Aakhir wye station pahunch chuke the, ab unhe apne destination barabar hills pahuncha tha.
Kaha jaata hai ki in pahadiyon per saat gufaayen hai, aur ye kahan khulti hai kisi ko nahi pata, yahan ek patthar se dhaka hua darwaaza bhi hai jis per atipraacheen lipi me kuch likha hua hai, sthaaniye manyataaon ke mutaabik ye koi code words hai jo ki ab tak koi crack nahi kar paaya hai, agar yeh code word crack ho jaaye to ye darwaaza Khul sakta hai.
Is darwaaze ke baare mein logon ki kai maanyataayen hai kisi ke anusaar, yeh Raaja waibhaw prajapati ka khajaana hai, jise usne apni mayawi shaktiyon ke bal se hazaaron salon pehle band karwa dia tha, kisi ke mutaabik ye kisi doosri duniya ka raasta tha.
Sukhe ne yeh jagah isliye chuni rhi kyunki yeh jagah jyada famous nahi thi aur jyada logon ko iske baare me pata nahi tha, agar unhone kuch anutha kar dikhaaya to unki kismat chamak sakti thi, aur doosra karan yeh bhi tha ki, yeh unke home town ke paas hi tha, to sthaaniye logon se waartalaap me koi dikkat nahi hoti.
Train aa chuki thi, sab train me baith chuke the, aur suru hua thaka dene waala do din ka lamba safar.
Auto mein baithkar sab hill ko rawana ho gaye, iss hill per bhi aur hills ki tarah hin colonies basi hui thi. Bahut si jaankari to wye log enternet se prapt kar hin chuke the ab bas unhe wahan ke sthaaniy logon se aur jaankari prapt karni thi.
Lekin sthaaniy logon ke paas itni fursat kahan thi ki wye log anjaan logon ko apna kam chhod kar sab kuchh batate firte. To doston ne wahan ke logon se Tv reporter bankar pooch taach karne ki sonchi. Sab apne apne ghar se school ka ID card to laaye hi the, camera unke paas tha hi, Sukhe ki daadhi dekhkar uski ummr bhi kam nahi hi lagti thi, card board aur fome se unhone mike bhi tyaar kar liya, haan ye alag baat hai usse kuch record nahi hota tha, aur chal pade daure per.
Anpadh gaon waalon ko wo apna school ID reporter ID ki terah dikhaate aur nakli mike aur asli camere ke saath reports ki tereh pooch taach kerne lagte, adhiktar baar to sam camere ko play kiye bina hi jhoothi recording kerta rehta.
Kabhi kabhi jab Jp aur Raghu se hansi bardasht nahi hoti to wye khhanste hue peeche chale jaate aur khulkar hansne ke baad wapas aa jaate.
Lekin ab tak unhe koi aisa saksh nahi mila jise sahi sahi aur lagbhag poori jaankari ho, jitne logon se se abtak wye mile the unme se adhiktar logon ke kisse unhe banawati lage, aur kuch rate ratye ghise pite.
Unhe koi aisi jaankari chahiye thi jiske dam per wo apni khoj ko aage badha saken, kyunki bina poori jaankari ke aage badha unhe theek nahi laga to unhone wahan se lautne aur koi doosri jagah jaane ka faisla kar liya.
Shaam ho chuki thi, chaaron bus ke intezaar me sadak ke kinare, haath pair chala rahe the, Raghu aur sam pathar fenkne ke competition me lage hue the. Jp bottle me paani bharne sarkaari handpump pe line lagaye hue khada tha.
Jp ke peeche koi 70 80 saal ki boodhi aurat, jiski na to kamar me taakat bachi thi aur nahin haathon mein, ghada liy Jp ke peeche khadi thi,wo kabhi Jp ko dekhti to kabhi aage lagi lambi pankti ko, Jp ko uss per Bahut daya aa gayi.
Jp- daai (respected word for old womens in that area) ye ghada mujhe dedo mai bhar deta hun.
Daai - nahi beta mai kar lounge, waise bhi aaj tak bharti hi to aai hun.
Jab Jp ne aur aagrah kia to usne de dia.
Jp- daai tumhaara koi beta nahi hai kya? Tumhe iss umr me kam karna achha nahi lagta.
Tab tak Jp ka number aa chuka tha usne apna aur daai ka paani bhara aur daai ke paas ke hi makan mein chhodne chala gaya.
Sukhe, aur wo dono bhi Jp ke late hone ki wajah se wahan aa gaye.
Sukhe - kitni der karega paani ko bharne mein wahan bus chhoot jayegi.
Jp ne sab bataya to Sukhe shaant hua, aur bola chal theek hai.
Sab laut ker jaane ko hi the ki budhiya ki aawaj sun Ker wye ruk gaye.
Daai - mai Bahut din se tum logon ko dekh rahi hun tum log us gufa ke bare me sab se pooch rahe the, mai jaanti hun tum log koi reporter nahi ho, agar tum sab us gufa me jaana chahte ho to mai kahungi laut jao yahan se, laut jao.
Daai amma ne 60 70 ke dasak ke haunted filmon ke boodhe chaukidaron ki tarah chetawani dete hue kaha.
Lekin isse uncharon ko itna jaroor maloom ho gaya tha ki ho na ho daai ko kuchh aisa pata hai jo unko yahan fir se rukne ko majaboor kar de.
Sukhe ne kuch der sonchne ke baad gambheerta se daai se poocha - aakhir aisa kya hai un gufaon mein jo aap humein wahan jaane se rokna chahti hai.
Daai- Tum log mujhe achhe insaan lage isliye rok lia uss manhoos pahadi pe jane se, warna mujhe kya hai mai to apna kho hi chuki hun sab kuch...
Kehte kehte daai ma thodi bhaawook ho gayi, unki aankhon ke aanson ye bayan kar rahe the ki jaane anjane me unhone unka koi purana ghao hara kar dia hai. Sam ne khaansti hui daai ma ko ghade se paani nikalkar dia.
Ab wo kuch shaant hui, aanson ko poocha, aur kisi sonch mein doob gayin.
Wye log bhi jaanne ke liy utsuk the, kuch der baad budhi daai ne sannata toda aur un lamhon ko unke saamne rakhne lagi.
आप पढ़ रहे हैं
Waqt-when time becomes terror
Khoa học viễn tưởngये चार आम मध्यवर्गीय परिवार के चार आम बच्चों की कहानी है , इनके सपने भी आम आदमी की तरह ही इंजीनियरिंग और मेडिकल की तैयारी ,और दुनिया की घुड़दौड़ में आगे रहने का है I लेकिन अगर आपके सपने हीं तूफानी और हों ,कुछ सच्चे दोस्तों का साथ और कुछ नया करने का जू...
