة للماضي "  بعد وفاة الأب ب 3 أشهر

سرى : تعالي اليوم الا اخليج تسويهاع نفسج لج أنا سرى أنتِ تعانديني ..

أخذتني للمخزن .. جابت الأدوات الي مشتريتهم علمود تعذبني بيهم .. صيخ عريض , سكين , حزآم , صوندة , حبل , توثية (عصا) ...

أخذت الحزام وصارت الضربات ما أعرف منين تجيني ساعة على بطني ساعة على ضهري .. وجهي غطيتة بأيدي علمود ليتشوهه .. راحت جابت السكين ..

ماما لا فدوة لا والله بعد ما أسويها والله بس كاافي بعد جسمي ميتحمل انتهيت لاااااا فدوة لاااااا .. عياطي صار مالة حد حسيت بلعومي تجرح كام يوجعني كمت اصيح من بين وجعي وانهياري يارب رحمتك حسبي الله حسبي الله .... !!!

ما أكتفت بهل شي راحت جابت حبل وربطت رجلية وادية وخلت تيب على حلكي صارت تجرح جسمي  بالسكين ..