سجينتي فتاه؟! (قيد التعديل)

بداية (تم تعديل هذا البارت )

   " هالوز يا شباب 👀💜دي رواية سجينتي فتاه بس بعد التعديل هي هي نفس الرواية بس أضفت عليها حجات عشان تبقي أحلي في السرد والمضمون
وهضيف عليها بارتات إضافية 💜
أتمني لو في اي غلطة إملائية تقولولي عليها عشان ممكن أكون منتبهتش ليها 💜
قارنوا بقا بين دي والقديمة وقولولي انهي أحلي 👀💜💜
هستني رأيكم 💜"

                   *(قراءة ممتعة)*
_______________________________________________

في ليلة هادئة من ليالي الشتاء الباردة  يخرج صوت
من إحدى البيوت الفخمة الخاصة بالطبقة العليا ~
وعندما نقترب أكثر يتضح لنا أنه  صوت شجار بين فتاتين "

ملك بصياح موجها لنور : "ياخربيتك عملتي ايه في شعرك "
قالت ملك عندما دخلت الغرفة وانصدمت من المشهد الذي وجدته
كانت نور جالسة علي كرسي في غرفة النوم ممسكةً بمقص كبير والشعر ملقي علي أرضية الغرفة

قالت نور مبررة:" ده ال كان لازم اعمله من زمان "

قالت ملك وهي تتمني أن لا يحدث ما في بالها : "هتعملي ايه"،" اوعا يكون..... "

قاطعتها نور قائلة : "أيوه هو ال في بالك "

"ملك بخوف: انتي اتجننتي "

بررت نور موقفها مرة أخرى:" ده ال كان لازم يحصل من زمان،  وانتي كمان لازم تعملي زي. "

ردت ملك عليها قائلة :" لا ابعدي عني انا راضية بحالي "

لترد عليها نور بعدم رضي:" انا لا سبيني بقا اكمل "

قالت ملك بحزن علي منظر الشعر الملقي : "منك لله  شعرك كان جميل وطويل جدا "

نور: "هستفاد بيه ايه أنا لازم اقصه عشان  أعرف أعيش بره "

قامت ملك بتوبيخ نور قائلة  : "بنت انتي هبلة،  انتي  ناوية  تهربي "

قامت نور بسرعة متجهة إلى ملك لتكتم فمها : "اخرسي،  هتفضحيني الله يخربيتك "

ملك بخوف:"نور انا خايفة عليكي، انتي هتعيشي إزاي بره، أنتي بنت ولوحدك "

"ما أنا بعمل إيه دلوقتي، أنا بقص شعري عشان الناس تحسبني ولد وأعرف اشتغل بسرعة "ردت عليها نور

ملك:"انت مجنونة، شيلي الفكرة من راسك، أنتي عارفة لو عمتك عرفت ال هتعمليه ؟"

جلست نور مرة أخري علي الكرسي متذكرةً ما حدث قبل ساعة ~

صفعت ولاء (عمة نور) نور بقوة علي وجهها قائلة

"اخرسي يا ناكرة يا عاقة "

نور والدماء تخرج من فمها من قوة الصفعة :"انا مقلتش حاجه غلط، انا بطالب بحقوقي "

ردت ولاء بسخرية :"حقوق إيه يا أم حقوق، أنتي هنا خدامة تعملي ال بقولك عليه فاهمة" (قالت اخر جملة لها بصوت عالي)