قصة حقيقية بكل تفاصيلها و احداثها بدون تغيير باستثناء اسماء الابطال
احجیلكم باختصار قصة بين حبیبين و المعانات الي عاشوها واحد بسبب الثاني
اللون الاصفر 🟡 اني اسمي احمد
اللون الاخضر 🟢 والدي
اللون الازرق 🔵 ھي اسمها اسيل
اللون البنفسجي 🟣 والدتي
اسمي الجبوري الوحید لاھلي لا اخ ولا اخت عندي ،، موالید 90 من بغداد منطقة الكرادة ،، دكتور اداوم بمدینة الطب الصبح اما العصر اداوم بعیادة بالعرصات
طولي 187 سم وزني 91 كغم جسم و عضلات اشكر عیوني زركة ملامحي حادة ھادى تقریبا یعني كلامي قلیل شخصیتي كلش قویة فارضھا باي مكان اتواجد بي ،، الي میعرفني یكول مغرور شایف نفسي كلش ما اتحاجة بس اني جدي بالتعامل طول عمري البنات تركض ورایة و معجبات بیھ و یحاولن یتقربن مني بس مجانت تعجبني اي وحدة .. جنت حاط مواصفات خاصة لفتاة احلامي و ما لكیتھا بكل البنات الي شفتھن جان یومي روتیني كلش قبل ما اشوفھا لحبیبتي
اداوم الصبح مستشفى ارجع انام ساعة اكعد العصر اداوم عیادة و بالعطل اروح جم اتمرن ھواي یدخلولي بنات على مواقع التواصل و دكتورات یداومن ویایة یحاولن یتعرفن علیھ بس جنت اسولف ویاھن على كد سوالف عادیة ما اعمق علاقتي بیھن اما اصدقائي فكلش علاقتي بیھم قویة عندي كم صدیق طلعاتنھ و سفراتنھ كلھھ سوة نداوم سوة بمجمع مدینة الطب بس كلمن بمستشفى یوم من الایام ما اتذكر یا یوم بالضبط الساعة 11 الصبح طلعت من مكان شغلي متوجھ الى الادارة العامة دا اكمل معاملة عندي جان الجو شتوي و شمس كلش خفیفة نسمات الھواء البارد بالجو اني و امشي صادفت كدامي اجمل و ارق و الطف و احلى كائن ملائكي شافتھ عیوني تمشي ھي و موظفة ثانیة بكل حیاتي مشفت ولا رح اشوف احلى منھا بنیة تنكط انوثھ و نزاكة ناعمھ كلش قزومة میعبر طولھا 160 سم رشیقھ نار جسمھا كلش جذاب و ساحر و ملابسھا انیقة ،، شعرھا ذبحني بجمالھ من طیره الھوه و صار على وجھا لابسھ لابكوت )الصدریة الطبیة( و اجتي باتجاھي جانت تمشي ھي و موظفة ثانیة و یسولفن صابني الجمود من تقربت مني من شدة جمالھا ضلیت مركز بتفاصیلھا شعرھا لونھ اشكر فاتح ،، بیضھ ثلج ،، عیونھا كبار لونھن عسلي فاتح ،، خشمھھ عبالك لوزة صغیر كلش ،، حلكھھ صغیر و الشفایف منفوخة ،، خدودھا حمرة من برودة الجو كف ایدھا صغیر ابیض ناعم و العروق كلش واضحة والاظافر ناعمات لون احمر حاولت امشي قریب كلش منھا حتى اركز بیھا زین لان جانت حوریة من الجنة مو بنیة صرت قریب كلش منھا سویت نفسي ملتھي بالتلفون و تقصدت اطخھا حتى اسمع صوتھا طخیتھا
🟡 اني : العفو
رفعت راسھا و صرنھ عین بعین
🔵 هي : لا عادي مصار شي ..
