#بنت_القرية الفصل الرابع عشر
"نظرت له بدون كلام بينما هو اكمل حديثه
_والله انا بتكلم بجد انا بحبك صدقيني
_...
_ردي عليا انتي مش بتردي عليا لي
_لان انا مبحبكش فهمت
_طيب اديني فرصه بس و متتجوزيش ياسر
_لا هتجوزه ياسر انسان محترم بعد اذنك
"تركته و غادرت وهو يقف بغضب شديد ؛ذهب الي شقته و اغلق الباب ووقف يتنفس بصعوبه بعد قليل وجد جرس الباب يضرب ذهب اتجاه الباب و فتحه وجد اشرقت
_انتي
_ممكن اتكلم معاك شويه
_مفيش بينا كلام
_ارجوك انا محتاجه حد اثق فيه وانت انسان محترم
_وانتي مش محترمه
_انا عارفه انك فهمتني غلط ومن حقك بس انا عايزه اتكلم معاك ارجوك
_خلاص تعالي ننزل تحت واتكلمي
_لا لا مينفعش اي حد هيشوفنا يقول اي
نظر لها بسخريه_يعني لما يشوفونا هنا هيقولوا اي
_لا ما احنا هندخل البيت و نقعد و
_نعم انتي بتقولي اي
_بقول ندخل وهخرج من غير ما حد يشوفنا
_انزلي من هنا ومش عايز اشوف وشك انتي سامعه
_لا ما انا محتاجاك قصدي محتاجه اتكلم معاك محتاجه مساعدتك
"نظر لها بعصبيه و دفعها
_انزلي تحت و مش عايز اشوفك فاهمه
_بس
_مفيش بس انتي اي معدومه الكرامه انا مش عايز اشوفك يلا والا هفضحك في القريه كلها
"نظرت له بصدمه ثم نزلت سريعا ؛نظر مكانها بعصبيه وهو يلعنها في سره .
Eman Saleh .
"دلفت الي غرفتها بعد ما عرضت الاغراض علي امها ؛القت اشيائها ب إهمال فوق السرير وهي تضع يدها علي قلبها
_انا مش عارفه لي بعد ما قالي كده بحس بشعور غريب اول مره أحسه في حياتي بس لا ده واحد كذاب و شهواني مش اكتر ؛ده ده واحد عنده شركات هو اها خسرها بس بس اكيد في يوم و هيرجعلها وانا ؛انا مش عايزه في يوم اسيب القريه ؛هو اكيد شاف بنات كتير جميله لي يشوفني انا و يقولي كده ؛اكيد طبعا قال كده ل بنات كتير وانا مستحيل اثق فيه من بعد
"وضعت يدها علي شفايفها واغمضت عيناها بألم واضح عليها .
"بعد ساعه كانت عادت نشاطها و تركت كل شئ و عادت اشيائها مكانها ؛بعد ذلك رن هاتفها معلنا اتصال ب رقم مجهول فتحت بفضول .
