عشق فى بلاد حروبها لا تنتهى( الفثنه والثأر )

البّـــــــآرتُـــــــًــــ11♡

عشق_فى بلاد _حروبها _لا تنتهي☆

للكاتبة: ياقــــــوُتُـــــــًـ♡

....البارت  السابق..
_

محمد اول ماشافها خشت بينهم بعد خطوتين طول التالي.
غالية:انت شن تبي منا سيبنا في حالنا ياسر دمرت حياتنا انت وخوك الله لا ترحمه
شد احمد غالية ودفها باش تخش الداخل وهوا يركز علي محمد لتعصب وهوا يقبض في يده بالقوه وعيونه لمحولهمش من غالية...
.
#البارت_الحادي_عشر..

قراءة ممتعه..♡

.
__..

قعدت غالية تعافر في احمد لكشخ عليها بصوت واطي:خشي ياغالية
غالية قعدت تشبح لمحمد بعيون يقدحو في الشرار:لا مانيش خاشه هدو بياخدوك يااحمد اني مانبيش نقعد بروحي مره تانيه
احمد:غر خشي ياغالية بالله عليك
هدت غالية وهيا تشبح لمحمد بغل وكره وتلفتت خشت وردت باب الجنان وقعدت وراه تسمع.
وخلت احمد يتلفت لمحمد لقرب الخطوتين لوخرهم وقعد يشبح لنهاية الباب المردود وهوا يشبح لرجلها الباينات من لوطه:عندك مهله تسبوع ياتقولي مكان خوك وين يا ترد لنفس الشيلا لكنت فيها
خدت غالية نفس كبير ودموعها نزلوا.
احمد زمط ريقه:ماتقدرش تردني الصقر طاح خلاص ماعندك باش شاد توا واني ماعنديش سوابق
ضحك محمد بخفه وحط عيونه في احمد:ومن قلك ياراس نا ماسك بهضا ولا بهضا نا نمسك لنبيه ونتهم لنبيه ، ونا ليا الحق نقبض عليك ونشيلك للحبس وقتي انت عندك قضية تجارة حبوب عندك قضية مخذرات يافندي
ضيق أحمد عيونه:كدب اني لا متع مخدرات لا شي حتي الدخان الساهل ماندخن
رفع محمد كتافه:عارف لكن هات من يصدق
وتنهد محمد وحط يديه في جيوبه وكمل:شيلك من هضا كله وخلينا في الاتفاق السمح شني قلت؟
وشبح لرجلين غالية لتحرك فيهم بتوثر وكمل:ولا نخليك تفكر وعندك اسبوع
مسح احمد علي لحيته بتوثر وخوف وتلفت محمد بيمشي بس طلعت غالية بسرعه وصيحت:والله لو تراجي سنه مامقايلين لك وين لو كان تقتلنا
رجع محمد تلفت وطلع لسانه وهوا ينتش فيه بغل من غالية ورفع يده جهتها:انقنك خاطرك في طريحه سمحه نمسح فيك دم قلبي ياطشه انتي
شهقت غالية وكيف بتزيد تصيح تلفتلها احمد لفنص فيها وهوا يسكرلها في فمها بيدها بالقوه وهوا يدف فيها باش تخش الداخل ويسكر في باب الجنان.
وخلا محمد يركب سيارته ويتنهد وهوا يفتح في الروشن ويشبح لبابهم ويبتسم:جلاطة السانها اممم احيه وخلاص
وضحك وهوا يتحرك بسيارة ويمشي.

__..

دفها احمد وهوا يكشخ عليها:شن اني طرطور تشوفي فيا جايتيه تجري خيرك هبلتي انتي هبلتي
ضربت غالية رجلها في الارض بالقوة وبعصبيه:اي هبلت هبلت اني مستحيل نخليه الكلب هدا يرفعك مره تانيه ماسمعتاش شن قال اسبوع بس وكان ماقلتلاش علي مكان مجدي بيحبسك واكيد بيحبسك لانه مانعرفوشي وين
ونزلو دموع غاليه وهيا تمسح فيهم بعصبيه
احمد زاد علا صوته:يحبس يقتل غر لبدير يديره اني مليت فديد خلاص من العيشه هدي ره هم خوك وهمك انتي مش قادر نتحمل اكتر
هدت غالية وقعدت تشبحله كيف يمسح علي جبهته ويتنفس بسرعه بسبب عصبيته ، طبست راسها وقالت:هدا علاش تبي تزوجني للي يجي باش ترتاح من همي
رفع احمد عيونه في غالية وقال:من وين عرفتي بنزوجك
غالية:مبكري قعدت نسمع فيك انت وراجل تدوا تبي تزوجني باش ترتاح وتهج وتهرب زي مهرب مجدي وتخليني بروحي
تنهد احمد بالقوة وقرب من غالية لنزلوا دموعها:اه ياغالية ياريتك تفهمي بس ياااريت
سكتت غالية وهيا تخش للحوش وتخلي فيه في جنان بروحه...