بنت القريه

الفصل العشرون

#بنت_القرية الفصل العشرون
"نظر له بغضب شديد

_انت بتقول اي انت اتجننت

_انا بتكلم بجد يا باشا خالك انور المحمدي هو اللي بيشتغل من وراك و عايز كل حاجه ترجعله

_لا ده انت بتخرف يعني مش خاين و بس لا كمان عايز تخلي الشخص الوحيد المتبقي من عيلتي يطلع خاين لا و كمان خالي

_والله يا باشا صدقني خالك عمل كده

_مستحيل خالي يعمل كده يا امجد انا متأكد من ده

_لا يا احمد باشا انت متعرفش خالك ده اصلا كان ا

_مش عايز اسمع منك حاجه يا امجد واياك تجيب سيره خالي مره تانيه انت فاهم

"تركه و غادر المنزل و توجه إلي شقته بينما يقف امجد وهو لا يعلم ماذا يفعل ؛بعد ذلك تحدث والد مني

_تعالي يا امجد قولي بقي في اي

_والله يا عمي انا بقول الحقيقيه

_لا انا عايز افهم احمد ازاي خرج من السجن وانت رجعت هنا لي بعد ما سجنته

_كل الحكايه هو .

بدا يقص عليه ما فعله بينما نظر إليه والد مني و تبسم

_انا قولت برضوا مش عارف انت اي اللي يخليك تعمل كده

_والله انا عمري ما فكر اذي أحمد باشا ما لو كده كنت سلمته من الاول بعد كل ده

_طيب انت بتقولوا خالك وواضح انه بيحب خاله ده و عنده ثقه كبيره فيه وهو لسه شاكك فيك اكيد لما تقولوا كده مش هيصدقك لازم تجيب اثبات واضح وبعدين ما ممكن يكون شكك ده غلط و خاله ده معملش حاجه

_لا يا عمي صدقني أنا متأكد أن انور المحمدي ده هو السبب
_خلاص خد بالك انت و حاول تجيب دليل

_هحاول ؛انا همشي دلوقتي هروح الشركه

_استني اتغدي معانا الاول

_الغداء لسه هياخد وقت وانا مش فاضي

_لا ده ام مالك جهزته من بدري

ابتسم له _خلاص يلا بينا

"دلفوا الي المنزل ؛بينما كانت مني تجلس في غرفتها سمعت صوت والدها يهتف بأسمها ؛ذهبت إليه

_نعم يا بابا

_اي ده يا مني مش هتسلمي عليا

تجاهلت حديثه ونظرت الي والدها

_حضرتك عايزني في حاجه يا بابا

_اها روحي نادي ل احمد يجي ياكل معانا

_ط طيب هو مالك فين

_مالك راح عند واحد صاحبه

_حاضر يا بابا