أحببتهُ مشوهًا و لكِن «قيد التعديل»

الفصل العشرون..

نكمل روايتنا(أحببتهُ مشوهًا ولكِن)بقلم سلسبيل كوبك..
الفصل ال20..
أخر حاجة وقفنا عندها في الفصل ال19..
عشق و سلطان سمعوا صوت صريخ جاي من الجنينة الاتنين جريوا بسرعة لـ بره..
عشق(بخوف):عهد..
في أقل من لحظة كان سلطان نط في حمام السباحة و مسك عهد بنته الصغيرة و خرج بيها من حمام السباحة..
عشق جريت عليها و خدتها في حضنها و باست رأسها و بصت لـ سلطان بقلق..
عشق:حبيبتي أنتي كويسة؟
سلطان(بغضب):رانيا رانيا..
رانيا(بخوف):نعم يا بيه..
سلطان(بغضب):كنتي فين و البنت بتغرق؟
رانيا(بخوف):كنت بصحي البيه الصغير.
سلطان(بغضب):مسؤوليتك الأهم عهد فاهمة.
رانيا:حاضر حاضر..
سلطان(بغضب):مخصوم منك أسبوعين..
رانيا عيطت و سلطان سابهم و دخل لاوضته يغير هدومه، بينما عشق بصت مكان ما سلطان مشي..
عشق(لنفسها):اتغيرت أوي يا سلطان حتى بقيت أسوأ من قبل ما أعرفك على حسب كلامهم، لحد دلوقتي مشيلني ذنب موت والدتك بعد ما عرفت أن نداء نصابة و اتحبست..
اتنهدت عشق بحزن شديد و طلعت لأوضة بنتها و غيرت ليها هدومها و بدأت تداعبها..
-يا أهل البيت أنا جعان.
عشق:تعالى يا مراد.
مراد:عملت مصيبة البت دي؟
عهد:معملتش حاجة عفكرة..
مراد:طب بس بس..
عشق:مراد اتعامل حلو مع أختك..
مراد:ممكن بس بشرط..
عشق:قول يا مصلحة.
مراد:تكملي ليا قصة عشق و سلطان..
عشق:بليل لما بابا ينام.
مراد:وعد؟
عشق:وعد يا مراد.
مراد:كان نفسي أحضنك بس البطيخة اللي جوا بطنك مضيقاني الصراحة..
عشق:امشي يا مراد من هنا..
ملست عشق على بطنها المنتفخة أثر حملها الثالث، فربنا رزقها بعد أن فقدت ابنها الاول باثنين و الثالث في طريقه لتلك الحياة البائسة و ذلك الحب المدفون داخل قلب أبيه لأمه و لكنه لن يبوح عنه أبدا..
عشق:انزلي العبي مع مراد يا عهد و متجيش جمب حمام السباحة..
دخلت عشق لاوضتها لقت سلطان قاعد على سريره قربت و قعدت جمبه..
عشق:مفيش داعي تخصم من رانيا يا سلطان.
سلطان:مش هتقولي أعمل إيه و معملش إيه..
عشق:بس أنا ليا حق أ.
سلطان:أنتي خسرتي حقك في كل حاجة من زمان يا عشق.
عشق لا رد.
كم أصبح قاسي بعد أن كان الملجأ الوحيد لها، لا تلومه على شيء و لكنها تلوم تلك الظروف التي جعلتها توافق على خداعه من قبل.
عشق:هو بابا أنور هيجي امتى؟
سلطان:لما يجي هبقى أبلغك..
عشق:مش ناوي ينزل من السعودية خالص.
سلطان:لا يا عشق قومي بقى شوفي وراكي إيه.
عشق(بدموع):سلطان مش كفاية قسوة قلبي مبقاش يستحمل الأذى.
سلطان:يبقى أنا اللي أقوم أفضل بدل دراما كل يوم..
مشي سلطان و ساب عشق اللي انهارت في عياطها فهي على الحال ده كل ليلة و لكنه لم يشفق عليها يومًا ربما هذا ما يتضح لـ عشق.
بينما سلطان خرج و هو يشعر بوجع شديد في قلبه أثر دموعها التي تتآكل في روحه كالنيران.
مراد:بابا تعالى ألعب معانا.
سلطان:بعدين يا مراد بعدين.
مراد:طب و ماما؟
سلطان:جوا في الأوضة روح ليها يلا و أنا هروح الشركة عشان عمو عماد مستنيني هناك.
مراد:ماشي يا بابا..
مراد دخل أوضة عشق و قرب منها لما لقاها بتعيط و مسح دموعها..
مراد:ماما متعيطيش عشان خاطري بلاش.
