أحببتهُ مشوهًا و لكِن «قيد التعديل»

الفصل السادس..

نكمل روايتنا(أحببتهُ مشوهًا ولكِن)بقلم سلسبيل كوبك..
الفصل ال6..
أخر حاجة وقفنا عندها في الفصل ال5..
عشق كانت خايفة و طلعت أوضتها بسرعة و قفلت وراها الباب و دورت على تليفونها لغاية ما لقته...
عشق فتحت التليفون و لقت الباب بتاع أوضتها بيخبط جامد، عشق صرخت و حطت ايديها على بوقها بخوف..
في اللحظة دي عشق داست على رقم سلطان اللي استغرب اتصالها في الوقت المتأخر ده و رد بعد تردد كبير..
سلطان:ألو بتتصلي ليه؟.
عشق بصت لتليفونها و اتصدمت أنها اتصلت بِسلطان و بصت للباب بخوف...
سلطان:ألو ألو..
سلطان: أنتي متصلة تهزري..
عشق(بخفوت):سلطان..
سلطان:خير اتصلتي ليه؟.
باب أوضة عشق اتكسر و عشق صرخت، عشق زحفت لورا بخوف..
الشخص قرب منها و كان هينزل لمستواها عشق مسكت الڤازة اللي جمبها على الترابيزة و ضربته بيها و قامت جريت و مسكت تليفونها و نزلت لتحت..
سلطان(بقلق):مش بتردي ليه و إيه الصوت اللي جمبك ده ردي؟!
عشق:في شخص هنا شكله حرامي..
سلطان(بحدة):نادي على عبدالمنعم أو عاطف نادي على اي حد من بره..
عشق كانت بتجري في الفيلا بتدور على مكان تستخبى فيه و الشخص كانت رأسه نزفت..
عشق(و هي بتنهج):مشيتهم كلهم حظي الأسود اللي ورايا ورايا في كل حتة بعيد عنك..
سلطان(بصدمة):قصدك أن مفيش حد عندك في الفيلا غيرك؟!.
عشق(و هي بتنهج):شكلي هموت..
سلطان قام من مكانه بسرعة و مشي خرج بره أوضته و ساب دادة أسماء نايمة مكانها و بدأ يمشي في الممرات و هو حاسس بوجع في جمبه و بيكلم عشق..
سلطان:سمعاني؟
عشق(بهمس):اه..
سلطان:ظهر قدامك؟
عشق(بهمس):أنا مستخبية في المطبخ و هو قدامي أهو..
سلطان(بحدة):يا غبية و هو حد بيستخبى في المطبخ هقتلك..
عشق(بانفعال):أعمل ايه يعني شايف فيا دماغ أفكر حتي في موقف زي ده..
عشق(بصدمة):يا نهار أسود سمعني..
سلطان(بحدة):حلو علشان يخلصني منك و ارتاح..
عشق:جاي ناحيتي جاي ناحيتي..
سلطان(بحدة):في باب خلفي في المطبخ اطلعي بسرعة منه..
عشق قامت جريت على الباب اللي سلطان قالها عليه و قفلته من بره و هي بتنهج و بتأخد نفسها بصعوبة أثر الجري و خوفها..
عشق بدأت تبص حواليها كانت الدنيا ضلمة، كل أنوار الفيلا مطفية و عشق كانت خايفة..
عشق سمعت أصوات قريبة منها بدأت تلف ورا الفيلا و هي خايفة و أول مرة تتعرض لحاجة زي كدة، تليفونها وقع منها و هي بتجري..
عشق دخلت الفيلا تاني و طلعت أوضة سلطان و قفلت الباب و قعدت ورا الباب على الأرض و هي خايفة..
بعد فترة وصل سلطان للبيت و بدأ ينادي باسم عشق بصوت عالي، عشق خافت أكتر لأنها مقدرتش تميز صوت سلطان من بعيد..
سلطان طلع يدور عليها في كل الأوض و وصل لأوضته و قعد يخبط عليها....
