مر بيه لو طيف هم انعم الله
بلفركه والهجران هم اتقبل الله
'''''::------::'''
.
.
.
خل افلت رحت يم ثريه بلغرفه لكيت جهازي بيده او اسمع صوت ثامر او ثريه خاله ايده عله حلكه او ساكته رحت يمه
*ثريه خل افهمج او بعدين احكمي
:- شتفهميني شتفهميني كولي شتفهميني معقوله الي كالته سحر عليج صدك
* ثرررريييه كتلج خل افهمج
شوفي الي صار هو مرام صديقتي تعرفيه جانت تلح تكولي صديق حبيبه يحبني او تتوسل احجي وياا
مرام:-تبو يروحي ثامر يحبج صدكيني
تبارك * انتي شبيج والله لزكتي ولد او ماحاجي نجبي او سكتي عني
:- ابقي غبيه لعد يحب غيرج اكولج عندهم فلوس او جاه او ابو مسؤل جبر او اله اعتباره
* لو وزير ما ارضه سدي السالفه
:-خلص انسي ثامر اريد رقمج معقوله صديقتي سنتين ما عندي رقمج
* حبي ما عندي تلفون الرقم وين اخلي يعني
شفته ابتسمت او كالت اوكي يله حبي امشي قبل لاتجي ست نوال او تكعد تقره محاضراته بروسنه
بعده ما عادت السالفه ويااي بره فتره جابتلي هديه تلفون ماقبلته بس لحت هواي سبوع هيه تحرمص عرفت اكو شي وراه بس من كعدت تصفح بي او تطلع كدامي قنوات يوتيوب تحمست او قبلته او هااي احنه بلعطله حجه ويااي ثامر يمكن الحقيره منطيته رقمي او هو يحرمص او يترجه انطي وجه
ثريه:- تبارك حبي انتي مو غبيه تره
* دنكت راسي اعرف اني الغلطانه شنو اجاوبه اخذت الجهاز منه او كسرته ناعم سويته حضنتني او بجت صرت ابوسه براسه
* حقيره اذا مره ثانيه شكيتي بيه اكسر راسج
:- حلوه هااي اشوف جهاز او ولد يتغزل او تريدني اثق بيه ههههه
* نجبي نجبي بس يله كومي نسوي زقنبوت جوعانه
لميت نحت مالت التلفون او رحنه نسوي اكل
افكر بــ علي شنو سوه هسه وين راح زين شنو الي خلا يضربني علي بعمره ما مد ايده علينه
بعده خلصنه اكل او دخلنه للغرفه حته نام سمعت الباب يندك كمنه اني او ثريه نشوف منو سحر مطموره او بابه تأخر بلشغل
ثريه:- خاف علي والج لا تفتحين خاف يضربج
* اكسر ايده ايمده او يشوف احنه ما تايهيله امشي امشي خل نشوف منو يدك الباب لا تصيرين مخوافه
منووو
خويه علي موجود
*لا ما موجود سافر
:-هاااا شون سافر
سكت شويه
:-زين ابوج وين
*بابه تأخر بلشغل خير خو ما كو شي
:- هاا لا سلامتج ماكو شي زين شوكت يرجع ابوج هم تعرفين
* لا والله ماعرف منو حظرتك حته اكول لبابه
:-اني ادهم صالح شيخ عشيرة بني حسن
*ضليت فاتحه حلكي او صافنه اني جاي احجي وي ابن شيخ حته ما عرفت اجاوبه
ثريه:- فضحتينه جاوبي شبيج مبحلكه
*هاا ااه اي صح بس شكول
اني رايح لفندق او هذه رقمي غيرته خل ابوج يتصل عليه
اخذه
يله اني اترخص محتاجين شي اجيبلكم شي
*لا رحمه الله والديك بلسلامه
حسيته راح ركضت لثريه ضربته عله سراسه
:-اااي شبيج خبله
