#بارت 37
❤❤❤
(انا طفل صغير ابقى طفل صغير ولو عبرت 50 عاما طالما امي بجانبي لكن عند فقدانها ...، انا طفل)
ليلى (اجة حضرتلة الغدا بالصالة عفتة ورا نص ساعة لكيتة نايم كلشي مماكل بس شارب العصير احس دينفرني اكثر من قبل مخليتة ع راحتة مابيدي شي اسويلة طول هاي الايام موجعي تزيد ماتقل احس كبرت بهذا الشهر عشر سنين فوك عمري نايم ع القنفة الي انام بيها ضليت حايرة وين انام اخاف انام بالغرفة ومينام بيها من يكعد الساعة 12 بليل باردة حيل باردة فاتحة التدفئة بكل البيت بس ماكو غطيتة رحت للغرفة فرشت ع الارضية احس كل جسمي صايبتة رجفة قربت الصوبة الكهربائية علية تغطيت واني صافنة ع صورة عرسنا اوووووف لو يرجع هذاك اليوم الي غلطت بي جان كصيت لساني عيونة كلها فرح وضحكتنا جانت تارسة الصورة غفيت واني اقرا ايات )
رأفت (كعدت على صوت الاذان يقشعر البدن كمت صليت وقريت قرأن وادعي الامي ربي يسكن قبرها الراحة والنور دعيت واني دموعي تتسابق ان يردلي بنيتي ويرجع حبنا مثل قبل واكثر كمت ادور عليها ماكو وين راحت حتى ماكو دوام اليوم جمعة رحتلها للغرفة لكيتها نايمة مثل طفلة بريئة الشيب منثور ع خصلات شعرها بوست شيبة شيبة شفتها لامة جسمها مثل وضعية الجنين بردانة صدك الجو ثلج كمت غطيتها ونمت من الجهة الي هي نايمة بيها ضليت ارسم ملامحها هل ملامح البريئة من توكف كدام القاضي دوخة بذكائها اوووف يابنيتي لو تدرين كلبي شمحمل هموم قررت كافي لازم انهي هل تعب !
🖤🖤🖤🖤🖤
ليلى (اليوم الاربعين طلعنا من الفجر مجان اكو اي كلام بيناتنا ضلت هل فجوة بيناتنا شنو يطلب اللبي بس ماكو لا شلونج كلشي ماكو هل فترة يمكن تعبت اضعاف احس حتى كلامي قل صار عندي كمية هدوء مو طبيعي ماعندي واهس احجي احس روحي منبوذة عايشة ويا انسان ميطيقني طول الوكت يشتغل يطب ويطلع يشتغل مايجمعنا غير بس الاكل طبينا زرنا بجيت بجي يمكن بس بفاتحة ابوية بجيتة احس عيوني بعد ما اشوف بيهن طلعت من الصحن وشكل رأفت مو اقل من حالي !)
رأفت (دخلت الامام واني مأمن يمة روحي ودعيتة يردلي بنيتي طلعت بعد مامسحت دموعي وارتاحيت بريحة ضريح اميري علي (ع) شتفت حبيبتي شلون ذبلانة ضعفانة حيل عيونها حمر ومورمة شكد كرهت روحي بيوم الهملتها تمنيت يرجع الزمن بيوم الي تخربطت بالمحكمة وصاحتلي ابوية ارجع واللمها بحضني لليوم هل كلمة ترن ابأذني ابوية اي اني ابوج وحبيبج ما اتوفج للموت وصلت المقبرة الغالية شميت ترابها واني كاتم بداخلي صرخة تبجي الي بالمقبرة كلهم ماتحملت واني اشوفها جوة التراب صرخت صرخة من كل كلبي ربيييييييييييي تعبت ارحمني )
ليلى (بجيت وهواي على حزني على ابوي على عمتي بعدها كلمن نسحب لاعز احبابة الي مفاركة اخذتني رجلية بأنكسار لأبوية الي عافني وماسئل علية بعد كعدت مقابيلة احاجي اختنك واني اشوفة احاجي ومايجاوبني هايابة شوف حالي شلون صرت هيج تعوفني شوفني كمت ماانام اذا مادمعتي تغرك فراشي تعبت من حزني كومي ارجعلنا اليوم جمعة تذكر الجمعة شلون تلمنا وشلون سوالفنا وضحكنا كل العالم تسمعة امي من بعدك تعبت وكبرت فوك عمرها سنين ماعندي الي اشكيلة همي امي مريضة جنة وكرار حايرين بعوائلهم كلبي مينطيني اخرب فرحتهم حتى الي جنت اصيحلة ابوية عافني جنت انت ملجأي دموعي ماوكفن اختكنت الكلمات تجرحني اكثر من ما اطيب خاطري كوم فدوة ماعندي احد حتى رأفت عافني كوم عيني انت حسيت احد يطبطب ع اكتافي كال ليش هو منو يكدر ع افراكج
رأفت (اخذتها الحضني وبدينا واحد يشكة همة للثاني دموعها خناجر تنبت بكلبي مسحت دموعها )
• رأفت ماعاش الي تنزل هل دموع كومي يلة
رافت ( اخذت اديها واحنا مودعين غوالي الجو رارد ونثات مطر يفتح النفس بس اكو خنكة بداخلي ......
انتضروني ببارت قادم نوارسي ❤❤
أنت تقرأ
انت ملجأي
Romanceوبكل رواية أبدي بها اذكر ان هنالك ( حب ) ( كره ) فمن دون هذه الصفات لا تسير الحياة ، رواية تتكلم عن حب جامعي يجمعهم القدر بصدفة جميلة تجمع الرواية كل صفات الحب والحياة لكن.... الى اين سوف ينتهي بهم المطاف ؟ ؟؟؟؟