عشق(بابتسامه):مش بعيط يا حبيبي أنا بس تعبانه شوية من الحمل.
مراد:البطيخ ده مش ناوي ينزل..
عشق:ولد متقولش على أخواتك كدة.
مراد:أوف طيب.
عشق:ذاكرت؟
مراد:لا.
عشق:طالع فاشل كدة لمين قوم يلا ذاكر يلا..
مراد:هتكملي امتى؟
عشق:بليل يا مراد.
مراد:عايز أعرف إيه اللي حصل بين عمو إيهاب و بابا و كمان عمو عيسى ازاي أتجوز عمتو قمر و جدو ليه سافر السعودية و.
عشق:بليل برضو يا مراد.
مراد:لو محكتيش بليل هزعل جامد منك.
عشق(بضحك):طيب يا عم الجامد روح ذاكر عشان ماما تحبك أكتر..
راح مراد يذاكر عشان عشق تحكي ليه قصة حياتها اللي كانت سر بينها و بينه و هي بتحكيها ليه من صغره لغاية ما بقى واعي و طلب منها تحكي ليه بالتفاصيل..
عهد دخلت و قعدت على رجل عشق..
عهد:ماما أنا عملت واجب ميس صبا..
عشق:إيه الشطارة دي؟
عهد(بهمس):هو بابا فين؟
عشق(بهمس):هتلاقيه نزل تحت.
عهد(بهمس):هاتي شيكولاتة زي ما وعدتيني لو عملت الواجب..
عشق:أنتي عايزة أبوكي يطلقني.
عهد:لا لا بس انا بحب الشيكولاتة يا ماما..
عشق:و يا حبيبة ماما الشيكولاتة غلط عليكي بتعمل حساسية..
عهد:بحبها.
عشق:بلاش تحبي الحاجات اللي بتأذيكي..
عهد:ليه؟
عشق:لأن في حاجات بتبقى حلوة أوي و لكنها مؤذية أوي، عشان كدة بلاش صدقيني هتندمي أنتي بعدين كل البدايات حلوة و النهايات غالبا بتبقى مؤلمة..
عهد معرفتش تفهم المغزى من كلام عشق لصغر سنها و لكنها ابتسمت لعشق و حضنتها..
عهد:أنا بحبك يا ماما أوي..
عشق:و أنا يا حبيبتي..
عشق:و هخلي بابا يخرجنا أجازة الأسبوع دي..
عهد(بفرحة):ماشي هروح أقول لمراد..
سابت عهد عشق و جريت لـ مراد عشان تقوله..
تليفون عشق رن، الخط اتفتح..
قمر:ألو.
عشق:ازيك يا قمر..
قمر:بخير أخبارك أنتي و الولاد.
عشق:كويسين الحمدلله..
قمر:طب كويس.
قمر:لسة سلطان متغيرش.
عشق(بتنهيدة):لا من ساعة ما طنط اتوفت.
قمر(بتنهيدة):صدقيني سلطان بيحبك و الله يا عشق.
عشق:عارفة أنه بيحبني بس ساعات الحب مش بيبقى كفاية يا قمر..
قمر:و الله احترت معاكي يا عشق..
عشق:مش مهم أنا دلوقتي..
عشق:أخبار جوري إيه؟
قمر(بضحك):عيسى كل ما يشوفنا مع بعض يقول عندي طفلتين..
قمر(بضحك):أنا قولتلكم متجوزنيش يا جدعان أنا و الله مليش في الجواز..
عشق:ربنا يخليكوا لبعض.
عشق:المهم أنكم كويسين..
قمر:اه الحمدلله..
قمر:الحياة في أمريكا غير عندكوا يا عشق و الصراحة أنا اتعودت على العيشة هنا مع عيسى.
عشق:المهم أن الحياة بينكم لطيفة يا قمر مش مهم المكان..
قمر:عندك حق..
قمر:حاضر يا عيسى..
قمر:هقفل دلوقتي و هبقى أكلمك تاني..
عشق:تمام..
قمر قفلت مع عشق و راحت لـ عيسى اللي كان بينادي عليها..
قمر:نعم..
عيسى:ساعة هنادي عليكي..
قمر:بقولك إيه يا عيسى أنا دلوقتي واحدة عاملة و بقبض مرتب شهري و جوري هتبقى في حضانتي و.
عيسى:بس بس اخرسي اخرسي.
عيسى:ده أنتي أول مرة تشتغلي كانت من شهرين و روحتي يومين و قعدتي و لسة راجعة امبارح..
عيسى:هو أنا كنت عملت حاجة ليكي؟
قمر:لا بعرفك بس.
عيسى قرب من قمر اللي رجعت لورا بسرعة.