جمال عیونھا المسحوبة اسرني .. الحواجب سیوف مخطوطة خط .. الرموش طوال .. البشرة بیضھ صافیھ ھي مشت وما انطت اي اھمیة للموضوع اما اني ضلیت سارح بیھا معقولھ اكو ویانھ بالمجمع ھیج بنیة تداوم .. لیش اني ما شایفھا قبل ووین تداوم و شنو اسمھا
كملت طریقي للادارة العامة مرة اسبوع اسبوعین و اني افكر بیھا ما راحت من خیالي لحظة . شكلھا من تمشي من بعید و الشعر طایر على وجھھ و ضحكتھا ناعمھ كمت الوب ارید اعرف وین تداوم ارید اوصللھا باي طریقة شسوي المن اسئل وین الكاھا مرت الاسابیع واني ما فقدت الامل كمت اخصص كل یوم ساعھ ساعتین افتر بمجمع مدینة الطب و بالمستشفیات بلكت ارجع اشوفھا رجعت للمكان الي التقینھ بي اول مرة بلكت اشوفھا ھناك اعترف ھزمتني من اول نظرة مرت اسابیع واني اتخیل شكلھا و ما فقدت الامل بیوم صادف یوم ثلاثاء جان عندي خفارة كملت الخفارة و طلعت للبیت ارتاح رجعت نمت كم ساعة كعدت من نوم افكر بیھا مااعرف لیش تجي ھواي على بالي بدون وعي كمت غیرت ملابسي و ما لكیت نفسي غیر راكب السیارة و اخذتني للمستشفى
وصلت المجمع خابرت صدیقي كتلھ وینك كال اني بالمدینة تعال رحتلھ
🟡 اني : ضوجة خلي نطلع لمول لاي مكان سفرة صخام أي شي
كال اوك خلي نجمع الشباب و نطلع و جبناھھ بالحجي كلي لیش ما ترتبط انتھ صاك الف وحدة تتمناك بس اختار .. سد الفراغ العندك احسن من كاعد ھیج و انتھ كبرت لازم تستقر
🟡 اني : علم نفسك بالاول صرت شایب و بعدك ما متزوج
ضحكنة ..
رد علیھ غیر اجتي موظفة جدیدة یمنھ ھزت المستشفى ھز بالجمال وكلھا تحاول تتقرب منھا و تزحفلھا بس مبینھ فد وحدة شایفھ روحھھ كلش و معاجبھا العجب ورة شویة فاتت ھي كلي ھاي الي سولفتلك علیھا المجمع كلھ یركض وراھا درت وجھي دا اشوف منو ھاي الي یحجي علیھا جان اشوف حبیبتي الملاك الي شفتھا قبل فتره شایلھ شعرھا كعكھ و مكیاج خفیف و لابسھ تیشیرت ربع ردن لون بصلي بدون لابكوت )صدریھ طبیة( فاتت و كل الشباب فتحو حلكھم یباوعون على جمال و بیاض ایدھا
ضجت كلش و دمي فار بدون وعي رحت باتجاھھ
🟡 اني : البسي لابكوت
رفعت راسھا باوعت علیھ باستغراب و كالت شنو ؟؟
🟡 اني : البسي لابكوت المستشفى كلھا تباوع على ایدج و جسمج
ھي استغربت و كالت اوك شكرا دخلت المختبر و طلعت لابسھ لابكوت و راحت باتجاه المصاعد
ھو ضل مستغرب كلي تعرفھا ؟؟ منین تعرفھا ؟؟ شحجیت ویاھا ؟؟
🟡 اني : اریدك شكو معلومھ تعرفھا عنھا تبلغني بیھا
استغرب و كال لیش ؟؟ !!
