العمارتان

العمارتان الحلقه ٨

العمارتان
الحلقه8

عادل :صباح الفل علي اجمل ورده
تغريد:صباخ النور  وايه الروقان ده ورده وفايزه ناقص تجبلي سعاد.حسني كمان
عادل:لو عاوزه نجاه كمان اجبهالك من عنيا
تغريد:انت قديم اوي كده ليه
عادل:ماانا عجزت بقي بقيت30
تغريد :الحال من بعضه ماانا داخله علي 24  يلا بكره اكبر واحصلك وابقي اكبر منك كمان
عادل:وانا هفضل لابد ف ال30 ولا ايه مش هكبر واستناكي
المهم بما انك كارهه نفسك وكارهه اي عريس يجيلك ف البيت بتتخنقي وترفصيه
قلت اصطادك ف الهواء الطلق ف الباص كده والهوا بيصس ف قفانا واقولك تجوزني
تغريد:خبط لزق كده دا باعتبار ان الهوا سطلني بقي وهوافق
عادل :لا مش خبط لزق الصراحه هو لزق خبط
بس انتي عارفه امكانياتي بسيطه لاني لسه بقيلي كام شهر واخلص اقساط الشقه وبعدها بقي ربنا هيفرجها واعمل جمعيه للعفش والشبكه بس هتبقي دبله ومحبس وربنا يقدرني واجبلك الي نفسك فيه بعد كده
تغريد:انت عارف ان الماديات مابتفرقش معايا
بس انت فاجاتني ولازم وافكر وارد قبل ماتيجي
هو بابا بيحبك وبيشكر فيك
عادل:وانا منساش جميله عليا انه عيني ف الشركه معاه
تغريد :وانا لحقته قبل مايطلع معاش  بسنه واحده والا ماكنتش اتعينت
عادل:هو كان له وضعه ف الشركه والناس بتحبه وتخدمه لو حتي مالحقكيش معارفه كانو عينوكي
تغريد:الحمد لله عقبالك لما تبقي مدير  زيه
عادل:يارب يسمع من بؤك ربنا
وانتي تبقي معايا

تغريد  احرجت ولاول مره تخجل وتحس بقلبها  ينبض من الكلمه فهي لم تتخيل ولو لمره ان تكون مع احد فلما هذه الكلمه بالذات عندما  خرجت من عادل دخلت قلبها مباشره

ولكنها لن تتعجل الامر وتستخير
وحتي لو وافقت ستقول له لا ياتي قبل ان ينهي اقساط الشقه ويبدا بالجمعيه حتي لا يرفض والدها
...............................
كانت اسراء راجعه من الكليه فقد اصبحت ف تانيه تجاره ومعها تقي ف تالته اما سعيد ف رابعه

اسراء:استني اغتت ع الواد يوسف اخويا ف المحل
الجزمه ولا بيرضي يهاديني ب فون صيني حتي
تقي:طب هطلع انا
اسراء:اصبري هنطلع سوا
تقي وقفت علي باب المحل واسراء دخلت
ازيك ياجو مافيش حته صيني مسروقه حتي لاختك
يوسف :ازيك ياتقي وازي ياسر عامل ايه ف شغله
تقي الحمد لله
والنفت لاخته
انتي جايه تلبسيني تهمه يابت مسروقه ايه ونصيبه ايه تشيلك لما حد يسمعك يقول بتاجر ف المسروق
امشي يابت من هنا

اسراء:ماشي يايويو
يوسف:ماشي يا بنت ال.....
لانه يكره هذا الدلع
وجريت من امامه
...........................
ماجد:انتي فين يازهره وحشتيني
مش هنتقابل بقي
رؤي:اكيد عارف كورنيش النيل
ماجد:اه
رؤي:الساعه واحده بالظبط هبقي هناك
ماجد:ف النقره دي دااحنا هنسيح كده
رؤي:دا الوقت اللي ممكن اقابلك فيه لمااخلص محضراتي
ماجد:ماشي هاخد اذن واجيلك اصلي هموت واشوفك طب صوره عشان اعرفك
رؤي:انا هعرفك
ماجد:ماشي ياحبي
رؤي ف سرها حبك برص وعشره خرس
وفعلا تاني يوم ذهب ف المعاد وانتظر ساعه ولازم ف مكان مكشوف عشان تشوفه