قمر:عايز إيه؟
عيسى:مفيش لسة راجع من المستشفى.
قمر حضنت عيسى و باسته على خده.
قمر:حمدلله على سلامتك.
قمر:يلا اطلع ريح شوية عقبال ما أحضر الغداء عشان تجهز للعيادة..
عيسى:طيب هي جوري هتروح الحضانة امتى تاني؟
قمر:بعد بكرة.
عيسى:تمام.
طلع عيسى لأوضته يغير هدومه، عيسى باع شقته القديمة و طلب من سلطان يجهز ليهم شقة بتصميمه و استقروا فيها بعد ما قمر خلصت دراستها..
قمر:جوري ناوليني الماية..
جوري زحفت و جابت إزازة الماية لـ قمر و هي بتضحك..
قمر:يا أخواتي على القمر بتاعي.
قمر بدأت تجهز الغداء و بعد ما خلصت طلعت تصحي عيسى اللي شدها لحضنه.
قمر:قوم يلا يا عيسى..
عيسى(بهمس):وحشتيني..
قمر(بابتسامه):و أنت أكتر..
عيسى:تحبي نخرج بليل.
قمر(بحماس):ماشي هستناك بعد العيادة..
عيسى:تمام يا حبيبتي.
عيسى:قومي يلا عشان أجهز للعيادة.
قمر قامت و نزلت تحضر سفرتهم و نزل عيسى بعد ما غير هدومه و شال جوري في حضنه..
عيسى:بتحبي بابا؟
جوري: با با.
عيسى:حبيبة بابا.
قمر:مش عارفة نعمل إيه مع سلطان.
عيسى:من واقع خبرتي بأخوكي الصراحة مش النوع اللي سهل يسامح..
عيسى:و عشق غلطت..
قمر:كلنا عارفين أن الظروف خلتها كدة هي أكيد مش حابة تتربى في ملجأ و لا تخون ثقة سلطان و لا تعيش حياة مش حياتها..
عيسى:و ده اللي حصل يا قمر خلاص بقى..
قمر:بس هو بيحبها.
عيسى:قمر الراجل ممكن ينسى أي حاجة إلا أن واحدة تخونه عمره ما هيسامح الراجل صعب يسامح..
قمر:يا سلام طب ما احنا بنسامح عادي.
عيسى:انتوا بطبيعتكم كدة بتسامحوا لكن عمركوا ما تنسوا كل ما تحصل مشكلة تفضلوا تقلبوا في القديم..
قمر(بضيق):كُل يا عيسى كُل..
عيسى:متضايقة عشان بقول الحقيقة..
قمر(بضيق):لا طبعا بس سلطان لازم يقدر أنهم بيحبوا بعض و غير كمان أنها جابت مراد و عهد و التؤام جايين في الطريق..
عيسى(بتنهيدة):ربنا يصلح ليهم الحال يا قمر.
قمر:يا رب، هستناك بليل..
عيسي:عيوني..
***********************
-في مكان تاني...
_عند سلطان..
سلطان كان قاعد في مكتبه و تليفونه رن..
الخط اتفتح...
سلطان:دكتور خميس أهلا و سهلا.
خميس:سلطان ازيك..
سلطان:الحمدلله..
خميس:سلطان عايز أكلمك في موضوع..
سلطان:خير يا دكتور؟
خميس:عشق.
سلطان(بقلق):مالها حصلها حاجة؟
خميس:انا قولتلها تبلغك من ساعة ما حملت و لكنها رفضت..
سلطان(بقلق):انطق يا خميس في إيه.
خميس:حمل عشق في خطر بلغتها من بدايته و لكنها رفضت تسمع ليا و وافقت على الحمل و.
سلطان:انطق.
خميس:منعتني أبلغك.
سلطان(بحدة):أنت غبي ازاي متبلغنيش بحاجة زي كدة.
خميس:هي قالتلي مبلغكش و هتبلغك في الوقت المناسب.
سلطان(بحدة):ضميرك صحي دلوقتي لما بقت في الشهر التامن..
خميس:لا بس حالة عشق لما جاتلي من يومين كانت بتعاني من انهيار اتصلت أبلغك عشان تراعيها في الفترة دي لأنه هيساعد في الولادة.
سلطان(بغضب):أقفل..
سلطان قفل مع خميس و قام من مكانه بغضب.
_عند عشق..
مراد:اهي عهد نامت احكيلي بقى..
عشق:وقفنا لغاية فين؟
مراد:بابا كان عايز عمو إيهاب في إيه؟ و ازاي عيسى و قمر اتجوزوا؟
عشق:سلطان طلب من إيهاب أنه يتجوز حياء.
