عشق فى بلاد حروبها لا تنتهى( الفثنه والثأر )

آلَبّـــــــآرتُـــــــًــــــــ6♡

#عشق _في_ بلاد_ حروبها _لا تنتهي.

فى البارت السابق:

هزت نادين راسها وفارس وقف وتلفتلها:تبي نجيبلك؟
رفعت نادين راسها:لالا تو نمشي بروحي غير انضم المنادير والبطاطين.
وشافت لدار لمنكتها السي زيد وهما راقدين
مشي فارس خش للحمام ونادين وقفت اضم فى الدار وفى المنادير لرقدوا عليهم ومشت توتي فى الفطور ..

#البارت _6_♡
قراءة ممتعه للجميع؛،

°• بلادي فقد من تقول،بأن القاتل يورث ذنب قتله لأبنائه لكي يدفعون ثمن قتله لشخص ٍ ما بدون اي ذنب لهم •°

انفتح باب الشيلا وحط صونيه فيها شربه او بالأحرى اميه مخلطه بطماطم لاغير ونص فردة خبزة
ورجع سكر الشيلا لمظلمه ومش منور عليها غير بصيص الشمس من الروشن عالي موضد بحديد لتهويه.
نهض احمد روحه بسيف وقعمز زين جبد الصونيه والخبزة وقعد ياكل ودموعه ينزلوا دموع  راجل اندل ونزل وانهانت كرامته على خاطر بس بوه كان ضابط متواضع على حاله مع الحكم السابق .

#أليس محزن ان يعاقب الابن على خطيئه الاب ؟ الاب يمتهن وظيفته لكي يسعد بها ابنائه#
زمط احمد ريقه واتكى بظهره على الحيط وهوا يفكر ؛زعما غاليه كيف امدايرة بروحها ؟من معاها من بعد أمي ؟
ورفع ايده يمسح على رقبته ويتحسس فى جروحه من ضرب السوط ..
ودموعه نزلوا وكأنه عيل صغير
وينك يأمي معقوله مشيتي متوتي من غير مانشوفك من غير مانبوس راسك قهرتك علينا انا ومجدي قتلاتك
سامحيني ياأمي سامحيني مش ذنبي انه وليت مذنب من لا شيء
مسح دنوعه بإيديه الزوز وهوا يحاول يبكل بكي ويستغفر ربه وقعد يدعيلها برحمه ..♡
نزل ايده على الارض وقعد يتحسس وقال بهمس:مفيش تراب ولا رشاده!!

تنهد وقف وهوا يسند فى روحه على الحيط لين قدر يوقف على حيله
وشبح للروشن العالي بكل وقال : يارب انت عالم بحالى لا متوضي ولا نعرف القبله وين ومفيش لاتراب ولا رشاده باش نتيمم فتقبل مني صلاتي  يارحيم ..♡
رفع ايديه وكبر للصلاة::الله اكبر ♤

من الجميل ان يكون اتصالك بربك اقوى من الجروح العميقه التى تعيق صلاتك ،
او همٍ يعيق تفكيرك،او ظلامات تعيق نظرك علىصلاتك
جميل ان تسلم امرك وأحكامك لرب العباد وتثق بهِ بكل حواسك.
ذلك هو الإيمان ..♡

___
قعمزت إيلاف فوق الرخامه وهيا تتنهد وتنفخ :ماتمت حرب ليبيا لين انا نتفجر من نقاشات بابا وسراج العقيمه من التفاهم
قعمزت روان جنب امها لمفرشه البخشه وتقرض فى الخضره:وماينبت جرس العقل لسراج لين يجيبلنا الجلطه بإذن الله.

ضحكت إيلاف :ماما بالله لما كانوا يوزعوا في العقل وين كنتي داسه ولدك سراج.
نجيه:ياناري وليدي اكيد كنت عاطياته طريحه المزاق لوحده من عمايله ويعيط فى وحده من التراكين المدخنسه.
ضحكوا إيلاف وروان وهما يتلفتوا لرؤوف لخش عليهم:ضحكونا معاكم ^_*
إيلاف :والله طايحين فى خوك سراج قرمه ليه ليه
خش سراج وضربها على راسها لين نزلت من فوق الرخامه وهيا تشد في راسها وتشبحله بقرنة حواجب ×_×