Unicode:
Be My Love
💕 Part- 10 💕
မိုးစွေ သူလိုချင်သည့် ကားအသစ်လေးကို ငွေအကျေချေပြီးတဲ့နောက် ပိုင်ဆိုင်ကြောင်း စာရွက်စာတမ်းတွေနဲ့အတူ ဒီဒီ အလုပ်လုပ်တဲ့ ဆေးရုံဆီသွားနေတုန်းမှာပဲ ရှေ့မှာ ကားတစ်စီးက ပျက်လို့ ရပ်ထားရဟန်နှင့် လူတစ်ယောက်က သူ့ကားအား လှမ်းတားသည်......
မိုးစွေ ကားရပ်ပြီး ကြည့်လိုက်တော့ သူ့ကားကို တားနေသူမှာ လူကြီးတစ်ယောက် ဖြစ်နေ၏ .....
"ဘာဖြစ်လို့လဲ မသိဘူး အန်ကယ်လ်..... "
"ဒီလိုပါ လူလေး..... အန်ကယ်လ်ကားက မောင်းနေရင်း ထိုးရပ်သွားတာ .... ၀ပ်ရှော့ကို ဖုန်းဆက်ထားပေမယ့် ၀ပ်ရှော့ကလဲ အခုထိရောက်မလာသေးလို့ပါ .....
အန်ကယ်လ်က အရေးကြီး အလုပ်ကိစ္စရှိနေလို့ ဖြစ်နိုင်ရင် မောင်ရင် ကားနဲ့ လမ်းကြုံလေးလိုက်ချင်လို့ ရမလားမသိဘူး ....... အခုဒီလမ်းက ကားအသွားအလာသိပ်မရှိလို့ပါ..... အန်ကယ်လ်ကို လမ်းမတန်းဘက်မှာ Taxi စီးလို့ရမယ့်နေရာလေးမှာ ချပေးရင်ရပါတယ် မောင်ရင်......."
မိုးစွေ ထိုလူကြီးအား ကြည့်လိုက်တော့ လူကြီးလူကောင်းပုံစံဖြစ်တဲ့အပြင် တကယ်တမ်းလဲ ဒီလမ်းက သူဌေးတွေနေကြသည့် ဆိတ်ငြိမ်ရပ်ကွက်ဖြစ်ကာ ကားအသွားအလာဆိုတာ မရှိသလောက်ရှားတာမို့ မိုးစွေ ကူညီရန် လက်ခံလိုက်သည်.......
"ကျေးဇူးအများကြီးတင်ပါတယ်ကွယ်...."
ထိုလူကြီးက ကားပေါ်တက်တာနဲ့ မိုးစွေအား ကျေးဇူးတင်စကားဆိုလာသည် ......
"ဒါနဲ့ အန်ကယ်လ်က ဘယ်ကို သွားမှာလဲ မသိဘူး ......"
"အန်ကယ်လ်က Future World Company ကို သွားမှာပါ..... "
"ကမ္ဘာအေး လမ်းမပေါ်က Future World ကို ပြောတာလား အန်ကယ်လ် "
"ဟုတ်တယ် မောင်ရင်...... "
"အာ ဒါဆို ကျွန်တော်နဲ့ လမ်းကြုံသားပဲ ...... ကျွန်တော်လဲ အဲ့ဘက်ကို သွားမှာ ..... ကျွန်တော်တစ်ခါထဲ လိုက်ပို့ပါရစေ....."
"ကျေးဇူးအများကြီးတင်ပါတယ်ကွယ်..... အန်ကယ်လ်မှာလဲ မင်းကူညီလို့သာပေါ့..... ဒီနေ့က ကုမ္ပဏီမှာ ဒါရိုက်တာ ဘုတ်အဖွဲ့၀င်တွေနဲ့ အရေးကြီး အစည်းအဝေးရှိတာ နောက်ကျသွားခဲ့ရင် အန်ကယ်လ်ပဲ အချိန်မလေးစားသူဖြစ်ပြီး မျက်နှာပျက်ရမှာ......"
ESTÁS LEYENDO
💕 Be My Love 💕
Romanceကိုယ်သဘောကျရတဲ့ Crush က ကိုယ့်ကို တိတ်တိတ်လေးပြန်ပြီး သဘောကျနေတဲ့အခါ ~ 💕💕