مراد:طب و الشخص اللي كان بيكلم عمتو راح فين؟
عشق:حياء اكتشفت أنه هو الشخص ده و لما صارحته هو اعترف ليها أنه بيحبها من صغرها..
مراد(بفرحة):الله، بس عمو إيهاب قدر يصبر ده كله و هي بعيدة عنه..
عشق:اللي بيحب الزمن بيقف عند الطرف التاني يا مراد..
مراد:طب و عمتوا حياء عرفت ازاي؟
عشق:هحكيلك.
_
كانت حياء تجري في النادي و وجدت من يتصل عليها تنهدت عندما وجدته رقم غريب ثم لقت سلطان بيتصل بيها..
حياء:ألو يا سلطان..
سلطان:كدة يا حياء ده كله مترديش عليا أنتي فين قلقتيني عليكي..
حياء:قولت اروح النادي أجري شوية يا سلطان في حاجة..
سلطان:قلقت عليكي و قلقت كل اللي حواليا يا حياء..
حياء:خلاص قربت اخلص جري اهو و هرجع بسرعة، اسفة..
سلطان:طيب خلي بالك من نفسك..
قفل سلطان مع حياء، تليفون حياء رن تاني برقم غريب عليها..
حياء:مين؟
إيهاب(بعصبية):أنتي ازاي مترديش متعرفيش قلقتينا كلنا عليكي ازاي..
حياء(باستغراب):مين؟
إيهاب:أنا إيهاب..
إيهاب:أنتي فين عشان أجي أجيبك.
حياء:في نادي ال..
فجأة حياء وقفت مكانها و ركزت في صوت إيهاب.
حياء:إيهاب!!
إيهاب:مبترديش ليه أنتي كويسة.
حياء:أنت إيهاب، أنت يا إيهاب صح؟
إيهاب(بتوتر):أنا إيه؟
حياء:أنت اللي كنت بتكلمني كل فترة.
إيهاب:مين ده يا حياء معرفش حاجة..
حياء:طيب أنا في نادي ال*****..
بعد فترة جه إيهاب لـ حياء اللي مبصتش ليه و قعدت مكانها متحركتش..
إيهاب:قومي يلا.
حياء:مش همشي من هنا غير لما ترد عليا أنت اللي كنت بتكلمني صح؟
إيهاب(بتنهيدة):اه.
حياء:و مقولتش ليا ليه؟
إيهاب:خوفت خوفت لتكوني لسة بتحبي اللي اسمه شهاب ده أو تكوني لغيتي الحب من قاموسك..
وقفت حياء و بصت لإيهاب اللي الدموع اتجمعت في عينه..
حياء:يلا نروح.
حياء كانت مرتبكة و متوترة من نظرات إيهاب فسابته و مشيت و إيهاب وراها..
_
مراد(بابتسامه):لطيف أوي عمو إيهاب..
عشق(بضحك):اه فعلا..
عشق(بحزن):ربنا يخليهم لبعض و يرزقهم بالذرية الصالحة..
مراد:يا رب..
مراد:طب و بابا وافق ازاي عيسى يتجوز قمر.
عشق(بضحك):عيسى مسابش سلطان في حاله إلا لما وافق..
_
سلطان(بعصبية):ابعد عني يا أخي.
عيسى:بقولك طالب القرب منك ابو العروسة بنفسه وافق أنت مش هتوافق يا عم حس بيا يا عم ده أنت حتى بتحب حس بيا و بقلبي..
سلطان(ببرود):تقدر تعمل ليها إيه؟
عيسى:اقدم روحي في طبق دهب كدة ليها..
تنهد سلطان و بص لـ عيسى..
سلطان:و لو زعلت في يوم؟
عيسى:عاقبني يا عم..
سلطان:و تعليمها؟
عيسى:قبل كل حاجة..
سلطان:فرح قمر هيبقى مع أختها..
عيسى(بصريخ):أخيرا..
عيسى حضن سلطان اللي فرح على حبه الظاهر في عينه لأخته قمر..
عيسى:هو الفرح امتى؟
سلطان:أخر الأسبوع ده..
عيسى:لا نلحق بقى..
عيسي ساب سلطان و جري عشان يجهز نفسه..
_
مراد:الله، ماما هو اشمعنا علاقتهم كلهم حلوة إلا أنتي و بابا..
عشق(بحزن):عشان.
سكتت عشق هي مش عارفة تقول إيه و لا تبرر ازاي، حضنت مراد اللي باس بطنها..
عشق:علفكرة بقى هي حياتهم مش حلوة زي ما فاكرين..
