دفعتني حيل و راحت لحكتها لزمتها من ايدها اني : لج بابا افهمي العيون مدا ترحمج من تمشين هيج كدامهم اني ما اتحمل اشوف هيج عيونهم تريد تاكلج اكل و يباوعون على تفاصيلج هي : و انت شعليك ابويه لو اخوية اني حرة البس الي يعجبني و احجي ويه الي يعجبني و كتلك مرتبطة لا تدخل بحياتي و معليك بيه اني : هذا اخر انذار الج باجر اجي من الصبح اوكف يم البصمة اذا شفتج لابسة شي ملفت للانتباه كصير او ضيق اسويلج عرس بالمستشفى و اعذر من انذر و يلة ولي لمختبرج مااريد اشوف خلقتج المستفزة عافتني و راحت ركض مشيت وراها لحد ما دخلت المختبر و اني رحت للكراج اخذت سيارتي و طلعت رجعت للبيت صعدت اريد انام بدون اكل مالي واهس امي انتبهت عليه صعدت وراية دكت الباب و سئلتني شبيك ضايج اني : يمة من لود الشغل امي : هذا وجهك مو من تعب الشغل انت متعود على تعب الدوام و بعمرك ما شكيت منه صاير شي وليدي احجيلي اني صديقتك و امك اني : يمة احبها و اريدها و اذا جان اكو امل تصير الي هسه كلشي خربته بيدي و بعصبيتي و تهوري امي حسيتها فرحت عيونها انفتحت و اجتها ابتسامة بس حاولت تخفيها حتى ما اشوفها امي : اي وليدي كمل احجيلي على كيفك منو هاي و ليش خربت الامور بينكم اني : لج يمة بنية وياية بالدوام احبها و اريدها بس هي مدا تقتنع مااعرف شبيها راكبها جني براسها جربت كل الطرق وياها مدا تحبني امي : ليش متحبك قابل وين تلكه احسن منك مال و جمال و شهادة و ابن عائلة و الف وحدة تتمناك لا مو الف مليون وحدة اني : ادري يمة مليون وحدة تتمنى اشارة مني بس كلبي و روحي و عقلي ميريدون اله اسيل امي : اسمها اسيل حلو اسمها خاف مرتبطة ولك يمة لو تحب واحد و دا تنتظرة اني : لا يمة ما عدها احد وحدة معقدة حقيرة مغرورة شايفة نفسها فد زبانة امي : يمة وليدي كلبة محترك من حبيبتة اله اروح اموتها اني : اسم الله عليها بية ولا بيها امي : هااااااا باع الحب رح ابلش اغار زين وليدي خاف ظروف عدها اهلها عدهم ظروف ابن عمها ناهي عليها منعرف احنا البيوت اسرار يا كلبي انت اني : لا يوم . دا اكلج اعرف كلشي عنها و عن اهلها و اندل بيتهم عائلة مثقفة واصلة و مقتدرين ما عدهم سوالف العشاير و ابن العم ينهي امي : حلوة چنتي ؟ اني : اوف يا يوم هي بس حلوة اية من الجمال ملاك شارك من الجنة حورية بحر بعدها محد مكتشفها امي : ههههههههههه ولك حمودي صاير رومانسي و شاعر مدا اعرفك وليدي تريد اروح احجيلك وياها لو تريد اروح اخطبها مباشرة يجوز هي خايفة منك عبالها من ذولة الشباب الي يلعبون اني : لا يمة شنو تحجين وياها هسة شتكول عليه جاهل و دزلي امة اني رح اطول خلك وياها و من الامور تضبط بينا روحي انتي و خالاتي تخطبوها امي : يدلل وليدي وحيدي ابو عيون حلوة و اني يشهد الله اذا صارت نصيبك اعتبرها بنتي الي ما خلفتها و اكثر يلا يمة كوم تغدى حبيبي راجع تعبان ميصير تنام جوعان اني : حاضر حبيبتي يلا نازل وراج نزلت وراها و تغدينة و كعدنه نشرب جاي اني و الوالد وراها خابرني عصام حتى نطلع صعدت بدلت و طلعنه غيرنه جو و رجعت تعبان نمت محسيت اله ثاني يوم على صوت المنبه ساعة 7 الصبح طفيتة و رجعت كملت نومتي مالي واهس اداوم اخذتني النومة محسيت اله ساعة 11:13 فزيت كعدت سبحت و بدلت و نزلت شربت كهوة و طلعت رحت لمدينة الطب رحتلها للمستشفى مالتها و صعدت للمختبر شفتها من بعيد ملتهية بالشغل كلت خل انتظرها جوة من تخلص و تنزل احجي وياها افتريت بمجمع المدينة و مريت على المستشفى مالتي سويت مطالعة تاخير عن بصمة صباحية و رجعتلها للمستشفى مالتها دا اتمشى شفتها تمشي ويه واحد عيوني طلعت من راسي شنو هاي ويامن دا تمشي و وين رايحين بلا وعي ركضت عليهم عطت بيها هذا منووووووو و ليش دا تمشين وياه كدام امة محمد شعندج وياه ااااااااحجي هي باوعت بذهول مصدومة بس تباوع عليه جريتها من ايدها جاااااااوبي يا حقيرة منو هذا و شعنده وياج الولد الي وياها شبيك بابا .. اسيل منو هذا ؟ اني : تسال منو اني ولك اني حبيبها انت منو يا حقير الولد : لا تجاوز احسلك فهمت لو لا و مجنت ادري اسيل عدها حبيب هي : علي انتظر هذا مو حبيبي ما اعرفه هو لازكلي اني مااطيقة لا تصدكة اني من سمعت هيج كلامها عليه و تكول ما اطيقة مااعرف شصارلي ضربتها راشدي و سحبتها من ايدها و كلت للولد اذا متريد تجيك مشاكل روح ولا تدخل بينا هي كامت تبجي وتصيح شجاك تخبلت عوفني عوفني شجاك والله اصيح الم امة محمد عليك كافي عاد ترا كلش زودتها شتريد مني عوفني جريتها من ايدها مشينة للكراج مال جراحات و دفعتها للسيارة و طلعنه من مجمع مدينة الطب اسوق لحد ما وصلنه لابو نؤاس طبكت السيارة اني : ديري وجهج عليه اريد احجي وياج هي ساكتة مجاوبت اني : صوتي صار عالي دا اكلج ديري وجهج النعال عليه اريد امضرط هي ما انطت اي ردة فعل لزمت وجها و فريته عليه و فعصت خدودها حيل هيج دماغ ناشف و عناد مشايف لج بابا لا تحطين راسج براسي اكسره لراسج وًمحمد هي : اااه وجهي كام يوجعني عوفني .. صوتها اخذني لغير عالم 🫠 رفعتلها راسها عليه كلتلها باوعي بعيوني صرنه عين بعين عيونها كبار و الكحلة مخربطة من البجي و لون العيون مزيج بين العسل و الاخضر الخشم الصغير احمر من البجي و الشفايف منفوخات و ايدي تلامس فكها الناعم طولت حيل اباوع بوجها بدون حجي اريد احفظ ملامحها كانها اخر لوحة فنية اريد اشوفها قبل لا اموت
صورة تشبها طبق الاصل باختلاف لون العين 👇🏻 و الخشم اصغر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تقربت من وجها ، هي دفعت روحها بعيد خايفة عبالها اضربها لو اسويلها شي سحبتها باتجاهي و حطيت عيني بعينها و تقربت منها كلش لامس خشمي طرف خشمها و سئلتها ليش عيونج تتهرب مني هي : لان عيونك تخوف اخاف منها اني : منو هذا الجان وياج ؟ اريد جواب واضح و مختصر هي : موظف وياية بالمختبر اني : شيريد منج و ليش جنتو طالعين سوة و وين رايحين هي : عدنا معاملة مال مشتريات مواد مختبرية و رايحين للادارة العامة اني : بس هيج ؟ هي : انت شعليك اني : هااا بدينه رحمة الله جاوبي عدل هي : انت شتريد مني ليش دا تراقبني و تدخل بحياتي اني : جاوبي سوالي بعدين اجاوب سوالج . اكو بينج و بين هذا الكواد شي لو لا ؟؟ هي : لا ماكو اني : خما تحجون مكالمات لو يدزلج مسجات ؟ هي : لا ميعرف رقمي اني : دير بالج بعد اشوفج وياه و السلام تكطعي وياه حتى لو يسلم متردين فهمتي ؟ فهمتي لو لا ليش ساكتة من امضرط جاوبي كولي اي فهمت و ما تنعاد بعد هي : ليش بلة انت شعليك منو خلاك وصي عليه بعدين اني علي معجبه بي و اريده اني : شنوووووووووووووووووووووو لزمتها من شعرها و كلتلها عيدي الي كلتي شنو هي كامت تبجي و تصيح عوفني اني : شنوووووووو معجبة بي يا الله يا دين يا مذهب اليوم اطلع الله من راسج هي : كذب والله كذب حباب عوفني والله مااعرفه ولا عندي شي وياه الله يخليك عوفني كلش دا تخوفني اني : كولي اني لاحمد وبس اني الك وحدك و انته حبيبي هي تبجي و ساكتة كووووووووووولي اني للقندرة احمد و ما اصير لغيرة كوووووووولي هي : اني لاحمد اني لاحمد تبجي بصوت عالي اني : اي ولد و اي رجال بعد متسلمين عليهم و اني مو فهمتج لبسج الخرة تغيري هي : اوكي والله ميخالف بس رجعني للبيت لان تعبت كلش بعد ما عندي طاقة اني فرحت كلش لسببين الاول انو صارت تسمع كلامي و تكول اوك على كلامي يعني حاجز الرسميات بينا راح و ثاني سبب انو طلبت مني ارجعها للبيتهم شعور حلو كلش تملكني بهذيج اللحظة اني : خلي نوكف بمكان اشتريلج هاي سوالف المكياج مالتجن تمسحين اللوصة الصايرة بوجهج بعدين اخذج للبيت هي : بيتنا بحي الجامعة اني : اندله ميحتاج هي فتحت عيونها و اندارت تباوع عليه وًكالت كل عقلك ؟ اني : ديري وجهج لا تباوعيلي بهاي العيون الكبار الحلوات هي : كل عقلك حتى لبيتي واصل ؟ روح تعالج انت مريض OCD اني : و حتى اخوج عرفت وين يتمرن و رحت وياه نفس الجم و صار صديقي هي صفنت بس تباوع متعرف شتحجي حركت السيارة و نزلت اشتريت وايبس ورجعت للسيارة انطيتها الوايبس مسحت عيونها و رتبت وجها و شعرها و اخذتها للبيت قبل لا تنزل كلتلها ارفعي عني البلوكات اريد احجي وياج هي مجاوبت بس هزت راسها بستها من خدها و نزلتها بداية الفرع مالتهم و انتظرها تدخل البيت و رجعت اني لبيتنه يتبع ......
