[Unicode]
"ပင်လယ်ဆို! ပင်လယ်ရော? ငါတို့ကိုလိမ်ခေါ်လာတာလား?!"
ရှုပမ်းက သူ့အိတ်တွေကိုဆွဲလာရင်း၊ ကျယ်လောင်စွာအော်မေးတယ်။ဝမ်ဘင်းဘင်းက သူ့နားရွက်ကိုလိမ်ဆွဲလိုက်ပြီး
"ဘာတွေအော်နေတာလဲ? နေရာတောင်မရောက်သေးတဲ့ဟာကို!"နှစ်ယောက်အော်ဟစ်နေတုန်းမှာပဲ၊ သူတို့ဘေးကိုကားတစ်စီးထိုးရပ်လာတယ်။
ခပ်ဟော့ဟော့ဝတ်ထားတဲ့ အသားညိုညိုကောင်မလေးတစ်ယောက်ဆင်းလာကာ၊ ဝမ်ဘင်းဘင်းကိုပြေးဖက်တယ်။"ကောင်မလေး၊ အစ်မတော့ လေယာဉ်ကွင်းဆီသွားတော့မယ်။ ကားမောင်းတတ်တဲ့သူပါရင် ဗီလာဆီတန်းမောင်းသွားလိုက်နော်!"
တစ်ယောက်မျက်နှာတစ်ယောက်ကြည့်နေတုန်း၊ ယန်ထန်ကလက်ထောင်ပြတယ်။
"ကားမောင်းလိုင်စင်မရှိရင်ရော?""ဘာမှမဖြစ်ဘူး! ဒီလိုနေရာမျိုးမှာ ယာဉ်ထိန်းရဲရှိတာမှမဟုတ်တာ"
ဝမ်ဘင်းဘင်းရဲ့ဝမ်းကွဲက အတော်တက်ကြွတယ်။
စကားအနည်းငယ်ပြောပြီးနောက် ကားငှါးကာ လေဆိပ်ဆီထွက်ခွါသွားတော့တယ်။ယန်ထန်က သူ့နောက်ကလူတွေဆီလှည့်ကြည့်ကာ
"ငါ့ကိုယုံပြီး ကားပေါ်တက်ကျစမ်းပါ"ဟယ်ရှင်းချွမ်က ကားမောင်းသူနေရာရဲ့ဘေးခုံပေါ်အမြန်ဝင်ထိုင်တယ်။
ကျန်နှစ်ယောက်ကလည်း နာရီဝက်စာခရီးကိုတွေးမိသွားပြီး၊ ကားပေါ်ဝင်ထိုင်လိုက်ရတယ်။ယန်ထန်က ဆိုင်ကယ်လည်းစီးတတ်တယ်၊ ကားလည်းမောင်းဖူးတယ်...ဒါပေမဲ့ နောက်ပိုင်းကျတော့...
"ထန်ကော? ထန်ကော?"
အသိစိတ်ပြန်ဝင်သွားတယ်။
ဟယ်ရှင်းချွမ်နားတိုးကပ်သွားကာ ခါးပတ်ကိုတပ်ပေးလိုက်ပြီး
"နောက်တစ်ခါ ခါးပတ်ပတ်ဖို့မမေ့နဲ့"ကားစက်နှိုးပြီးနောက် လမ်းပြကောင်မလေးရဲ့အသံကိုအာရုံစိုက်ရင်း၊ လမ်းမပေါ်တက်လာခဲ့တယ်။
ဟယ်ရှင်းချွမ်ဟာ ခါးပတ်ကိုဆုပ်ကိုင်ထားကာ၊ ယန်ထန်ကိုခိုးကြည့်နေမိတယ်။
ထန်ကော တစ်ခုခုဖြစ်နေသလိုပဲ?
ရေလွှာလျှောစီးဘုတ်ပြားဆိုင်က ပင်လယ်နားမှာ။
ဒါပေမဲ့ သူတို့တည်းမဲ့ဗီလာကတော့ ကျွန်းရဲ့အတွင်းပိုင်းထဲမှာတည်ရှိတယ်။
YOU ARE READING
Hedgehog And Tiger [Myanmar Translation]
RomanceTitle-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!