عشق:حياء و إيهاب لسة مخلفوش مع إنهم متجوزين من سنين و ده أكيد مقصر شوية على علاقتهم..
عشق:و عيسى ساعات مش بيعرف يتعامل مع عناد قمر و طفوليتها و بتحصل بينهم مشاكل..
عشق:بس برضو هما معاندين الدنيا و ظروفها مع بعض عشان كدة علاقتهم ناجحة..
مراد:طب و تيتة ماتت ازاي؟ و ليه بابا بيقولك انتي السبب؟
عشق(بدموع):بعدين يا حبيبي بقى..
مراد:لا قولي قولي يا ماما بابا لسة مجاش اهو.
عشق:طيب هقول دي و هتروح تنام..
مراد:حاضر..
عشق:بص بعد ما نداء اتسجنت طبعا سلطان حاول بقدر الإمكان يخفي الخبر عن تيتة رحمة.
عشق:بس عماد قال غصب عنه كنا مرة متجمعين، فتيتة تعبت و نقلوها المستشفى و هي مصدومة من كره أختها ليها و لأولادها..
عشق:اضطر سلطان أنه يكشف الحقيقة قدام أخواته و عيسى، و إيهاب كان عارف..
عشق:حياء كانت عاقلة فقدرت تفهم موقفي، اما قمر اتجننت كالعادة شوية بس بعدين تقبلت الموضوع..
عشق:طلبت تيتة رحمة تقابل أختها في السجن اللي اتحكم عليها بالإعدام لجرايم كتير و أولها قضية سلطان و حياء و قتلت شهاب اللي حكيتلك عنه..
عشق:بعد مقابلة رحمة بنداء بكام يوم توفت بس اللي خلى سلطان يقول إني السبب لأني أخر واحدة كنت عندها.
مراد:كانت بتقولك إيه؟
عشق:بكرة بقى..
مراد:يا ماما قولي بقى طب بصي قولي موقف جدو أنور..
عشق:الوقت اتأخر يا مراد يلا روح نام..
مراد(بضيق):بكرة هتحكيلي ماشي..
عشق:طيب يلا يا حبيبي..
عشق باست مراد على خده و قبل ما مراد يدخل كان سلطان داخل باندفاع.
عشق(بقلق):سلطان أنت كويس؟
عشق:روح نام أنت يا مراد.
مراد:تصبح على خير يا بابا.
مراد خرج و عشق قربت من سلطان لقت في جروح في وشه بسيطة و لكنها قلقت.
عشق:إيه اللي حصل ليك؟
سلطان:حادثة بسيطة..
عشق:طب تعالى تعالى.
عشق ساعدت سلطان يقعد على السرير و راحت جابت علبة اسعافات أولية ليه و بدات تطهر جروحه تحت نظراته..
سلطان:مقولتيش ليا ليه؟
عشق(بعدم فهم):مقولتش إيه؟
سلطان:اللي دكتور خميس قالك عليه.
رفعت عشق رأسها بصدمة لـ سلطان و قامت بسرعة بِعدت عنه..
عشق(بتوتر):لأنها اشاعات متخافش.
قرب من سلطان و شدها ناحيته بعنف..
سلطان:ليه مُصِرة تكدبي ما أنا خلاص عرفت الحقيقة.
عشق:عندك حق مفيش داعي اخبيها انت عرفتها خلاص..
سلطان(بضعف):ليه ليه عملتي كدة؟
عشق:عشان مش قادرة مش قادرة تفضل جمبي بجسمك بس.
عشق:أنا غلطت و من حقك تعاقبني بس العقاب طول أوي يا سلطان عدت سنين..
سلطان شد عشق لحضنه اللي بدأت تعيط و لكنه مسح دموعها بسرعة..
سلطان:مش عايز أشوف دمعة منك بعد كدة طول ما أنا عايش..
عشق:بتعمل كدة عشان عرفت أنه ممكن يحصلي حاجة.
سلطان:و أنتي عندك شك في خوفي ليكي!
عشق(بحزن):لا.
سلطان:تعالي ارتاحي عشان تنامي..
عشق قعدت على السرير و بدأت تستعد عشان تنام لقت سلطان بيغطيها و باس رأسها و قفل النور و غير هدومه و جه نام جمبها..
**********************
-في الصباح الباكر...
_عند إيهاب و حياء..
إيهاب صحي على صوت صريخ حياء قام بسرعة من نومه و جري على مصدر الصوت لقى حياء واقفة في الحمام و مصدومة..
إيهاب(بقلق):حياء مالك يا حبيبتي؟
حياء(بصدمة):أنا حامل.
إيهاب بص لاختبار الحمل اللي في إيد حياء، حياء صرخت بفرحة و نطت في حضن إيهاب اللي كان مصدوم بالظبط زي حياء..
