سجينتي فتاه؟! (قيد التعديل)

البارت الثالث عشر

كريم وهو يكاد يسمع دقات قلبه : انت بتحب اي نوع من البشر

نور: مش فاهم

كريم: يعني انت بتحب  البنات ولا الشباب

نور بطلاقة: بحب  الاتنين

كريم والخوف يكاد ياكله: لا مش قصدي،  قصدي لما تحب تتجوز.... هتتجوز اي نوع

نور بطلاقة وعدم استيعاب: هتجوز راجل طبعا يعني هتجوز ايه

نزل عليه الخبر كالصاعقة... لا لحظة لقد سقطت عليه العاصفة بذات نفسها

كريم : يح، ساقع

نور: ايه يا عم كل ده نايم

كريم بدون فهم: ن... نايم يعني كل ده كان حلم

نور: انت بتقول ايه

كريم: م.. مفيش، وبعدين ايه ال كبيته عليا ده

نور: مية ساقعة عشان مرضتش تصحي

كريم بعضب: كده ينفع غرقتني وسع يا عم كدا

وذهب اتجاه المرحاض

نور: هو ماله ده

كريم  وهو يحدث نفسه: اوف الحمدلله  ، كان حلم
بس  افرض كان فعلا نور بيحب الشباب اعمل ايه انا سعتها.
حرك رأسه بالنفي وقال:لا لا لا لازم اشيل الفكرة من دماغي.

بعد فترة من الوقت ~

نور بقلق: مالك يا كريم فيك حاجه

حرك كريم راسه بالنفي: لا  مفيش

نور: طيب انا لازم امشي دلوقتي سلام

كريم: سلام

وغادر نور المنزل ~

كريم وهو يحدث نفسه: مالك بقا في ايه،  بقيت بتفكر بنور كتير ليه، مالك ها
والله  حاسس اني مجنون وانا قاعد بكلم نفسي
انا هقوم اروح الشغل احسنلي

وغادر كريم ايضا المنزل ~

بعد مرور اسبوع ~

مر هذا الاسبوع سعيدا علي البعض وتعيسا علي البعد، واسبوع كاي اسبوع علي البعض ~

في ڤيلا نور سابقا ~

ولاء بغضب: جري ايه يا هشام،  حتة بنت مفعوصة ولا راحت ولا جت مش عارف تلاقيها

هشام: كأنها فص ملح وداب،  اعمل انا ايه بقا

ولاء بغضب: يعني ايه تعمل ايه،  مستقبلنا في ايد البت دي،  دي لو عرفت احنا بنعمل ايه دي هتودينا في داهية

هشام: متقلقيش هنلاقيها،  انا واثق

ولاء بتوعد : اه لما اشوفك يا نور الكلب

في الورشة ~(مكان عمل نور)
رجب: الله عليك يا واد يانور،  شغلك يحترم،  اسبوع عدي وخليت ثقتي فيك تزيد،  من هنا ورايح انت بقيت واحد مننا،  رغم جروح ايدك وانت مكمل ومستسلمتش،  وانا بحب العمال ال زيك
خد دول

وامد يداه ب ورقة من فئة ٢٠٠جنيه

نور بستغراب: ايه دول؟!

رجب: دول يوميتك بتاعت النهاردة، انت كده بقيت واحد منني

نور بسعادة  وفخر: بجد انا مش  مصدق نفسي

وبالطبع وراء كل ناجح حاقدون عليه
وهذا دليل كافٍ علي ان الشخص ناجح.

عاد نور الي المنزل ووجد كريم ايضا بالمنزل ~

نور بسعادة وهو يجري ناحية كريم ويضمه: كيمو... كيمو انا فرحان اوي

ولكن هذه المرة الاولي منذ مكوث نور بمنزل كريم ان يبادله كريم الحضن

كريم بسعادة: في ايه ال مفرحك

نور: الاسطي رجب اعترف بمهاراتي وقبضني النهاردة

كريم بسعادة وهو يضمه الي صدره اكثر وكأن افكاره بان نور ينجذب الي الرجال تلاشت: مبروك يا نور فرحتلك اوي،  وانت تستاهل

نور بمرح: تعالي بقا ياعم اعزمك برة النهاردة علي حسابي

كريم وهو يضحك علي اسلوب نور: يلا يا عم بقا عندك حساب.

وغادر الاثنان المنزل متوجهون الي مطعم.

اولا: اسفة جدا علي التاخير بس بدات دروس 💔🙂
ثانيا: اسفة علي البارت القصير وبحاول اطوله علي قد الامكان بس عشان متزهقوش مني
ثالثا والاهم: انا عارفة ان الرواية تافهة ومعرفتش انفذها صح وقد تكون لم تعجب ناس،  بس انا فرحانة بالمتابعين ال بيتبعوها وانا ممتنة ليكم ♥♥
الرواية مجرد تسلية انا بحب الكومدي عشان منكنش متنكدين في الحياة الواقعية والحياة الخيالية،  وانا لسة مبتداة وبحاول اطور من نفسي ♥
واه اسم الرواية الاجماع كان علي الاسم الاول وانا هحترم رغبتكم ومش هغيرها ♥♥
وبالنسبة  للغلطات الاملائية: انا بكتب البارت من هنا وبنزله علطول عشان متاخرش عليكم فا مش  برجعه بس بعد لما اخلص ان شاءلله  هعيد قرائتها واظبتها

اتمني لكم قرائة ممتعة ♥
رأيكم بقا،  وتفاعلكم ال بيفرحني