سلطان:عشق أفتحي أنا سلطان..
عشق قامت بسرعة من مكانها و فتحت الباب و أول ما شافت سلطان دموعها نزلت و حضنته بانفعال..
سلطان كان بيحاول يقف ثابت بسبب جرحه و مسك في عشق اللي أثرت على توازن سلطان..
عشق(بدموع):متسبنيش تاني لوحدي أنا أصلا بخاف أقعد لوحدي..
سلطان(بخفوت):أنتي كويسة؟حد عملك حاجة؟
عشق هزت رأسها بالنفي، و فجأة وقع سلطان بعشق على الأرض..
عشق اتخضت و رفعت رأسها لسلطان لقته مغمض عينه و مغمي عليه..
عشق قربت من سلطان و قعدت تهزه و هي خايفة عليه..
عشق:سلطان سلطان فتح عينك..
عشق:سلطان..
عشق بصت حواليها و نزلت تجري جابت ماية و طلعت تاني ليه و بدأت ترش وشه بالماية و رفعت رأسه و شربته ماية..
سلطان فتح عينه ببطء و بص لعشق بخفوت و حط رأسه على كتفها بتعب..
سلطان(بخفوت):قوميني..
عشق:طيب..
عشق حاولت تسند سلطان علشان يقوم مقدرتش..
عشق:إيه الجسم ده!.
سلطان(بخفوت):حاولي..
عشق:استنى أنا عندي حل..
عشق قامت وقفت و سابت سلطان على الأرض و فتح عينه بصدمة لما لقي عشق بتشده من رجله ناحية أوضته..
سلطان كان بين الوعي و اللاوعي و هو بيحاول يصدق أنه بيحلم، عشق ظهرت قدام عينه بعد ما شدته من رجله لغاية سريره..
عشق:المسافة كدة قربت..
عشق:قوم يلا..
عشق سندت سلطان و قعدته على السرير..
عشق:اعمل إيه؟
سلطان:تليفوني بكرة الصبح تبلغي دادة أسماء ترجع البيت..
عشق بدأت تدور في جيب سلطان على التليفون و ضحكت غصب عنها..
سلطان(بخفوت):بتضحكي على ايه؟
عشق:أنت جيت بهدوم المستشفى!
سلطان(بخفوت):تجاوزتي حدودك يا عشق لما أفوقلك..
عشق ابتسمت غصب عنها..
سلطان(بخفوت،بحدة):ازاي الزفتين دول مشيوا؟
عشق:أنا اللي سمحتهم يمشوا و ده مش موضوعنا دلوقتي ممكن تريح..
سلطان كان حاسس بوجع و لسانه تقل و مكنش قادر يتكلم بشكل طبيعي فغمض عينه و استسلم لرغبته في النوم..
سلطان(بتوهان قبل ما ينام):نامي و متخافيش..
عشق خافت تنام في أوضتها و بصت لسلطان و بعدها لأوضته و اتوترت من فكرة نومها معاه في نفس الأوضة..
عشق نامت على الكنبة اللي قدام سرير سلطان..
_في الصباح الباكر...
سلطان فاق من نومه و بص حواليه و قام منفوض من مكانه أول ما افتكر اللي حصل إمبارح و وقع نظره على عشق اللي نايمة على الكنبة قدامه فاتنهد و مسك تليفونه اللي كان جمب عشق..
سلطان خرج بره أوضته و هو تأكد إمبارح لما جه أن مفيش حد في البيت.
سلطان نزل لأوضة مكتبه و تأكد أن في ورق اتسرق من مكتبه..
سلطان مسك تليفونه و اتصل بـِ عبدالمنعم يجيب الرجالة و يرجعوا و كان هاديء جدا..
بعد فترة كانت وصلت الرجالة و كمان دادة أسماء اللي اتخضت أول ما عرفت أن سلطان مشي من المستشفى..
أسماء:سلطان أنت مشيت من المستشفى من غير احم و لا دستور كدة يا ابني تقلقني عليك..