إيهاب:طب طب متأكدة يعني؟
حياء:اه اه يا إيهاب اهو شرطتين..
إيهاب:طب بصي قومي البسي بسرعة و نروح نكشف لازم نتأكد يلا يا حبيبتي..
حياء:اه اه أكيد..
حياء جريت و غيرت هدومها و كذلك إيهاب و بعد فترة كانوا واقفين قدام عيادة دكتورة نساء و توليد..
حياء:أنا خايفة يا إيهاب..
إيهاب مسك إيد حياء و باسها..
إيهاب:حبيبتي احنا راضيين بقضاء ربنا بقالنا سنين ممكن ربنا حب يعوض صبرنا يلا..
دخل إيهاب مع حياء و كشفوا عند الدكتورة..
إيهاب:ها يا دكتورة؟
دكتورة:مبروك المدام حامل..
حياء(بفرحة):بجد يا دكتورة..
دكتورة:اه..
إيهاب:شكرا يا دكتورة..
إيهاب قام وقف و باس رأس حياء.
دكتورة:هكتب ليها على شوية ڤيتامينات و مثبتات..
إيهاب:تمام يا دكتورة..
خرجوا من العيادة و هما بيحمدوا ربنا على عوضه، إيهاب مسك حياء شالها و حضنها.
إيهاب(بهمس):بحبك بحبك يا حياء أكتر من روحي..
حياء:ربنا يخليك ليا يا إيهاب..
إيهاب باس رأس حياء و ركبها العربية و لف ركب و بدأ يسوق للبيت..
***********************
-في مكان تاني...
_عند عشق..
عهد:يا ماما قولتي هنخرج.
عشق:قولي لبابا..
سلطان:عايزة إيه يا عهد؟
عهد:نخرج يا بابا..
سلطان:وعد الأجازة الجاية هنخرج..
مراد:بجد يا بابا؟
سلطان:بجد.
سلطان:يلا مين هيجي معايا عند دادة أسماء..
عشق:سلملي عليها يا سلطان..
سلطان:طيب..
عهد:انا انا.
سلطان:تعالي يا حبيبة بابت..
سلطان شال عهد و خرج بره الاوضة.
سلطان:هتيجي يا مراد؟
مراد:لا لا هقعد مع ماما..
سلطان:طيب..
سلطان:خليها تأخد الدواء بتاعها.
سلطان خرج من الفيلا و مراد نط في حضن عشق اللي اتخضت..
مراد:كملي..
عشق:ايه! دلوقتي يا مراد؟
مراد:اه دلوقتي..
عشق:طيب يا حبيبي، عايز تعرف إيه تاني؟
مراد:جدو أنور عمل إيه بعد تيتة رحمة؟
عشق:بعد ما طنط اتوفت عمو مقدرش يستحمل فراقها و انهار لفترة و قرر يسافر زي ما كانت بتحلم السعودية و استقر هناك..
مراد:ده كله قبل ما تحملي؟
عشق:لا كنت حامل فيك..
مراد:طب و عمو عماد متجوزش ليه؟
عشق:كان بيحب بنت و لكنها عملت حادثة..
عشق(بحزن):أنت زعلان مني يا مراد عشان خدعت سلطان في الأول..
مراد:لا يا ماما أنتي تاج على رأسي و مستحيل ازعل منك.
مراد مسك إيد عشق و باسها و باس رأسها.
مراد:ربنا يخليكي ليا..
عشق:حكايتي بتبين حاجة يا مراد.
مراد:إيه؟
عشق: كسر الثقة صعب جدا يا مراد لحد الأن سلطان مش قادر يتخطى اللي حصل بسببي و لا قادر ينسى خيانتي ليه، إياك تخون حد وثق فيك يا حبيبي.
مراد: أنتي حبيتي ليه بابا؟
عشق: أحنا بنغلط كل يوم و بنكدب علطول لكن صدقني حبل الكدب قصير يا مراد و الكدب ليه ريحة إياك تفتكر سواء كانت كدبة أو حقيقة ممكن تختفي..
عشق: نداء استخدمتني طُعم عشان توصل لهدفها، إياك تقبل تبقى سلمة او كوبري للناس عشان توصل لهدفها على حسابك يا مراد.
عشق: لا يمكن علاقة تتبني على كدب و تستمر يا مراد، إياك أنت كدة بتهدم العلاقة مش بتبنيها عمر ما الحقائق تختفي.
عشق: حوالينا الحلو و الوحش دايما و في ناس قريبين مننا و بيكرهونا، أعرف دايما مين جمبك و مين لا و الشدة هي اللي هتبينلك..