🟡 اني : بعدین تعرف
ضل یحجیلي عنھا معلومات عادیة
مشت الایام و اني اجمع عنھا معلومات من كل مكان و اراقب بیھا صرت مجنونھا من بعید و جبت كلشي عنھا
اسمھا النعیمي موالید 93 محللة تداوم بالمدینة الصبح و بمختبر العصر ساكنة بحي الجامعة عدھا اخوة و خوات كلھم واصلین عائلة مثقفة كلش حاولت اتقربلھا اكعد كدامھا احاول الفت انتباھا باي طریقة جبت رقمھا و كل برامجھا راقبتھا اشوف شنو تنشر و شنو تحب
بیوم نایم بفراشي و عندي ارق افكر شلون اتقرب منھا و اتعرف علیھا و فجاه خطرت بالي انو اروح احجي ویاھا و اعتذر منھا بحجھ اتدخلت بخصوصیاتھا من كلتلھا البسي لابكوت و مكذبت خبر ثاني یوم الصبح بدلت و ركض بوجھي للمستشفى رحت بوجھي لمكان شغلھا و ضلیت انتظر و عیني تباوع على كل بنیة تدخل ھاي ھي لا ھاي ھي
طلعت تلفوني من جیبي دا اشوف ساعھ بیش صارت ساعة 9 الھ ربع رجعت تلفوني بجیبي و رفعت راسي شفتھا فاتت اویلي الله
المشیة المستقیمھ الي كلھا ثقھ بالنفس و الجسم المشدود و الوجھ مرفوع و العیون لیكدام تباوع ،، راحت باتجاه البصمھ رحت وراھا ،، بصمت و راحت للمصاعد رحت وراھا صعدنھ مصعد واحد ولا رفعت عینھا ولا باوعت علیھ و لا اھتمت منو واكف یمھا
سویت احم احم حتى اخلیھا تنتبھ بس ھي ولا اھتمت
🟡 اني صباح الخیر
التفتت باتجاھي كالت اھلا
🟡 اني : تذكریني ؟؟
ھي سكتت مجاوبت
🟡 اسف على الموقف الي صار ھذاك الیوم اذا تدخلت بخصوصیتج
🔵 هي : ولا یمھك
و نزلت من المصعد بدون ما تھتم الي ابد كانو مو بشر كدامھا حسیتھا تحتقرني ولا حتى تشكرت مني فار دمي اتعوذت من ابلیس واحجي ویھ نفسي ھاي شبیھا مصدكة نفسھا كل عقلھا ،، اني ركضت بنات بغداد كلھا .. ھاي الزركة ھیج تعاملني
كلت لنفسي انجب زركة شنو عبالك قالب ثلج منیلھا زركة
و رجعت ادردم علیھا خاف عبالھا عبرتھا بس مو صوجھا صوجي اني خلي البسھا لبسھ النعال حالھا حال الباقیات ھسھ تجر عدل و تجیني برجلھا طلعت من المستشفى دمي یفور ركبت سیارتي و طلعت افتر .. ھذا الحجي تقریبا ساعھ 9 ونص الى 10 ھیج شي الشوارع فارغة و مطر خفیف و الجو یجنن رحت لابو نؤاس طبكت و بقیت كاعد بالسیارة اباوع على الزرع و المي

بقیت اسئل نفسي لیش ھیج تصرفت برود ویایھ ؟؟ معقولھ اني ما اعجبھا ؟؟ معقولھ مرتبطة برة المستشفى ؟؟ لزمت تلفوني خابرت على كابتن الجم الي اروحلھ ھو صاحبي
🟡 رایدك بشغلھ مرلي ھسھ لكھوة رضا علوان
الولد كال تدلل فریت السیارة و بوجھي لرضا علوان والله الولد مطول و لكیتھ یمي كعدنھ شربنھ شي حار كال كول شمحتاج
