خذني إليك إذا أردت بقاءنا
أما الفراق فما أقول لأمنعك
أبقيتني رغم انتضارك خائباً
وانا الذي لا شيء مني أوجغك
.
.
.
سحر:- بس يعني الي شفته من خواتك ما بنلبس عليه ثياب
*رفعت حاجبي بأستغراب خواتي مؤدبات او اعرفهن شنو ما يحتاج احد يحجيلي ولا اسمح لاحد يجيب معدلهن بشعرايه
:- هساا دخليني اكملك او انته احكم زينات او لا
*خاله من رخصتج ماكو شي يتسولف بي اذا خلصتي الله ويااج
شفته تنرفزت او صار وجه ينطي الوان لان طردته فتحت تلفونه او خلته بوجهي شفت اختي تبارك بفيديو وي ولد او الفيديو ما ينحجه بي تبارك ياادوب لابسه كم قطعت ملابس او الولد كاعد يمه او الضحك دارته عله صور لتبارك وي نفس الولد من السطح يحجون هناا ما حسيت عله نفسي اله واني لازم تبارك من شعره او ملخه و غلطت شفته اغمه عليه اجه بابه وخرني عنه ضل يرزل ما انطاني گلبي اسولفله او اهدمه عله الي سوته تبارك او نزلت روسنه ضليت ساكت او شالو تبارك او اني بودي ارجع اخلي طلقه براسه او ارتاح من عاره
احمد:- ااامششييي كداااامممي
* مشيت او اني مامصدك معقوله الي صار معقوله هااي اختي تبارك الي معتبره النفس الي يصعد او ينزل معقوله هااي تاليته هيج تسوي او تنزل راسنه حسيت عله صوت ابويه
:- اااكعد
كعدت بس الف سالفه براسي او اولهن شنو راح اكول لابويه
:- هااا متتترففع راااسك ااحجي ويين راح صووتكك
ترفع ايدك عله اختك يلسند هاا جااوب هااي واني عايش ما عقلته منك ابد ابد ما عقلته منك جااا وين راحت حنيتك عليهن
* بويه الي سوته تبارك ما ينحجه ب..
قاطعه احمد براجدي او هو يكله ااااااننننجججب معقوله غلطت بتربيتك معقوله معقوله تصدك الناس او الحجي عله اختك الي انته ربيته عله ايدك او اتعرفه شنو هيه او اخلاقه او ادبه هذه انته الي المفروض تكلي بي لان انته الي اطلعه او انته الي تشتريله كلشي عله ايدك
* ما كدرت اتحمل كلام ابويه حسيت الغلط غلطي انتي الي غلطت بتربيته اي اني الي ما عرفت منيه تباوك اني السبب كمت او طلعت من باب البيت او اني مثل التايه ما اعرف وين اروح المن اشكي همي وين ازيح الجبل الي كعد عله گلبي اتصل عليه مصطفى :- هاااا يخوي وينك ما تجي تطلع باجر عطلتنه
تذكرت بلعطله اطلعهن او احاول اعوضهن او اشتريلهن كله هذه او احس مقصر بحقهن اكول بگلبي ليش هيج سويتي يختي او كسرتي ضهري
:- هاا وين صافن سطرك الحمزه تطلع لو لا
* اي اطلع وين
:- تعال للكوفي نفس كل مره
* ماشي جايك
سديت الخط او رحت للكوفي شفته كاملي
:- هلاا هلاا تفضل تفضل اكعد شنو تشرب
* يحجي ويااي او احس اني بغير عالم احس ماكدر ارفع راسي من العار الي تلبس بينه كل الي اشوفهم احسهم همه الي طعنو بيه او يضحكون عليه ما كدر ارفع راسي فزيت عله صوت مصطفى
:- تره زوودته شنهي بسلاا عشقت من ورااي
* يااا عشق انته الثاني تعركت وي ابويه او طردني
:- چاا هيه هينه هيج تكوله حجه او هوه يعوج بحلكه تعاركت وي ابويه محسسني متعرك وي اخو الزغير
* تسكت لا اجيبك براجدي انسيك حليب امك
:- جنه السالفه صدكيه كول وانه اخوك لا اضم بگلبك