عشق: عامل الناس دايما بأصلك خليك الأمان لغيرك حتى لو الشخص ده أذاك، لو حد طلب منك مساعدتك إياك ترده يا مراد..
عشق: بعض الأخطاء مبنقدرش نمحيها من حياتنا، الأخطاء اتوجدت عشان تتعلم منها مش تفضل وصمة عار عليك طول حياتك يا مراد.
عشق: خليك دايما حذر من الناس كلها مش الكل بيحبك و بيتمنى ليك الخير و تأكد أن الضربة ممكن تيجي من أي شخص..
مراد:حبيتي بابا ليه يا ماما؟
عشق: لأنه الإنسان الوحيد اللي حسيت معاه بالامان في عالم بقى الكل بينهش في التاني بيقتل التاني لمجرد فلوس.
عشق: لأن سلطان كان البيت و السند و الحياة كلها..
عشق: سلطان.
سكتت عشق دموعها نزلت على خدها فمسحتها ببطء و بصت لـ مراد..
عشق: الإنسان الوحيد اللي معدنه طيب و ابن أصول و حبني بجد حبني أنا لوحدي مقدرش يخوني و لا يبص لغيري طول ما أنا معاه..
عشق: بالرغم من كدبي و خداعي ليه إلا و أنه لسة شايلني فوق رأسه و مقعدني في بيت لو كنت فضلت في الملجأ مكنتش حتى فكرت فيه و لا جه على بالي..
عشق(بتنهيدة): سلطان قدم ليا الكتير من غير مقابل يا مراد لو فضلت سنين أرجعله نص اللي عمله عشاني مش هعرف..
مراد حضن عشق جامد و باس رأسها.
مراد:ربنا يخليكي لينا يا ماما..
عشق:يلا ننزل الجنينة..
عشق و مراد نزلوا لـ تحت، عشق لقت سلطان رجع مع عهد..
عشق:رجعتوا بسرعة..
سلطان:دادة سافرت البلد..
عشق:ربنا معاها..
سلطان:عايزك في كلمتين فوق..
عشق(بتعب):أنا لسة نازلة من فوق هطلع ت.
عشق شهقت لما لقت سلطان شالها أو بمعنى أصح كان بيجاهد عشان يشيلها فالحمل مأثر على وزنها..
سلطان:هي فين عشق؟
عشق:احم تقيلة صح!
سلطان:بتسألي يخربيت الجراءة.
عشق:رخم..
عشق ضربت سلطان على كتفه، سلطان طلع لأوضته بعد عناء و حط عشق على السرير..
سلطان:آه يا ضهري.
عشق(باحراج):أسفة..
سلطان:لا ما أنا هأخد أسفك ده بس بطريقة تانية..
سلطان قرب من عشق و حط إيده على خدها و لكن فجأة عشق صرخت..
سلطان:الله يخربيتك انا عملت حاجة!
عشق(بوجع):اطلب الإسعاف..
سلطان(بصدمة):بتولدي!
عشق(بوجع):لا بتدلع آه..
سلطان:يعني مطلوب مني انزلك تاني..
عشق(بصريخ):الحقوني.
عشق(بوجع):هموت بسببك آآه.
سلطان تحامل على نفسه و شال عشق و نزل لتحت و ركبها عربيته و هي بتصرخ..
سلطان:انت يا زفت سوق.
سلطان:رانيا خلي بالك من عهد و مراد.
سلطان:و انت اطلع..
عشق(بخوف):هو أنا هموت يا سلطان؟
سلطان:بعد الشر عليكي لا طبعا..
عشق(بخوف):سلطان خلي بالك من ولادنا أرجوك..
سلطان:هششش اهدأي دكتور خميس طمني و قال أنه في نسبة نجاح اهدأي انتي بس.
سلطان شد عشق لحضنه و باس رأسها، عشق كانت بتصرخ بسبب الوجع..
نقلوا عشق العمليات، سلطان وقف على أعصابه و بلغ إيهاب اللي جاب حياء و جم و كانوا قلقانين عليها..
حياء:هي اتأخرت ليه كدة!
إيهاب:اهدأي دول تؤام هيتأخروا شوية.
سلطان(بضعف):يا رب رحمتك بيا و بيها يا رب.
خميس:مُبارك يا سلطان..
سلطان(بقلق):عشق.
خميس:بخير هتتنقل لاوضة عادية..
سلطان:الحمدلله.
_
مراد:ماما..
عشق:نعم يا حبيبي..
مراد:بابا بيقولك تعالي اقفي جمبه.
عشق:حاضر.
مراد:سرحان في إيه يا جميل؟
عشق:في أبوك..