🟡 اكو وحدة اریدك تحاول ویاھا ارید اشوفھا تجاوب ویاك لو لا
كال اووووووووووووو یول صایره تطورات احجیلي
🟡 سوي ھل شغلھ و بعدین افھمك كلشي
المھم انطیتھ مواصفاتھا ووین تداوم و كتلھ باجر تعال الصبح و اني من تفوت اشرلك علیھا حتى تعرفھا و الباقي یمك
رجعت للبیت و ھو طلع لشغلھ وصلت البیت لكیت اھلي بالحدیقة كاعدین و روزة ) خدامة البیت ( دا تجھز الغدة سلمت على اھلي و بست ابویة و امي من راسھم و كعدت یمھم اجاني كوبر ) الجلب مالتي ( یركض و یرید العب ویاه امي انتبھت علیھ ضایج كالت ھا یمھ شبیك تعبان من الدوام ؟
🟡 یوم شویة لود علیھ بالشغل
🟣 امي : الله یساعدك یبعد نبضي
🟢 الوالد : شوكت ناوي تزوج و تفرحنھ بحفید
🟡 یابھ اكو شغلھ بالي اذا تمام اخذكم تخطبولي
امي طارت من الفرحة كالت ھا یوم حاط عینك على دكتورة ویاك ؟؟
🟡 یمھ بعد وكت على ھل حجي
صاحت روزة بابا الغدا جاھز رحنھ تغدینھ و اني اكل و افور نار كلما اتذكر تصرفھا البارد ویایھ ما احب احد یتجاھلني و خصوصا بنیة تغدیت
و صعدت سبحت و نمت و النومة للصبح فزیت ب5 الفجر نزلت ركضت شویة و رجعت تریكت و بدلت كشخت و حطیت عطري و طلعت للدوام رحت بصمت و طلعت من مكان عملي توجھت لمكان عملھا وكفت بالطابق الارضي و المكان ازدحام ھوسھ و مراجعین ھواي و البنات الطابھ و الطالعھ اكلني اكل بعیونھن
فاتت ھي شفتھا كلبي ضل یدك سریع و رجلي ترجف و ارتبكت مااعرف شبیھ اني اھز اكبر شارب ھاي القزمة طولھا شبر تھزني كالعادة ھي بصمت و صعدت مصعد ،، لحكتھا
🟡 صباح الخیر
🔵 اھلا
فتحت حدیث اسئلھا على التحالیل و ارید اسوي فلان تحلیل جاوبت بكل برود و بدون متكلف نفسھا وترفع عینھا و تباوع بوجھي یي سوي تحالیل !! بدون وعي محسیت بنفسي الھ فقدت اعصابي
🟡 من احد یسالج سوال جاوبي مثل البشر
ھي لبستني مجاوبت شي . سوت نفسھا ما سمعت و طلعت من المصعد راحت لمختبرھا تخبلت متت ردت احرك المستشفى على راس الخلفوھا ھاي صدك تحجي لو تشاقھ
🟡 الھ انتقم منھا و احرجھا كدام الموظفین الي شایفھ نفسھا علیھم
لحكتھا للمختبر و دخلت علیھم كلتلھم اني فلان دكتور اداوم فلان مكان ارید اسوي تحالیل الموظفات ما كذبن خبر كلھن ركضن علیھ یریدن یسحبن مني دم یتسابقن علیھ ھي ولا دارت وجھھ ولا صار عدھا فضول تلتفت و تعرف منو دا یحجي صحت بصوت بلا زحمة علیج وحدة من الموظفات صاحت فلانة الدكتور یحجي ویاج التفتت و كالت نعم
🟡 اسحبیلي دم ،،
🔵 شترید تحالیل ؟؟
🟡 فیتامین دال ..
