اخذتها لمستشفى الاميرات دخلتها دكتورة عبير بسرعة سوت كورتاج و امي دخلت وياها لان صديقتها طلعت امي كالت جان بيها تؤام و فقدناهم و كالت لازم ننقللها دم لان هواي فقدت طلعت الدكتورة تباوعلي باحتقار و سئلتني انت شصير منها ؟ جاوبت اني زوجها كالت واضح و عافتني و مشت اني رحت تبرعت انطيها دم زمرة دمي O+ و هي زمرة دمها B+ رحت انطيت دم و حولوها على غرفة وحدها رحت شفت امي و ابويه يمها هي نايمة لسة ما فاقت الوالد : بالبيت حسابك مو هنا اني اعلمك امي : شصار ليش تعاركتوا ابني حتى الي يريد يحاسب احد ميضربه بهل وحشية من شوكت انت هيج اسلوبك بالضرب لو صاير عدها تسمم بالدم و ميتة جان شسويت ؟ حرام عليك قتلت روحين قتلت جهالك روح استغفر ربك اني ساكت امي : اسيل رح تبقى تحت المراقبة 24 ساعة لان وضعها لسه ما مستقر انتو روحو اني ابقى يمها اني : لا يمة انتو ارجعوا عدهم شغل اني ماعندي شي باقي يمها و باجر نرجع الوالد : امشي دكتورة للبيت لان اذا ابقى هنا اتعارك و اضرب احد طلعوا اهلي اخذ والدي سويج السيارة و راحو و اني بقيت يمها بقيت كاعد كدامها مااعرف شسوي قريت شوية قران بتلفوني دخلت الممرضة تشوفها اخذتني نومة اني و كاعد ع الكرسي فزيت شفتها بعدها نايمة طلعت شويه و رجعت للغرفة جريت الكرسي و كعدت قريب منها اخذتني نومة للصبح فزيت شفتها دا تتالم من الوجع بصوت ناصي حطيت ايدي ع راسها فتحت عيونها اني : حمدلله على السلامه يا روحي اليوم نطلع باوعت عليه و رجعت غمضت اجتي الممرضة شافتها و غيرت المغذي و كالت ساعة من تصحى الدكتورة تشوفها و تسويلها خروج ورا ربع ساعة صحت اسيل و اجتي الدكتورة شافتها و حجت وياها و اني تجاهلتني الدكتورة : الحمدلله على السلامه زال الشر شلونج شدا تحسين اكو دوخة ؟ اسيل : اي دكتورة الم بطني و دوخة و تعبانة احس جسمي متكسر الدكتورة : انتي جنتي تعرفين نفسج حامل بتؤام ؟ اسيل : شنوووو تؤام ؟ الدكتورة : حاولت ما نفقدهم بس وصلتوا متاخرين جنتي نازفه هواي و الاجنة ما بيهم نبض الحمدلله على سلامتج و العوض برب العالمين شبي جسمج كله كدمات و ضرب ؟ اسيل ساكتة محجت اني : دكتورة شوكت نكدر نخرجها الدكتورة تجاهلتني و تباوع على اسيل و تحجي ربع ساعة هيج نقيس ضغطج و اكشف عليج و تكدرين تطلعين بس الراحة التامة و ما تتحركين و الراحة النفسية اهم شي لا تضوجين ولا تنغثين و كتبتلج شوية ادوية و مقويات التزمي بيها و انتي هم يمج دكتورة وداد هي تشرف على حالتج و هسه من رخصتك استاذ اطلع دا اكشف عليها طلعت اني ورا ربع ساعة اجتي الممرضة دخلت و اني دخلت وراها شافت ضغط اسيل و شالت الكانيولا من ايدها الدكتورة : تكدرين تطلعين للبيت اسيل : شكرا دكتورة الدكتورة : العفو ماماتي انتبهي لنفسج طلعت دا اطلب تكسي شفت اهلي باب المستشفى جايين دخلنا كلنا سلموا على اسيل و باسوها و كالوا الحمدلله على السلامة و اني شلتها و طلعنا برا كعدت اسيل ليورة و امي كعدت يمها و رجعنا للبيت والدي : صعدها خل ترتاح و انزلي شلتها صعدتها فوك صعدت امي باستها و غطتها و كالت شتحتاجين اني يمج و روز هم موجودة شتريدين اطلبي منها سدت امي الضوة مال غرفة و نزلنا نزلت شفت والدي بالهول و نار من العصبية الوالد : ليش ضربت بنت الناس ؟ شنو الجرم العظيم الي سوته حتى تضربها مثل الحيوانات هيج ؟ اني ساكت والدي : جاوب يا كلب ابن الكلب لا هسه اكسر خشمك جاوب يا جبان ولك الي يضرب مرة هذا مو رجال الناس انطوك بنتهم امانة حتى تحافظ عليها و تصونها و انت بالمقابل شسويت تف عليك يا عار اسمع ولك كواد هاي اول و اخر مرة اسمحلك تمد ايدك عليها اذا تكرر هذا الشي و شرفي اكسر ايدك و اخذها لبيت اهلها و اطلكها منك غصب عنك اني : تطلكها شنو اسيل مالتي محد ياخذها مني حتى الموت مياخذها مني و طلاك ما اطلك صرت عصبي و كسرت الهول كله و ضربت التلفزيون بالفازة و تكسر امي تبجي و تحاول تهديني ابوية عاف الهول و طلع كال همداك اني ربيت عار مو رجال كعدت بالكاع و ايدي كلها دم امي واكفة و تبجي تخاف تتقرب مني صعدت فوك فتحت الباب اسيل شافت الدم و خافت كلش صارت صفرة اني : لا تخافين عمري اسيل حبيبي لا تخافين مستحيل ااذيج بس انتي بارحة استفزيتيني كلش بالكلام و فقدت اعصابي و ضربتج لعد هو هذا منطق تكوليلي دا احجي ويه واحد ثاني و رح اطلكك و اتزوجه خلي روحج بمكاني لو اني هيج كايل شيصير بيج ؟
تقربت دا احظنها دفعت نفسها بعيد اني : ها حبيبي تخافين من الدم هسه اغسل و اغير هدومي نزعت البلوز و الجينز رحت غسلت و لبست بلوز ثاني طفيت الضوة و رحت دخلت وياها بالفراش حظنتها اني : مستحيل اكو شي ياخذج مني اقتل الكل و ما اعوفج الله يخليج عمري لا تستفزيني بعد بهيج حجي هي : ارتاحيت هسه من كتلت جهالك بيدك اني : كافي حبيبي جرحج بعده كافي مو زين عليج خل ننام نرتاح و باجر شتسوين بيه سوي فشري سبي اغلطي اضربي ما احجي وياج هي : همزين خلصت من ولد الحرام جهالك و مبقى شي يربطني بيك و بس الله ينطيني حيل و اكوم ما ابقى يمك دقيقة و تطلكني غصبا عنك اني : ميخالف يروحي الي تريدي يجرالج هسه انتي تعبانه ارتاحي هي : اكرهك تلعب روحي منك اكره كلشي بيك شكلج و جسمك و حتى ريحتك اكرهه اني : ميخالف عود اسبح و تروح الريحة هي ساكتة هدوء باوعت عليها غمضت عينها و راحت بغير عالم نامت من التعب سودة عليه اني هم حضنتها حيل و نمت مشت الايام بدت اسيل يتحسن وضعها و امي يمها و تكشف عليها يومية اني مالي واهس اطلع من البيت ولا اروح للعيادة بديت اغير اسلوبي وياها و اتقربلها حتى اكسب ثقتها اجيبلها يوميه ورد و اعاملها بلطف و احاول اطلعها تغير جو بدت تتحسن العلاقة بينا و هي بدت تتقبلني صرنا نشاقة و نضحك و نسولف و نسهر سوة و صارت تقبل الزم ايدها و بدت تحظرلي ملابس و تمشط شعري و تهتم بيه فد مرة جنت طالع ويه جماعتي دزيتلها احبج و دزيت اغنية تامر حسني ( و احلم لي ) هي جاوبتني الله كلش حلوة الاغنية اني : ليش غلستي على كلمة احبج شوكت تكوليلي احبك احمد ؟ رجعت دزتلي اغنية عبد المجيد عبدالله ( تنتظر كلمة احبك) اني : لا تنامين هسه راجع اريدج بموضوع هي : اوكي منتظرتك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
