دخلنه بغداد ب 04:12 AM انطيتها تلفون بدون كامرا و بي سمكارت اني : اكيد اهلج مرح يخلوج تداومين او تطلعين هل فترة خايفين عليج و ما اكدر ارجعلج تلفونج هذاك لان رح يصير شك بالموضوع هذا التلفون حتى اكدر ادك عليج بي رقمي لا تغلقي ابد يضل بالي و خلي صامت هي : اوك وصلتها لراس الفرع نزلتها و انتظرتها دكت الباب انفتحت الباب و دخلت حركت سيارتي و رحت لبيتنا وصلت بعدهم اهلي نايمين طبكت السيارة باب البيت و صعدت لغرفتي بدلت و خابرتها مجاوبت اني : يا ستار مدام مجاوبت يعني اكو شي معقوله اذوها لو ضربوها ؟ شحده الي يمد ايده عليها احركه هو و عايش لو مو ابوها لو يطلع جدها من الكبر هم اثرمه ثرم و محمد خل انتظر ساعة و ارجع اتصل ان شاء الله ماكو شي و تعدي الامور على خير و اروح اخطبها حطيت راسي على المخدة و اخذتني نومة من التعب واصلين الفجر و الطريق كله اسوق نمت و النومة لحد ساعة 1 صحيت على صوت امي دا تكعدني على الغدة كعدت كمت من الفراش خطية طارت فرح بيه بوستني و نزلت للغدة بوست الوالد و كعدت سولفت وياه احنا و كاعدين على الغدة فتحت موضوع الزواج كلششش فرحوا طارو من السعادة امي : ها حبيبي الامور مشت اتفقتوا ؟ الوالد : يا امور و يا اتفاقات دا تصير من وراية ولك حمودي فهمني اني ضحكت يابه اكو بنيه جنت رايدها و هسه اتفقت وياها على كلشي و اريد اخذ امي و خالاتي يخطبوها الي الوالد : منو هاي وين لكيتها و شوكت ؟ اهلها منو غير نعرف كلشي عنهم اني : يابه اني سئلت عنهم لجد جدهم و اعرف كلشي يخصهم هم و اقاربهم عائلة محترمة و مثقفة واصلين بالدراسة و فلوس خير من الله ممحتاجين احد الوالد : من يا عمام ؟ اني : نعيم يابة الوالد : والله و النعم هذوله سادة وين ساكنين ؟ اني : حي الجامعة يابة بس خايف من ابوها شويه صعب الوالد : حتى اذا صعب اني ابني فرصة ما تتعوض و اي بنت تتمناها و ما بي غلطة حتى ينرفض روح و الهوة بظهرك و اذا عنفص ابوها اجيبله الجبور كلهم و يوافق و ينطوك وين يلكون احسن منك امي : حمودي اريد اشوفها جريت تلفوني و شوفت لامي صورتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امي : اللهم صل على النبي محمد ولك حمودي هاي وين لكيتها ما شاء الله تبارك الرحمن هاي حتى واحد يخاف يطلعها بالشارع اخذ والدي التلفون و شاف صورتها كال ما شاء الله تشبه الروسيات امي : وانت شمدريك تشبه الروسيات لازم تعرفلك وحدة روسية ضحكنه الوالد : دودي حبيبتي اني وين الكه احلى منج امي : اي اي قشمرني بعد ضحكنه امي : حبيبي حمودة شوكت تريد نروح حتى اخابر خالاتك اني : يمه بس هي تفاتح اهلها بالموضوع ينطونا موعد و اخذكم امي : الف مبروك حبيبي و ربي يتمم على خير و تفرح يا نور عيوني الوالد : الف مبروك ابو جاسم بست راس ابوية و ايده و راس امي و ايدها ادعولي تكمل بدون عراقيل لان عندي قلق الوالد : لا تكول هيج اي عراقيل متصير و اخذها كلمة من ابوك هاي البنية الك قابل الاهل شيريدون غير بيت و وظيفة و حالة مادية زينة و انت متوفر بيك كلهن و الحمدلله عاد تحبك هي لو لا ؟ امي : تموت عليه لحمودي اني : اي بعد سووني ميز و انصبوا عليه ضحكنة صعدت فوك خابرتها الو هي تبجي اني : شبيج يا ساتر لا تخوفيني صار شي بالبيت احجي ولج وكع كلبي هي : تحجي بصوت ناصي بابا قافل اله يقدم شكوى بالمركز و ياخذ قوات و يروح تحقيق للمستشفى يكول ما انام و يغفى الي جفن اله اعرف منو ورا هاي السالفة و ليش سواها اني : لا تخافين اني يمج الي يسويلج شي ادفنه عدل و رب الكعبة هي : الف تحقيق سوو ويايه و 100 سؤال سالوني و اني تعبت اجاوب و تعبت امثل خايفة خاف انكشف و ينعرف كلشي و يعرفون اني مو بنية والله يذبحوني اني : لج بابا شدا تحجين لا تكفريني محد يطخج و اني اتنفس الهوة اسبوع هيج و احجي ويه امج كوليلها اكو ناس يريدون يتقدمولي هي : و اذا كالتلي منو ذولة الناس و شلون عرفتي يريدوج لا تنسى اني رجعتلهم عود ما عندي تلفون و قاطعة تواصل بالعالم الخارجي اني : عفية صح شلون فاتتني هاي باعي باجر كولي لامج ماما اريد افتح الانستا مالتي بتلفونج مليت و ضايجة اريد اكلب بي افتحي بتلفونها و اني ارسلج عود عندي موضوع وياج و اكلج اريد اتقدملج و حاولت اتصل على رقمج مغلق هي : و اذا ماما كالت منو هذا و منيله رقمج اني : ولج شنو نسيتي مو اني جنت خطج من جنتي مدينة الطب طبيعي عندي رقمج هي : ها اوك خوش حجي متفقين اني : كافي حبيبي لا تبجين هواي دا تبجين هل فترة رح تروح عيونج اكلتي ؟ هي : اي اكلت اني : سبع عافيات مطرح ميسري يمري حجيت اليوم ويه اهلي و شوفتهم صورتج و طارووووووو فرح امي مستعجلة حتى تجي لامج شافت صورتج تكول حلوة جنتي
