العمارتان
الحلقه5
ذهب رؤي لحجرتها تكلم اصدقاءها ف العمارتين فهم عاملين جروب واتس يتحدثون سويا او يجتمعون عند واحده او فوق السطح وكذلك الشباب نفس الشيء لوحدهم
بعتت رؤي ايموشن بيعيط
مها:في ايه يابت مالك
رؤي :الزباله اللي اسمه ماجد يقول للبت بتاعته ان اناصرصار وضربه بالشبشب
اسراء:واد عاوز يتربي صحيح
سميه:الواد الرخم ده ماتتعامليش معاه خالص
رؤي:والله مابعمله حاجه هو من ساعه ماجيت وانا صغيره وهو مش طايقني لا من فوق ولا من تحت
تقي:يمكن بيحب خط الوسط ولا الهجوم هههههه
رؤي:والله انتي رايقه
مها:الواد ده هنخليه لعبتنا ونربيه
اعملي اكونت بت وادخليله واهبليه بس طبعا لا صوت ولا مقابلات ولا صور شات بس
وبعدين نبقي نبعته اماكن يستني لما الشمس تاكله زي عبد الحليم وفاتن حمامه لمابعتته علي الكورنيش الساعه 1 الظهر ولطعته خليه يسيح ولا يرجع سماره ونغنيله حبيبي يا اسمريكا
اسراء:فكره بنت ايه
تقي:ولو قفشها هيطلع روح اللي خلفوها مش شايفينه عامل زي مستر ماسل بتاع العضلات دا لو لهفها قلم ممكن تفقد النطق
سميه:وهو هيعرف منين ولو لقيته شك تقفل الاكونت
اسراء :بس ماتتصرفيش لوحدك خلينا دايما معاكي لماتكلميه لتقولي حاجه تفقشك وتروحي ف البلالا
رؤي:لا انا اخاف
مها:يابت جمدي قلبك وهو هيعرف منين
رؤي:انا مخنوقه منه دوقتي بعدين لو افتكرت ابقي اعمل
ودلوقت بقي عاوزين نشد حيلنا الامتحان قرب
مها:شدو حيلكو يارجاله انا صورت المذكره كل واحده تقب بالمعلوم وتيجي تاخدها
سميه ورؤي:حاضر
رؤي:دلدليها ف السبت
سميه :وانا هتحدفيها من البلكونه ولا ايه
مها:لا ياروح الروح تيجو بكره بالمعلوم وتاخدوها ابجني تجدني
رؤي:ياااه ع البخل
سميه:ماشي بكره
مها:والواد عمار كمان هقوله يعدي ياخدها
يلا سلام عاوزه انام
وكلمت عمار
ابقي تعالي ياد خد المذكره وهات الاوبيج
عمار:محسساني اني جاي اخد تذكره هروين ولا حشبش
حرام عليكي
مها:يلا ياد اخلص بكره هنلم الغله اخوكو اشفور
عمار:ماشي يامعلم
............................
نزل عمار تاني يوم ياخذالمذكره
عمار:ازيك ياخالتو
ام تغريد:ازيك ياموري
وازاي امك
عمار:بخير فين البت مها
امها:تلاقيها متلاءحه ف اوضتها نادي عليها
مها ف ودنها الهيد فون ومش سامعه
مها كلبوظه شويه لكن بيضاء عيونها بنيه وشعرها بني تقيل طويل وكالحرير
فكانت ف حجرتها ترتدي قميص جل نص كم للركبه ومسييبه شعرها وتسمع الاغاني وهي تمسك المذكره
ففتح عمار الحجره حينما لم تستجب للنداء
ففزعت
مها:ايه ياحمار ده ازاي تخش عليا كده هي وكاله من غير بواب
عمار:يخرب بيتك ايه يابت الحلاوه دي كانو بيعلفوكي قشطه
مها:امشي ياد كانو بيرضعوك من جاموسه هبله
عمار:امك اللي قالتلي بقالي ساعه بنادي صوتي اتنبح وانتي قاعده ترقصي هنا ولا علي بالك
فزقته وخرجت لامها
مها:انتي ياحاجه ازاي تدخلي كائن الحلزون ده عندي
ام مها:يابت انتو مش راضعين علي بعض باين
مها:هو الزهايمر ده مالوش حل
راضعين من ببرونه واحده ولامن نفس الجاموسه الهابله
انتي مش قلتي انتي واختك والدين قيصري ومن كتر المضاد صدركو نشف ورضعتونا صناعي
مش شايفه الوزن ده كله هيبقي طبيعي ازان يعني
امها:انا فاكره
غوري بقي الاكل هيشيط جاتكو الارف
مها:انت يابني استني هنا امااجيب المذكره هات الفلوس
عمار:ياساتر وسط الظيطه دي ماتنساش حقها ابدا
مها:دا بدل ماتدفع انت عيني ع الرجاله
ماتو ف الحرب ياولدي
وذهبت ارتدت اسدالها
وجابت له المذكره
أنت تقرأ
العمارتان
Romansaكان يعشقها عشقا ولكنه يخفي حبها عن الجميع حتى عن نفسه لانها تقيم معه ولكن غيرته عليها كانت تفضحه فهل تبادله الحب وما المشاكل التي ستواجهما
