أحببتهُ مشوهًا و لكِن «قيد التعديل»

الفصل الخامس عشر..

نكمل روايتنا(أحببتهُ مشوهًا ولكِن)بقلم سلسبيل كوبك..
الفصل ال15..
نبدأ فصلنا الجديد بـ...
سلطان:منورة يا خالتو..
نداء:بنورك يا حبيبي جيت اطمن على عشق..
سلطان:بيتك يا خالتو..
سلطان استأذن منهم و سابهم و دخل أوضة مكتبه، الاتنين فضلوا ساكتين و نداء قربت من عشق مسكتها من دراعها بعنف..
نداء(بحدة):جنون منك تاني متعرفيش هتصرف ازاي يا عشق..
عشق(بوجع):سيبي دراعي..
نداء(بحدة):متخلنيش أندم..
نداء سابت عشق و خرجت بره الفيلا، عشق عينيها دمعت و بصت في الارض بحزن..
أسماء:حبيبتي هتروحي امتى تشيلي الجبس؟.
عشق:معرفش يا دادة..
عشق:عن أذنك..
عشق مشيت ناحية أوضتها و دموعها نزلت على خدها ببطء و هي حاولت تمسحهم لكن مقدرتش انهارت في العياط، عشق قفلت باب أوضتها و قعدت على الأرض و هي بتندب حظها..
بعد فترة،،
عشق قامت بسرعة لما سمعت صوت سلطان على الباب و هو بيخبط..
سلطان(بضيق):عشق..
عشق فتحت الباب و بصتله و قبل ما سلطان يتكلم عشق حضنته..
سلطان:في حاجة حصلت؟
عشق:لا بس..
سلطان:بس إيه؟
عشق:مفيش حاجة مفيش..
عشق:أنا بخير.
بص سلطان ليها بتمعن و مرضيش يضغط عليها..
سلطان:تعالي البسي هنروح للدكتور يشيلك الجبس..
عشق:حاضر..
سلطان(باستغراب):متأكدة أنك كويسة!
عشق:اه..
دخلت عشق أوضة الملابس و غيرت هدومها بصعوبة بسبب الجبس اللي في إيديها، سلطان دخل بعد عشق غير هدومه و نزلوا هما الاتنين على السلالم..
عشق:سلطان..
سلطان:نعم..
عشق:ممكن نتخطى اللي أحنا فيه ده؟
سلطان(بهدوء):متسبقيش الأحداث..
عشق:سلطان أنا بحبك و الله بحبك عارفة إني صدمتك فيا بس و الله اللي حصل ده م..
عشق قعدت على السلم بانهيار و بدأت تعيط قدام سلطان اللي واقف قدامها و بيحاول يسيطر على انفعاله و بيحاول يسيطر على فكرة أنه يقرب منها دلوقتي و ينسى كل حاجة و يأخدها في حضنه يطمنها أنه لسة موجود..
سلطان:عشق..
عشق(بعياط):أنا مش في مقامك يا سلطان أنا خنت ثقتك بيا أنا أسفة بس و الله بحبك..
سلطان مسك عشق من إيديها السليمة و شدها ناحيته خدها في حضنه و باس رأسها..
سلطان:طب ممكن تهدئي عشان خاطري..
سلطان:خلاص اهدئي ده المفروض تفرحي لأننا هنروح نشيل الجبس من إيدك..
عشق(بدموع):أنا..
سلطان:هسألك سؤال بس..
عشق:اتفضل..
سلطان:كان بإرادتك أو كنتي في كامل وعيك؟
هزت عشق رأسها كتير بالنفي..
عشق:لا لا لا..
سلطان:خلاص اهدئي..
سلطان:تعالي نشيل الجبس و نشوف الموضوع ده بعدين..
سلطان فتح باب العربية لعشق و هي ركبت و هو لف ركب جمبها و ساق ناحية المستشفى..
بعد فترة،،
كانت عشق شالت الجبس و مبسوطة أن إيديها حرة و هتقدر تحركها تاني زي الأول..
سلطان:تحبي تخرجي؟
عشق:أه يا ريت..
سلطان:طب تعالي..
ساق سلطان العربية لغاية ما وصل لمحل آيس كريم، سلطان نزل و اشترى ليه هو و عشق اللي شردت في حياتها قبل ما تتجوز من سلطان..