سلطان:أسف يا دادة بس كان لازم أرجع..
عاطف:سلطان بيه احنا كلنا موجودين..
سلطان:اطلع استناني بره..
اسماء:طب رجعت ليه؟طمني.
أسماء:عشق فيها حاجة؟
أسماء:انت كويس؟
أسماء:جرحك يا ابني معداش عليه يومين ليه كدة.
سلطان:يا دادة أنا كويس صدقيني روحي ارتاحي بس..
سلطان خرج بره الجنينة و وقف قدام الحراس كلهم اللي كانوا خايفين من ردة فعله..
سلطان(بهدوء):أنتوا بتشتغلوا عند مين؟
عبدالمنعم:عند حضرتك يا بيه.
سلطان(بعصبية):و طالما هو عند حضرتك يا بيه مشيتوا امبارح من غير أذن مني على أساس إيه!
سلطان(بعصبية):هي اللي بتدفع ليكم الفلوس و لا أنا؟!
سلطان(بعصبية):و أنت يا سي عاطف ما صدقت علشان تغور في داهية..
سلطان(بعصبية):أنا مش ضارب حد على إيده علشان يشتغل عندي..
سلطان(بعصبية):كلكم مطرودين..
عشق(بصوت عالي):سلطان..
كل الحراس بصوا لفوق ناحية عشق اللي كانت واقفة في بلكونة سلطان و شعرها على وشها من شدة الهواء و بصت لسلطان بحذر..
سلطان مبصش ليها و بص قدامه ببرود..
عشق نزلت من على السلالم و هي بتجري و قابلت دادة أسماء اللي حوالت تفهم حصل إيه..
عشق:بعدين يا دادة بعدين..
سلطان(بحدة):مستنين إيه أنا قولت اللي عندي امشوا يلا..
عشق:لا استنوا..
عشق:أنت بتعاقبهم على أنهم نفذوا أوامري!
عشق:لو في حد يتعاقب هنا يبقى أنا..
سلطان(بلامبالاة):و هما بيشتغلوا عندي مش عندك..
عشق:و أنا من أهل البيت و هما نفذوا امري أنا..
سلطان(بلامبالاة):و هو أنتي اللي بتدفعي ليهم؟
عشق:خلاص مستعدة ادفع ليهم الشهر ده تعويضا..
سلطان:طيب ادفعي..
عشق:طيب..
عشق:و أنت بصفتك ابن خالتي فأنا عايزة تكلفة الحراس دول كلهم بلا استثناء..
سلطان بص لعشق بصدمة و عشق رفعت حاجبها بلامبالاة..
عشق:واضح أنك بخيل حتى لقرايبك..
سلطان:أنتي عايزة إيه دلوقتي؟
سلطان(بحدة):و أنتوا بتبصوا لأيه امشوا يلا شوفوا شغلكم..
سلطان(بحدة):و أي أمر بعد كدة مني أنا بس..
الحراس مشيت من قدام سلطان بسرعة و كل واحد بدأ يأخد مكانه، سلطان قرب من عشق و رفع في وشها صباعه بغيظ..
سلطان:الموقف ده مش هعديه ليكي فاهمة؟
عشق ربعت ايديها وبصت لسلطان بلامبالاة..
عشق:مش مهم المهم أنكم رجعتهم شغلهم..
عشق:عن أذنك يا ابن خالتي..
عشق سابت سلطان و دخلت الفيلا، سلطان دخل وراها و لقى قدامه أسماء اللي لاحظت تعبه و ارهاقه..
أسماء:إيه يا حبيبي؟ هو كان لازم تتعب نفسك كدة؟
أسماء:و كمان من امتى و انت بتهمل في صحتك!!
أسماء:اقعد ارتاح بقى يا حبيبي..
عشق:حتى قوليله يا دادة يطلع غير لبس المستشفيات ده..
سلطان(بعصبية):دادة لو اتكلمت تاني و ربي هتصرف معاها بشكل بشع..
