(ناضت رحاب كتجري و تعرج لبيتها سدات عليها الباب و gلسات فالارض ديره يديها فودنيها و كتبكي...سعيد لي بغى يتبعها تاني ولكن صوفيا مخلاتوش و دار ليها تاهيا يكمل ليها البقية)
سعيد:(كيدفع فصوفيااا )واااا....حيديييي يلعععللل....حيديييي
صوفيا:(حتى هي كدفع فيه او تعاود حتى gلساتو فوق سداري كتشعل ليه فكارو باش يتكالما و هي كترعد و كارهه لوضعية)هاك شد...برد برد
سعيد:(نتر من عندها الكارو و بدا كيكمي و كيصوط)نوضي تهزي عليا من هنا...يخ تفو على كمامر(صوفيا ناضت و عينيها مدمعين طالعه لبيتها مخليا سعيد كيغوت و يعير)...يييخخخ....تفووو كون سمعت لهدرت الوليدة...gالت ليا راك مكاتسويش كون ديت غابنت خالي فين تباني حداها...منهار عرفتك و انا لور لور...اجي يا مي طلي على ولدك و ما دارو فيه...(هز قرع ديال زاج و رمها بجهد)تفوووووو
رحاب فبيتها متكيه على الباب دبيتها و كتبكي بلا حس...بقات على هذه الحال ساعة و زيادة و هي غير كاتبكي...واحد الوقيته بقوة مابكات بلا حسس...شدات صدرها و هي كطلع فالنفس بجهد و غير بزز مشات كتحبو و هي حاسه براسها صافي مبقا ليها والو و تخنق مشات جيهة الكوافوز ديالها و هي كترعد كتحل فالمجرر و هي باقي طيحه فالارض...كتقلب فالمجر حتى جبدات منو vونطولين دارتو ففمها و هي كطلع فنفس غير بزز...)
رحاب:هئئئ(كتنفس بخنقه...و بدات كضحك بالخف)هههه شي نهار انقتل راسي غ بالبكى
*و من هنا نعرفو انه رحاب فيها الضيقه*
(شي واحد كيدق على رحاب فالبيت...وقفت حلات الباب لقاتها ماماها صوفيا...رحاب خبات vونطولين مور ضهرها دغيا ولكين شااافتها ماماها...)
صوفيا:(و هي كتسد فالباب ديال البيت)راني سمعتك ابنتي (جراتها من يديها و جلسو فوق ناموسية)واش بقي مابغيتي تبدلي هذه القاعدة الخيبة...راك مريضة ابنتي تكيسي على صحتك
رحاب:(حطات راسها على كتف ماماها)هك كنرتاح ا ماما متخافيش عليا راني مكنموتش ههههه
صوفيا:(بصوت فيه البكية)سمحي ليا ابنتي سمحي ليا
رحاب:(هزات راسها كتشوف لماماها فعينيها)علاش مالك اش درتي ليا؟
صوفيا:ما جيتش بكري نفكك من باك...(كتمسح ليها فراسها)قصحك ابنييتيي ياك
رحاب:(بابتسامه مصطنعة )لا اماما متقوليش هكا انتي ما درتي والو...غتباتي معي اليوم؟
صوفيا:(تكات فوق ناموسية و حداها رحاب كتلعب ليها فشعرها)اااه
رحاب:(كتشوف فسقف)قولي ليا ا ماما كيفاش عرفتي بابا
صوفيا(ابتسمت)باك كنت كنعرفو من ايام الليسي كان فشكككل على دبا
رحاب:كنتي كتبغيه؟
صوفيا:ااه كنت كنموت عليه ههههههه
رحاب:و هو؟
صوفيا:حتى هو...كان...كان...
رحاب:مالكم وليتو فحال هكذا...اش تر
صوفيا:مكين والو ابنتي
رحاب:(ناضت من فوق صدر ماماها كتشوف فيها):لا اماما كاين..كاين..انا من ديما كنسولك و معمرك بغيتي تجوبيني ولكن اليوم انا بغيت نعرفف كولشي....كولشي عليك اماما و على عائلة بابا و عائلتك لي عمرتي شفت ولا عرفت
صوفيا:(تنهدات و هي كتشوف فسقف بعينيها لمغرغرة بدموع...كتفكر ماضيها و ما داز عليها)اش نgليك ابنتي باااك كان احسن راجل عرفتو فحياتي...كان كيبغيني و يخاف عليا عمرو كان يهز يدو علياا ولا يغوت عليا...تجوزنا على سنة الله و رسوله سكنت معهم فدرهم بحكم باك مافحالوش و معندنا فين نسكنو...كانت ماماه الحاجة مليكة الله يسمح ليها مكتحملش فيا الشعره...من نهار سكنت عندهم ما شفت النهار الزين....ماخلات ما دوزات عليا من سبان من عصا...كرفساتنيي..ومنين كان يجي باك كتعمر ليه الراس و تكدب عليه...ويجي يكمل عليا ما بدات مو...صبرت على هدشي حيت كنت كنبغي باك...صافي حتى بديت نعيا و صبري تسالا معاهم و معاملتهم ليا...حتى عرفت راسي حاملة بيك فرحتت بزاف و كان عندي أمال يحنو فيا...ولكين(تنهدات بحزن و كملت هدرتها)عاد ما زادت مو جهلت و زاد كرهها ليا لدرجة...لدرجة..