سلطان:عشق..
عشق:ها؟
سلطان:سرحانة في إيه؟
عشق:فيك..
سلطان باس عشق على خدها و وداها الآيس كريم و وقف قدامها و الاتنين بدأوا يأكلوا..
عشق:تفتكر هترجع تحبني تاني؟
سلطان:هو أنتي ساقطة في مادك الحب و لا إيه!
سلطان:أنتي حبي الاول يا عشق يعني مقدرش أنساكي حتى و لو حاولت..
عشق(بابتسامه):بحبك.
لف سلطان و ركب العربية و ساقها للبيت و نزل هو و عشق اللي ملقتش دادة أسماء في البيت..
عشق:هي راحت فين؟
سلطان:بعتها مشوار طويل..
عشق:فين! و ليه يا سلطان؟
سلطان:عشان نعرف نعوض اللي فاتنا..
عشق:إيه!!
سلطان:بالظبط كدة..
وطى سلطان و شال عشق بين إيديه و هي كانت مصدومة من تغير سلطان الجذري و طلع بيها لأوضتهم..
عشق:ا..
************************
-في مكان تاني...
_عند قمر..
قمر كانت بتتمشى قدام جامعتها لغاية ما ظهر قدامها عيسى و جريت عليه مسكته من قميصه..
عيسى:الله يخربيتك..
عيسى:عايزة إيه؟
قمر:كنت بتعمل إيه مع بابا يا عيسى؟
عيسى:عيسى حاف كدة!
عيسى:نزلي إيدك دي يا قمر..
قمر:مش هترد..
عيسى:هو انا أعرفك يا آنسة..
قمر شهقت بصدمة و سابت قميص عيسى..
عيسى:لولا إنك بنت كنت أتصرفت تصرف تاني..
اتصدمت قمر من أسلوب عيسى معاها و عيسى سابها و طلع لعيادته، قمر قعدت تعيط في وسط الطريق قدام عيادة عيسى...
كان عيسى واقف في شباك أوضته و بيبص عليها اتنهد بحزن..
زويا(بالانجليزية):تحب ادخل الحالة الأولى؟
زويا(بالانجليزية):دكتور عيسى!.
عيسى:إيه يا زويا؟
عيسى(بالانجليزية):أسف.. إيه عايزة إيه يا زويا؟
زويا(بالانجليزية):ادخل الحالة الأولى؟
عيسى طلع يجري من أوضته و نزل لتحت لقمر اللي كان في شاب بيضايقها من الجامعة بتاعتها لأنهم بيكرهوها كونها مصرية و لغتها الأم العربية..
عيسى(بالانجليزية):قمر تعالي..
مسك عيسى قمر و شدها ورا ضهره و وقف في وش الشاب اللي كان بيضايق قمر..
عيسى(بالانجليزية):عايز إيه؟
شاب(بالانجليزية):ملكش فيه..
عيسى(بالانجليزية):محتاج إعادة ضبط انت مش كدة..
مسكه عيسى من قميصه و ضربه برأسه مرتين، فجأة ظهروا أصحابه من ورا ضهره..
قمر:عيسى يلا نهرب..
قمر:يا عيسى يلا عشان خاطري..
قمر:بلاش مصايب يا عيسى..
صحاب الشاب وقفوا حوالين عيسى و ضربوه، عيسى وقع في الأرض و كلهم ضربوه..
قمر كانت بتعيط و بتصرخ و بتنادي على الشرطة..
قمر:عيسى عيسى قوم..
الشباب هربت أول ما شافت ظابط الشرطة، قمر كانت بتضرب عيسى على خده برفق..
قمر:عيسى قوم يا عيسى..
عيسى فتح عينه ببطء و بص لـ قمر و غمض عيونه تاني..
قمر:فوق يا عيسى..
قمر مسحت الدم اللي نازل من جمب شفايفه.
قمر:فوق بقى يا عيسى..
عيسى(بخفوت):اسنديني..
قمر:طيب طيب قوم..
قمر سندت عيسى و دخلت للعمارة اللي فيها عيادته، زويا كانت نازلة جري و مسكت عيسى مع قمر اللي اتضايقت و كانت هتمشي بس عيسى سند عليها..
