#عشق_في _بلاد_حروبها لا تنتهي_
البارت7
{ياقوت}
في الحلقة السابقه..
سفيان:انا بديت نخدم مع جماعة الصقر
فارس:عرفت ويارتني ماعرفت اكيد انت مافيكش عقل اكيد
دماغك ط...
وتسكر الخط في وجهه
شبح فارس للتلفون ورد عاود بس يعطي فيه الرقم المطلوب خارج نطاق التغطية ضرب برجله السور وقبل ما يزيد يعاود ..
________
قراءة ممتعه حبايب ..
__*البارت _السابع♡
....
عاود سفيان لتصل رد فارس على طول :اسمع نبي نشوفك
سفيان:اي باهي نتلاقوا العصر في ###تمام؟
فارس:تم
___
سارة :كتري كتري هريسه
فنصت فيها صفاء:قعمزي واركحي تقول مانوكلش فيك
نفخت سارة:تي جعانة الزح خليني نفطر زي العالم والناس
قعمزت خديجه وحطت طاجين الداحي في السفره :اسكتي وخليها تاكل
قعمزت غاليه بينهم وهيا تمد ايداها لحلا:نيه سمحه عطيهالي
صفاء:لالا كولي تو ماتهنيكش
غاليه:تي هاتيها وديريلي نص بالداحي
مدتلها صفاء حلا:امتى بتبدي في المدرسه امتحاناتكم قريب
نتشت سارة من الخبزة وقالت:اس البنت نفسيتها تاعبه
وزمطت وكملت:ارتاحي ارتاحي ياغالية السنه هذي باش نلحق عليك
السنه الجايه الله نبدوا نقروا مع بعض وانغش منك
ضربتها صفاء على ظهرها لين سارة قعدت تكحح:تحشمي ياهمج
ياقليله الذوق
سارة:اشوه انا ماسويت شي وانت توبخين فيني
غاليه:واااكك لسانك مطوله هههههه وبعيد السوو عليا بنبدأ الاحد ان شاء الله
وطق الباب عليهم وكيف صفاء بتنوض وقفتها غالية ووقفت زبحضنها حلا
:كملي كملي تو انوض نفتح
فتحت غالية الباب وخشت صفيه:بابا جابلكم بريوس سخين زي العسل
ضحكت غالية وحسن بأجواء عائليه كانت مستاحشتهاوفاقدتها
سكرت الباب وخشت ورا صفيه لقعمزت :مافيش مربى
غالية:في تو انجيب هي
مشت للمطبخ وطلعت المربى وخدت صونيه بتحط فيها .
رفعت عينها ع الروشن قربت منه وكانت بتسكره بس جت عينها فيه.
متكي علي سيارته بلبسه العسكري ولابس نظارته ويتكلم بالتلفون
قعدت غالية تشبحله وتدقق فيه وجسمها كله يرعش وهيا
تفكر شن جابه هنا شن مزال يبي
وخطرت في بالها فكره خلن قلبها يدق بسرعه من الخوف منها ومنه لما ركزت انه شبحها سكرت الروشن بسرعه بتقربيع
صفاء: بسم الله خيرك
تلفتتلها غاليه بخلعه:ااه
صفاء:غاليه خيرك
___
وقف السيارة قدام المقر وهو يفتح في مرش السيارة
المسلفره بلاك
نزل المرش وطلع يده أشر للحراس لاول ماعرفوه
مني .
فتحوا الباب وخش محمد ودرس السيارة ونزل واول ماخش انتبه على الحوسه لصايره
دور بعيونه علي زياد لواقف هو وشاب قدام مكتبه :زياد
تلفتله زياد وعدل وقفته :نعم يا افندي
شبح محمد بطرف عين للشاب يلي جنبه وقال:الصقر جوا؟
زياد :اي يافندي الداخل يراجي فيك
تخطى محمد زياد وحط يده ع مسكة الباب وقبل ما يفتح تلفت للشاب وسئله:انت جديد؟
هز الشاب راسه:اي يافندي اليوم نقلوني انا وجماعة تانيه
محمد شن اسمك؟
الشاب شبح لزياد ورد شبح لمحمد :سفيان
هز محمد راسه وفتح الباب وخش سكره وراه
سفيان شبح لزياد:يخوف ياراجل
ضحك زياد :وسكتت ؟مسمينه الطقه هذا حتى من الصقر يهاب فيه هههه
.
.
اما ورا الباب ف اول ماخش محمد ابتسم وقال:نورتنا
شبحله الصقر وفتح يديه:لا والله عليك حق خيرك جاي بكري
قعمز محمد وحط رجل ع رجل وقال بابتسامه تابته:حتى نا قلتها بس
وسكت شوي وشبحله وكمل :اذكرت ان اليوم تسليم السلاح والدخاير قلت هي ياطقه خلينا نعدوا بدري عيب نخلوا صقوره يرجا اكثر
سكت الصقر شوي وبعدها:كان يشبحوك كيف تدوي معاي
وكيف رجل ع رجل اضيع ام هيبتب ياكلب
ضيق محمد عيونه:ونا ساترك
وقف الصقر وقال:عدد الشباب كل مره ينقص ياطقه شن صاير كل مانجي نلقا خمسه او عشرة طبوهم المأسسة الدوله واسروهم
محمد:وحتى نحنا عندنا أسرى منهم
الصقر:على تمانيه نفار بس تي هما عندهم العشارات منا تي حاسوا بينا بيطيحوا بينا وبيستولوا على طرابلس وبياخدوا منا الحكم والبدخ كله.
أنت تقرأ
عشق فى بلاد حروبها لا تنتهى( الفثنه والثأر )
Mystery / Thrillerروايه مقتبسه من الحقيقه ومنقوله من الكاتبه المبدعه (ياقوت)
