الحياة حلم

البارت العاشر

#الحياة_حُلم الحلقة ١٠
منقـول لكاتبه اريام
التعلق بالروح صعب جداً ،
حبك لروح شخص كفيل بأن يكون ملازماً لك طول حياتك ،
ليس كحبك للشكل الذي يختفي انبهارك فيه بمجرد ما ترى الأجمل منه،
ليس كحب التعود الذي تملّ منه مع الوقت ،
حين تحب روح أحد ليس من السهل أن تراه في أحد آخر لأنّ الروح دائماً واحدة ليس لها بديل••
⚜️
_______________

- حياة : وكفني على بَاب الغرفة وسَند أدي عليهه .. خَلى كصتة على كصتي وصار يتنفس حيل صَدرة يصعد وينزل كأنما يريد يستنشق نفسي لنفسة كال يا شرايين عيوني انتي .. أتفاجأت وبسرعة وخرت هو ضحك بنفس الوقت حيل استفزني بضحكتة ..!

كان الهدوء سيد الموقف .. قطع هذا الهدوء من حجة وهو مبعد عيونة كال شتردين جايبتني هيج هنا ..!

بهل لحضة فتحت عيوني على وسعهن اني لو انتة الي جبتني ..

- عباس : ضحك تك خد .. غير انتي سندتيني وجبتيني هنا ..

- حياة : اي اعرف اني سندتك بَس انتة الي ردت اجي هنا واجيبك .. عباس فدوة ما بية حيل شقة روحي طالعة وواصلة لخشمي احجي جديات لو اطلع ..

- عباس : لا عمي راح نحجي جد جنت رايد اكُلج شغلة بَس مو وكتها !

- حياة : " بعصبية " شنو انتة تضحك عليه شنو سالفتك..؟

- عباس : صوتج بابا العالم برة لا يروح بالها بعيد ع كيفج .. وبعدين شسوينالج خانوم هو بَس ردنة نكُلج شغلة وغيرنا الرئي هَيدي هَيدي  ..

- حياة : بجد وخزرة مع عصبية .. لااااا عيني مااا سووويت شييي بَس جبتنييي هناااا ووكفتنيي ع باااااب !!!!

- عباس : بهدوء ممزوجة بقلة الصبر .. لج حياة لسانج طولان وانه صبري بدة ينفذ نصي صوتج لا طلعيني ع طوري ديري بالج منننن !؟؟؟

- حياة بأنهيار : اييييييي شتسووويييي شتسووووييي بلاااا مااا اريددد اسكتتتت شتسوووي هاااااا ؟؟؟ تريددد  تضرررب اضررربب هووو انييي شابعةةة تكفخخخ تريد تجوووي همم جوييي اني جسمي مليان حروووك ! گضيتتت عُمريييي كُلةةةةة أنگتلللللل ...

- عباس : بتساؤل .. لحضة اوكفي شنو فهميني شكاعد تحجين ! شنو جنتي تنكتلين شنو جسمج مليان حروك .. ؟ تعاي فهميني .. وبعدين  منو گلج انه راح اكُتلج لااا بابا انه مو من شيمتي الضرب الرسول محمد " ص" كال " استوصو بالنِساء خيراً " .. كُتلج جنت اريد اكُلج شغلة ومو وكتها كفرت خوما كفرت !!

وهسة كُلشي تفهميني ع سرررريع !؟

- حياة : صنفت عليه وكُلت بيني وبين نفسي .. يبووو اني هسة شبتليت ع عمري شجفصت يعني هسة وكت عصبيتي شحجاني .. جاوبتة .. لا لا ما احجي شي وهو اصـِلا ماكو شي اني من عصبيتي هيج حجيت ! انسى ..

- عباس : هو شنو لعَبة وانسى ؟! بوية انتي شايفتني طَفل وتردين تمشيها عليه لو شني ؟ ابوية انتي انه ما اثني حجايتي هسة تحجين كُلشي انه اريد اعرف حياتج ويا امج خوما اضل غشيم وما اعرف شي وبعدين انصدم ..

- حياة بصياح : ياااابةةة شلزكتتت يمعود ماكووو شي لتلحححح كافييي عَاااد كاعد اكَلك انييي حجيت من عصبيتي هيج ابتليت ؟.. اباوعلة عيونة صارت بكصتة قبض ايدة ع شكل كرة عبالك يريد يضرب واحد بوكس .. حيلل خفت كُلت هسة يجيني راشدي يطير صفحة من وجهي اني شسويت !