زويا(بالانجليزية):دكتور عيسى أنت بخير؟
قمر(بالانجليزية):شايفة ده وقته مش لما نطلع فوق الأول..
دخلوا عيسى أوضة مكتبه، زويا بدأت تطهر جروحه و طول الوقت عيسى ماسك في إيد قمر اللي كانت متضايقة من قرب زويا لعيسى، قمر قعدت تأنب نفسها أنها بتفكر بالشكل ده و أن ده مريض دلوقتي..
زويا(بالانجليزية):حضرتك بخير؟
عيسى(بالانجليزية):اه يا زويا اخرجي أنتي و ألغي يوم النهاردة..
زويا(بالانجليزية):تمام..
خرجت زويا بره الأوضة، عيسى قرب قمر منه.
قمر:أنا اطمنت عليك همشي ا..
عيسى:هتسيبيني و تمشي؟
قمر:ما أنا اطمنت عليك و مكنش في داعي تعمل نفسك بطل..
عيسى:أعمل نفسي بطل!
عيسى:يعني أنتي شايفة إني بعمل كدة عشان أبقى البطل..
قمر:وارد جدا..
عيسى:خدك مغري أوي أضربك عليه!
قمر(بضيق):أنا همشي..
عيسى:استني أنا كمان هقوم امشي..
بصت قمر لـ جروح عيسى كانت إلى حدًا ما بسيطة، عيسى لبس الجاكت بتاعه و خد حاجته و خرج مع قمر لقوا زويا في وشهم..
عيسى(بالانجليزية):في حاجة يا زويا؟
زويا(بالانجليزية):كنت منتظراك اقفل العيادة..
عيسى(بالانجليزية):تمام شكرا يا زويا...
نزل كلًا من عيسى و قمر بتحت، قمر مشيت ناحية عربيتها و كذلك عيسى اللي كان لسة هيركب عربيته لقي قدامه قمر بعربيتها..
قمر:جدعنة مني هوصلك لأنك مش هتعرف تسوق بحالتك دي و كمان خدتلك كام ضربة في رأسك محترمين..
عيسى:و أنا مش هرفض..
فتح عيسى باب العربية و ركب جمب قمر اللي ساقت تحت توجهيات عيسى لبيته..
عيسى:شكرا.
قمر:أنت أنقذتني مرتين و كان لازم ارد على الأقل جميل منهم...
عيسى:طلعتي بتفهمي ما شاء الله..
قمر(بحدة):أنزل يا عيسى..
عيسى:الله يرحم دكتور عيسى و أستاذ عيسى..
فتح عيسى باب العربية و نزل منها و بص لقمر.
عيسى:ذاكري كويس عشان مذاكرتك و متجيش الجامعة تاني..
قمر:تمام..
عيسى:شطورة بتسمعي الكلام..
قمر:عرفت منين إني هبدأ امتحانات؟
عيسى:العيادة جمب الجامعة بالظبط ده أنتي غبية غباء يلا هطلع أنا..
عيسى ساب قمر و دخل العمارة و طلع لشقته، قمر ساقت ناحية البيت و قابلت رحمة..
رحمة:أتصلي بسلطان يا قمر نطمن عليه..
قمر:سيبيه يقعد معاها يا ماما..
رحمة:قصدك إيه يا بت ابني وحشني و عايزة أكلمه..
قمر:يا أمي الوقت عندهم دلوقتي متأخر..
رحمة(بضيق):قلقت عليه فجأة..
قمر:حاضر في نص اليوم كدة هتصل بيه يا ماما..
رحمة(بضيق):و شوفي أختك هي هتفضل كدة في عالم لوحدها..
قمر:يا ماما يا ماما سيبيها لوحدها كدة..
رحمة:هو ده كله عشان عايزة مصلحتكوا..
رحمة:أنا عايزة اطمن عليكوا قبل ما يحصلي حاجة..
قمر:بعد الشر عليكي يا حبيبتي..
رحمة:لو جرالي حاجة خلي بالك من أنور..
قمر:ماما بلاش كلام يزعل..
رحمة:اطلعي غيري هدومك يا قمر..
قمر:حاضر..
طلعت قمر و غيرت هدومها و دخلت لأوضة حياء اللي كانت مركزة في الكتاب اللي بتقرأه.