عشق(بلامبالاة):وريني كدة علشان أوريك بنات حواء على أصولهم و أخليك تشد في شعرك..
سلطان:بقولك إيه أنا مش ناقصك..
سلطان:و بسبب عملتك إمبارح اتسرق ورق من مكتبي..
سلطان:من ساعة ما جيتي و المصايب فوق رأسي..
سلطان:و أنتي أكبر مصيبة في حياتي أصلا مش عارف استحملت تمن ايام ازاي بس!!!!
سلطان:و مش عارف هصبر لسة ازاي على خمس ايام..
سلطان:الصبر من عندك يا رب..
سلطان ساب عشق و أسماء اللي قعدوا يضحكوا عليه و طلع لأوضته خد دوش و غير هدومه..
أسماء:هو حصل إيه إمبارح؟
عشق:تعالي هحكيلك بس نروح نعمل اكل هقع من طولي..
أسماء و عشق دخلوا المطبخ و أسماء بدأت تجهز الفطار، و عشق بدأت تحكي ليها كل اللي حصل إمبارح..
عشق:و بس زي ما انتي شايفة مش طايق ليا كلمة..
سلطان(بحدة):و لا نفس..
عشق:متشكرين يا عم..
عشق سرحت في شكل سلطان قدامها..
عشق:هو أنت نضفت كدة ليه؟
سلطان:لا يا حلوة ابقي امسحي عيونك كويس أنا علطول نضيف..
عشق بصت لدادة أسماء و لسلطان بِـ إحراج..
أسماء:طب يلا علشان الفطار..
تليفون عشق رن، الخط اتفتح..
عشق:ألو يا ماما.
نداء:إيه الأخبار عندك؟
عشق:بخير يا ماما..
عشق:اتأخرتي ليه كل ده؟!.
نداء:معلش مشغولة شوية..
نداء:سلطان جمبك؟
عشق:اه..
نداء:طيب ودهولي..
عشق:خد..
سلطان:مش عارف قلة الادب عايزة منك إيه..
عشق:عايزة تسلم على قفاك..
سلطان:لا ده لسانك طويل كمان..
سلطان(بهمس):اصبري عليا و ربنا..
نداء:سلطان..
سلطان:نعم يا خالتو..
نداء:معلش عارفة إني متقلة عليك..
سلطان:لا مفيش حاجة يا خالتو دي عشق ملاك نازل من السماء كدة..
سلطان مسك عشق من هدومها و زقها..
عشق:يا حيوان..
سلطان:لا مفيش حاجة يا خالتو..
أسماء سابت عشق و سلطان و مشيت و هي بتبرطم بالكلام و دخلت اوضتها..
سلطان:لا متقلقيش دي في عيوني..
سلطان:طبعا اومال يلا في رعاية الله سلام..
سلطان قفل مع نداء و رمى تليفون عشق على الترابيزة اللي جمبه، عشق جريت على تليفونها و مسكته..
عشق(بانفعال):متعرفش التليفون غالي عليا زي أنت غبي...
سلطان(بلامبالاة):مش هتأكلي؟
عشق(بحدة):مغفل..
عشق طلعت لاوضتها، سلطان جهز نفسه و مشي خرج بره الفيلا..
بعد فترة كبيرة،
عشق كانت قاعدة بليل على سريرها حاسة بملل و بعدها قامت وقفت في البلكونة لمحت سلطان واقف لوحده في الجنينة و غضب بيحاول يلعب معاه بس سلطان واقف مش بيبديء أي ردة فعل..
عشق خرجت بره أوضتها و نزلت لتحت قربت منه ببطء و رفعت ايديها بتردد على كتفه..
عشق:سلطان..
سلطان(بخفوت):امممم.
عشق:مالك؟
سلطان لف ببطء لعشق و بصلها و بعدها بص في الأرض و رجع لوضعيته الأولى..
عشق بصت لغضب بخوف و بصت لسلطان..
عشق:ما تقوله يدخل بيته و لا هو مبينامش ده أبو هدد..
سلطان:أبو هدد!!.