مراد(بضحك):يا بختك يا عم سلطان..
عشق:عهد خلي بالك من عليا و محمد..
عهد:حاضر..
عهد:انتوا مش عايزين تتكلموا ليه الاه.
مراد:اهدأي شوية كدة دول لسة صغيرين..
جوري:مراد هات اشرب.
قمر:اشوي يا عيسى اشوي..
عيسى:بعمل حاجة غير كدة..
إيهاب:يعني إيه اسقي الزرع انا الاه.
عيسي:مش عارف احنا مش ضيوف و لا ايه؟
سلطان:صحاب بيت يا اخويا منك ليه.
سلطان:اشوي كويس و انت اسقي الزرع..
عشق:حرام عليك يا سلطان سيبهم يرتاحوا ده عيسى و قمر بيجوا مرتين في السنة.
سلطان:بقولك إيه؟
عشق:نعم.
سلطان:عليا و محمد اشتكوا ليا.
عشق:من إيه؟.
سلطان:كل شوية يا بابا عايزين اخوات تاني يا بابا و انا.
عشق:يا حرام قلبك مستحملش فقولت حاضر.
سلطان:يرضيكي يطلبوا حاجة و انا منفذهاش ليهم.
عشق:سلطان عليا و محمد لسة عندهم سنتين ها يعني كويس انهم بيمشوا و بيقولوا بابا و ماما..
عشق:حياء شوفي زياد كدة شكله صحي..
حياء:حاضر..
عشق:هو عماد مش جاي؟
سلطان:لا في الطريق..
عشق:طب و جدو أنور بر.
أنور:انا سمعت اسمي.
كلهم جريوا على أنور سلموا عليه إلا عشق اللي كانت هتنسحب بس سلطان شدها ليه..
عشق(بخفوت):ازيك يا عمو.
أنور:بخير يا بنتي.
أنور:فين الغداء بقى انا جعان..
عماد:كدة من غيري.
عيسى:عادي إيه اللي فيها؟
عماد:ده انت فوق البيعة ياض..
عيسى:جوزك اتهزأ يا قمر..
قمر:جامد أوي أوي؟
عيسى:اه..
قمر:عادي.
عيسى:طالعة واطية لمين البت دي.
الكل ضحك على عيسى، و الكل قعد و بدأ يأكل بسعادة شديدة لأن تجمعهم ده بيحصل مرتين فقط في السنة..
بصت عشق لـ سلطان و هو بيتكلم و يضحك و هي ابتسمت ليه بفرحة من قربه منها.
-أحببتهُ مشوهًا و لكِني كنت المخادعة لذلك القلب المسكين المشوه الذي أصبح حُبّي لهُ يتغلغل داخل أعماق قلبي، أحبت الجميلة الوحش لم يكن وحشًا أبدا كان الأمان و المأمن كان دومًا بجوارِي كان يحبني كل يوم و أنا تلك المخادعة التي أتت لتخرب حياته، كم أصبحت أندم على تلك اللحظات أحببتهُ و أصبح لي سندًا و إن مِلتْ أبقاني قوية رغم قلة حيلتهُ، أحببتهُ و خدعتهُ و لكِني أصبحت أسيرة لذلك القلب المسكين..فقط أحببتهُ لا يهمني شيء بعد هذا.
_سلسبيل كوبك_.
***********************
النهاية..
طبعا مكنتوش متوقعين حاجة زي كدة.
-أولا كنت الفترة اللي غبت فيها دِ تعبانة جدا.
-ثانيا الرواية بلغتكم في أول فصل إني هبقى منشغلة جدا و مش عارفة إذا كانت الرواية هتبقى بجودة عالية و لا و لكني أهو خلصتها و هنتظر رأيكم🌚💙
-ثالثا أتمنى تكون نالت إعجابكم، هي أقصر رواية عملتها في حياتي😂💙
-رابعا أنتوا متعودين في أخر الرواية يبقى في زي ملخص هو موجود داخل الفصل💙.
-خامسا هضطر أوقف كتابة لفترة معرفش قد إيه بس متنسونيش ها🌚 هرجع قريب مش أوي يعني بس قريب ها🌚😂، عايزة أرجع الاقي الرواية اتعمل ليها شير عايزة ارجع كدة الاقي الرواية جايبة عدد مشاهدات عالي ها🌚💙
-سادسا و الله هتوحشوني جامد جمويدة🙈😂
_مين مظلوم أكتر عشق و لا سلطان؟
طبعا هتقولوا عشق ما انتوا ستات زيها🌚😂
_مين أكتر شخص اتظلم في الرواية على الوجه العموم؟ هنتظر رأيكم بقى ها🌚💙