قمر:ما نطلع شوية من جو الكتب بقى...
حياء:ورايا إيه يعني أعمله..
قمر(بتنهيدة):اخرجي شوفي الدنيا..
حياء:مش قادرة..
قمر:طب ما تيجي بكرة ننزل نعمل شوبينج..
حياء:لما تذاكري و تخلصي الجامعة يا قمر..
قمر:إن شاء الله..
قمر:بس عادي لو خرجنا يعني..
حياء:لا لما تخلصي الترم ده الاول..
قمر:وعد؟
حياء:وعد..
قمر:أحبك...
حياء ابتسمت لـ قمر اللي نزلت تحت عشان تتغدى و قعدت تهزر مع رحمة و حياء اللي نزلت وراها..
**********************
-في مكان تاني ..
_عند إيهاب و عماد..
عماد:بس حاله مش عاجبني..
إيهاب:ربنا معاه..
عماد:الجواز بيعمل أكتر من كدة..
إيهاب:بس سلطان..
عماد:سلطان مكنش كدة..
عماد(بضحك):فاكر لما كان لقبه الدنجوان من كتر البنات اللي كان عارفها و بيعلقهم..
إيهاب:كان خاربها زمان..
عماد(بضحك):و إلا لما كنا في الجامعة و هو بيزوغ من المحاضرات عشان يقابل البت ريماس..
إيهاب(بحزن):بس كفاية اللي حصله...
عماد(بتنهيدة):الحمدلله كويس أنه طلع عايش أصلا..
إيهاب(بحزن):ربنا يسعده مع عشق..
عماد:يا رب..
عماد:هما مش ناويين يرجعوا من أمريكا؟
إيهاب:لما سلطان يشوف أنه من المناسب يرجعوا..
عماد:ربنا معاهم..
عماد:إيه أخبار قمر و حياء إيه الدنيا معاهم دلوقتي؟
إيهاب:قمر في أخر سنة في الجامعة أما حياء لسة زي ما هي من ساعة الحادثة..
عماد:إيه رأيك نتصل بسلطان نخليه يجي يقعد معانا؟
إيهاب:جرب كدة..
عماد:تمام..
اتصل عماد كذا مرة بـ سلطان لقى التليفون مغلق بص لإيهاب..
إيهاب:خلاص سيبه ممكن يكون نايم..
عماد:طب تيجي ننتحر و نخلص من حياتنا..
إيهاب:مش مستغني عنها يا عم..
عماد:هي إيه؟
إيهاب:نفسي..
عماد:هي الدنيا مستاهلة يا عم أنا بهزر..
إيهاب(بتنهيدة):حبيت؟
عماد:مكنش عندي وقت أحب كل يومين في بلد شكل..
إيهاب:و لكن عيونك لمعت لما ذكرت الحب..
عماد:مش هنمشي بقى؟
إيهاب:يبقى حبيت..
إيهاب:يلا بينا..
عماد:تفتكر سلطان هيشغلني عنده إيه؟
إيهاب:أخرك لاما صبي البوفيه لاما أمن..
عماد:تعالى هنا أنا معرفتش أربي..
عماد جري ورا إيهاب و الإتنين قعدوا يضحكوا مع بعض و بعد فترة كل واحد منهم رجع بيته..
********************
-في مكان تاني...
_عند نداء..
سعيد:في جديد في موضوع عشق؟
نداء:لا..
سعيد:و سلطان كان تصرفه إيه؟
نداء:هتضحك عليه بكلمتين و خلاص..
سعيد:بس متنسيش أن سلطان ذكي..
نداء:احنا هنفضل طول الليل نتكلم عن سلطان و عشق..
سعيد:عندك حق ألحق أروح بقى..
نداء:هي نور هانم في البيت و لا إيه؟
سعيد:هرجع و أقولك يا نداء أنا بمزاجي..
نداء(بلامبالاة):طيب يا سعيد كنت عايزة فلوس..
سعيد:مش وديتك الاسبوع اللي فات..
نداء:خلصوا بقى..
سعيد(بتنهيدة):بكرة هبعتلك الفلوس اللي عايزاها..
سعيد ساب نداء و خرج بره الشقة، نداء مسكت تليفونها و بعتت لشخص ماسدج..
