#بنت_القرية الفصل الثاني عشر
"كان يقف في بهو المنزل وهو ينظر إلي والدها بحزن يحاول أن يخفيه وهو يبتسم ابتسامه مصتنعه
_خلاص انا ماشي يا عمي
_لي كده بس يبني هو احنا زعلناك في حاجه
_لا خالص والله وبعدين انا خلاص هسكن قريب منكم
_طيب لي ما انت كنت عايش معانا في حاجه
_لا مفيش بس أنا من ساعه ما جيت هنا وانا بدور علي مكان اقعد فيه و الحمدلله لقيت
_يعني ده اخر كلام
_اها و علي فكره هتلاقيني عندك كل يوم و كل ساعه
_تنورنا يبني والله
_بعد اذنك
"ذهب إلي الخارج ووقف عندما رآها تأتي من بعيد ؛وقف قليلا ثم سمع صوت مالك ينادي عليه
_اي يا مالك
_انت خلاص هتنقل يا احمد
بمرح مصتنع_اها بس متنساش انا هجيلك كل يوم علي قلبك يعني
_تشرفنا يا سيدي تحب اسعدك في حاجه
_لا شكرا انا خليت أصحاب الشقه يرتبوها قبل ما يمشوا
ويدوب هحط هدومي بس
_خلاص هروح اساعدك
_لا والله انا هحط حاجتي بنفسي
ضحك_لي بس كده هساعدك يمكن نحتاجك بعد كده
_لما تحتاجني هتلاقيني اكيد
_ماشي هسيبك بقي و هدخل اشوف امي جوه
_اتفضل
"دلف الي المنزل ؛بينما الاخر وقف أمامها بحزن دفين
_انتي خلاص وافقتي عليه
_اها وافقت
_كنت اتمني يا مني تفكري تاني
_انا خلاص فكرت و قررت
_براحتك يا مني
"تركها و غادر الي شقته بينما هي دلفت الي أخيها
Eman Saleh .
"كانت ياسمين تقف في بهو المنزل وهي متسعه العين
_احلفي اخوكي خطب
_اها والله اتقدمنا بس لسه هيقولوا رأيهم
_ده امتي ده
_انتي نسيتي بقولك النهارده ؛وبعدين انتي عارفه يا ياسمين
الجواز قسمه ونصيب
_اممم عارفه تعالي ادخلي
_لا شكرا انا هروح بقي عشان امي
_تمام
"ذهبت مسرعا بينما هي وقفت وهي تستوعب ماذا يحدث الان ؛كانت ستبكي ولكن قررت أن تتصل ب زين وهي لا تصدق أخته ؛بعد قليل رد عليها
