Waqt-when time becomes terror

Aagaj

Subah hote hi chaaron ne apna apna saaman pack kia aur upar chadhne lage, sabse upar jaakar jahan se sadak khatm hoti thi wahan unhone, chaye wale se gufa ka raasta poocha aur aage chal pade, chaye wale ke mutaabik unme se pehli gufa to 1.5 kilometers door hi tha aur baaki paach bhi 4 ya 5 kilometres ke andar hi tha. Saatwein aur sabse bade ke baare mein use nahi pata tha, bahut kam log hi wahan pahunch paaye the aur shayad hi koi aisa wahan se laut ker wapas aaya ho.

   Sabke smart phones ki battery bhi drain ho gayi thi aur aage shayad hi kahin unhe electricity milne waali thi, to unhone wahin pe apne phones charge kerne suru ker dia, jab tak phones charge hue shaam ke 3 baj chuke the panch baje tak shayad wye pehli gufa tak pahunch jayen ye sonch kar unhone aage chalna jaari rakha. Sham ke 7 baj chuke the aur pehli gufa unke saamne thi. Andhere me unhone gufa ke andar jaana theek nahi samjha aur wahin gufa ke baahar hi camps laga di.

    Sam ne ek lambi mazboot lakdi jiske kinare par chhota sa Y bana hua tha, camere ko night vision mode me daal kar uski per rakh dia aur, dhabak se jaakar apne doston ke saath baith gaya.

Haan to doston ye humari last night hai camp ki, iske baad apka intejar khatm, kal subah suraj nikalte hi hum gufa ke andar jaane waale hain. Sam ne camere ki taraf dekhte hue ye shots liy. Perfect shot ke liy usne ek dialogues baar baar bol ke doston ke kaan paka diy, Jp aur Sukhe to so bhi gaye, jane kab sam ko ek perfect shot mila aur wo bhi ghode bech kar so gaya.

   Raat bhar camera khula chhod dia iss bewakoof ne, saari bateri drain kar di, aankh malte hue raghu ne sam ko koste hue kaha.

   Koi baat nahi, hum jaante hai ki yeh bewakoof hai tabhi to maine camere ki chaar batteries pehle se le rakhi thi, ye le laga dena camere mein, Sukhe ne extra battery sam ki oar fenkte hue kaha.

   Aaj to maja aane wala hai bhaai, Sam excited lag raha tha.

    Chaaron ne apna saaman sameta aur gufa mein enter karne lage. Subah ho gai thi bahar achha khasa ujala tha lekin gufa ke andar to kuchh feet ke baad haath ko haath na soojhe iss kadar tak andhera tha. Gufa ke baahar puratatwik wibhaag ka notice board bhi tha jis per gufa ke andar  jaane ki sakht manahi thi.

   Sarkar ne gufa ko ek bade patthar se dhank bhi dia tha, lekin ab wo patthar kuch sararti, joshile yuwko dwara hata dia gaya tha, isliye kam se kam unhe wo bhari bharkam darwaja nahi hatana pada. Gufa ke andar bahut ghana andhera tha, sabne torch ki rosni mein aage badha suru kia. Lekin torch ki rosni bhi itni tej nahi thi ki gufa ka Poora najara dekha ja sake.

   Sam sabke peeche night mode mein shooting kiy ja raha tha. Gufa ki chat se ulte late chamgaadro ki chamakti aankhe camere ke green visuals me darawne lag rahe the. Chaaro gufa me kaafi andar tak aa gaye the lekin gufa mano khatm hone ka naam hi nahi le rahi thi. Haan shuruat me kuch der tak to gufa ki jameen per chips, biscuits ke rappers, water bottles mile the lekin aage jaane per wye bhi milne band ho gaye, aisa lagta tha gufa mein itni andar aane wale bahut kam logon mein wye summar ho gaye the. Andheri gufa mein chalte hue saanp bichhuwon par paon padne ka bhi khatra bana hua tha.

   Mai to kehta hun yahan se laut chalte hai, kuch nahi milne wala hai yahan, Sam ne camere mein aankh gadaye hue bola. Waise bhi supernatural, paranormal jaisa kuch nahi hota iss duniya mein agar kuch hota hai to sirf jahreele saanp aur bichhu jo iss gufa mein bhare pade hai, kisi ne galti se kaat liya to samjho ho gaya Kalyaan.

   Chup be fattu, itna hi dar lagta tha, to baith ja jake apne baap ki parchoon ki dukan per humare saath kyun aaya. Jp ne sam ka majak udate hue kaha.

   Dekh mere dad pe mat ja, samjha aur waise bhi unki parchoon ki dukan nahi balki wahan ki one and only garage shop hai, Sam ne Jp ka jawab dia. Sab dost hansne lage aur fir se aage badhane lage.
  

   Kaafi der tak chalne se wye thak chuke the wye whin per patthar per baith gaye raat ka bacha hua kuch teetar, aur sandwich khhaya, kuch der aaraam karne ke baad wye fir se aage badhane lage.