عشق:أنت مش شايفه يا عم ضخم ازاي ده أضخم مني..
ضحك سلطان و نزل لمستوى غضب حاوط وشه بايده و باسه..
سلطان:بتخافي منهم؟.
عشق نزلت لمستوى سلطان و بصت لغضب..
عشق:قابلت منهم على الحقيقة كتير..
سلطان(باستفهام):ازاي يعني؟
عشق:مسمعتش عن كلاب البشر اللي بيجروا ورا الفلوس و الطمع و الشهوة!!
سلطان:و أنتي قابلتيهم ازاي و فين؟
عشق(بابتسامة):و هو انت فاكرني مقابلتش حد منهم في حياتي خالص مثلا!
عشق(بهدوء):هما موجودين في كل مكان و في الشوارع أكتر كلهم أسوأ من بعضهم..
سلطان:غضب روح نام..
غضب بص لعشق و بعدها بص لسلطان بنظرات حادة..
عشق:انا مالي يا عم هو اللي قالك تنام..
سلطان ضحك و ملس علي غضب اللي جري ناحية بيته، سلطان قعد في الارض على العشب و جمبه عشق اللي بصت قدامها بشرود..
سلطان:فهميني قابلتيهم ازاي؟
عشق:حصلك ده ازاي؟
سلطان:هو إيه؟
عشق بصت لوش سلطان اللي فهم من نظراتها و بص بعيد عنها بهدوء..
سلطان:مش هتحكي؟
عشق:مش هتحكي؟
سلطان:سألتك الاول..
عشق:ا..
سلطان:عارف أنك بتشمئزي تبصي في وشي..
سلطان:مش أنتي بس اللي كدة كل الناس كل اللي بيقابلوني كل اللي بيتعاملوا معايا كل الستات..
سلطان:حتى أنا..
عشق بصت لـِ سلطان و اتنهدت..
عشق:أنت اللي واهم نفسك على الاقل أنت مجرد تشوه بسيط في وشك لكن الناس اللي عندهم اعاقة سواء ذهنيا أو جسديا..
عشق:ربنا وداك نعم كتيرة انت مش واخد بالك منها..
عشق:ناس كتير تحلم تبقى مكانك او حتى حارس في مكان زي ده و شغال شغلانة شريفة أو خدامة بس في الفيلا الواسعة دي..
عشق:محدش مرتاح في حياته..
عشق:بس أنت مش وحش قلبك طيب أحسن من اللي قلوبهم اتملت بالحقد و الكره و الطمع..
عشق بصت قدامها و حست بايد سلطان علي خدها تمسح دمعتها اللي نزلت على خدها..
سلطان:القلب اللي بتتكلمي عليه بينبض و بس حتى أن نبضاته بتعافر علشان ينبضها..
سلطان:مفيش سبب يعيش من أجله..
عشق بصت لسلطان و رفعت ايديها بتوتر على خده المشوه و بدأت تلمسه حست ببشرته الخشنة أثر الجرح و الحرق..
عشق:بس أنا مش بشمئز منك يا سلطان..
سلطان قام وقف بسرعة و بص للناحية التانية بعيد عن عشق و سابها و مشي..
سلطان:شفقة مبحبش..
سلطان طلع لأوضته و قفل الباب..
عشق مسكت ايديها و اتنهدت و فضلت سهرانه لغاية الصبح و لمحت سلطان واقف في بلكونته..
***********************
-في مكان تاني...
_في أمريكا..
حياء كانت نايمة قامت على صوت تليفونها..
حياء مدت ايديها و هي مغمضة عينيها و مسكت التليفون حطته على ودنها..
حياء(بنوم بالانجليزية):الو مين؟
لا رد..
حياء(بالانجليزية):مين معايا؟
سمعت حياء صوت رجولي بيتكلم..
..:حياء..
حياء استغربت أنه رقم مصري و قامت بسرعة اتعدلت في نومتها و بصت للرقم..