*******************
-في مكان تاني...
_عند سلطان و عشق..
عشق خرجت من الحمام لقت سلطان نايم على السرير زي ما سابته و قعدت جمبه..
عشق:هتروح الشغل؟
سلطان:هنام ساعتين الأول.
عشق:تمام..
سلطان:عشق..
عشق:نعم..
سلطان:الحادثة اللي حصلتلك من امتى؟
عشق:ليه السيرة دي يا سلطان؟
سلطان:معلش تعالي على نفسك و جاوبيني..
عشق:من كام سنة لما كنت في سويسرا..
سلطان:تمام نامي..
عشق:مش جايلي نوم هنزل لتحت..
سلطان:براحتك..
عشق:سلطان ليه بتعاملني كدة!.
سلطان(بهدوء):تصبحي على خير يا عشق انا تعبان و عندي شغل الصبح..
تنهدت عشق و نزلت قعدت تحت، سلطان غمض عينه و حاول ينام..
_في الصباح الباكر..
سلطان صحي من نومه و قام خد دُش سريع و غير هدومه لهدوم رسمية و نزل لتحت..
سلطان لقى عشق نايمة على الكنبة نزل لمستواها و ملس على خدها ببطء...
سلطان(بهمس):عشق عشق..
فتحت عينيها و بصت لسلطان و غمضت عينيها تاني كملت نومها، سلطان شالها بين إيديه و طلع لأوضتهم حطها على السرير و خرج بره البيت..
سلطان:فتحي.
فتحي:نعم يا به..
سلطان:جهز العربية عشان هتحرك..
فتحي:حاضر يا بيه..
سلطان:عبدالمنعم اجهز برجالتك..
سلطان قرب من عاطف و مسكه من قميصه و شده ناحيته بهدوء..
سلطان(بحذر):لو حصلت حاجة تانية ليها صدقني مش هكتفي برفدك..
سلطان ركب العربية و وراه عربيات حراس و فتحي ساق ناحية الشركة..
سلطان قابل نعيم و هو داخل شركته..
نعيم:نسيت الاجتماع و لا إيه؟
سلطان(بضيق):نعيم قولتلك مرة لا..
نعيم(بلامبالاة):يبقى مش عايز تعرف فين اللي بتدور عليه بقالك سنين..
بص سلطان لنعيم بعمق و هو بيحاول يلمح الصدق في عينيه..
سلطان:و مين قالك باللي بدور عليه؟
نعيم:خلاص بقى همشي..
سلطان:امشي..
نعيم:و أنسى أنك تعرف...
سلطان:مش حابب أعرف..
سلطان دخل لشركته و طلع مكتبه و دخل عليه أيمن و ليلى..
سلطان:إيه أخبار الشركة؟
ليلى:نورت بوجودك يا فندم..
سلطان:شكرا يا ليلى، ايمن اتصل بعماد خليه يجي على الشركة هنا..
أيمن:أستاذ عماد هنا يا فندم..
سلطان:طب مستني إيه خليه يجي ليا..
أيمن:أوامرك يا فندم..
سلطان:ليلى ابعتي ليا أخر صفقة اشتغلنا عليها..
عماد:صباح الخير..
سلطان:صباح النور ادخل اتفضلي أنتي يا ليلى.
عماد:يااااااه أخيرا بقيت صاحب مركز و كلمة يا عم سلطان..
سلطان:ما قولنا ننسى حوارات زمان بقى..
سلطان:انا حاليا واحد متجوز..
عماد:اه أنا عازم نفسي بكرة عندك انا و إيهاب عايز أقابل مراتك..
سلطان:ليه!
عماد:هو إيه اللي ليه! عايز أشوف اللي قدرت عليك يا عم سلطان..
سلطان:إن شاء الله..
سلطان:عموما نركز على شغلنا دلوقتي..
تليفون سلطان رن..
سلطان:لحظة..
عماد(بغمزة):شكلها المدام...
الخط اتفتح..
سلطان:ألو يا عشق..
عشق:صباح الخير الأول..
سلطان:صباح النور..
عشق:أنت فين؟
سلطان:في الشغل هكون فين.
عشق:أنا هخرج.
سلطان:هتروحي فين!
عشق:هروح لماما..
سلطان:خلي الزفت عاطف معاكي..
