العمارتان
الحلقه 4
بعد انتهاء اليوم الدراسي
ياسر انتظر داليا
مش هتروحي معايا
داليا :اسفه يااستاذ ياسر اذا كنت جيت معاك انهارده فعشان كنت عاوزه مساعده لكن انا مقدرش افضل رايحه جايه معاك ف الحته انت عارف انا بنت عايشه مع والدتي بس لوحدنا ومالناش حد ومش حمل كلام من اي حد
ياسر:انا فاهم انا اسف والله ماقصدت حاجه انا بس عشان طريقنا واحد وف نفس العماره
داليا:عارفه وانا لولا اني عرفاك وعارفه اخلاقك ماكنتش اتطوعت اني اساعدك واجيبك معايا هنا
ياسر:متشكر جدا واسف لازعاجك
داليا :لا ابدا مافيش حاجه ربنا يوفقك
رجعت داليا وحدها رغم انهم نفس الباص ولكن نزل هو ومشي مسرعا وهي بعد ذلك مشت وراءه
ودخل ليوسف ف المحل
ياسر:ازيك ياجو وشك حلو عليا
يوسف:خير اتفك النحس
ياسر:اتفك واتفك والحال هيتبدل ياخويا
يوسف:لقيت شغل
ياسر:البت داليا المدرسه اللي فوق ف العماره طلعت جدعه اخر حاجه
شفتها الصبح ع المحطه بسالها مافيش عندكو شغل قالت هات ورقك وتعالي يمكن لما تكلم المدير يقتنع وفعلا رحت ووافق واستلمت كمان الشغل
يوسف:ناس لها داليا وناس لها موبيلات
ياسر:لا ماتكلمش فيها دي بت محترمه جدا رغم اننا ف نفس الشغل والعماره مارضيتش نرجع سوا ولا نمشي سوا هو في بنات كده دلوقت
يوسف:الله يسهلو ياعم هي الصناره غمزت وطلعت داليا ولا ايه
ياسر:ياعم احنا لسه بنقول ياهادي ف الشغل اجيب شقه وشبكه وعفش منين
يوسف:ههههههه اجوزها عند امها بدل ماتقولك ماسيش ماما والفيلم الهندي الفاكس بتاعهم ده
ياسر:يخرب بيتك داانا اول مره اكلمها انهارده جوزتهالي وكمان عاله علي امها دا انت مصيبه
غاوي توفق راسين ف الحلال
يوسف:بس الراس التانيه بتاعتي مفقوده مش لاقيها شكلي هستبدلها براس عجل اطعم والذ
ياسر:ماشي يامفجوع
هي دفعتنا دي مارور علي امها انا وانت والواد عادل 29 ولسه دي خيبه ايه دي ياجودعان
دا العيال المفاعيص عاوزين يجوزو واحنا قاعدين نشجع اللعبه الحلوه
يوسف:ربك يرزقنا قول يارب
ياسر:يارب
............................
رؤي تخبط علي باب عادل وماجد
ماجد:خش
رؤي:هو عادل مش هنا
ماجد:وعوزاه ف ايه ان شاء الله
رؤي:وانت مالك يارذل
ماجد:جاك مله علي جنابك ماتتعدلي يابت لاعدلك
رؤي:ولا مامعكش قلم جاف لحسن قلمي خلص ومش هنزل دلوقت اجيب اكيد
ماجد:ولا وانتي عاوزه بعد ولا دي ياجزمه اعبرك ف الجزمه اصلا
رؤي:انا اصلا مش عاوزه من خلقتك حاجه انا كنت عاوزه من عادل حبيبي
ماجد:اتغاظ حبك برص وعشره خرص ياقليله الادب
وضربها بالمخده وصلت لوشها ووقعت ف الارض
وجاء له رنه ع الماسنجر
ماجد :ايوه ياحبي
بسنت: مابتردش ليه
ماجد :معلش كان في صرصار معدي بضربه بالشبشب ويبص لرؤي
التي اغتاظت بقي انا صرصار يابرص جعان وخبطته بالمخده وجريت لتخبط في عادل وهي دامعه
عادل:مالك يارؤي حد زعلك حصل ايه انطقي
رؤي:ماجد يقول عليا صرصار وضربه بالشبشب للبت الملزقه اللي بيكلمها
عادل طبطب عليها معلش حقك عليا وانا هملصلك ودانه
ماتعيطيش بقي فين الضحكه الحلوه
رؤي:بجد ياعادل مش عارفه من غيرك كنت هعمل ايه بتخفف عليا رزالته
عادل:ماتحطيهوش ف دماغك انتي عرفاه كاره نفسه اصلا
أنت تقرأ
العمارتان
Lãng mạnكان يعشقها عشقا ولكنه يخفي حبها عن الجميع حتى عن نفسه لانها تقيم معه ولكن غيرته عليها كانت تفضحه فهل تبادله الحب وما المشاكل التي ستواجهما