اقتربت مني و لمست ایدي رفعت اللابكوت و اقترب شعرھا من وجھي شمیت عطره لشعرھا قسما بالله ھیج ریحة دوختني ما شمیتھا قبل لابسھ كلادة ناعمھ بركبتھا البیضھ و بدایة صدرھا مبین من التشیرت مو صدر عبالك كراز ،، عدھا شامھ صغیره بصدرھا الیسرة و رموشھا طوال ایدھا ناعمھ عبالك اید طفل

سحبت ایدي باتجاھا و ربطت التورنكھ ) لاستیك سحب الدم ( بقیت اتامل تفاصیلھا و دایخ بعطرھا محسیت علیھا من سحبت مني دم لحد ما كالت خلصنھ
🔵 تعال بنھایھ الدوام استلم النتیجة
ھنا كلت خلي انتقم منھا و ارد اعتباري حجیت بصوت عالي
🟡 انتي مو قویة بسحب الدم وجعتي ایدي و متعرفین تشتغلین
جاوبت بكل برود
🔵 و انت ما مجبور تسوي تحالیل بمختبر حكومي .. اذا خایف على نفسك سوي بمختبر اھلي
فشلت و حسیت نفسي غبي صرت بكد السمسمة كدامھا و كدام الموظفین
اني الي محد یكدر علیھ زلم مشوربة اقصفھا و اطیح حظھا لیش اصیر ارعن و سخیف بس كدامھا لیش مااعرف اتصرف كدامھا باوعت علیھا بنظره كلھا غضب ،، ھي باوعتلي و تفاجئت من نظراتي الھا و كلش خافت مني من خوفھا طلعت من المختبر اول مرة اشوفھا خایفة مني ،، صراحة فرحت و حسیت بشعور كلش حلو حسیت عبالك اخیرا لكیت مفتاح ادخل بي لھاي البنیة اذا خلیتھا تخاف مني یمكن تصیر الي و تبطل تعاملني برود و عجرفھ و احتقار اذا خافت مني یمكن تصیر محبس بیدي و تكون ملكي وحدي اتصل علیھ الكابتن طلعت من المختبر و جاوبتھ كلي اني باب المستشفى وینك
التقینھ دلیتھ على مكانھا و انطیتھ اوصافھا و كتلھ لابسھ فلان شي و فلان لون راح للمختبر دخل شافھا عرف شكلھا ما حسسھا باي شي سوه تحالیل و طلع ضل ینتظرھا لحد ما طلعت و ضل وراھا و یرید یحجي ویاھا و یتعرف و یفتح موضوع ھي ولا عبالك ویاھا ولا عبرتھ ضل یلحك بیھا ھي و صدیقتھا اخر شي التفت الھ كالتلھ
🔵 اول و اخر انذار الك دیر بالك بعد اشوفك كدامي لان مرة ثانیة اخلي شرطة المستشفى تسحلك كلمتي اكولھا مرة وحدة و انفذھا ،،
عافتھ و مشت خابرني وینك تعالي بكافتریا المستشفى رحتلھ شصار احجي بالتفصیل كلي حاولت ویاھا لحكت ردت حجیت ذبیت غزل ماكو فایدة وحدة شایفة نفسھا كلش و ھددتني اذا انوب ازعجھا تشتكي علیھ یسحلوني اني متت ضحك طكیتھا بضحكة عالیة و اني صوتي خشن كلش .. مااعرف شحسیت شعور غریب و جدید ملخبط فرحان على ضایج على طایر من السعادة ،، بنت كلبي ثكیلة و میعجبھا العجب .. ناعمة و رقیقة بس بنفس الوقت تعادل الف رجال ،، شریفة و ما تدور لعب جایھ تشتغل و بس اني بكل رجولتي ما انتبھتلي ،، الكابتن بعضلاتھ و طولھ و الغزل مالتھ ما اھتزت منھا شعرة الموظفین بالدوام یحاولون ویاھا ما تعبرھم بنظرة