حياء:الو مين معايا؟
الرقم الذي تحاول الاتصال به مغلق الآن يرجى محاولة الاتصال مرة أخرى..
حياء اتنهدت و سابت التليفون من ايديها و هي بتفكر مين ممكن يعمل كدة..
قمر:حياء حياء..
حياء:صوتك عالي يا قمر..
قمر:ايه رأيك البس ده و لا ده؟!
حياء:البسي أي حاجة يا قمر و سيبيني و في حالي..
قمر:مالك صاحية من النوم رخمة كدة ليه يا بت؟
حياء:احترمي إني أختك الكبيرة يا قمر..
قمر:انا ماشية..
قمر سابت حياء منشغلة في تفكيرها و دخلت اوضتها اختارت طقم تلبسه..
"قمر لبست فستان باللون الأبيض بـ ¾ كم و قصير لغاية الركبة منفوش و لبست جذمة باللون الأسود و رفعت شعرها على شكل ديل حصان"..
قمر قابلت رحمة قدامها اللي استغربت..
قمر:إيه يا ماما شكلي وحش؟
رحمة:لا حلو بس هتروحي كدة الجامعة؟
قمر:اه هروح كدة..
رحمة(باستغراب):ماشي..
رحمة:مش هتأكلي؟
قمر:لا عن اذنك..
قمر خرجت بسرعة ركبت عربيتها و ساقت ناحية الجامعة، رحمة جريت على اوضة حياء اللي اتخضت من دخول رحمة المفاجيء..
رحمة:البت قمر وراها حاجة..
حياء:ليه مالها؟
رحمة:لابسة و متشيكة و هي اصلا علطول متبدهلة و مش بتهتم بنفسها..
رحمة:حب؟
حياء:لا أكيد ممكن تكون حبت تغير يا ماما متشغليش بالك.
رحمة:يا بنتي انا أمكم قولي لو تعرفي حاجة..
حياء:لا متخافيش مفيش حاجة..
_عند قمر..
قمر وصلت لجامعتها و رفعت رأسها تلقائيا ناحية عيادة دكتور عيسى في العمارة اللي جمب جامعتها..
قمر كانت بتعدي الشارع خبطت في شخص و كان عيسى اللي مسك ايديها قبل ما تقع..
عيسى:أنتي كويسة؟
قمر:اه اه عن اذنك..
سحبت قمر ايديها من بين ايدين عيسى و جريت على جامعتها بسرعة..
عيسى دخل عيادته و هو بيفتكر شكل قمر بفستانها الجميل و شكلها المرتب..
قمر حضرت جامعتها و كالعادة تحت كلام عنصري من الأجانبين لأنها المصرية الوحيدة اللي في الجامعة..
قمر اتنهدت و سابتهم و مشيت و هي متضايقة زي كل يوم و مش بتحكي لحد من أهلها سواء رحمة أو أنور و لكن أحيانا بتحكي لحياء اللي بتهون عليها كلماتهم..
عيسى:قمر..
قمر:حضرتك بتنادي؟
عيسى:احم منتظرك من ربع ساعة..
قمر:خير في حاجة؟
عيسى:تحبي اعزمك على فنجان قهوة؟
قمر:لا شكرا..
عيسى:واضح أنك مش بتثقي فيا..
قمر:لاني معرفكش كويس عن أذنك..
عيسى:طب ممكن اسالك سؤال؟
قمر:ارجوك انا مخنوقة مش قادرة اتكلم مع حد دلوقتي..
عيسى:ممكن تعتبريني صديق ليك!
مد عيسى ايده لقمر اللي بصتله بتردد و توتر..
أنور:قمر..
قمر بصت لانور بصدمة و بعدها بصت لعيسى.
أنور(بحدة):مين ده؟
قمر(بتوتر):ده ده ده دكتور عيسى دكتور هنا في الجامعة و كنت بقوله على حاجة مش فاهماها يا بابا..
عيسى استغرب من كدب قمر و بص لأنور..
أنور(بالانجليزية):تشرفنا عن اذنك..
عيسى:انا أسعد يا عمي..