* ماكو شي بس تعاركنه عله شي تافه هسه تستقبلني ببيتك لو اجرلي غرفه
:- سم شووو انته ما تعرف تحجي شنو اكعد بغرفه بويه اذا البيت ما يوسعك عيوني تشيلك
* هسه احجيه عدل اول
:- ولا تعرف تحجيلك حجايه طيبه حجيك خر*ه مثل وجهك يله كوم يله كدامي للحوش يأجر غرفه
* ماتقصر يخوي رايتك بيضه
كمت مشيت وياا اهله يعرفوني هو يشتغل ويااي ناس كلش حبابين ماكو اطيب من گلبهم او ماقصرو ويااي انام يم مصطفى لان بيتهم عله كدهم ثاني يوم كعدتنه امه
ام مصطفى:- يله يمه كعدوو صار الصبح او انتو لسى نايمين
مصطفى:- هاا يمه هاا عطله اليوم
ام مصطفى:- ياا والك تصيح عله امك جاا واذا عطله نضل للضهاري نايمين يله كدامي انته اول واحد اتكوم يله يمه علي شلك بلنوم اكعد شوف الوادم اتويك
مصطفى:- يمه هسه انتي عليش كعدتينه بلضبط نشوف الوادم لو نتيك
ام مصطفى جرت اذنه او سحلته او مصطفى يصيح او يرافس يمه عوفيني يااا يمه اني كبرت شون تضربيني
ام مصطفى:- ما كبرت الف مره كايلتلك تبقه بنضري 5 سنوات ما تزيد ولا تنقص
مصطفى:- حلوه هااي مو بشر اني عفريت لا اكبر ولا ازغر ربي وحد
ديله يله بلا لغوه زايده اغسل وجهك
اني كمت وراهم او اضحك عله مصطفى شون جارته امه او هوه يرادده يخليه تشعوط عصبيه
غسلنه او كعدنه عله الصينيه مسويه بيض او جبن او جاي اكلت او طلعنه اني او مصطفى كتله
* اريد اسافر
:- شنهوو
* شنو شنهو اريد اسافر
:- شون تسافر او اهلك وين تولي شسوي هناك
* يااخي شكد تسأل لو ابوي ما سأل بكدك
:- غير يفظه او يكلي وين رايح بعدين انته ليش زعلان من اهلك زعطوط انته
* اهههووو اني هم صوجي احجي ويااك
:-لا لا يمعود احجي كمل
* رايح لتركيه اشوف مستقبلي
:- اي شوفه منو لازمك لو اله بتركيااا
* اذا تستهزء اروح او حته انته ما احجيلك
:-يبوو شكد تتنعوص بويه احجي ما استهزء
*شوف خويه الي صار ما ينحجه او هناا ماكدر اكمل حياتي او اعيش عادي بين الناس لهذه راح اسافر كم سنه او اذا شفته العيشه زينه هناك بعد ما ارجع
:- هااا او تعوفني عادي
* ولا يكعد خطيبتي
:-هههههه انجب اجنب قابل خطيبتك اهم مني
* هيه وينه يمعود المهم اني حجيت وي محمد او هو اتكفل كلشي كالي باجر كلشي جاهز
:- حموودي ايبااا صار كم سنه ما عرف شي عنه شوصله الك
* رحت للمطار قبل اسبوع او التقيت بي صاير كابتن طياره او ولايتحاجه
:- الله يوفقه كله كونت نفسه اله ابو الصوف كاضيه يلم صوف
* هههههههههههه اني هسه رايح للبيت الم غراضي
:- ما تولي الي يسمعك يكول لازمك
* ولا تصيرلك جاره اني هم صوجي محترمك وولييي من كدامي اكول وولليي
رجعت للبيت او اني افكر شون بيه شراح اسوي شنو منتظرني فتحت الباب او دخلت لكيت تبارك او نور بلمطبخ ما حاجيتهن ولا باوع عليهن خاصه تبارك كلت اكيد ما اتحمل او ارتكب بيه جريمه صعدت لميت غراضي او نزلت تلكتني نور تسألني وين رايح ما باوعت عليه كتله مسافر او طلعت بقت تصيح ورايه ما رجعت عليه كملت طريقي طلعت ....
.
.
يتبع
1000كلمة
للكاتبه eishg alkhafaji
