شجاعة مني بدات كلشي(بالدارجة المغربية)

اول لقاء💫

كانت رحاب ناعسة و غارقه فاحلامها و عالمها حتى حسات بأشعة الشمس كتضرب فعينيها حركات عينيها بنزعاج و هي كتحاول ترجع تنعس و لكن مقدراتش و فاقت مخنزره

رحاب: تفوا ما نعسوا على خاطرنا منفقوهش على خاطرنا(تلفون كيصوني) ها لي بقا ناقصني على الصباح...الوا صافا؟مالك معيطه على صباح؟.....اااه واخا تهلاي.

توجهات لحمام دوشة و لبسات كسيوا فوق ركبتها بلون بيض وخلات شعرها مطلوق هبطت لتحت عند ماماها لقتها كتوجد الفطور بتسمات ليها و قالت:

رحاب: صباح لخير ماما كيف صبحتي مزيان
صوفيا: صباح نور بنيتي؛بخير الحمد الله(وهي كطلع و تهبط فيها)خارجا لشي بلاص؟
رحاب:(و هي كتخطف فالزيتون من طبسيل)اممم خارجا مع حياة
صوفيا:اه اوا ردي لبال لراسك و رجعي قبل ما يجي باك
رحاب:لا لا مكاين لاش توصيني عارف اجي بعدا دار ليك شي حاجا البارح؟!!
صوفيا: لا جابوه شي صحابوا بقى ناعس فقت ما لقيتوش
رحاب: (قالت بشوية) مشيا بلا رجعا انشاء الله
صوفيا:اسمعتك اهاديك العفريته
رحاب: انا خارجه بسلامة

(خرجات مشات تلاقات مع حياة دوزوا نهار زوين صحبتها خلاتها تنسى كلشي و تفاجي عليها و صلات الساعة لسبعة و خصها ترجع لدار نيت تgلس شويا مع مامهاها قبل ما يجي باباها و يحرمها عليهم دخلات لدربهم دازت لحانوت شرات زريعة و كملات لدار و دخلات)

صوفيا:جيتي بكري اش ترى يكما تخاصمتو تاني؟!
رحاب: لا لا غير بغيت نgلس معاك شويا قبل ما يجي ...مهم جبت زريعة هههههههه نتحتو شويه

(بقاو كيهدروا و يضحكوا حتى بدات الاخبار زادت صوفيا صوت كانت المديعة كتعلن على الموسم الدراسي الجديد)

رحاب: واااا بدينا عوتاني
صوفيا:اوا صيف دغيا كيدوز و لقرايا بقى ليها خمسيام ههههههههه
رحاب:ضحكي ضحكي عليا هههههههه
صوفيا:عنداك ابنيتي ديري ليا بحال لعام لي فات راه عندك لباك دبا خليك من لعب و قابلي قرايتك الله يرضي عليك بزز لقيت ليك ليسي جديد و قبلو ابزز
رحاب:عفاك اماما بلاش ما ندويو على هدشي دبا و راك عارفا مزيان هيا لي جبداتني و من لول ديال لعام و هي كتلح عليا و لكن صبرت حتى عيت منين جات و ... (قاطعاتها ماماها)
صوفيا:صافي ابنتي انا عارفاك ماشي غير جيتي و ضربتيها و لكن راه كانت سبابك باش جراو عليك لحمد الله خلاوك حتى كملتي لعام

فلاش باك

(كانت رحاب كتمشا هي و صحبتها حياة فساحه مور ما كملات الحصة)
رحاب:وااا اخيرا جوج سوايع ديال الماط دازت تقيلااااا و الملل و داك الاستاذ حتى هو ما بغاش يسكوت لحصة كامله
حياة:وفري طاقتك شويه ره بقا لينا واحد جوج سوايع خرا ديال svt احنينتي ههههههههه
رحاب:ياربي ما تجيش ديك خيتي
حياة:(كملاتها بضحك)امييين من فمك لباب سما
(بقاو ضاحكين حتى بانت ليها صباح جايا جهتهم هي و جوج صحباتها موراها)
رحاب:ها لي بقى نقسني فهذ صباح
صباح:(وصلات و وقفات قدامها و هي كطلع و تهبط فرحاب و هي تgل لصحباتها ) بنادم مدلول تابع دري لكنبغي و هو ما معبروش
رحاب:(دارت كتشوف فحياة) اشمن دري كدوي عليه هذي تاني ههههههه
صباح:راك عارف شكون ولا ديرا راسك معارفاش مسكينه غير جيت و ظلمتك
حياة:(قالت ليها بشويه) كدوي ليك على عمر
رحاب (طلقاتها بضحك و شافت فصباح و دوات معصبه)واش ما عندك ميدار مقابلاني غير انا فهذ ليسي قليني عليك و عطيني تساع اصلا عمر ديالك هو لي كيدور بيا و انا محساش به حيت حاجة متالك معندي مندير بها حيت كلها ملاوط
صباح:انا بزاف عليك ابنة سكيري
رحاب:(هزات فيها عينيها و دوات مابين سنانها)عاودي اش gلتي
صباح:مالي كدبت ياك باك غا سكيري و حشيشي و ديما مسيفطك زرقة بلعصى للمدرسه يعلم له اش كيدير ليك تاني و هو سكران و حنا ما فراسناش (وختماتها بضحك مستفز)
(رحاب صافي مور ما سمعات هدشي و الليسي كولو كيسمع وو صلات ليها لعظم ديما كتسكت ليها ولكن باش تفوت حدها محسات براسها حتى عطاتها كروشي لوجه طيحات بيه صباح للارض تلاحت عليها و هي كتكروشي فيها حتى دم بدا كيطشطش)
رحاب:(كضربها و كتgول و تتفكر gاع داكشي لي دوزات عليها و هي ساكتا ليها) هادي حيت كتمدي يدك عليا....و هادي حيت كتجبدي ماما على فمك... و هادي حيت كنتي كضحكي فيا بنادم ... و هادي على هذ لهضرا لي gلتي دابا....و هادي...(يلاه بغات تكمل هدرتها و هو يدخل بناتهم استاذ الرياضة و فارقهم و صباح وجهها كل دم دوها هي لطبيب و رحاب للادارة)