بص أنور لعيسى بعمق و مشي مع قمر..
قمر:حضرتك جيت ليه؟
أنور:قولت اعدي عليكي عادي..
قمر:تمام يا بابا..
أنور و هو بيسوق عمل حادثة و خبطت في عمود نور موجود في الشارع و أغمى على قمر في الحادثة..
***********************
-في مكان تاني...
_عند سلطان و عشق..
الاتنين كانوا قاعدين على السفرة و الصمت هو المسيطر على الكل حتى أسماء استغربت حالتهم..
إيهاب:سلطان..
سلطان:و عليكم السلام..
إيهاب:بطل رخامة يا عم..
إيهاب:خرجت من المستشفى ليه؟
إيهاب:من امتى و أنت بترهق نفسك كدة!
إيهاب:مش تستنى لما تخلص علاجك..
سلطان:تعالى كُل يا إيهاب..
عشق رفعت عينيها ببطء لسلطان اللي كان مركز في أكله و بس..
إيهاب:شايفة يا دادة عناده ده أول مرة يبقى كدة أنت علطول بتهتم بنفسك و صحتك عملت كدة ليه!
رفع سلطان نظره لعشق اللي بصت لإيهاب باحراج...
عشق:أنا السبب يا أستاذ إيهاب..
إيهاب:حصل إيه؟
عشق:كان في حرامي هنا و أنا كنت لوحدي فـ طلبت سلطان على التليفون يجي ليا..
إيهاب:حرامي!! طب و منادتيش الحراس ليه؟؟عشق:لاني طلبت منهم يأخدوا أجازة ..
إيهاب:مبلغتنيش ليه يا سلطان؟
سلطان:لأن ده اللي كنت عايزه يحصل يشبع بالورق اللي خده...
إيهاب:هو مين؟
سلطان:بعدين هبقى ابلغك..
عشق:طب استأذن أنا..
سلطان(بحدة):كملي أكلك مش مضطرة تقومي كدة كدة مش هتكلم معاه في مواضيع تخص الشغل هنا..
عشق اتنهدت و بصت لسلطان و سابته و طلعت على فوق و هي مستغربة من تصرفاته معاها طول النهاردة عدم كلامه معاها و بروده و تجنبه ليها..
عشق(لنفسها):انا عملت إيه لكل ده!!!
عشق دخلت أوضتها و رمت بجسمها على السرير و هي بتبص لسقف الأوضة بشرود..
_تحت..
إيهاب:مالك؟ حالك مش عاجبني؟
إيهاب:و زعقتلها قدامي ليه؟
سلطان:أنا بخير مالي يعني مفيش حاجة..
إيهاب:متأكد من كدة؟!
إيهاب:صدقني هعرف يا سلطان بطريقتي..
سلطان:وقت ما أكون عايز أقولك هبقى أقولك.
إيهاب:براحتك يا سلطان..
إيهاب ساب سلطان و مشي و هو متضايق من أسلوبه و هو عارف حالته دي بيتحول و بيبقى شخص بارد ملهوش حدود..
أسماء:هشتري حاجات من السوبر ماركت..
سلطان:خدي معاكي السواق..
أسماء:تمام..
أسماء مشيت، سلطان طلع للدور التاني و دخل أوضته..
بعد فترة سمعت عشق لصوت سلطان العالي و قامت منفوضة من مكانها و خرجت بره أوضتها قربت من أوضة سلطان ببطء و مالت بودنها على الباب تسمع بيحصل إيه جوا..
فجأة الباب اتفتح و عشق اتخضت و بصت برعب لسلطان اللي كان وشه مش مبشر بخير نهائي نظراته لوحدها كانت كفيلة تزرع الخوف و الفزع جوا عشق اللي وقعت على الأرض بخوف من منظر سلطان..
و لحظات و كانت عشق استسلمت للظلام اللي حواليها بتحمد ربنا أنها بِعدت بنظرها عنه..
.
.
.
_يتبع::::::::::::::::::::
**********************