من ذا الذي احزنك؟
كأنك قمر بين النجم
من اطفئ النور بداخلك؟
لا تحزن فالحزن اخفى ملامحك
من ذا الذي يطغى عليك فيحزنك؟
الم يرى حسن وجهك فأخجله !!
.
.
.
.
----------*--*--*::*::**----
.
.
علي :- تباااررك
فزينه عله صوته وكفنه عله حيلنه دخل علي جر شعري او ضرب او رفس لدرجه صرت ماعرف الضربه وين توكع كطعني تكطع لحد بديت احس الضلام صار يسحبني او الاصوت تختفي شويه شويه من التعب استسلمت او ما حسيت اله عله صوت ثريه تبجي يمي اني نايمه عله الجربايه او بابه يتعارك وي علي انتبهت عليه ثريه:- تبارك يروحي شبيج شتحسين
*من التعب احس لساني كلش ثكيل ما اكيدر ارد عليه
:-تسمعيني توته ردي طمنيني لا تبقين ساكته
* كدرت افتح حلكي. آريـ,ـډ مـ,ـآيـ,ـ
:- ركضت للمطبخ جبت المي او اجيت خذته شربت بعده كالت زينه لا تخافين مابيه شي احس شويه اطمن عليه بس شكله مايدل عله انه بخير
كومي ويااي اسبحج تكدريت توكفين عله حيلج
* اي اكيد
حاولت اوكف وكعت استندت عله ثريه اخذتني سبحتني او مشطتلي شعري ماحجينه ولا حرف كامت سوتلي اكل او جابته خلته كدامي سوتلي لفه زغيرونه كلتله اكدر اكل بوحدي انطتني الفه او بديت اكل او هيه كاعده كدامي او بس تباوع عليه
ضحكت *شبيج هيج صافنه عليه
:-ولا شي شنو تحسين هسه
*ههه كلشي مابيه ماحس بشي وين راح علي شنو صار
:- ما صار شي
* شوو احجي شنو هو سر اول مكعدت سمعت بابه يرزل علي وين راحو
:-بعد ما اغمه عليج علي تعب او بابه دخل عله صوت سحبه او ضربه راجدي كله شوكت علمتك تمد ايدك عله خواتك
علي:-بابه متعرف شنو سوت الس*قطه نزلت روسنه هااي ما تستاهل التعب او الدلال الي دللناهياا
احمد:- رجع ضربه راجدي هااااي اخر تربايتي تمد ايدك عله اختك او تطعن بشرف اختك لعد شرف العالم شون
علي:- بس باا.. قاطعه احمد
:- اسكت مااا اسسمع صوتك اطلللعع برررررره
كعد بابه حسافه الربه بيكم
تبارك*ضليت صافنه معقوله هذه علي اخويه الي يخاف علينه من النسمه سحر وين بكل هذ الاحداث
:-ما طلعت من غرفته ابد اذا ما طلع هذه كله من تدابيره او سمه فلا اسمه ثريه
*سكتت او ضليت صافنه استوعب شنو جااي يصير هيج كدرت سحر تفر عقل علي علينه او فوكاه تجيب شوفي بلعاطل
:-شفته صافنه او كلش ضايجه كلتله يله يله كومي بسج دلال سبحناج او وكلناج كومي غسلي مواعينج شفته ابتسمت رادت تكوم كلتله لا اشاقه نامي ارتاحي اني رايحه اشوف الوادم سحيره وين ضامه راسه خلت راسه عله المخده او غطت وجه اني نزلت ادور ماكو احد وين راحت سحر دكيت باب الاستقبال عله
احمد:-تفضل
ثريه:- بابه رايد جاي
:-لا ماريد شي
ثريه:- ما محتاج شي ابد منا منا
شفته انزعج غمض عيونه بيئس
:- كتلج ماريد شي روحي
ثريه:- عله راحتك سديت الباب شبي بابه بعمره معاملنه بهذي الطريقه بس لا صدك الحجي علينه انوي اروح اغسل المواعين احسنلي
* كعدت متكسره من النوم كمت البيت هادئ شكو وين سحوره لا مصيبه لا صياح او اعياط طلعت من الغرفه رحت عله المطبخ شفت ثريه كاعده او ايده عله خده
* شكو والج شبيج حميزه
:- حميزه شنو
* ههههههه يعني حزينه
:- ههههه خبله
* وجع اني خبله انتي شنو
:- ضووووووووجججه
* سم او وجع طرمتي اذاني شسويلج اشد وصله او اركص ضووجه مو اني ماعده بعرس او انتي ضايجه
:- شبيج كلتيني هسه شكلت هيه ضوجه
* وين بابه سحيره علي my family
:- عشتو اي فاملج بابه طلع معصب علي ما رجع من طرده بابه بعد مارجع
*تذكرت علي شون غلط عليه او ضربني شنو الي خلا يضربني معقوله سحر وزت بعقله شي او صدكه
دخل علي عصبي خزرني او راح بسرعه عله غرفته
* عشتوو هذه ليش هيج خزني
:- شمدريني حمدي ربج ما ضربج ماكو واحد بلبيت يحميج
* لا تذكريني شنو ضربني
نزل علي او بيده جنطه
ثريه:- شنو هااي الجنطه يروح اختك وين رايح او عايفنه
فلاش باك
مرحبا ان علي عمري 22 سنه ادرس هندسة طيران عندي 2 خوات او هنه روحي من الدنيه صح مقصر ويااهن لان ادرس او اشتغل بس احاول اعوض ولو شويه اشتريلهن اذا جان عندي وقت اطلعهن بس الشغل وي ابويه شاغلني عنهن حياتي عباره عن دراسه الصبح باقي النهار شغل وي بابه ارجع بليل بس اريد انام بيوم رجعت وي ابويه من الشغل اول مدخلنه للبيت تلكتنه سحر مرت ابويه اني ما اشوفه ماعرفه كلش زين او محترمه من يرجع بابه من الشغل تعبان ما تسولف هواي او مسامعه يوم مأذيه خواتي بس هل مره تلكتنه تصبح او تشكي من خواتي واتكول عن تبارك مصاحبه ابن الجيران وكف عقلي ما صدكته صحت بيه او حاولت اوكفه عند حده بابه صاح بيه كلمن دخل غرفته وره شويه اندك باب غرفتي توقعت تبارك او ثربه
علي. :- تفضل
فتحت الباب سحر:- اكدر ادخل
علي:-اي اتفضلي
شوف علاوي خاله اني بعمري ما قصرت ويااكم او انته او خواتك عادتكم مثل اولادي بلضبط
علي:- اي خاله افضالج هواي ماكدر اجازيج عله الي تسوي النه
سحر:- بس يعني الي شفته من ...
يتبع
.
800كلمه
..................................
سـكنت مــنزله فــسكن قـ♥️ـلبي 🦋
....................................
الكاتبه eishg alkhafaji