رحاب:(عينيها عامره دموع...و دموعها على طرف شفارها...كطبطب على يد مامها و كتحرك ليها راسها باش تكمل ليها اش كاين...)
صوفيا:لدرجة مو و بنت خوها خططو باش...(ماكملاتش كلامها...حتى قاطعها سؤال رحاب على شكون هد بنت خوها لي كدوي عليها...جوبتها صوفيا بكلامها..)بنت خوها سيهام كانت هي سباب كره جداك لي...كانت بغية تزوجها لولدها حتى خرجت ليها انا فطريقها...كانو كيتسناو الفرصة لي يتهناو فيها مني...بالحقد و الغيرة لي فسيهام تأمرو عليا هي و جداك و عمك توفيق...درسو خطتهم مزيان تافقو مع توفيق باش......)
#فلاش باك:
(كانو gالسين فبيت الحاجة مليكة و كيتهامسو بيناتهم...)
سيهام:خالتي اليوم بغيتت نتهنى من هد الفعى من نهار جات و حنا فالمشاكيل و الصداع...
مليكة:(حاطه يديها فوق كتف سيهام كطبطب عليها)اليوم نتهناو منها ومن داكشي لي فكرشها
سيهام:خالتوووو و كيفاش؟؟
مليكة:(جبدات تلفونها من تحت وسادتها)بلاتي دبا تشوفي..
توفيق:(كان gالس فالباكو لبس تريكو سماطي بيض مع شورط باج و داير جوان ففمو كيكمي حتى تلفون نوكيا ديالو بدا كيفيبري فوق الطبلة...هزو لقاها مو كتسوني تقاد فجلسو... و دار تلفون فودنو)الو الحنانة ياك لباس مالك كتصوني؟؟
مليكة:طلع عندي للبيت دابا (قطعات كتسناه يطلع...مكاملاش دقيقة كان عندها فالبيت...غير شافتو سيهام بقات كطلع و تنزل فيه محاملاهش...شاف فيها و غمزاها و مشا gلس حداها)
سيهام:(كتبعد من حداه)خالتووو واش ضروري يكون معانا هذا ( شيرت بصيعها جيهتو)
توفيق:(بالخف شد فصبعها باسو ليها...)اااه ازين انا معاك ديما
مليكة:(ضربات بعكازها للأرض)توفييييق ماشي وقت هدشي
(شاف فمو بنظرة استفهام كيتسناها تgوليه فاش محتاجه و لاش مصونيا عليه...)عيطت ليك على قبل مرت خوك
توفيق:ضرب برجليه بعصبية)تاني الوليدة نفس الموضوع ما عيتييششش...ياك انا gلت ليك باغي سيهام علاش بقى مصيرة تعطيها لخوي سعيد
مليكة:انا سيهام لخوك بغيتها
سيهام:(نقزات من من بلاصتها كدوي)ااه ا خالتو تا انا بغيتو
توفيق:(كي الحمار تقولو موكلاه فار ميت)لي تبغي ا حبيبة بغيتو
(سيهام كتشوف فيه باشمئزاز حتى دوات مليكة مستغلة الوضع )إلى كنت اولدي كتبغيها لهد الدرجة بغيتك تعونا فواحد الحاجة
توفيق:ااه الحنانة على وديتها نشرب ماء البحر
مليكة:شوف.. اليوم جاي معطل من الخدمة بغيتك توهمو انك عشيق مرتو و ببنتك هي حاملة
توفيق:ااه...و كيفاش؟؟
مليكة:انت غتكون فالكوزينة كتسنا...سيهام اتجيبها حتل عندك
توفيق:وعلاش فالكوزينة بالظبط البيت حسسن
مليكة:اول حاجة كيديرها خوك فاش كيدخل الدار كيدخل للكوزينة يشرب الما
توفيق:(كيحك فشعرو و كيضحك)وليني راك عفرية الوليدة
YOU ARE READING
شجاعة مني بدات كلشي(بالدارجة المغربية)
Romanceعام جديد لرحاب فليسي جديد اول لقاء ليها معه و شجاعتها كان سباب لغدي يبدل ليها حياتها و يعيشها فشي حوايج عمرها توقعاتهم...