Unhone to sonch liya tha ki ya to gufa khatm ho jaye ya fir jab tak kuchh mil na jaye wye peeche nahi hatenge. Gufa me andhera hone se samay ka pata nahi chal raha tha.

Are saadhe aath, raat ho chuki hai humne
Pata bhi nahi chala, Raghu ne ghadi dekhte hue kaha.

   Theek hai hum kuch aur der dekhte hai, shayad hum pahunch hi gaye ho waise bhi ye gufa sone ke liye Theek nahi hai, Sukhe ne gambheerta se kaha.

Raat ke gyarah bajne waale the sabke pair sunn pad chuke the, chalna namumkin sa ho gaya tha, bina ruke aaram kiy aage badha sambhaw naa tha, Sukhe ne thoda aage jaakar aaram ke liye thode unche patthron ki talash kerne laga jis per raat kati ja sake, Sukhe thodi door hi badha tha ki uska pair kisi cheej se tara gya aur wo ladkhadakar gir gaya.

  Chapak, jaise koi paani me gir gaya ho, iss jor ki aawaj ne doston ke kaan khade kar diye. Kahin Sukhe to nahi, use kuch ho to nahin Gaya ajeeebo gareeb Bure khayal, unke dimaag me ghar karne lage.

Wye kuch sonch kar aage badhane hi waale the ki, Sukhe daudta hua wahan aa gya, chehre ki chamak uski khushi bayan kar rahe the.

I got it, I got it yaaaa Sukhe lagbhag paagal sa lag raha tha.

Aakhir baat kya hai, kya kuch mila kya, Sam ne Sukhe ki taraf camera focus karte hue bola.

    Mere saath aao mai tumhe dikhaata hun, Sukhe ne bag peeth per uthate hue kaha.

  Sab aage badhane lage, aage ek bade gadhe me lagbhag kamar tak paani bhara hua tha.

  Achha to tu issime gir gaya tha, yahi dikhane laya hai tu humein, Raghu ne Sukhe ko tana maarte hue kaha.

  Nahin, jara soncho ye taaja paani iss gufa me aaya kahan se ye koi bahut purana jama hua paani bilkul bhi nahi hai, iska matlab yeh hai ki iss gufa ke paas jarur koi nadi, taalab ya jharna hai jisse yahan per ye pani aaya hai, Sukhe ne doston ko wistaar se samjhaya.

   Lagbhag kamar tak paani mein wye aage badhne lage. Kuch der chalne ke baad we thak chuke the, thake to wye pehle se hi the jo bachi khuchi takat juta kar Wye aage badh chuke the ab wo bhi jawab de gayi thi. Thoda aur aage badhne per unhe jo nirasa haath lagi wo poore mehnat per paani pher dene waali thi. Wye gufa ke ant per the aage raasta band tha.

  Raghu per thakan aur neend hawi ho rahi thi iss karan se uski pakad se torch chhut gaya aur paani me gir gaya. Paani ki saath per ped ke patte pade hone se torch ki light bhi upar tak nahi aa rahi thi.raghu ne Neeche jhuk kar torch nikalne ka paryaas kia per wifal raha. Paani me sir jaane se uski neend to utar hi chuki thi.

    Lekin achanak raghu ne fir paani mein sir daal ker naa jane kya dhoondhne laga, shayad torch ya fir kuch aur. Lagbhag do minute ke baad jab usne sir nikala to ek gheri saans Lia, uske chehre per sukun dikhaai de raha tha.

    Doston paani ke Neeche se aage jaane ka raasta hai, maine paani ke Neeche se aati hai rosni dekhi hai shayad gufa khatm ho chuki hai. Raghu bahut khus lag raha tha.

  Theek hai pehle hum apne bags ko bahar karenge fir ek ek karke baahar aa jayenge, Sukhe ne sujhaw dia.

  Sabne pehle apne bags baahar kiy, aur fir ek ek karke khud bhi bahar nikalna chalu ker dia. Ab sab gufa ke uss paar the, paani ka level gufa ke andar ke paani se jyada tha. Bas kandhe aur sir hi paani ke baahar the.

  Hoooo, humne kar dikhaya sab jaise khushi me paagal ho rahe the, saari thakan jaise mit gayi thi.

   Chalo kuch na sahi kam se kam hum gufa ke doosre chhor per to aa hi gaye hai na, wooooooohaaaaaa sam ki khushi ka thikaana nahi tha.

Doosre nahi, TEESRE chhod per, Jp ne kalai ghadi ko dekhte hue kuch gambheer aawaj me kaha . Raat ke ek baj chuke hai aur yahan sir pe sooraj chamak raha hai.

  Khushi ke maare Wye ye to bhool hi gaye the ki raat ho chuki hai, sabka sir aasmaan ki taraf tha aur muh khula ka khula.