عشق:لا مش هأخد حد معايا أنا مش صغيرة و كمان شوفت المرة اللي فاتت حصلي إيه أنا هتصرف و أروح أنا...
سلطان(بصوت واطي):عشق اسمعي الكلام مش هكرر كلامي مرتين يا عشق..
عشق:هشوف..
سلطان(بانفعال):مفيش هشوف..
سلطان بص لعماد اللي رفعله حاجبه..
سلطان(بصوت واطي):هقولك مفيش خروج خالص يا عشق و لما أجيلك أبقى أوديكي المكان اللي أنتي عايزاه..
عشق:طب و دادة أسماء مش هترجع؟
سلطان:اتصلي بيها خليها تيجي لو عايزة..
عشق:هتتأخر؟
سلطان:هكلمك كمان شوية يا عشق..
سلطان قفل مع عشق و بص لـ عماد..
عماد:حاسس إني حسدتكم صح!
سلطان:حاسس مش متأكد!
عماد:ربنا يخليك يا حبيبي..
عماد:ها بقي هشتغل فين؟
سلطان:لما شوفت دراستك فلقيتك مش هتنفع غير في مكان واحد..
عماد:مدير صح؟
سلطان:حسابات يا عماد..
عماد:إيه؟.
سلطان:لو أثبت نفسك مش بعيد تبقى مدير الحسابات هنا أنت و شطارتك..
عماد:طيب يا عم سلطان..
سلطان:هخلي ليلى تعرف المكان..
سلطان اتصل بـ ليلى اللي جت و خدت عماد و عرفته على الشركة كلها..
_عند عشق..
عشق غيرت هدومها و كانت هتخرج من الفيلا عاطف وقف قدامها...
عاطف:مفيش أوامر أنك تخرجي لوحدك..
عشق:عارفة لكني همشي لوحدي..
عاطف:يبقى تبلغي سلطان بيه أو أنا هتصل بيه..
عشق(بضيق):أوف خلاص مش خارجة..
بعد فترة،،،
سلطان رجع البيت و قلع جاكت بدلته بتعب و قعد على الكنبة..
سلطان(بصوت عالي):عشق عشق..
عشق لا رد..
سلطان طلع على أوضتهم و فتح الباب عشق شهقت بصدمة و قامت بسرعة وقفت..
عشق(بتوتر):حد يخض حد كدة..
سلطان:قلقت عليكي عشان مردتيش عليا عموما حصل خير..
سلطان:كنتي بتعملي إيه؟
عشق:بسرح شعري..
عشق لفت بسرعة و مسكت المشط و رفعته في وش سلطان اللي استغرب توترها منه لكنه معلقش و سابها و دخل يغير هدومه..
عشق اتنهدت و قعدت على السرير بتعب..
سلطان:عشق ملاحظة انك متوترة؟
عشق:انا لا لا..
سلطان:بس انا ملاحظ مخبية عليا إيه تاني؟
عشق:مش مخبية حاجة يا سلطان صدقني..
سلطان:طيب خلاص..
عشق:اتغديت؟
سلطان:اه و أنتي؟
عشق:اه كلت برضو..
سلطان:طيب..
عشق:أنا هنام..
سلطان(برفعة حاجب):هو إيه اللي هنام؟
عشق:هنام يا سلطان..
سلطان:الساعة 9 يا حبيبتي في إيه!
عشق:سلطان..
سلطان:نعم يا مرات سلطان خير..
عشق:تصبح على خير..
سلطان لاحظ أن عشق بترمش بعينيها كتير، سلطان قرب منها و نزل لمستواها و مسح بإيده على عينيها بهدوء كذا مرة..
سلطان:أفضل؟
عشق فتحت عينيها ببطء و هزت رأسها بمعنى اه، سلطان بصلها بهدوء و قعد يبص على عينيها كذا مرة و ابتسم ليها..
سلطان:نامي..
عشق:تصبح على خير..
سلطان:و أنتي من أهله..
سلطان باس رأس عشق و سابها و نزل لتحت وقف في الجنينة غضب جري عليه و قعد يملس عليه..
سلطان بِعد عن غضب و رفع إيده قدام عينه و شاف عدسة عين باللون الرمادي..
.
.
.
_يتبع:::::::::::::
****************