#البارت 14
نرجع وياكم عمري بتكملة رواية انت ملجأي ❤
حبايبي ونوارسي الحلوين ارجع وا اكول الرواية بقلمي والله اتأخر بين ما اكتبها وارجع اراجعها خاف عندي خطأ وبعدين عندي مسؤلية هم فا أتاخر شوية يادوب اللحك اكتب بارت وارجو عدم التعليق داخل التعليق المثبت حتى تبقى الرواية مرتبة احبكم ❤
رأفت اوووف واخيرا خلص هذا الامتحان شكد يعكر مزاج معدتي
ليلى وانت يا امتحان ممعكر مزاج معدتك بس
زحمة
رأفت اش اش لاتحجين هيج ويا زوجج عيب
ليلى رأفت كون صدك هيج تعاملني ورا الزواج ياخطيبي
رأفت اي اي كلة هيج واذا متمشين صح التزم درب الضرب هم
ليلى (ضربتة بالدفتر) والله اموتك واطلع ع نشرة الاخبار زوجة تقتل زوجها وتعلقه في باب المنزل
رأفت انا اخوك صار بيها كتل جذب يدادة جذب اشاقة وياج صدك جذب يعني ميصير واحد يشاقة وياجن بنات حواء
ليلى عفية هيج اكعد عاقل
رأفت تدرين ليالي انتضر المحاضرة تخلص احسبلها دقيقة دقية حتى بس اشوفج (بهيام)
ليلى يووووو رافت والله استحي
رافت اموت عليج
ليلى اسم الله عليك
رافت تكومين نتمشى
ليلى تمام رأفت دشوف الي اشوفة اللهم صلي ع محمد
رأفت شنو شبيج حبيبتي
ليلى شوف جنة وحسام كاعدين
رافت ههههههه ياسبحان مغير الاحوال
ليلى ع الله ميكسر كلبها
رأفت لا يمعودة صدك تحجين هو انتن خليتن عقل بروسنا بكل صلاة ندعي اتصيرن حلالنا
ليلى امممممم يعني دعائك مستجاب
رأفت الحمدلله ومن صرتي الية كمت بكل صلاة اشكر الله ع نعمتة
ليلى (ومثل كل مرة ما اعرف شنو اكول واذب روحي بحضنة ) رافت مرات من احضنك احس حاضنة ابوية
رأفت ( ضلينا انسولف ونضحك فجأة لزمت كلبها ) شبيج عيني ؟؟؟؟؟
ليلى ما ادري كلبي احسة انشلع من مكانة اخاف امي بيها شي ما ادري خلي اخابر
رأفت كرار هم ماكو اتصل علية مغلق
ليلى اجتي جنة تركض
جنة شبيكم
ليلى ما ادري اهلي اخابر كلهم مغلق
جنة ياربي اتصل وماكو شصاير
ليلى ياربي احفضهم امي متنام هيج وكت وكرار ماخذ اجازة فجاة دك تليفوني رقم غريب
احسان الو ليلى اني احسان
ليلى اهلا احسان شصاير فدوة
احسان لاتخافين ماكو شي بس اهدي منو يمج
ليلى رافت وجنة
احسان شوفي كرار مسوي حادث بسيط هم بمستشفى اليرموك
ليلى شنو هم منو امي بيها شي ؟؟؟؟
احسان هسى تعالي ماكو شي
ليلى يمة كلبي مامرتاح احس صاير شي فدوة خلي نروح
رأفت (فجأة وكعت بين ادية) مي خلي اغسل وجهة
ليلى فتحت عيوني مر طيف ابوية من يمي وفزيت اذكرت امي وكرار رحنا للمستشفى بقسم الطوارئ والطامة الكبرى ان كرار ضلعة مكسور وعندة نزيف داخلي وامي مرتفع السكر لهنا احس كافي مكدرت اسمع اي شي اذني صار بيها مثل القطعة الي تفصل عني كل الاصوات كعدت ع الارضية ياربي ضربتين ع الراس توجع دخلت الامي وين ابوية عنج جان هسى جاي يركض من المحكة ومخليج بحضنة ويكلج هايرويحتي شلون صرتي حضنتها هي تبجي واني ابجي احسها حست بالي ابداخلي لليل احنا ع فد وكفة حسام ورأفت معافونا ويانا ويانا ما انسالهم هل وكفة حمدت ربي وشكرتة احسان اخذ خالة هناء بليل بالموت يلة راحوا خطية ضلينا احنا البنات
رأفت خالة حبيبتي خلي حسام يوصلج انتِ وجنة اني ضال يم ليالي يلة بدون نقاش شسوين ضالة هنا تعبتي روحي ارتاحي وحالتة مستقرة الحمدلله يلة عيني
ام ليلى والله ياخالة ماقصرتوا الله يحفضكم وينور دربكم انت يمة ليلى روحي ارتاحي من الصبح ع نفس الوكفة روحوا اني اضل
رافت خالة يلة عيني ينتضركم حسام
ليلى يلة ماما لاتخافين وياية رأفت
الام ديروا بالكم ع روحكم
ليلى طول الليل رأفت مشاف النوم خلصناها سوالف ويواسيني كل شوية ايجيب شغلة شكد احبة بس بهل ليلة حبيتة اضعاف حبي الة مرت 3 ايام طلعنا كرار اشوية تعبان وهم ويانا الولد الغدا والعشا هما ايجيبوا كل شوية رأفت داك الباب حسام ورافت وكرار صاروا حسيت رافت وكرار اخوان مو نسيب ضل ويا ويا ايساعدة بكل شي فدوة خوش فريق الله يحفضهم صارت بالعشرة بليل ديروح رأفت البيتهم طلعت ادوعة بالكراج نتمشى صافنة ع عيونة فدوة تخبل
رأفت ارتاحي بس ترة اخابرج قبل لا انام اسمع صوتج
ليلى ههههههه اي طبعا ارتاح عيني تعبت
رافت ديري بالج ع نفسج ترة اموت اذا صار بيج شي
ليلى اسم الله عليك ما احب طاري الموت
رأفت تخافين علية
ليلى لعد شعندي غيرك تعبناك انت وحسام
رأفت لا يمعودة ولو ذاك السافل مصدك لو بيدة يبات بالكراج
ليلى هههههه اي والله صدك ولو هو صديق منو ماعافها الله يتمملهم ع خير
رافت بدينا ام اللسان خلي اروح
ليلى حافضك الرحمان ...........
أنت تقرأ
انت ملجأي
Romantizmوبكل رواية أبدي بها اذكر ان هنالك ( حب ) ( كره ) فمن دون هذه الصفات لا تسير الحياة ، رواية تتكلم عن حب جامعي يجمعهم القدر بصدفة جميلة تجمع الرواية كل صفات الحب والحياة لكن.... الى اين سوف ينتهي بهم المطاف ؟ ؟؟؟؟
