عشق فى بلاد حروبها لا تنتهى( الفثنه والثأر )

البارت .2.♡

#*عشق فى بلاد حروبها لا تنتهى ..

للكاتبه..ياقوت ..

فى البارت السابق.
كنت جايه نبي نسمع بس القيت روحى نشوف فى بابا كيف مات
بين عيونى وقبل ما نوخر ونطلعلهم سمعت طلقة نار تانيه تلفتت
للروشن على طول وقلبي فى يديا وانا نسحابه قتلوا واحد من خوتى
بس شبحت خوى مجدي شاد السلاح وقتل هداك الكلب اللي قتل بابا.. .......

.........................نبدأ بسم الله

البارت 2

من بعد هداك البديوم ولت حياتنا اسوء من الجحيم نفسه، مجدي خوي هرب من بعد ما أمي اعطاته ذهبها باش يقدر يتصرف ويعيش ،
احمد خوى الكبير ولا يتلقى فى تهديدات من جهات امن ومر مره يجو يهدوا علينا ويرعشوا فينا لان بابا كان شرطي مع معمر ،وكا حساب بابا يلي فى المصرف سحبوه وقعدنا على الحديده واحمد خوى قعد هو المصدر الوحيد يلى يعيش فينا برغم ان بعد يلي صار طردوه من خدمته ك طيار وقعد يخدم فى كل مكان باش يعيشنا انى وماما تبهدلنا ولت حياتنا جحيم من حوش لحوش انلودوا نهربوا من التهديدات بس يلقوا فينا فى كل مره ،وقتها كنت صغيره بس ماما غرست فيا الخوف ان كل ماحد يجينا ندرق روحي فى الحوش وحتى لو شفتهم ماتوا ما نطلعش كانت هكى تقولى هيا واحمد خوى كبرت بكابوس مرافقنى ان لازم ماحد يشوفني كان هذا حنكون الضحيه الوحيده ،لين ولت حالة البلاد مستقره شويه ،بس للاسف قعده التهديدات تجينا بس اخف من قبل بهلبا ،ومجدي خوى قاعد هارب ومعاش نندروا وين مكانه ولا نندروا عليش او ميت ......

...............................

عبق نسيمك غير °فايح اصيل الهيل °عبق نسمتك يابلادي محلاه °يزهر ورود اصيله حلوة التبسيمه ♡♡♡

نزلت نادين من السيارة وهيا تستنشق فى الهواء لهب على وجها ببتسامه وظمعه عابره على خدها تدكرت كل لحظه عاشتهافيها
الله قداش ماستاحشتها وبكيت على فراقها وفراق الناس الغاليه.

قعدت واقفه فى مكانهاتبتسم وعيونها تلود فكل مكان وتلفتت اول ماسمعت صوت فارس :هيا
هوت راسها ومشت وراه وزيد فى حظنها لين شبحت معاذ خال فارس من بعيد.تنهدت ورفعت راسها لفارس يلى ملامحمه كانت متحجره وباين عليها الالم واضح .تنهدت وهيا تشبح قدامها لمعاذ يلي قرب من فارس وحضنه على طول بس فارس مدارش اي ردت فعل او بادله الحضن .بعد معاذ وشبح لفارس وهوا يطبطب على كتفه:خسارتي اكبر من خسارتك انى خسرت ام واخت
هز فارس راسه بشويه :هيا وقت على الجنازه

===============
*-نادين.
اول ماوصلنا لشارعنا شبحت للخيمه المنصوبه قدام حوش فارس قعدت نشبح لشارع وفى لحوشنا.من بعيد ودموعي مابطلوش بكل قصدي ليا سنتين بعيده ماشفتش لاامي لابوي لاخوتي عايشه فى غربه.
وقف خالي معاذ السيارة  ونزلت انى وزيد وهما مشوا للجنازه وقعدت واقفه قدام الخيمه وخايفه قعدت نشبح للحوش والسياره يلي فيها فارس صح ان كمية المشاكل يلي بينا مخليتنا بعاد على بعض وديمه انحس فيه بعيد عليا بس لاول مره ايجيني احساس انه معاش نعرف حد إلا هوا خايفه نقعد بروحي من غيره كأني بيبي صغير خايف امه تمشي وتسيبه فى حوش جده هذا احساسي توا
خديت نفس وانى نمسح فى دمووعي وخشيت للخيمه يلي كانت معبيه ناس في يلي يبكي واللي يهدرز ودوشة الصغار يتجاروا ويلعبوا .
زمطت ريقي وزدت ضميت زيد المستغرب ومشي خشيت للحوش يلي اول ماخشيتله اشبحت امي مقعمزه على الصالون وتبكي واول ماشافتنى زاد بكاها .حطيت زيد لوطه ومشيت نجري حضنتها وانى نبكي .نبكي من الشوق يلي قتلنى وعلى ماما ماجدة وعلى كل شي حسيت قلبي محرووووووق ومفيش من يطفي ناره ...