#بنت_القرية
في قريه من أحدي القري كانت تقف فتاتان يتحدثون سويا الصغري تحدث الأكبر منها
_يعني اي هتتجوزي الشهر الجاي انتي لسه قاصر
تحدثت بفرحه قائلا _زي ما سمعتي كده انا مش مصدقه و اخيرا هتجوز حسام
_انتي مجنونه بقولك انتي سنك صغير يا حبيبتي لسه قاصر
_لا مش صغيره يا مني امي بتقولي عادي اني اتجوز دلوقتي
بهدوء و تروي _لا مش عادي طبعا ازاي تتجوزي وانتي لسه مكملتيش ال 16و كمان انتي ناسيه انك كنتي عامله عمليه خطيره
ردت عليها بعبوس قائلا :لا مش ناسيه بس اظاهر انك ناسيه اني بقيت كويسه
_يا حبيبتي انتي كويسه بس الدكتور مقالكيش ليها اثار سلبيه العمليه دي
ردت بكذب _امي سألته و قالها اننا كويسه مفيش حاجه و اقدر اتجوز عادي وبعدين انتي مش فرحانه ليا ليه
_والله ابدا انا فرحانه ليكي جدا بس المشكله سنك ده السن القانوني 18سنه و العلمي 21/22 عشان تبقي ناضجه اكتر و تتحمل المسؤوليه
تحدثت ب ابتسامه حالمه_انا اقدر اتحمل المسؤوليه عادي جدا ؛و كمان حسام قالي انه هيخرجني بعد الجواز و يفسحني و انا فرحانه جدا اني هبعد عن المكان ده
_مالها القريه يا اشرقت
_انتي مش شايفه القريه عامله ازاي ؛مفيش حاجه فيها حلوه انما بقي هتجوز قريب من القاهره و كل يوم هتفسح و حسام هيخرجني
_الجواز مسؤوليه مفيش حاجه اسمها خروج كل يوم يا اشرقت عشان تعرفي انا بشوف اخواتي اصلا لما بيجوا عندنا بيعملوا فرح ؛حتي لو هيخرجك بيبقي في الاول و بعد كده كل فتره مينفعش نصدق انك هتخرجي كل يوم
ردت لعند قائلا :اي يعني المهم هبقي مع حسام بيحبني و احبه يا مني
ردت عليها بنفاذ صبر و هدوء _ربنا يصلح حالك يا اشرقت
"تركتها و دلفت الي منزلهم حيث يبدو عليها البساطه و الجمال
_مامااا ..مامااا انتي فين
_تعالي يا مني انا هنا
_شوفتي يا ماما اشرقت هتتجوز
_ربنا يتمملها بخير
_يا ماما ازاي يجوزوها صغيره كده !دي قاصر و كمان كانت عمله عمليه ازاي ده !
_انا قولت ل امها وهي مقتنعه ملناش دعوه عشان هي زعلت
_حرام يعملوا فيها كده
_واحنا بأيدينا اي نعملوا يا مني هما أحرار يلا ادخلي ذاكري عشان امتحاناتك اللي قربت دي انتي قولتي هتبقي امتي
_الشهر الجاي و آخر يوم في الامتحانات هيبقي حنه اشرقت
"وضعت يدها علي وجنتيها وابتسامه حالمه تزين شفاها_تمام يلا ادخلي ذاكري كويس انتي السنه الجايه هتبقي تالته
اعدادي انا حلمي تدخلي الجامعه