- عباس بعصبية ويحجي بفحيح : بسيطة حياة بسيطة يجي يوم واعرف كُلشي عنج اصبريلي .. بَس نصيحة تعالي انتي احجيلي لا اعرف شي يخليني اشيط لجهنم واسوي شي اندم عليه ..  الاحسن تجين انتي تحجين لا تخليني اعرف من وحدي ..

- حياة : تالي حجة بس هذا وخوفني بزيادة عافني وراح كام يسند روحة ع حايط ويا العكازات ويمشي تلكئ كاظم واخذة ركع الباب وراح ..

كعدت ع جرباية راسي كام يوجعني فركت وجهي .. وكمت الوم بنفسي اني شحجيت شسويت هسة هذا راح تبقة ببالة ومراح ينسة اووووففف منج حياة اووووف لازم تجفصين مااا تجوووزين ..!

اهووو شلون شغلة هااااي شهل تفكير حياة ضربت ع راسي .. كُمت طلعت من الغرفة وجان اشوفة كبالي مسويلة جرباية " سرير " بالصالة ونايم عليها مخلي ايدة على عيونة .. فتحت باب الغرفة فز ووخرها .. بَس شافني خزرني گبل تعديتة ورحت يم حنين ..

- شفت البنات وحنين يمهم بنُصهم والجهال كُل واحد بيدة جبس وياكل .. عادمين ملابسهم والتفال كُلساع يوكع لعبت نفسي ويييععع هاي شلون مخليات هيج جهالهن ؟.. والله لو ؏ـندي طفل اربعين ساعة بس اغسل بي وابدلة شنو هايييي !؟؟؟..

- حنين شافتني واكفة .. تعاي حياتي يمنا لتبقين هيج واكفة بَس تصفنين .. هااااا " بفهاوة ولعبانة نفسها من الاطفال" اي اي اجيت هسة ..
غسلت واجيت يمها .. كعدت بعيد عنهن شوية لأنُ شفتهن مندمجات وديسولفن محبيت اقاطعهن..!

جانن يسولفن ع وحدة من اقربائهم ع اساس مسقطة طفلها وهم يحجن ع وحدة اسمها أيام كُلش عجبني هل اسم وحيل حبيتة غريب ومحد مسمي هواي .!

- شوية واجاني اسر كال يلة امشي .. وين اروح خوية .. غير لبيتكم .. كُلت لعباس ؟ .. اي هو. دزني يلة كومي تحضري بين ما اكشف السيارة !

كمت تحضرت وسلمت ع بنات وع اهل عباس ام وابو هم لهسة مجامعتني لا علاقة ولا حجاية وياهم ما اعرف ليش مبتعدين عني .. اخر شي ردت اطلع وما سلمت ع عباس ..  طلعت بالحوش شفتة مشغل السيارة وكاعد اشرلي ؏ـــود تعالي .. تقدمت فتحت الباب وصعدت ورة ..

مشت السيارة تقريباً ربع ساعة ووصلنا للبيت .. نزلت اشرتلة بـ باي.. شخط السيارة وراح .. دخلت للبيت واشوف امي كاعدة بالحوش وتكطع حشيش .. اول ما طبيت ركضت عليه وتلكتني ضربتني راشدي واللهِ من قوتة اذني طنت !!

انصدمت ..

- حياة بصدمة و عصبية : هااااي ليشششش شسويتلج ؟!

- سرى : لاااا بعد هممم عايززززة تسوين ليش مااا اخذتوني وياااكم اشووووف عبااااس ؟؟؟

- حياة بمَكر وايدها ع خدها : وانتي ليش هلكد مهتمة بعباس ؟..

- سرى بهدوء وارتباك : اي يايمة غير اجي وياج اخاف عليج شلون تطلعين بوحدج هسة شيكولون علينا مسربتة بتها بين الولد افف ؟..

- حياة بأستهزاء : تخافين عليه ؟ لج انتي لو تخافين عليه ما نطيتيني لواحد بكد ابوية !! الله ياخذ حقي منكم .. ورحت طبيت !

- عفتها بالطرمة وصعدت لغرفتي شمرت نفسي ع جرباية وكمت ابجي كُل قوتي واكتم شهكاتي بالفراش .. غفيت واني ابجي .. جان اشوف منام ....؟؟؟

للحكايا بقايا ..

قراءة ممتعة "