العمارتان

العمارتان العاشره

العمارتان
الحلقه 10
ياسر:استاذه داليا
انتي عارفه اني بقالي اكتر من سنه ف المدرسه هنا معاكي واتثبت والحمد لله هنا والمرتب بقي كويس مع المكافاءه وبصراحه مالقتش ف ادبك واحترامك انا داخل ع ال31 اهو ولو فضلت كده مش هجوز انا بصراحه عاوز اجوزك بس امكانياتي مش اد كده يعني هجيب ايجار ولو نوم وانتريه علي اد الحال ودبله وخاتم وخلاص انا حبيت اوضح امكانياتي قبل ماتاخدي قرارك
داليا:بس انا عمري مااسيب ماما لوحدها
وانا داخله علي 27
ياسر:ناخدها معانا ونعملها اوضه لها
ثم السن ماله
داليا:اكيد عاوز بنوته صغيره ف اول العشرين اقصاها 24
وماما مش هترضي تسيب البيت بتاعها
ياسر:اولا السن مش فارق معايا حتي لو 30 انا اخترتك لادبك واخلاقك والتزامك
وماما لو مش عاوزه تطلع من شقتها نقعد احنا معاها
شوفي انا لزقه بغراء هتيجي كده هجيلك كده
احرجت من كلماته
طب هقول لماما ولو وافقت هات اهلك

.........................................
عادل :يلا ياماما شهلي الناس مستنينا
ام عادل حاضر بابني
بص لو ابوها قال نعمل خطوبه علي طول
ممكن ناخد من الفلوس بتاعه اختك رؤي قرشين علي مانقبض الجمعيه واحطهم
عادل:لا ياماما هي دي امكانياتي ويصبر كلها شهر ونقبضها وادفع اقساط العفش
امه:براحتك انا بس مش عوزاك توقفها الجوازه علي حاجه تافهه
عادل:سلميها لله
وطلعو لتغريد ف الدور اللي فوقهم
واستقبلهم ابوها بالترحاب فهو يعلم عادل شخصيا واخلاقه وكم تمناه زوجا لابنته ويعلم ان مستقبله كويس لان مرتبات البترول كويسه وهو مهندس شاطر وبيترقي
وقال عادل علي امكانياته ووافق بها ابوها وسيكمل الباقي لابنته فهو مجهزها من قبل تخرجها وباقي القليل
والشبكه بعد شهر
عادل:وعهد عليا بس اموري تتظبط ونجوز واخلص الاقساط واجبلها الدهب اللي عوزاه كله
ابوها:يابني انا مديك اغلي حاجه عندي وهبص لدهب ربنا يسعدكو المهم عندي لا تزعلها ولا تضايقها وتشيلها ف عنيك
عادل:دي ف عنيا وقلبي وفشني وكلويا
ابوها:لا كده تمام اوي وقراو الفاتحه
واتفقو ان الخطبه بعد شهر
كانت رؤي ومها يزرغطون والجميع فرحان بهذه الزيجه
عمار كان هو ووالدته ووالده معهم
يميل علي مها :عقبالنا ياميهو
مها:طب ده مهندس ف البترول انت بقي بالي ف تانيه ولا حيلتك مليم احمر هتعمل ايه
عمار:هطلع اشتغل مع بابا ف المدرسه وادي دروس وممكن نعمل سنتر كلنا مع ياسر وداليا ناجر مكان وندي فيه
مها:لا دماغك حلوه بلا عجبتني ودا هنقعد كام سنه بقي علي مانكوم نفسنا موت ياحمار علي مايجليك العليق
عمار :في ايه يابت متصربعه علي ايه مش هتقدري تستني سنه ولا اتنين بعد التخرج دانتي بت زباله
اوعي من خلقتي عديني
مها:رابح فين ياسبعي
عمار:بلا سبع بلا قطه حرقتي دمي ولو كنتي اخر بت ماهتجوزك وهفضل كده من غير جواز
مها:طب استني بس انت زعلت
انا بهزر معاكي ياموري
بس بردو مش هجوزك
طلع وسابها
خالتها:هو عمار رايح فين
مها:هينتحر الحقيه ياخالتي
امها:عملتله ايه يامزغوده باام لسان طويل عاوز قصه من لعاليغه
مها:والله ماعملتله حاجه انا بس وريتله الحقيقه العاريه وحطيطه قدام مخاوفه عشان يواجهها
امها؛ ولا انا فاهمه منك حاجه
اما تغريد وعادل فتركوهم سويا
عادل:تصدقي بقيتي توحشيني الشويه اللي بسيبك فيهم من بعد الشغل للصبح لما بنتقابل
تغريد:خلاص بص لفوق هتلاقيني ف وشك ف البلكونه او اخرم ف السقف هتلاقيني باصه عليك
عادي:ماشي يالمضه وانا هاخد معاكي حق ولا باطل