الحياة حلم

البارت الثالث

#الحياة حلم

#منقولـہ للكاتبه ايام الخفاجي

ردتك سگف ثابت مو سگف تنور .. من ابرد تجي .. وتعوفني من أحتر ....

عباس : درت ضهري مصدوم من الصوت الاجة .. سعد يصيح وجاي يريد يوگف خطوبتي .. گلبي كام يدك حيل .. لان بس هو ومجموعة من اصدقائي اليعرفون حقيقة سرى ويعرف انه عاقد عليها بالسر وعلى شنو تزوجت حياة وجانت على بالي راح يكشف الحقيقة ...!

السلام عليكم انه عباس لقبي ابو شرار عمري 29 سنة ضابط بالقوات الخاصة انه رجال ما متقرب لسوالف الحرام من صار عمري 24 لحد هسة جنت گبل اطب ملاهي وي اصدقائي اتفرج واطلع بس تبت بعد ما طبيت من ذاك الوكت ..

رحنا بيوم واجب نلقي القبض على تجار المخدرات وبنات الليل .. اجينا على اول بيت جان بيت ام حياة جانت مكتوبة بالملف الي بالمركز هي تاجرة مخدرات فقط مجان ببالنا هي بنت ليل وهل سوالف ..

عباس : سعد روح اكسر الباب بسرعة .. حاضر سيدي !

ردنا نكسر الباب علمود نلزمها بسرعة .. بعد ما كسر الباب ودخلنا كُلنا الجنود هم .. انصدمت من شفتها بهل وضع .. شفتها بوضع قذر .. وضع يهتز عليه عرش الله .. جانت لابسة ملابس نوم مال بيت مشلحة .. وتمارس المحرمات !!!!!

درت وجهي بسرعة وقرفت من هل منظر .. بسرعة امرت الجنود ينسحبون لخارج البيت بس سعد غطة وجهه .. هي اخترعت وگبل راحت طبت بغرفة من غرف البيت .. انتظرناها تطلع تأخرت ربع ساعة انتبهت على الباب المقابيلي اكو حركة جوة الباب شكيت  !!

طلعت من الغرفة واخيرا ..

سرى : هاها س سسيدي.. ما چـنت اسوي شي لا تفهمني غلط ..

عباس : تلاغيت وياهه وكُلت لسعد يلقي القبض عليها .. من كُلت هيج صارت تتوسل بالاخير كالت شتريد اسوي والله والله كُلشي ولا السجن ابوس ايدك ..

صفنت دقيقتين عليها وكُلت اذا عفتها ووافقت على كلامها راح استفاد منها بهواي شغلات .. اولها راح اسحب منها معلومات..
مسحت على شواربي.. وسألتها.. كُلشي كُلشي .. اكيد..

اتفقت وياهه ع ساعة ٩ بليل تجي لبيتي القديم .. وانطيتها رقمي ..

مجنت متوقع طلبها .. انصدمت !!

عفناها وطلعنا بلغت واحد من جنودي يراقبلياها طلعتها طباتها وين تروح وين تجي ..

رجعت للمركز .. رحت لمكتبي طبيت وكعدت ضلت حسبة تجيبني وحسبة توديني .. فكرت كُلت شراح اطلب منها انه لا احبن الحرام ولا الحرام يجيني انه بس اريد اسحب معلومات شلون بهل حالة !!

مر الوقت وانه تحت تفكير واستجواب عقلي شديد ... بعد مدة طويلة رﺣت للامر مالتنا كُلت مادام هو سلمني هل مهمة خل اخذ رأيية وصلت دكيت الباب ودخلت طكيت التحية وكعدت .. سيدي انه محتاج مساعدتك ..