عشق فى بلاد حروبها لا تنتهى( الفثنه والثأر )

البّـــــــآرتُـــــــًــــــ9♡

عشق_فى بلاد _حروبها _لا تنتهي☆

للكاتبة: ياقــــــوُتُـــــــًـ♡

....البارت  السابقه..

بتسم محمد وخش لصقر لمقعمز وحاط رجل علي رجل وشاد تليفونه.
محمد:اووووبه تاريتك جوك سمح بكل
شبحله الصقر وضحك:والله سمح بكل ياراس اليوم بنرتاح من غمه كانت علي قلبي الله لا تروعك

___.
قراءة ممتعة ...

#البارت_التاسع
.
ضيق محمد عيونه وسكت وهوا يحاول يفهم:اممم شني ناوي
رفع الصقر كتافه:ارتاح انت
وناض وقف وهوا يقرب منه وطبطب علي كتفه:هي نوض تسقد وقت والبوابه لفاها رجالي ساعتين ويجوا تانيين يناوبوا غيرهم
هز محمد راسه وهوا يشبح لصقر بنظرات غير مريحه لين الصقر حس بيه
الصقر:خيرك؟
محمد فتح الباب:لا شي بس ردباك  تعدي نبي لما نجي نحقك هنا لازمني اليوم انت
الصقر بتسم:تي من عيوني
طلع محمد من المكتب وسكر وراه الباب علي الصقر لرفع تليفونه وتصل:الو الشرقاوي جايكم تمو موضوعه ماعاش نبي نشوف خليقته
وسكر وهوا يضحك ويتنهد براحه.

طلع محمد لشباب ليستنوا فيه باش يمشوا معاه واول ماشافهم قال:وين سفيان؟
زياد:اهو جاي
طلع محمد تليفونه من جيبه وهوا يشوف في رساله لوصلاته ورجعه في جيبه وقال:زياد نبيك اول مانعدي من هنا اطلع احمد
زياد ستغرب:قصدك نخليه يروح؟
محمد:اها توا مش بكرا وحتي انت عدي من هنا ماليكش لازمه نا بنتأخر بيش نوصل هنا وماعندي ماندير بيك الليله
هز زياد راسه:حاضر يافندي
طبطب محمد علي كتف زياد وأشر بيده علي الشباب باش يركبو السيارات وأول ماشبح سفيان جاي قاله وهوا يفتح في باب السياره:اوفا تعالا معايا
ضيق سفيان عيونه وتلفت وراه وهوا يمشي وقال وهوا يقيم في يديه ويأشر لروحه:تكلم فيا اني؟
محمد:اها بسرعه اركب معايا
سرع سفيان خطواته وضحك لزياد وهوا يقوله:اما الراجل طقه حق هههه مع السلامه
رفع زياد يده:مع السلامه
ركب سفيان مع محمد لتحرك وطلع وطلعو وراه زوز سيارات....