عرفت مو بس ویایھ ھذا اسلوبھا الجاف ،، طلع ھذا طبعھا ویھ الكل قفلت علیھا اكثر قررت اجیبھا اجیبھا و تصیر ملكي وبس والھ اخلیھا تحبني و تعبدني عبادة و اصیر نفسھا اني تموت بدوني واذا ما اجتي عیني و اغاتي اجیبھا قوة غصب عنھا لو اعرف اخطفھا
طلعت من المستشفى و اني طایر من الفرح مااعرف لیش .. رجعت للبیت تغدیت و نمت ،، كعدت سبحت و رحت للجم ساعة و طلعت ویھ الشباب كعدنھ بكھوة رجعت للبیت لازم انام من وكت باجر عندي مراجعین و خفارة صارت ساعة 10 و نص نمت بفراشي و اني افكر بیھا و اعید بالي تفاصیلھا و شلون جذبتني بانوثتھا و تقاطیع جسمھا ھي كلش ناعمھ بالنسبة الي اني طویل و ضخم و ھي رشیقھ و ناعمھ بس رغم ھذا اسرتني اسر صرت مسجونھا و غركت بافكاري بیھا الى ان اخذتني نومھ ما حسیت الھ على صوت المنبھ ساعة 6 الصبح فزیت كلي نشاط و حیویھ سبحت وبدلت و نزلت اتریك ویھ اھلي طلعت من البیت رحت للمستشفى بصمت و دخلت لغرفتي و محسیت على نفسي من لود الشغل و المرضى الھ ساعھ 1 وثلث مكذبت خبر كبل رحت لمكان شغلھا و شفتھا كاعدة نھایة دوام ماكو شغل سلمت علیھا كلتلھا من رخصتج كلمتین طلعت ھي من المختبر حاولت اتعامل ویاھا باسلوبھا بلكت تحس على دمھا حجیت ویاھا و اني لابسھا مااباوع علیھا طلعنھ بره المختبر كلتلھا خلي نوكف بمكان ھادى حتى تسمعین الي اكولھ
🔵 كول ھنا اسمعك
🟡 بمكان اھدى شویة ھنا مرضى و ھوسة
طلعنھ وكفنھ بمكان بي زرع و الھواء یجنن وكفت كبالھا عبالك عملاق كدامھا ھي كلش ناعمھ و كصیرة عرفتھا عن نفسي حجیتلھا معلومات عني كلتلھا حاب اتعرف علیج بطریقة عمیقة اكثر یعني مو مجرد زملاء عمل
🔵 قبل لا تكمل اني مرتبطة
انصدمت لیش داتكذب .. زین اني جامع عنھا معلومات و متاكد ما مرتبطة لیش ھي تكول مرتبطة

معقولھ ترید ترفضني بادب
🟡 بس انتي ما مرتبطة
🔵 شمدریك
🟡 لان اعرف كلشي عنج بالتفصیل و انتي ما مرتبطة
🔵 ھذا شي میخصك و لا تدخل بحیاتي و اتمنى ما اشوفك بعد كدامي عافتني و مشت بدون وعي فقدت اعصابي و جریتھا من ایدھا و اخذتھا لمكان معزول و بدیت اصیح علیھا
🟡 انتي شایفھ نفسج منو حاسبھ نفسج فد نعال انتي الف وحدة تاج راسج تتمنى اعبرھا تره تحملتج ھواي و كذا وكذا
ضلیت احجي و ارزل بیھا و ھي تحاول تفك ایدي عنھا خایفة مني كلش و تباوع منا و منا خاف احد یسمع صوتي و تصیر فضیحة بالمستشفى اخر شي كدرت تفك ایدھا من ایدي و باوعت علیھ و كالت بصوت خایف )) ارعن (( اني ھنا ما حسیت بروحي الھ ضاربھا راشدي فریت راسھا فر اول مرة بحیاتي احد یتجاوز علیھ و لا منو من وحدة بطول الشبر زعطوطة