* والج هذه الصاك انطاني رقمه او اني هسه كسرت تلفوني
:- اي احسن بعدين انتي وين شفتي صاك
* شون وين شفته غير ابن شيخ اكيد صاك شتريدينه اجكم مثلج
:- اكول بس لا سويلنه مشكله اكعدي او سكتي
* اااف منج ضليت ادردم او الدمعه بطرف عيني بس حفظت رقمه عله كد ما قريته هههه بعدين كلت هسه واذا مكسرت تلفوني يعني اذا حاجيته شريد اكوله والله ياا الله
:- نطمري كافي لغوه
ما رديت عليه صدك ورانه كعده من الصبح نمت كعدنه الصبح رأسن طفرت لغرفة بابه نايم وحده لان من يوم اتهام سحر اليه محجه ويااه
دكيت الباب محد جاوب
ببابهه
بابيتووو
ماكو جواب فتحت الباب ماكوو باابه شعجب مو بعادته بابه يبات بره البيت
:- هاا والج شكوو تحجين وي روحج
يمهه فززتيني اي اكولج بابه ما نايم بلبيت
:-هاا جاا وين بات
مادري والله خااف يم سحيره
:- روح نشوف؟؟
يله امشينه
قتحت الباب عله كيف ما كو احد حته سحر مااهيه
ياااااا
:- شكوو والللج
* واااللج حته سحر ماهيه
رخلنه الغرفه ماكو احد رحنه نسوي ريوك بس ما مرتاحات او الف فكره براسنه كملنه اليوم مثل كل يوم شغل او اكل هههههه ما نسوي شي جديد للعصر ندك الباب
منوو
اني سحر فتحي الباب
فتحته او اني اكوله وين جنتي بابه لسه ما رجع للبيت
:- وا..نــي شـ,ـ..ــعلــ..يــه وينه هـ,ـوهـ,ـ
* اي شبيج تبلعمين شسألتج قابل
:- لا مـ,ـلعمـ,ـه ولا شـ,ـي كلشـ,ـي مـ,ـا بيـ,ـه
هههههه عله كيفج والج شصاير يمكن اذا اكلج بز يغمه عليج متقربلج واحد كولي مابينه سرر او غمزت
عافتني او راحت او اني ميته ضحك عليه ثريه اجتي هاا شكو
ماكو بس سحيره اجتي او تتراجف الله اعلم شمسويه او هيج تنكث او اني ما قصرت ويااه هههه
:-ااف منج متكعدين راحه لعد بابه شعجب لسه مابين او هذه ادهم مدري شسمه شيريد بأبويه
*والله كلشي ما اعرف حته كونان الي براسي عاطل
:-هههههههههه هو شوكت اشتغل حته هسه عطل
* ههههه ماا الي خلكج والله
دخلت جاي ادخل غرفتي سمعت صوت سحر تكول
سحر:- لك شنو تحجي انتي شنو لسه ممات لحكو عليه تعرف شنو معنى الي تكوله
::::::::::::::
مطي انته لو شنو تعرف اذا ممات شنو يعني تعرف شنو يصير بينه لو لاااا
::::::::::::::
شلون ماتريدني اصيح وولللي وولللي منن ييميي
اسمع صوت بجيهه منهاره
*هااي شبيه شصاير منو الي ممات او ليش منهاره
:- والله مادري هل يومين ماجااي افهم شي عبالك عايشين بمسلسل شنو هل اكشن والغموض هههه
* هههههه ياا خبر اليوم بفلوس باجر بلاش شعدنه ننتضر شكو ورانه
اكلج شوو جني اشتاقيت لجهاازي
:-ههههههه باوعتلي صفح او حجت للجهاز لو للولد الي بي
* سم او وجع شكو اشتاق لهيج شكول
:-اي اي...
.
.
غيمه وي الريح الهاب اتمنه اجيكم وامطر واطيح ادموع مابين اديكم
.
.
يتبع
900كلمه
للكاتبه eishg alkhafaji