__..

ضيقت نادين عيونها وهيا تحط في يداها علي صدر فارس ودف فيه برا:ماتخشش اقعد برا ، برا لحوشنا ولا دور وين تنتلف لين يروحو
مسح فارس علي وجهه:تي نحي يادوده نبي ناخد الشحن باه ونطلع
نادين هزة راسها:الا اقعد هني اني تو نخش نجيبه
فارس:بنسلم علي خالتي
نادين:الا لما تروح تعالا سلم عليها في السياره
فارس:تي نحي يادراه خير امك نحي بنخش الحمام
نادين:حتي حني في حوشنا عندنا حمام برا غادي
فارس:دودة قسم بالله كان ماتنتلفي علي ام وجهي لما نركك كف
نادين ضيقت عيونها وربعت يداها ونفخت بيأس:اووووف باه كان قتلك مانبيكش تخش
فارس:وعلاش؟
نادين:هكي هكي مش انت راجلي خلاص مانبيكش تخش تروح خالتك وبنتها بعدين تعالا
فارس:واني نبي نخش نحي
ناجيه:فارس
تلفتت نادين وراها علي طول وهيا مش عاجبها
خش فارس وقرب سلم علي خالته:اوو خالتي كيف حالك
ناجيه:الحمدالله اهو خش خش هدرز علينا ستاحشتك
بتسم فارس وخش وماشبحش لنادين بكل لنفخت وهيا تخش للكوجينه وتخبط علي الطاوله لين تلفتتلها فرح اختها لتغسل في الماعين:خيرك؟
نادين:ياحنه اكيد بيخش يشوف حبيبة القلب
ونفخت وقعمزت: حتي هما قداش ليهم ماشافوش بعض تو راه مستاحشها
ونفخت وهيا تشبح لفرح لتكت علي الرخامه وترمش بعيونها وتهز برجلها بملل:فروح زعما قعد يحبها؟
بطلعت فرح هزان:ره فاتو سنتين وانتي مرته توا وام ولده حتي لو كان يحبها بينساها بس اللي اديري فيه وشدانك ليه قدام الباب وتلميحاتك هدو هما لي بيخلوه يذكرها
نادين:امالا تبيني نخليه يخش من غير مانعارض نبيه يحس انه اني نعرف ومانبيشي يقابلها
فرح جت قعمزت جنبها:ياحماره خليك ريلاكس تعاملي عادي ولا كأنك كنتي تعرفي انهم خاطبين او يبوا بعض اساسا المهم توا المهم انه توا راجلك انتي مش راجلها وبري غيظيها وتكلمي قدامها معاه برقه ووريها انه يبيك انتي باش تبعد كان في بالها فكره سوده
وقفت نادين علي طول لين خلعت فرح:تي خيرك
نادين ساوت قصتها وبلوزتها:مش قلتيلي بري اهو بنمشي وتي الصفر مابين جيتك وتو بتجي فاطمه
مشت نادين وخلت فرح تمد في شفايفها:عليك نادين وخلاص
خشت نادين لدار التقعميز لأول ماخشتلها شافت نهى لمقعمزه مقابله فارس وتبتسمله ،
ضيقت عيونها وجت قعمزت جنب فارس.
شبحتلها امها حنان:شن وتيتوا لعشي
هزت نادين راسها بمعني اي
حنان:امالا خلي انوض نشوف الحوش ونجيكم
نادين:فاطمه مشت خليك
حنان:ندير دوره ونجيكم
طلعت حنان وناجيه قعدت تهدز علي فارس:بتستقر هنا؟
فارس:لا والله المده الجايه بنولوا لتركيا
ناجيه:العفو علاش الغربه حاره ماحسن لك غير بلادك اقعد هني علي الاقل مانستاحشوكش ، وانت ترتاح من الغربه يقولك من طلع من داره قل مقداره
شقلبت نادين عيونها وقالت في خاطرها""هدا لناقص والله باش تزيد تتلصق فيه الست بنتك""
نادين:خدينا حتي علي غادي كانها بلادنا تعودنا
نهي شبحت لفارس:تتعودوا بس ح تحنوا علي الرجعه
فهم فارس قصدها طبس راسه وقال:بالعكس مرتي وولدي معاي علي من بنحن كان هما معاي
بتسمت نادين وشبحتله.
ناجيه شهقت:العفو وخيرنا حني ماتستاحشش فينا
ضحك فارس:انتي ياخالتي مكان لميمه الله يرحمها كيف مانستاحشكش
تحمحمت نهى اللي وجعها رده وقالت:تلودوا تلودوا ومرجوعكم هنا مهما يكون مكانك هوا مكانك
شبحلها فارس ونزل عيونه من غير اي كلمه ، واول ماتلفت لنادين لقاها تشبح لنهى وعيونها كلها غيظ وتتنفس بسرعه ،
بتسم وقال:وين زيد امالا؟
مابتش نادين ترد عليه ولا تشبحله.
ناجيه:عند جده قالوا ياوخيتي عسل اول ماخشينا جي لهنيوه طول
نادين نطت وقالت:غير كانت شاده شوكلاته كان هدا ره ماعدل عليها
وابتسمت بالسيف لين خلت فارس ينخصها بمعني اسكتي.
نهى:بالعكس والله قعد يلعب معاي وحبني والله عسل بكل ينزرط زرط
كيف جايه نادين بترد عليها قص فارس:نادين نوضي شوفيهم حسه خالتي وفاطمه جو
زمطت نادين كلمتها وشبحتله شبحه نااار وناضت بغل غلها...