شجاعة مني بدات كلشي(بالدارجة المغربية)

تعريف 💎💕

البطلة: رحاب 18 العام بنت مربية و مخلقة و لكين لي جبدها ما كتعقلش عليه و اخر حاجة تقدر تسمح فيها هي كرامتها من لخر شخصيتها قوية؛اتكونوا كلكم كتسناو نوصفها ليكم.
هي بنت زوينة شعرها رطب و طويل بطول ضهرها بلون كحل و حروفها كحلين عندها عوينات صغار بحال لوز و شفارها كثيرا و حجبنها حتا هوما وخا الملامح ديلها كيبانوا جديين ولكن عندها لمسه ديال البراءة فعنيها عندها لحناك و طولها متوسط و فورمتها ناضية.

حياة البطلة:

رحاب كتعيش مع ماماها صوفيا؛صوفيا ام بمعنى الكلمة ما مخليا بنتها مخصوصا من حتى حاجة عطيها الحنان الكافي كتهلا فيها و كتبغيها بزاف بزاف و كتخاف عليها ؛و بنسب لبابها فهو ميستاهلش كلمة أب كان قبيح بزاف و كيضربهم على ابسط الحوايج سكيري مقطر و حشيشي ديما داخل سكران لدار و معيشهم فالرعب منين كيدخول رحاب كتسد عليها فبيتها حيت ما كتبغيش تشوفو ماشي حيت خايفة منو غير ما فيها لي يشوفو فديك الحال و تشوفو كيضرب مها و هي مقادرا دير والو و مامها مسكين غير كالسا فالكوزينة و شاد راسها و كتلعن فالنهار لي عرفاتوا فيه اما هو فكيتمرح فالصاله و كيشرب و يلوح فالقراعي و يضحك و من هنا نعرفوا علاش رحاب شخصيتها قوات و فإن وسط عيشا فيه من جنب زوين حيت عندها ام حنين بحال صوفيا و من جيها باها لكيعيشهم رعب

******************
البطل: هيتم 23عام دري معروف بين كولشي ما كيرحمش و لي دار ليه شي حاجة يخلص و قبل ما يدوي معاه شي حد كيضرب ميات حساب و حساب قبل ما يواجهو من لخر حتى حد ما كيزعم عليه حيت عارفين معامن
هو عندو حقو في زين كان عكس البطله ديلنا كانت الملامح ديالوا باردين و فيهم لمسه من ثقة كان شعرو قهوي غامق رطب و كيطلعوا لفوق و عينيه عسلين و شفاروا كتار لحيتو خفيفة بنفس لون شعرو...منين كيشوف فالشمش منعودش ليكم كيف كيولي؛طويل بفورما رياضية.

حياة البطل

بالنسبة لحياة البطل اتعرفوها من هنا لقدام مع القصة.

هذا كان غير تقديم و نتمنى دعم وخا عارف حتى حد ما ايشوفها ولكن كنتمنى و سلام عليكم ورحمة الله وبركاته❤