ما نزلت منھا دمعة وحدة رفعت راسھا باوعتلي بنظرة احتقار و مشت و اني من صدمھ تصرفي ویاھا مااعرف شسوي بقیت امسح وجھي و راسي بایدي عیوني تجدح نار و كلبي یدك سریع شسویت اني بدل ما اعمرھا خربتھا رحت للكراج اخذت سیارتي طلعت افتریت حتى اھدى ما ھدیت النار تاكل بیھ اكل شلون ضربتھا اني مو وحش حتى اضربھا عبرت یومین اسبوع و اني ما واصل لمكان شغلھا خجلان شلون ھیج عاملتھا و بنفس الوقت اریدھا تھدى حتى اعتذر منھا
خابرتھا ما جاوبت یمكن لان رقم غریب راسلتھا على الواتساب كلتلھا اني فلان شافت المسجات وما جاوبت
دزیتلھا اغنیة اعتذار )) مروان خوري ، قصر الشوق
(( دزیتلھا مسجات كوووومة اني اعتذر اني مو وحش مدیت ایدي علیج فجاه حضرتني على الوتساب دخلتلھا فایبر حضرتني دخلتلھا تلكرام حضرتني كمت افور و اكفر كسرت الغرفة
اني ما شایف عمري كلھ ھیج بنیة عنودیة و راسھا یابس و ما تخاف اني الج الھ اربیج من جدید صفنت على نفسي شدایصیرلي اني مو ھیج اني ھادى و مثقف و عاقل شبیھ دا اتخبل لیش صایر عصبي نار علیھا
نمت و اني اغلي غلي حسیت بال4 الفجر نزلت اشرب مي و اكلت تفاحة رجعت نمت كعدت بال7 و ربع الصبح ركض سبحت و بدلت و نزلت للدوام حتى الحك علیھا یم البصمھ رحت ارید اشوفھا الیوم اعتذر منھا و احط حد للموضوع فاتت بصمت و صعدت مصعد لحكتھا
🟡 صباح الخیر
🟡 صباح الخیرررر
لبستني
تنرفزت كلت استغفر الله سحبتھا من ایدھا باتجاھي دست على كل ارقام المصعد و دست على الجرص حتى محد یصعد ویانھ ھي تباوع و خافت كالت انتھ تخبلت شدا تسوي
🟡 اذا متكولین صباح النور ماكو نزلھ الیوم
🔵 لو تموت ما اجاوب و بس انزل منا اشتكي علیك انت طوختھا كلش
🟡 المصعد بي كامرات ھسھ ابوسج كدام الكامرة و افتح باب المصعد ابوسج كدام الكل و شوفیني شلون تداومین بعد ھنا و اثبتي انتي ما عندج علاقة بیھ
ھي تخبلت خافت مني كلشششش صفنت شویة و كالت صباح النور
🟡 ننزل منا بھدوء نروح لمكان مال اوادم ارید اتفاھم ویاج
🔵 ماكو شي نتفاھم علیھ
بھل اثناء انفتح المصعد جریتھا من ایدھا و طلعنھ بره المستشفى و كعدنھ بمكان و بدیت اني احجي اعتذرت شكد ما اكدر بعد شویة ابوس ایدھا مع العلم اني مو طبعي الاعتذار ولا اتنزل لاحد دائما شایف نفسي على الكل بس ھي بقیت اعتذر منھا
🔵 كملت كلامك ؟

اني خفت من ردة فعلھا خاف تجفص جفصھ تنرفزني بیھا و یطلع الجني مالتي علیھا مرة ثانیة
🟡 اي كملت
🔵 اوك اعتذارك مقبول بس اتمنى بعد ما اشوفك كدامي عوفني بحالي اوك 🟡 زین عندي اقتراح انطي نفسج فرصھ شھر لھاي العلاقھ انطیني فرصھ اتعرف علیج و اذا ما عجبج الوضع اوعدج انسحب
بھدوء و ما ازعجج بحیاتي
🔵 ما عندي وكت للتجارب و ثاني شي انت مو المواصفات الي اریدھا . حسیت باھانھ لان اني ما شافتني بنیة اذا ما ركضت ورایھ تالي البنیة الي اریدھا متریدني
🟡 اوك احترم قرارج اني اسف
