الحياة حلم

البارت الرابع

#الحياة_حلم
#منقوله لكاتبه ايام الخفاجي

على لسان حال عباس :
انه احب حزني وعتمتي..
ولوني الاسمر وكل تفاصيل البجي الـ بعيوني..
انه احب روحي الكئيبة الطافية ..
انه غيمة بس ابد مو صافية..
_______

عباس : مرت الايام سريعة ومر ثلاثة اشهر على زواجي من سرى طول هذني الاشهر ما وصلتلها بس مخابرات ومرات تكوم تلوص بالحجي..

اجة اليوم الي راح اخذ بي سرى البيتي واسحب منها بعض المعلومات السرية ...

خابرتها دك التلفون دكتين وردت ..

سرى : هلا عيني عبوسي وين هل غيبة ادك عليك ما ترد عيني شدعوة ما عرفناك هيج ..

عباس : بابا اكلي خر** خليني احجي اخذتيني حاصل فاصل .. اسمعي .. باجر اجيج اخذج البيتي اريدج بشغلة ..

سرى بفرحة وحماس : اي اي صار.. شوكت تجي .. اجيج ورة صلاة الظهر تحضري بس ادكلج ترميشة الكاج مزروعة كبالي.. خوش ..

عباس : خابرتها جانت دنية ليل .. اتذكرت بنتها جنت مستبعد فكرة زواجي من هل طفلة لان بعيدة حيل هل فكرة  انه بس راح اخذ معلومات واطلكها ما جنت محسب للعواقب ..

ولا مرة شفتها .. وين توديها هاي خاف تأذيها نوب والله عمي كُلشي اتوقع.. شعليه اكو ام تأذي بتها...

جان عندي خفر اسبوعين لهيج ما انزل للبيت وملتزم بالمهمة هم .. رحت نمت وكعدت الصبح كعدوني علمود اكمل شكم قضية واحقق ويا المجرمين ومنهم ابرياء بس من لا جارة ..

بين ما كملت الملفات وحققت صارت ساعة 11ونص الظهر كلت هم يلة اتوضى علمود بس تصير الصلاة اصلي واطلع گبل..

صليت وطلعت .. وصلت لراس الفرع ودكيتلها تمريشة .. وصدك اجتي طايرة .. بس هم كالعادة مخلية المكياج وخاطة الكحلة مدري البيلانر مدري شتسمنة ..

صعدت مبوزة هل مرة كلت هاي شبيهه تعارك ذبانات وجهه ..

عباس : وعليكم السلام يابة .. السلام لله ترة ولو انتن تعرفن الله ..
شو هاي باوعتلي بطرف عينهه الي ما مبينة من الكحلة  هذا الشيسمونة البليانر.. وما حجت شي..

هيووو لتباوعين هيج لا افكس عيونج بنت الن**

سرى : اوي شبيك هلكد عصبي ..

عباس : هزيت ايدي ومشيت شبيها هاي ضاربة عدها الوايرات لو هي طكة ونص ههههههه ..

مشت السيارة نص ساعة ووصلنا للبيت .. نزلت وهي هم نزلت .. دخلنا للبيت ونزعت عباتها .. هاي شلاعبة بنفسها حايرة شلابسة نوب كلة حصر يابة انه روحي طالعة منهه مو نوب تلبس هيج هه ..

كلتلها ماكو اضيك من ذني .. عمي روحي كعدي بالصالة هسة اسبح واجي ..

رحت سبحت ونشفت ولبست تراك لون اسود ..