ھي رجعت لشغلھا واني رجعت لشغلي و میت قھر مھضوم بلھ ھاي شلون اتعامل ویاھا دماغھا حجر ما فاد ویاھا اي شي شلون اجیبھا متت بقھري مو كادر علیھا ولا كادر احصلھا .. مااكدر اتعامل ویھا بعجرفة لان تنشف دماغھا اكثر و لا ھي جایھ باللین ربي ساعدني طلبتھا منك اریدھا كلشي بیھ یریدھا سرحت و بقیت احجي ویھ نفسي شنو ھذا تعلق حب لو تحدي لو شنو و بقیت اقنع بروحي انو ھذا مو حب مجرد تحدي ارید اكسر راسھا و اخذتني دوامھ الافكار لحد ما حسیت على دكتور ویایة یكلي
ھاااااا یلذیب وین شارد
🟡 شارد بغزال و ارید افترسھ
ضحكنھ و سولفنھ سوالف عادیة مر اسبوع ثنین تلاثة و اني ما اروحلھا اوصل لباب المستشفى و ما ادخل اكول لا انت عندك كرامة البسھا فترة حتى تحس بقیمتك كمت اتعمد انتظرھا یم البصمھ و احجي ویھ الدكتورات حتى تجي تشوفني ویھ غیرھا و تغار .. لبستھا مااباوع علیھا ھاملھا كلش ولا اھتزت بیھا شعرة .. اعرف اني مو بالھا بس یجي یوم اخلیھا تحبني لبوة بریة و یرادلھا تعب و خلك و صبر حتى اروضھا
مرت اسابیع و كتلني الشوك كتل مشتاق لصوتھا الناعم لوجھا الصغیر لكلشي بیھا شسوي الھي ساعدني انطیني حل و بعد صراع طویل ویھ كرامتي استسلمت و رحت اشوفھا و احجي ویاھا
بدایة یوم جدید كشخت و حطیت عطري و طلعت للدوام اشوفھا اصبح بخلقتھا العسل قبل ما اروح لشغلي شفتھا باب المستشفى لحكتھا شفت واحد یباوعلھا یرید یاكلھا اكل و لحكھا . دمي فار بدیت اغلي ھو دا یروح یحجي ویاھا كتلھ ھاااااا وین ؟؟
شنو وین انت منو و شعلیك تسال ؟؟
🟡 اذا قصدك تلحك ھذیج البنیة تره ھاي مرتي و اذا شفتك ھنا مرة ثانیة و شرفي اخلي اخر یوم بعمرك
ضل یحجي شنو تھدد و مدري شنو
لزمتھ من قمیصھ و اخذتھ لشرطة باب المستشفى ھو یصیح نزل ایدك و یھوبز كلت لشرطة اني دكتور فلان ھذا المراجع كاعد یذب كلام محلو للدكتورات و یسد طریقھن بعد لا تخلو ابد یدخل ھنا نھائیا عفتھ یم المنتسبین و لحكتھا بعدھا ما داخلة المختبر سحبتھا من ایدھا و طلعنھ برة المستشفى 🔵 اھوووووو ھم انت مرح اخلص منك عاد یا ربي شھل كابوس عوفني بحالي عاد الله یخلیك
اني اغلي و افور فور صحت بصوت خشن انلصمي و انجبي و من احجي تسمعین و بس . عافتني و مشت و اني سحبتھا من ایدھا كلتلھا اذا تحركتي خطوة وحدة اسوي فضیحة بالمستشفى سكتت خافت مني لان تدري خبل و اسویھا
🟡 ھذا اللبس بعد ممنوع منعا باتا ربع ردن بھذا البرد شنو معناھا ؟؟ جینز ضیق ماكو. قمیص دلع ماكو . مكیاج ماكو و شعر ما تفتحي كلھ مربوط . اكو اختراع اسمھ ملابس شتویة
ضحكت و كالت خاف متقبل
🟡 ھذا الكلام العندي كلتھ و اذا صار غیر ھل حجي اشوفج شرح اسوي 🔵 یي عود ذبلي رجل خلي ازلك
ضحكت.. لزمتھا من ركبتھا
🟡 ھسھ اخنكج بثواني انتي بكد العصفور
خافت دفعتني حیل و راحت .... يتبع
